寶豬仔's Profile

好耐無食日本料理，今次來到呢間位於銅鑼灣嘅竹串日本料理店，一於食反夠皮！先黎左個三文魚籽軍艦叫得軍艦當然會有返咁上下質量～上面嘅魚籽，每粒都吹波可彈，流出濃濃嘅魚油香，令人為之一振！味道同層次都屬於上級慣左每餐都有米落肚，同時滿足埋我最喜愛嘅鰻魚，鰻魚炒飯鑊氣好夠加上炒嘅時候落鰻魚汁，令成個飯都充滿醬汁香，鰻魚無骨可以仲大啖大啖食，只係食完都唔多夠喉因為日式料理嘅王牌一定係刺身，所以去到日式料理店無叫返個刺身真係等同無食過日式料理對此，我目光集中係池魚身上，肉質緊緻，鮮甜無比，亦都食唔到有腥味，視覺同味覺上都係優勝～絕非池中物第一次嚐鮮遇上池魚，就深深愛上呢種刺身，上網搜尋左一下，發現池魚原來係細細條，一條魚只有幾塊嘅珍貴刺身～～！！…Read More

忙完一輪終於有長假放～但屋企嘅遊戲唔足以慰藉我空虛嘅心靈，所以去旺角物色一堆順便係附近食個晚飯再反屋企大戰途經一間西餐廳，門口望落好有氣氛就比佢吸引左入去店入面嘅裝修佈置以船艙設計，牆上擺滿海圖船舵等等，更加有氣氛前排食過一次黑毛豬之後驚為天人，所以今次見set dinner有炭燒西班牙黑毛豚架，二話不說就點咗落去先上頭盤法國鵝肝～鵝肝美味之處在於佢入口即溶，仲有淋係上面甜甜既蜜糖，又甜又香，可惜係火候控制方面，表面煎得老咗少少伴鵝肝仲有沙律菜，蔬菜新鮮爽口值得一讚，不過黑醋有啲酸餐湯牛肝菌忌廉湯，忌廉湯有淡淡嘅黑松露香味又唔會好嗆，湯入面仲有好多牛肝菌肉，同鵝肝一樣入口即溶，味道甘甜軟滑值得一試期特左好耐既主菜黑毛豬架終於隨住飄香上枱～肉質結實肥美，啖啖都充滿油香肉味，仲有微微既甜味，非常美味最後一個跟餐甜品芝士蛋糕作終結，食飽飽反去大戰360個回合…Read More

好耐無食台式火鍋，聽聞有間係台灣好出名嘅火鍋黎左香港開需業！梗係要試下啦～一黎先揀湯底，麻辣湯同昆布湯，想試哂就梗係嗌個鴛鴦鍋啦～台式麻辣湯最大分別係香度同辣度，唔會一味死辣，多一份香味，以往食麻辣湯湯底會愈煮愈苦，店員特別同我地講，湯底係同蔬果熬成，湯底滾燙之後將火力調低就可以避免變苦。而「麻神」名菜果凍鴨血，鴨血嘅口感的確好綿滑多汁，湯汁嘅香味，整塊鴨血唔會腥臊，的確唔錯就只係份量少左啲蜂蜜檸檬水裡頭有唔少爆珠，口感唔錯，咬開後係荔枝味果汁，都幾得意蘿蔔片無論放係邊種湯入面都好適合,又薄又長嘅蘿蔔片吸飽湯汁但依然清脆，尤其放係麻辣鍋，味道更加香惹～魚皮餃同韭菜餃都好好味，韭菜餃唔會有太大陣味，而且皮薄餡靚，最鐘意係昆布湯煮熟之後先放落麻辣鍋入面過一過，更加香口又唔會太多湯味仲有冬天的冠軍牛小排同黑毛豬肉，牛小排放係湯度輕輕淥熟，之後再放係碗度淋熱湯，嫩滑唔會嚡，又有牛肉原汁原味，勁好食豬肉我唔敢用牛小排既方法淥熟，但橡果級一聽就知係好野啦！非一般豬肉無膻味，仲多左份麻辣湯都蓋唔過既果香同肉味！直頭係豬中嘅冠軍走高檔路線嘅麻神由於坐位太舒服，又有得叉電，勁適合一班朋友一齊黎打下牙骹，個個都坐到唔願走～…Read More

悠閒嘅一日，過黎觀塘行下街，掃下工廈，買下平野，但過到黎已經過左午飯時間，好多餐廳都只推出下午茶餐，好彩搵到呢間The BASE，再嘆埋個悠閒嘅一餐再行望一望餐牌，選擇唔算多但都好似唔錯咁，叫左個韓式牛肩肉中東烘包配蕃薯條，再叫杯Rich chocolate 慢慢食蕃薯條屬於薄身，蕃薯甜味唔太突出，只係食到脆卜卜不過個中東烘包就真係要試下，包烘到好脆口，唔太淋又唔太硬，醬汁唔多，食到香味但又唔會蓋過牛肉，主角牛肉嘅油香認真好味，至今一諗起都流哂口水～Rich chocolate 同我想像中有啲出入，奶泡多左啲，若果撈均左既話會甜左少少，不過都勝在夠香滑，朱古力味都仲有掟企悠閒嘅一日，係充滿悠閒氣氛嘅The BASE嘆個包，叉叉電，做完個輕鬆快活人，再去行街認真逍遙～…Read More

聽朋友講銅鑼灣有間日本料理店好新鮮好正,價錢都好公道合理,而且望落都非常吸引,反正同個同事係附近做完野收工,就決定去“享受“一下~！！原本都唔係好熟呢頭既路,打開GPS引路,就係站口附近唔遠,位置都好方便！而且一去到附近就見到大大個牌,一望就見到係邊。入到黎見到成個餐廳格局都好簡潔整齊,又唔會有平時日式餐廳果種臭味,成個感覺同氣氛都相當好~店員亦好用心咁同我地介紹今日有邊種魚新鮮運到,不過對我呢D左耳入右耳出既人黎講,一切徒然,所以都係揀自已鐘意既。打開餐牌,各式各樣既壽司,刺身丼林立,所有常見既海鮮到日本產地直送既鮮魚盡有,對於選擇困難既我黎講,真係花好多氣力先揀到。雪花霜降既大拖羅刺身~可以話係刺身之王~所以我都唔點醬油直接食佢既鮮味,花紋精美既魚肉肉質嫩滑入口即溶,油香散發哂出黎,但食落一D都唔覺得油膩,而且超香醇。同事解釋話因為大拖羅有大約80%既油份,如果口腔夠熱既話真係會成塊溶係口入面,而且成個部位魚筋好少,直頭軟滑到可以用筷子夾斷。拖羅刺身每塊都厚到可以企係度,厚肉大塊價錢公道CP值超高！！講到性價比,特選海鮮井都味話唔抵食！係井飯上面有十幾款魚生,而且樣樣新鮮好味,一個價錢食勻十幾款魚,超值之選。左口魚裙邊,魚油豐富有咬口,咬落又爽又甜,香甜既魚油慢慢滲出,濃郁甘香。特大赤海蝦同平時食既甜蝦口味完全唔同,有咬口有質感,仲充滿蝦肉鮮味,而且大大隻超滿足！飽魚雖然唔會用黎做刺身,但都係王牌之一！厚肉飽魚質感好好,咬落仲有少少漿住既感覺,再有醬汁加持,味道好圓滿~油甘魚刺身厚肉程度唔輸比吞拿魚！淡淡甘甜既油甘魚刺身,每啖都充滿著魚油香氣,厚切魚肉仲有獨特清爽口感！黃腳立食得多,立魚刺身真係好少食,但估唔到赤立刺身口感會咁好,立魚魚生口感爽脆,細嚼起黎會有好鮮甜既魚肉味同些少魚油甘香味,味道鮮美又獨特。仲有魚油最多既三文魚腩同三文魚籽~魚腩肉質綿滑食落成口都魚油香味,三文魚籽皮漙,一咬就爆開,魚油滲哂出黎,呢個三文魚油親子真係超正！入口即溶既大拖羅,香口綿滑又好味既吞拿魚碎,咬落爽口彈牙既赤貝都唔少得！好味又抵食。最後仲有我覺得係成個海鮮井暖美味既赤身同加拿大海膽,海膽同平時食既日本馬糞海膽味道明顯唔同,更為醇香綿滑,而且整個更加鮮味,但就冇左果個充斥成個口腔既味道。而赤身同拖羅都同為吞拿魚,但赤身比起黎肉質彈牙而且魚肉味極濃,鮮美到爆,之但係就冇左入口即溶既口感同魚油香。叫得做丼當然唔少得粒粒分明又黐立立既珍珠米啦！成個海鮮丼既刺身同拖羅我都冇點醬油食,因為醬油會破壞刺身既鮮味,但飯就咁食既話會好寡,但落醬油食又會太鹹,呢度仲有隻叫櫻花汁既醬汁,撈飯食唔太鹹,但又好鮮味,更加好味淨係食刺身同丼飯緊係唔夠,都以我地都叫左2隻星鰻壽司黎食,一人一隻原條星鰻好長,但比起鰻魚飯用既鰻魚會細條少少,味道依然好食又抵食。我朋友果然冇講錯,家賀屋既刺身的確好新鮮美味,而且仲有由日本築地新鮮運到既魚,下次一於挑戰魚生淨食~！海鮮丼跟餐仲有日式蒸蛋同味噌湯,質素都係有保證！…Read More

豆腐花呢樣食物又滑又香，我一直都幾中意食，不過好既豆腐花店都比較少，所以我泥泥去去都系食個幾間。去親荃灣我都泥呢間食豆花，最中意就系黑豆味，因為豆味比較濃，黃豆就冇咁出色。呢間豆花都幾實淨，唔會太散，價錢又幾平，堂食凍都唔洗$10蚊，咁既價錢統對可以一試。…Read More

最愛芒果既我點可以錯過芒果食品，呢間大杯芒果汁絕對係我既心頭好！芒果汁既份量真係幾大，比連鎖店更抵飲，只系芒果味道唔夠鮮，多係糖水味，不過味道都可接受既！沙冰份量唔多，不過幾好味，抵飲首選阿！…Read More

雪糕可以話系我既主食，呢間手作之店都系我既雪糕名單之上！今次試左豆腐味同阿華田，我覺得豆腐味系手作先做得最濃味，味道夠香，食落清淡得泥又唔會過淡。阿華田都唔錯既，香濃既阿華田味好似飲緊一杯杯阿華田咁，抵食。…Read More

呢個雪糕店絕對系我第二個家！每次到西九龍我都會泥會一會佢，今次我就簡左$12/5球，有柚子味、益力多、榛子朱古力、綠茶同埋蜜瓜。柚子味就要額外加$4先食到，感覺唔太抵，不過味道又幾清新。雪糕入面有柚子皮既粒粒，一邊食雪糕再加埋柚子皮幾有口感。益力多味都要額外加$2，不過為食既我已經豁出去！益力多雪糕質地比較黏，食落唔算太甜，益力多味都突出。朱古力幾濃，唔系死甜，都推介。綠茶味都幾岩綠茶控，茶味夠又幾香，唔借過重甜味同奶味。蜜瓜就有陣陣清甜味，食落幾清涼。…Read More

今日午餐又系唐記解決，呢次叫個鳳爪排骨飯再加$3.5要左包綠茶。我覺得都算幾抵食，飲品平日最平都要$4先有交易，呢到買飯配埋飲品又平蟹小小，唔錯。飯都係$25就買到，蒸飯泥講都可以接受。配料既鳳爪有2隻左右，醃得算入味，皮都幾軟。排骨都屬於瘦，肥膏唔多，但肉既份量小。調味唔突出，都系要靠附送既蒸飯豉油加味。成個飯不過不失，平日頂下肚幾方便又唔錯既！…Read More

一日之晨,早餐要食最豐富呢個已經係老生常談,同個朋友係銅鑼灣打完波比佢拉左去食野,去左食韓國菜。翻翻餐牌見到最近好興既all day breakfast,醒起老生既一句,就一於試試佢,打完波食反個豐富早餐,雖然已經到左晚飯時間。韓式紫菜手卷,同日式最大分別應該係佢會落調味同用熟食做,味道比較濃,材料都算多,都幾好食~淨係食肉冇益,菠菜就岩岩好,菜葉嫩口,而且有豐富營養同礦物質,打完波食岩岩好~醃蘿蔔係屋企都成日食,不過韓式既就好少,辣辣地同帶少少鹹既醃味,加上蘿蔔本身既味道同口感,感覺都幾趣緻,不過就冇得用黎餸飯。脆卜卜煙肉幾香口,不過食左幾啖之後覺得熱氣所以冇食落去。海鮮煎蛋,用韭菜蝦同小元貝一齊煎蛋,口味獨特又有肉咬下幾得意~以早餐黎講都算幾豐盛,只但係以岩岩做完運動黎講唔太夠填肚,所以叫多左個面黎食。 呢個韓式清湯牛肋粉口感上比較近似清湯腩瀨,牛肋肉爽口彈牙而且肉味濃比起一般腩肉好食,粉絲亦都好彈牙,一條條彈性十足唔會一夾就碎。另外我地都叫左2個小食,其中一個係軟殼蟹,凍食既軟殼蟹浸係洋蔥同蒜汁交集既汁入面,完全吸收哂香味,趁早食仲可以咬到炸多既果種香脆感,而且完全食唔到油壓味,蟹香加蒜香幾好食。另一款係炸魚手指~仲有脆甜薯條,香甜既炸番薯條仲有茄汁同2種特色醬可以點,分喇有泡菜味同芥未味,不過我覺得甜番薯本來已經好好味唔洗再點醬食。仲有大大舊既炸魚,金黃香脆既外皮入面係白雪雪嫩滑鮮甜既魚肉,再點上佢既絕配茄汁,味道一流小食中既王牌~最訓流行健康飲食,我另外仲叫左杯五味子茶,五味子對心肝脾肺腎發揮平衡作用,對我呢d成日捱夜又失眠既人黎講非常有用。…Read More

以往食親pizza都要三五成群先敢去食,因為好飽肚,今次同個朋友黎呢頭整完野之後食個野先走。我地叫左2人餐,頭盤係湯沙律,第一次食芝士沙律,沙律菜加芝士,味道有少少唔太夾,不過巴拿馬火腿幾好食~食西餐,有餐湯可以話一定,意大利雜菜湯,即係羅宋湯。酸酸辣辣唔重口,幾開胃,調味唔會太濃。芝士海鮮焗飯既芝士汁唔會太膩,幾易入口又唔會乾,海鮮份量都算多,拎黎飽肚都幾好,唔太差。主角海鮮pizza~批邊芝士波幾好食,有咬口芝士味又夠,不過最好趁仲熱脆卜卜食,凍左冇咁好味,pizza既味道幾有層次,香味辣味芝士同海鮮既配合又真係幾邪惡。。。…Read More

每次黎到深水埗既西九龍美食廣場,經過呢間店都會聞到香噴噴既川式香麻味,今晚屋企冇飯開,一於就試下。叫左呢個水煮田雞,所有醬汁都係即叫即整！而且超香,未食都已經流哂口水。打包反到屋企,一打開盒蓋,香麻味再一次衝擊我既口水,只不過香味夠,不過入口冇咁強烈同埋都係辣左少少,而田雞份量都幾多,大大隻好多肉,飯既份量都好多,足夠一餐有餘！…Read More

譚仔一直都係我常食既餐廳之一,皆因佢開到成卷成市,緊有間係左近方便快捷又便宜,車仔面式揀食咩餸,又有幾隻湯味可以揀,今日黎經奧海城,都係揀左食佢,幾個人坐埋一台食下面飲下野吹下水幾志在。我食雞肉麻辣十小,雞肉幾嫩口鮮甜,麻辣湯好香不過都係辣左少少,米線唔會一咬就散,又抵又好食,仲開心share人地既炸醬,豐富~…Read More

系奧海城想食餐晏真系唔容易，撞正放飯時間邊到都冇曬位。我地由奧海城一直搵，最後泥到海富商場先有小小位可以食野。由於太肚餓既關係叫左個特餐，貪佢有牛油多士同埋奄列，麵就要左個雪菜肉絲紅薯粉。牛油多士我就覺得幾好，烘到微脆既口感，幾香口。火腿奄就爭小小啦，火腿既量只有中心位置既小小，奄列油份都多左d。最後個紅薯粉唔同平日米線店常見個種，睇落有小小似瀨粉，吸唔到湯既味道亦都唔夠彈牙。最後野飲叫左凍檸茶，份量唔多，只系用普通放茶既杯，味道都系偏甜。成個餐$46，都過得去既！…Read More