kaiiing's Profile

今日嘅經歷真係go nuts😡特別係撞正渣打馬拉松攞選手包嘅日子，周圍都係人，餐廳都爆滿。我哋大約8:15pm去到一間餐廳，有個女職員叫我哋喺旁邊等，話last order係9pm，但佢嘅語氣已經有啲悔氣，好似唔多歡迎我哋咁。我哋心諗，既然仲有時間，就等吓啦。點知等到8:40pm，終於有位坐低，但突然有個男職員走過嚟話廚房已經做唔切，唔再接單。我真係想爆粗，咁點解唔早啲截單叫我哋唔好等？大佬呀，果度啲餐廳好多都係9點last order，結果我哋等到最後咩都冇得食，真係火都嚟埋！呢間餐廳平時冇咩人食，啲職員態度好似好好，但一多人少少就即刻變臉，服務態度差到不得了。管理層明顯冇做好安排，廚房同前場完全冇協調，客人等咗咁耐先話做唔切，真係好離譜。如果餐廳連基本嘅服務同管理都做唔好，咁點樣留住客人？希望佢哋真係要好好檢討下。…Read More

今日經過旺角，突然想食魚生飯，上咗去呢間餐廳，我見佢門面幾靚，又咁啱有丼飯食，唔洗等位，於是入咗去試吓。侍應安排咗我哋係一張4人枱，搭枱，隔離位食緊shabu shabu，d熱氣湧哂過來，餐廳冷氣又不夠冷，結果全程熱到出汗。本來想食丼飯，但原來今日冇供應（餐牌上冇寫），咁唯有食刺身啦，嗌咗個三色刺身，非常非常失望，三文魚冇油脂，吞拿魚好似食緊橡筋，另外果隻不知名魚反而好啲。得罪講句，爭X仲好食過佢😓其他熟食唔錯，特別是爐端燒，但環境同魚生真心失望…Read More

是日happy friday，9點鐘收工，去銅鑼灣覓食，來到登龍街頭，頓然患上選擇困難症，思前想後，舉棋不定，從巷尾走回街頭，最終還是決定在這家以龍蝦作招徠的餐廳落腳。安頓以後，點了一份套餐：龍蝦半邊，牛扒一份，沙律少量，薯條一客，不包飲品，盛惠約四百大洋（如上圖）。上菜了，主菜龍蝦倒不怎樣，不過不失罷了，反是牛扒，出乎意料令人眼前一亮，當時點的是七分熟，其煎得外脆內軟，恰到好處，再沾一下自家秘製醬汁，味道配合得天衣無縫。至於配菜方面，薯條新鮮即炸，熱騰可口，沙律一般，但勝在清新減膩。整體來說，雖然主打的龍蝦沒有讓人驚豔，但其餘食物質素尚算不錯。但以此份量和質量，又有點不值這個價錢。…Read More

是日公司請食飯，於是大家在烈日當空下出發去碼頭，當時lunch set有四個選擇：沙律、意粉、肉眼扒和龍蝦，頭盤可以選餐湯或沙律，另包一杯餐飲。最後我選咗餐湯和龍蝦。餐湯忘了影相， 但其實沒什麼好影，只是普通的番茄湯加雜豆而已。至於主菜，就係上圖所見嘅龍蝦了。龍蝦尚算新鮮，單以牛油去焗就足以逼出龍蝦嘅鮮味，只可惜份量太少，龍蝦肉寥寥無幾，兩啖已經食完，於是我唯有慢慢去品嚐那幾舊薯仔和蘆筍，但食完以後，還是沒什麼飽肚感，像吃了陣風似的。撇除食物質素，其實餐廳整體環境不錯，放眼望去，整片維港映在眼前，當日天朗氣清，實在令人心曠神怡，而且餐廳不時晃動，有如置身於船上，倒也別有一番風味。…Read More

又到午飯時間，即刻衝去灣仔呢間飯堂前面排隊輪位。顧名思義，所謂飯堂，即係已經食過無數次，點解？因爲佢cp值實在太高了。平均一個日式午餐連野飲盛惠50個大洋連加一都唔洗，仲要坐得舒服，上菜速度亦算快，你話呢d飯堂喺灣仔金鐘區邊度搵喎。下面呢個係我既至愛，佢食法好多，個人覺得加入蛋黃醬同白醋最好味可參考食法：其餘既午餐系列 （排名不分先後）：（注意：下面呢個台灣擔擔麵有點怪怪的，鍾意麻辣嘅朋友或者OK）另外晚餐亦試過一次：…Read More