素食鹿's Profile

由於我份工放9點，次次放工都冇咩野食好簡，加上我本人食素就難上加難。今晚早佐放，就行遠少少去佐依間試我叫佐豬骨拉麵，我男朋友就叫佐明太子乜乜乜拉麵（唔記得佐）我同個waitress講我個碗要走叉燒時，點知原來拉麵店個老闆娘就係我隔離。唔單止幫我走肉，仲特別為我整佐一碗多菜既拉麵！我超感動～麵本身都夠彈性，另外加佐個D紅色一條條（？）好開胃值得一讚既係個糖心蛋，可能D食肉既人唔覺，但我依D食素既人就食得出，個蛋本身一定調過味，我去過銅鑼灣第D拉麵店食糖心蛋，佢地個D淡某某，冇驚喜，依個就好入味！另外佢杯水一定唔係水喉水，我出街食飯好少叫野飲，除佐茶之外好多時D餐廳都係比水喉水人飲，飲完FEEL到喉嚨會唔舒服好KOK，但達磨杯水係甜D滑D，飲佐真係解到渴，係心理作用定係佢地真係有落過苦功呢？？？我走個時老闆娘仲同我講佢地好快會推出素菜湯底，叫我再去食<3我好少寫食評，（咁耐寫過一次咁大把）但我真係比依間拉麵店感動到！因為我依D食素既人，係銅鑼灣依區番工，出去食一個飯叫走肉就真係得白飯，叫外賣加菜就貴成10蚊，我真係估唔到我依D咁煩既食客會有咁貼心既待遇雖然達磨唔係乜野好特別好新奇既拉麵店，但佢真係一間用心做食物既餐廳。當然大前題係我同我男朋友都真係覺得佢D野好食先會特登上來寫食評啦～哈哈～:)PS 佢地仲有好多素食既小食～岩哂我依D煩人同減肥小姐，但我今次好飽，下次再試！…Read More

今次係我第一次寫食評。星期六又係我同男朋友既自由時間～依排唔知咩事超想燒野食但2個人冇理由即刻去買炭買燒烤叉依樣個樣架MA所以就上OPENRICE搵到依間燒烤鋪喇睇食評都好多喊不過2011年都係笑多過喊，所以都去試下～一去到，成條街泊哂車不過個度都有好多車位落佐車就等位，超多人。等佐15分鐘到，就有位喇。本來我地勁開心。咁多人都咁快有位。點知。。。入到去點完野食個時9:00pm9:32pm摧佐一次到9:46pm終於都來喇！！味道：由於等太耐，所以好肚餓咁食佐一粒先影相覺得好好食呀～又夠味～又唔干好快咁食完4粒之後又係等等等。。粟米超甜超好食～我男朋友不嬲好憎食粟米，佢都食哂一節～其實我好怕食燒既粟米，因為通常好痴牙不過佢地燒到唔痴牙仲好多汁反而後面個飯團就痴牙到無朋友。。。之後就係期待佐成晚既燒茄子真係好好味！好夠味又唔會太咸！由於我唔食蔥，所以片走哂，但都一樣好夠味！good！我男朋友有茄子恐懼症都同我爭食仲有佢叫個個田螺係最早來既野食（我一路睇佢食一路等）佢都覺得好好味，$30大大碗成晚最差係個芝士燒定焗西蘭花D西蘭花似就咁滾熟加 garlic 仲要燶佐同D芝士係cheap到死個D一句“唔襯”形容佢同埋唔抵，要成$29我地仲叫佐翠肉瓜，四季豆，土豆，娃娃菜同南瓜不過所有野都一樣味有少少食飽就算既感覺。我男朋友叫佐既鰻魚飯團都唔多得佢話同我個個淨飯團一樣味，仲要貴D。所以我下次再來食都唔會當佢係晚餐，會宵夜先去食因為好濃味同樣樣一樣味，個感覺似掃街仲有等到餓死都未有得食夜D我地差唔多走個時隔離個對情侶點D野來得超快唔知係唔係因為夜佐冇咁人多，定係一早燒好哂D肉環境：除佐個toilet嚇死人之外都算係咁雖細不過坐得都算舒服服務：除佐等N耐同講野大聲之外都算OK因為佢地忙到同我地冇交流！不過收碟收得好快手，唔會阻住唔夠位放。我下次都會帶D朋友來～不過一定唔會當正餐！！…Read More