lazysandy's Profile

經過多次都好似好吸引於是跟同事入去試一下，午餐見到menu 寫烤牛肉，我問左個女職員係咪我自己烤？女職員回答係，會比個爐我，我叫左烤牛，同事叫烤豚肉，兩個叫韓國拌飯，一個泡菜湯飯！先黎兩個拌飯，飯量非常少，兩位男士當然都唔會好飽！再黎泡菜湯飯，同事話正常，無話特別好食，但再黎成數唔高！之後上左兩個狀似吉野家牛肉飯，飯很少，我好愕然，我問返個女仔，唔係我自己烤咩？佢話烤牛肉飯唔係！我同佢講，我頭先係指住個餐牌問你，你答係噃！佢話可能誤會左🙄我算數，因為我已經預左無下次！我個烤牛肉飯$98🥲…Read More

此店間中都會食，唔算特別好食，只是因為公司附近沒太多韓國鋪，其實食開$75已經貴，點知以家仲貴左，一加就加$5，我比錢個下都愕然，其實以家好多店鋪都有做外賣優惠，佢唔做仲加真係奇巴，就算以前經濟好既時候，最多見過加$3，相信今次係我最後一次吃了！…Read More

午餐買了叉燒燒鵝飯回公司吃，打開擺放得好靚仔，先吃叉燒，是半肥瘦叉燒，不錯很易咬，瘦的部分又不會很韌，肥的部分很好吃但不是肥膏，叉燒汁好好食，不過我自己本人就唔係太鐘意食咁多件肥肉！燒鵝比左脾我，不過得其中一件皮是脆的，其餘都好韌，肉都ok好香不過唔及叉燒好吃!飯量很多我食唔哂！總括黎講很不錯👍🏻…Read More

今日中午係銅鑼灣，於是上網搵間cafe食啦，之後搵到呢間所以walk in上去，上到去得返室外，好彩坐坐下有太陽都暖啲。佢地有set lunch,一般都120蚊，有湯有主菜同飲品，我叫左個燒春雞set lunch.我朋友單點卡邦尼意粉再單點飲品。我個餐湯係磨菇湯，好香好濃郁好味，之後上左兩杯飲品，我朋友叫峰蜜牛奶抹茶，我叫鮮奶咖啡，兩杯都唔錯。食物先上左卡邦尼意粉，職員放低個下我地都有啲意外，因為份量比較少，我朋友一個女仔食完都話唔算好飽，只係OK.再上set lunch的燒春雞，我真係呆左一下，個兩件雞件真係又細又簿，加少量薯蓉，講真個汁係幾好食既，但個兩件雞件真係細得好驚人，我連OK飽都算不上。埋單三百幾蚊食午餐其實唔平，但我唔飽呢？當然你可以話，肚餓應該食飯，但我朋友的意粉亦唔見到大碟，結果之後係街買左包炒栗子頂肚。…Read More

為母親大人慶祝生日，揀餐廳都想左好耐，最後揀左富華，餐廳經理得知是慶祝生日，特意為我們換上紅色枱布，非常有心思😍。訂枱時已寫好菜單，因為我地想食海鮮，所以要預定。雲吞雞煲——湯頭非常甜，雞肉很嫰滑😋，還有娃娃菜底，個娃娃菜索哂啲湯勁好食。芝士龍蝦伊麵——龍蝦新鮮彈牙，芝士又香又濃，麵亦很多😤。椒鹽鮑魚——第一次試食椒鹽鮑魚，鮑魚很爽口，原來椒鹽食都幾夾😉清蒸東星斑——蒸得剛好，又多蔥，正👍。薑蔥炒蟹——蟹很入味，屋企人連蔥都食哂🤣起初都擔心唔夠食，但份量非常足夠，我們將所有餸菜全部清哂🤣，職員都很積極換碟👍有下次。…Read More

6:30入座食到8:30是正常，但我7點入左4張單，只有4種食物上枱，等到7:45被要求埋單，因為8:00 last order,我告知職員有很多食物還未送上，職員叫我立即再寫，於是我寫2張交給職員，但等到8:00還是沒有食物，職員叫我再寫，因為要截單了，我實在無奈又氣憤，職員說會親自跟進，但那時已經8:05了，我說:你上得到給我，我又要8:30離開，請問我怎吃得下呢？職員說:是我們問題我們會給你一點時間。最後食物8:15終於上到，我跟家人好似很趕時間的吃，職員在8:40跟我們說要快點了，其實還有食物未吃，但我們實在吃得太辛苦了，不知道為何要吃的這麼趕快，炸物及串燒都很熱，我們吃不了，最後我們決定離開，相信我們不會再來了。…Read More