Klaris's Profile

咁啱經過太子大南街，發現呢間韓式生活店舖，裝修好modern！感覺如置身首爾，冇得旅行都可以幻想一番！有韓式零食精品售賣，睇介紹仲有韓籍大廚主理正宗韓快餐。一試難忘！…Read More

星期六食晏，見唔使排隊又係日本菜，就入去試下。眼見成間餐廳地方闊落，但二人位就因疫情加板。明明有至少5-6張二人枱，侍應都要帶位去左右兩邊都有客嘅位。問佢哋坐嗰邊得唔得？女侍應明顯不滿態度好差咁話「唔係唔得，你預咗有人坐囉！」。食物普普通通，所謂嘅招牌菜和牛黑松露溫泉蛋沙律，和牛又乾又硬，全冇黑松露味道。侍應放低就走開，食沙律要人用筷子食。我哋一杯水一杯茶，侍應行過只斟茶唔斟水。不求貴賓招待，只望以禮待客，一啲都唔覺呢間係日本餐廳。再幫襯？不了。…Read More

上網見到咁多正評，而且未聽聞過何謂黃金腸粉，所以特別嚟幫襯吓。花咗$60+買咗一個香茜火鴨絲同一個避風塘脆蝦黃金腸粉，各食第一啖已經知賴嘢。所謂黃金腸粉只不過係蛋漿開嚟整嘅腸粉，嚡口得出奇，一絲雞蛋香味都冇。脆蝦有5小隻算係咁，上面淋上炸過嘅避風塘炒料蒜頭，但與腸粉格格不入，冇增加香口味同層次，各有各咁；火鴨絲又少得可憐。連腸粉最基本嘅甜豉油都冇預備，只係普通豉油咸味。最重要係整體味道差劣，看不見誠意，不會再來。…Read More

這間居酒屋不是朋友介紹真係唔識去😅佢位於銅鑼灣一期對面的一條巷仔，商廈的上樓舖，位置其實都方便，但平時經過唔會留意。餐廳很闊落，環境充滿日式風味，牆上有各種日本酒，更設有吧枱可欣賞師傅燒串燒，有點置身日本居酒屋的感覺，相當有氣氛。食物質素相當不錯，推介燒牛肋骨，肉質鮮嫩，牛肉味很重👍🏻不能錯過的鵝肝雙蛋飯，又肥又厚的鵝肝，好邪惡呀😋😋我哋3個人分享一碗剛剛好，非常滿足炸䲞魚也是必食推介，新鮮魚連魚鱗炸，酥脆美味燒日本青椒仔，外皮爽脆，裏面多汁又清甜，加上木魚碎，特別滋味清酒煮蜆，蜆肉雖然不算肥大，但很鮮甜，加上清酒上湯，都可以一試。鹽燒椰菜仔配白松露油，食咗咁多肉，配這個菜中和下，減低飽膩感😊最後來到居酒屋，點可以冇酒呢 ~~ 我叫咗杯日本 Suntory 生啤，綿密幼滑的啤酒泡，十級滿足。…Read More

曾經嚟過幾次，質素只屬平平。但今次經驗非常不快。周六午餐時段，只是貪佢應該有位且茶餐廳快手格局。到達時正好有兩至三張枱空置，但等候數分鐘期間，4位職員只迴避招呼，甚或叫我哋等等。終於有一位職員一臉不情願的到來帶位，又並非安排入座（仲要等啲咩呢？）而只給等位紙。好不容易被帶入座，卻被要求與另一對食客迫在卡位。本人拒絕，呢位職員又再一臉不滿意，下單時又態度差劣，牆上電視明明放映出幾個餐，並沒有寫明是早餐；客叫錯了，唔係提醒個客，呢個職員竟然冷笑一聲走開！最終午餐時段唯有忍耐。叫咗蕃茄湯叉燒蛋烏冬，及牛奶炒蛋湯粉加多士。叉燒肉質乾，蕃茄湯得個酸字，蛋放喺酸湯內破壞晒，烏冬不夠冧，份量亦少得可憐。整個餐質素不佳，服務可說是奇差。餐廳地下處處見垃圾，幾枱望正污糟廚房，衛生令人失望。不會再幫襯。…Read More

週一到此進晚餐, 本人點了雞扒多春魚薯菜, 兩位友人點了羊扒及豬扒拼鴨肝卷。雞扒及多春魚煎得很香, 不覺肥膩, 汁也好好味; 也試了友人的豬扒拼鴨肝卷, 豬扒麻麻, 但鴨肝卷很可口。整個餐的份量很足夠。驚喜的是友人點了花草, 食具非常雅致, 聽聞味道也不錯。最後加上甜品, 忘了名字, 是類似疏乎里的東西吧, 味道實在不錯, 百多元一位, 很化算的。可惜的是侍應數量似乎不夠, 招呼也不大周到, 侍應總是黑口黑面的, 反應也慢。環境裝修得不錯, 很有歐陸的小店感覺, 但又真是頗小, 繁忙時間必定不夠座位招呼。之前嘗過它的afternoon tea, 非常別致的, 味道不錯。…Read More

初三到新城巿廣場吃晚飯, 周圍都是人, 沒甚麼選擇下到這間食肆, 看它的價錢尚可(其實是因為新年關係, 處處都偏貴了), 且只需等候3張2人枱, 便選了它。由於之前曾在此吃飯, 記得嘗過羊扒及牛扒配飯都有點像碟頭飯(薯菜少得可憐也算了, 那塊扒又細又不甚好吃), 於是選了"芝士焗茄子肉醬意大利粉"。侍應先給了一碟錯的闊麵, 她甚至不知那碟是什麼(真的!), 然後一碟像焗的意粉來了, 我用叉翻了翻, 準備吃之際, 竟不見有茄子!!! 於是喚來侍應, 他竟說是切碎了!!!!猜不到2分鐘後, 那侍應便拿來幾塊茄子給我, 但一句解釋也沒有!接著要了檸檬水, 在那另外裝糖水的杯底, 竟有奶跡!!! 難以相信這家店的食物、服務和衛生都這樣令人難以接受, 我相信永遠都不會再光顧它!…Read More