lalayann's Profile

用餐日期: 27 Dec2022感受: 十分失望😮‍💨是日為連假最後一日，因為懶，以及屋企個廚房應付唔到十人份晚餐，所以叫左貴店六人餐到會。落單註明七點送，覆單時貴店都冇提出異議。直到當日下午四點，收到貴店打嚟問五點幾送是否可以。本人回覆由於三點幾先食完下午茶，五點半大家真係食唔到，所以都係照七點送，早少少例如六半都可接受。點知五點半就送咗上嚟。。。。仲話有保溫。。。點食？我晚餐仲有两道菜係自家製，要時間焗，焗得嚟六半，再開餐，友利啲嘢食凍晒。喺我投訴之後貴店有回覆因有客人改單改地址引致混亂(ps我落單後冇改過任何野)，貴店電話中有表示唔好意思。。。。唉，十零度底下宴請親朋食凍豬扒冷意粉都幾冇面，食到勁冇胃口，份量係好足，但淨左大半。。。當我黑仔。總結:如果係熱食味道應該ok, 但經過今次要我再幚襯佢到會就不了。如果仲考慮緊叫唔叫佢到會嘅，繁忙日子時段都可免則免了。…Read More

買完添記法包路過，被吸引左入去飲杯野(其實好想試佢啲意粉，好似好好味咁😋😋)試左杯hojicha latte, 好飲👍🏿👍🏿下次要過嚟食個lunch 先得😻…Read More

星期日見到有松葉蟹買一送一，$580有兩隻(两斤到一隻) 覺得都幾好價，買嚟試吓(之前同其他鋪買過照稱$2xx斤，覺得麻麻地，同喺日本食有一大段距離)。 總結，今次係我喺香港買咗三次松葉蟹最好味而又最平嘅一次(之前~$500@)。可算滿意，三百蚊樓下可以再食。不過可能真係冇喺日本食咁鮮味，肉又冇咁飽滿，不過貴店都係我喺香港食松葉蟹最好嘅一次體驗👍🏿👍🏿👍🏿👍🏿下次會想再試其他款煮法嘅海鮮，包括八斤重鳕場蟹四食，龍蝦沙律(沙律醬可以另上的話，因有飯脚唔食沙律醬)。期待下次出優惠再試吓…Read More

喺度睇左食評見多個笑，仲要完全冇okay 同喊，啲嘢食圖片又十分吸引，再加上💛，就試吓佢啦!! (唔試吓又點知啱唔啱食呢可~~)⭐️環境係舒服嘅，位同位之間都闊落，滿意。⭐️上菜速度好快，工作人員都對版嘅，滿意。🌚食物呢就。。。。薄牛舌，好多塊，但係好細塊同唔易咬。。。護心肉，有食評大推，肉質係okay, 但個味好有漢陽苑的感覺🌚個馳名九宮隔其實都幾伏🌚原本諗住入面試左邊啲款係鐘意嘅會再order, 但係，試完係冇一款我哋想order返，cry....或者我哋黑仔，睇返啲相真係同其他食評嘅有啲距離吖~~個柚子雞真心唔錯，燒完都仲好嫩👍🏿👍🏿其實我哋對💛個包容程度已經係另一把尺嚟，真心希望佢有所進步。…Read More

两條友想傾吓偈坐耐少少嘅🗣🗣下午茶☕️☕️🧁🥧最適合不過。🥳🥳🥳🥳睇落👀👀都幾靚😍😍(茶揀咗好大路嘅伯爵茶☕️☕️不過都話要補錢。。。。😅😅有少少好奇咩茶唔使補錢🤔🤔。。。。不過懶得問。。。。😅😅)食落呢。。。。。。就好一般。。。。。。。。餅底都偏硬實同好乾身🤦🏿‍♀️感覺整好左一段唔短嘅時間。d cream 都冇一啲好fresh嘅感覺。。咁冇嘅，當佢係食環境啫，服務都幾好， 食物非常一般大概都要接受。。。。…Read More

朋友啱轉到北角工作，近近地就决定北角食飯💛(要係書局街入去再轉右, 唔好行錦屏街)(間餐廳唔係好多位，最好book左先。)刺身新鮮，三文魚腩大推👍🏿👍🏿十二貫同八貫🍣有啲係同款的，唔錯😋燒物，個燒蟹蓋好好味又唔咸，仲有好多蟹肉🤤🤤燒雞肝，腎，皮，牛舌👍🏿👍🏿美中不足係安格斯牛粒太熟(第二轉先叫，冇拍照。。。)🤦🏿‍♀️清酒有幾版揀，不過我哋唔識，都係問餐廳推介，試左两枝，都滿意🤤整體來講係會再食嘅餐廳😋用餐日期: 06 Nov2020…Read More

之前食過佐敦舊鋪同深水埗分店，啲海鮮同其他野食都好好味，所以一直都想覆桌，於是就book左18號2030時段。如果同一般打邊爐比較今次未必算好差，但同之前果两次鍋心去比就覺得差左。鮑魚同多寶魚仲係高質，但係貝殻類就。。。。。個蟹都甜，但係就冇乜膏同冇乜肉(啲肉唔實)。叫左四種貝類(記唔曬啲名sor), 沙白我食左十粒八粒，其中一半有沙。。。有两三粒係多沙，係超細粒嗰種沙。跟住三種貝，得一款係冇沙(好似係叫黄金貝), 其餘两種都有，仲要係大粒細沙都有。大粒嘅大概有1.5mm.....其中一款係啲大粒沙都有好多粒，完全咬唔落果種。。。。唉。。。差左咁多。。。。餐廳係我揀嘅，雖然友人冇話我，但係我都覺得勁唔好意思，唉。。。。…Read More

今晚一行八人為朋友慶生，邊爐怪壽星女要打邊爐，見呢間啲開飯食評唔錯環境又ok咁，就試下啦。打開餐牌，唔選擇唔多，心諗，可能貴精不貴多款呢，於是點左花膠雞湯 底(特價99),豬，牛，白鱔，脆鯇，花膠雲吞,魚皮，鴨血，花甲皇，響鈴，墨魚滑同两款青菜野飲呢啲基本野。兩款魚真心ok, above average咁啦。。。跟住果啲呢。。。頹到。。。魚皮一包咁上(即係超市賣果啲樣),響鈴又唔係即炸(係用碟上，不過唔熱唔脆)個墨魚滑同雲吞，稱唔上好食。個鴨血，好腥，同枱過半人吞唔落so sad..個花甲皇。。。真係細粒到。。大概3,4cm一隻咁。。個牛同豬，不過不失，都對得住個價嘅。。。咁就二百幾一位，唔值。…Read More

是睌一行九位同事一齊慶祝上司升職。勢估唔到原本咁開心嘅一餐飯會令我寫下用左OpenRice 咁多年之後嘅第一篇食評。。。由於大家都想方便傾計，要坐圓枱會方便些少而最後選擇左醉翁亭火鍋館打邊爐。。一開頭上左啲fixed嘅牛，海鮮拼盤，大大粒餃子同刺身拼盤，味道都幾唔錯，特別係碟牛！！之後就係自己揀任食嗰啲。第一轉正常時間嚟左，質素都okay. 之後食到咁上下再叫第二轉，過左超過半個鐘冇嚟，催個部長，部長入去一輪之後同我地講搵唔到張單，叫我地再填。。填多次再等左半個鐘有多都冇嚟，大家都等到冇mood再想食野，唯有埋單走人。第一次遇着祇會嚟一轉野食嘅任食邊爐，襯得起第一次嬲嬲食評！…Read More