Holeycheese's Profile

星期六食一人下午茶，下午茶時段至18:00，17:50入座，毋須等位，茶餐不包自選飲品，但有一杯茶。點了生牛河（$50）及熱奶茶（$5），10分鐘內上菜。上次光顧已是2022年，仍保持水準。食物份量足料，味道美味，環境舒適，明亮乾淨，可以稍為休息，上菜速度可以，接受電子支付（信用卡除外），付款方式頗方便。整體非常滿意，值得長期光顧。位置可能對首次光顧的客人有點難找，經過數間咖啡店走到最入即到。另外如下午茶餐包飲品則更佳。…Read More

蔬菜、甜品任食。晚市，與另一位女性朋友相約小聚。湯底到時只有約4cm高的湯，夠鐘前中年女士服務員兩次用非常差的語氣大聲催促我們離開，餐廳外無人等位，我們也無意為多吃而留座，根本全程沒有也不打算吃雪糕等甜品，不明白為什麼該服務員要我們馬上離席。我們一直很禮貌對待服務員，不知道服務員是否因為性別對我們特別差勁，因為該中年女士服務員對旁邊另一桌兩位男士相當殷勤。服務態度令60分鐘進食過程相當不愉快。$220/人的選擇也不只有這一間餐廳。永遠不會再光顧。…Read More

cocktail 約$125/杯，未連服務費，wine $90/杯。客群以亞洲人居多。cocktail 幾好飲，星期五大概20:30到達，少人時坐得舒服，服務正常，但地方細，坐得唔太舒服。坐低一個鐘，朋友order左兩杯，我一杯，個manager每20分鐘打斷我地對話，問要唔要多杯，然後放低個menu，態度偏差。開始多人時連staff都無位行，我地坐梳化，個袋無位擺，我47kg，朋友49kg，兩個人要身貼身坐，基本上係對住前面企喺到個人個屁股飲，係靚女都算，同住兩個男人屁股就。同行另外一個人遲少少到，點左飲品，無到。全程坐左約1小時。以中環bar 嘅選擇，下次會去另一間。…Read More

下午茶時段去，唔洗排隊即時有枱；scan QR code 自己落單，可以慢慢諗；點左豬扒炒蛋河粉同越南咖啡（$36+$8），河粉係幼河粉，軟硬度適中，份量可以；上菜快；店員態度唔錯；付款方便，可用支付寶。味道整體一般，豬扒略嫌太濃味，，肉質不高；飲品一般，整體無亮點，填飽肚可以，性價比偏低。…Read More

有豆奶選擇。點左 flat white ($48)，味道佳，好味，拉花靚。環境可以，其實係酒店lobby，位與位距離算有，同朋友傾下計 grab 杯 coffee 可以。咖啡等待時間要 15mins +，少少耐，因為我同朋友都係坐九個字。咖啡溫度偏低，兩杯都唔夠熱。…Read More

四個人叫外賣，點左三個河粉、一個撈檬、一個通菜、一份串燒、三杯飲品。大約半個鐘至九個字到，時間可接受。河粉河同湯分開到，份量正常，味道唔錯，我食曬。不過個人係鍾意食泰菜。通菜偏辣，味道唔錯，偏泰式辣味。串燒有驚喜，四個人都喜歡。埋單 $680 除開一人 $150+，星期六黎講正常。整體來講幾好，會再光顧。檬粉嘅汁只送左半支益力多嘅份量黎，結果大家要五餅二魚比湯河嘅汁朋友，少少失望。另外食物到左先，飲品漏左，等左大約15-20分鐘到，可接受，不過講究嘅朋友就可留意下。…Read More

Flat White（$45）味道唔錯好味，另點左一個Cesar Salad（$138），味道一般，份量可以，可以一食，但個味道你可以係其他地方搵到。服務可以，有加一，坐左兩個鐘，waiters 自動加左兩次水，有服務。坐得舒服，工作或消閒都唔錯。整體而言如果只飲杯咖啡坐下我會返去，食野應該會去其他地方。價錢可接受，唔算特別抵。無Soy milk 但有 Oat milk & skim milk，可能coffee shop我對奶嘅alternatives比較有期望。因為附近有太多選擇。…Read More

點左牛腩湯河，湯底正，甘甜有胡椒味，味道算特別；牛腩厚身，有三塊，下午茶黎講可以；越南咖啡味道唔錯，基本可以，呢個價錢收貨，整體味道好味，$50+ 可以用八達通比，方便。裝修新淨。另外餐具上我個人好鍾意對筷子，有質感。有個大叔侍應，有做埋收錢，態度誠懇有禮，感覺努力工作，值得一讚，好員工。河粉夾起碎曬，難夾起，份量偏少，不過可能我少少大食。…Read More

下午六點三食晚飯，少人，座位有卡位，坐得舒適。餐牌頗多選擇，有越南、燒味、中式小菜。點左一個燒味飯，連熱飲 $58，幾好味，份量剛好。服務態度好。滿$200 可付支付寶/ wechat pay 。我成日冇帶現金，所以對我黎講算一個小賣點。無。便飯來講非常滿意。…Read More

環境舒適，坐得舒服，地理位置係正九龍站上蓋，如果打算同朋友慢慢傾計，又唔想去中環/尖沙咀，推薦，特別下雨天。食物無食牛排，反而叫左三文魚和risotto，賣相唔錯份量頗多。服務唔錯。食物味道感覺可以自己煮到，一般。不過牛排係主打，可能好味，所以我會再去。但坐左兩個鐘，我地個位有隻烏繩飛來飛去，非常困擾，但餐廳整體乾淨。…Read More

點左個香茅豬扒配白飯，豬扒份量飽肚，味道香口，凍檸茶係經典茶記味，價錢相宜，大約$50；金邊粉唔錯，朋友話太淡味但我喜歡；生蝦一般，$98好似得6隻定7隻，可試試；印度薄餅可以，但無跟咖哩汁，有點奇怪。有卡位，同兩個朋友邊食邊傾，坐位舒適。上菜頗快，叫左4-5道菜，十分鐘內到第一碟，香港速度。$200以上可比VISA/MASTER，但好似無得比八達通。一個人午市去食記得帶現金。如果我屋企附近有，應該會成日去食。餐具少少污糟，可接受。…Read More

叫左海南雞飯，飯好味，好香口，飯大份。肉唔算多，但可以。凍檸茶偏甜。我係堂食，但外賣好似～$40，個人認為好抵。阿姐態度唔錯。朋友杯特飲難飲；只收現金，唔太方便。…Read More

番茄湯底唔錯，幾好味。我去部分火鍋店食完會敏感，但呢間無，所以用料應該唔算差。座位間隔唔錯，我坐卡位，四人以下應該坐得舒服，但我book六點，所以可能少人亦有關係。服務唔錯，叫完野算快上。地理位置易搵，幾個朋友聚會算唔錯選擇。兩個人飮左兩支啤酒，叫左餐牌上中等價錢食材，都係肥牛一碟、加埋菜個啲，埋單大約$400/人，有個出名湯底朋友本來想點，但個日無供應。整體上唔錯，只係油麻地地段黎講小貴。不過都可食下。…Read More

下午少人時段去，諗住食下野hea下，兩個人。裝修特別，坐得舒服，傾計唔錯，waiter/waitress坐高bar台，所以你有request yap下手佢地好快見到。點左杯coffee轉豆奶，點知佢豆奶係sweetened豆奶，但我戒甜所以request換，唔得就算。staff 話ok，轉頭拎左另一盒奶個成份表出黎同我confirm我飲得，態度友善。Impressed有服務。好感謝。食物質素已經唔記得，好似都唔錯。影相都幾靚。無，值得去下。…Read More

一行人十個人去食，唔算熟朋友，老闆娘知，亦親自serve。其中一個人提議飲酒，但有八個人都出聲話唔飲，唔太想開酒。老闆娘見到，無啦啦開始hard sell一大輪話自己家族飲開酒，佢話好飲無人會話no，結果都夾硬開左。成件事有啲hard sell，個人感覺唔太好，感覺覺得我地成班水魚咁。甜品朱古力，好似係心太軟，好味。食物性價比一般，飲品幾貴，一杯juice同我happy hour一樣價。食一次半次ok。人均出門口around $400。可能食材健康啲所以成本高，但我下次呢個價錢會食第二間。…Read More