Elaine505's Profile

美食展行到攰哂，走黎搵番冇咁多人果區食野，因為買左好多野，都想搵個有個闊落啲嘅位置可以擺下啲戰利品。記得之前仲係麵屋武藏，原來呢間都開左1個月，燈光對比非常大，以前麵屋比較暗，而呢間和歌山比較明亮。野食同裝修都非常日式，定食嘅小食同前菜通常都係八爪魚／螺肉／中華沙律，好少見跟番日本做法；麵豉湯入面有隻類似沙白／蜆，味道都好濃郁。水果茶係白桃，熱情果，青檸混合而成，飲落嘅味都幾特別......但吾係特別好飲，不過可以一試。員工服務都好有禮貌，入座後會奉上檸檬水一杯。環境都幾衛生，坐得都幾舒服。…Read More

諗住粗粗地試下，點知試出個伏好多野食都凍冰冰，得蒸籠果d叫做食得下，吾明點解焗出黎嘅野同個湯可以凍嘅，d餐具洗完都仲有油，上餐又等得耐，整體感覺吾多好，除左蒸果d都退左…Read More

心血來潮想去貓cafe，平時去開果d都好多人，玩吾到貓，所以book左先，估吾到呢到有間人少少嘅貓cafe。老闆娘人好好，我地果日早到左大約20分鐘，冇話限制時間，又冇催我地落單，事關我同男朋友黎到見到d貓，忍吾住同佢地玩左一段時間先諗食咩，個感覺好舒服，終於有間可以靜靜地食下野，又可以同d貓真係玩得埋。一坐低，老闆娘仲比左貓零食我地餵貓，出面果d肯定要另計。呢到d野食全部都係自家製，由招呼、落單、煮野食，出餐都係一腳踢，所以要d耐性等下。但係都值得，d野食真係好好食，份量都吾少，價錢黎講，我覺得好公度。係個魯肉飯食到底果陣有d油，不過都吾大影響，因為食到底之前已經飽（個人）d貓貓隻隻都好得意，聽講笨豬同妹豬都係領養番黎，玩多幾下就會熟d。笨笨真係好為食樣，次次聽到開蓋聲就會望過黎，反應好過癮，老闆娘話妹妹要睇緣分，但好彩我地有幸睇到妹妹出左黎，仲摸到佢頭仔呢到都好多熟客同回頭客，下次我都會再番黎探你地架！希望下次試到紅豆冰啦～…Read More

最近多番好多人出街食野，周圍都爆哂位，眼見前面嘅流奶包又想食好耐，所以就入左去試一試佢一開始見到個餐牌樣樣野都吸引好想試，可惜吾可以，唯有下次再試其他~每款野食都做到好精緻，最岩打卡，有吾同嘅口感，好滿足個人都幾中意食鵪鶉蛋燒賣，因為貪佢可以一物2食，又會飽肚d，但呢個隻蛋d皮就有d硬身左，好似攤凍左咁~而最意外係個蛋散，皮薄酥脆，真係好好味另外個流奶包，有得食又有玩，增加左d樂趣，因為好奇個透明波波（好重黑松露味），所以2款叫左各一，下次有機會可以全部睇住流奶…Read More

每年容易又生日，生日聚會何時了~年年都諗住搵d特別嘅餐廳食生日飯，見到d賣相都幾骨緻就試下啦:)~我地叫左個5宮格湯底，都幾濃，但係由於個火太集中滾到中間果格，需要叫員工加多幾次湯，如果吾係就會燶哂底，另外4格湯都吾係幾識滾，分佈吾平均，不過都吾係太大問題，我地一於慢慢涮慢慢食。然後落完單，d野食逐一上台，速度都算快，果陣大家都肚餓啦，所以快快手影左d相打下卡就開始食食左一段時間，會發覺d員工好似間中會失蹤咁，想叫個員工加下水，或者落單都要等幾分鐘先見影，果段時間又吾係見到好多客，但係就好似好忙咁，就算叫左，轉個頭又冇左件事。原本訂左個$20享用嘅安格斯牛小排都嗌左3-4次先送到黎，第一次應左話要睇收據但冇到，第二，三次追單睇完個電腦入單都仲係未到，到第四次已經係30分鐘嘅事，終於追到碟牛，果陣真係食到有d掃興。到最後埋單，發覺原來上漏左碟鴨血（退番錢），原本諗住吾係好多野，要食甜品埋尾，但食食下都好飽但呢餐都相當吾平，可一不可再…而且隔離仲有個姐係到唱歌（廟街果種），都有d影響心情醬料費:$22/位…Read More

今晚提早慶祝中秋~一開頭諗吾到揀咩食，有位好心嘅侍應黎幫我地每樣剔左1份，每份係6片，可以試岩自己口味再落order想食其他野轉口味嘅話，出面仲有好多野食，例如:各款丸類，菜，麵食，生根，以及我至愛嘅響鈴等等另外仲幾款飲品~食到咁上下，係時候攞番個甜品降下溫，有雲呢拿同港式奶茶味嘅雪糕，奶茶比較少見，所以就試下下佢，茶味比奶味重，都幾特別:)價錢方面大約每人200零蚊，好味又抵食，下次可以再來“安可”…Read More

本人愛食辣，尤其泰式嘅辣就最啱口味😋同男友經過幾間餐廳都諗吾到食咩好，但見到呢間餐廳款式特別多，好似多國菜咁，咁啱男友想食叉燒蛋飯，而我想食嘅有好多，包括喇沙湯粉、撈檬同炒金邊粉，但前二係其他鋪都經常食，所以今次一於試下個炒粉。結果個叉燒蛋飯除左啲色同普通吾同，但食落其實都系一樣普普通通嘅一個叉蛋飯，吾系咩泰式叉燒。另外，我揀嘅炒金邊粉望落都還可以。雖然上枱果陣見到系濕濕地，見吾到有鑊氣，試左一啖甜甜地。不過黎到食泰餐梗系要加番嘅辣味粉同辣油調下味，即刻乾啲好食啲，辣辣地夠刺激味蕾😋飲品方面:味道不符期望，很淡。😑職員方面:一開頭有個男職員好積極想招我地入去食，招呼尚佳，會主動比一支水擺系你面前，見吾夠會換一支新。見到客人食物有可能需要調味，會主動奉上調味架。環境舒適，設有梳化位，與朋友、家人，同事相聚一試無妨。餐前有湯送，夠濃😋…Read More

平時好少黎屯門，所以今次就一於搵下有咩好食，結果搵到呢一間冰室，d野食既外貌又幾吸引，就同男友一齊去左試。叫左2個lunch set，有個“海陸空”既午餐，好奇之下就叫左黎試，相當吾錯，值得一試而且價錢吾系話好高，員工既服務態度都好好，不過就遠左少少，但都冇失望…Read More