kingkong0971的个人专页

看來香港食市係咁摺就係有原因的, 今天和太太慶祝生日, 想食Lobster 看了網上食評, 選了這一間. 本來預期不會太差, 可惜煮出來的味道真是不濟. 只好劣評選了2個Lunch set ,  一個是龍蝦原隻上, 另外一個是Rib Eye 5 成熟.  沒等多久, 龍蝦湯上枱, 味道和預期不一期, 固然嚐不到龍蝦的味道, 只覺味道偏辣, 看來是黑楜椒落多了和只有丁點兒的蝦殼味.  另外叫了Crab Cake , 偏色偏深一點, 有點兒翻煎的味道,  咬一口之後好明顯Crab Meat 不足, 只有洋葱及其它Potato 仔味, 整體也是一般般.之後原隻龍蝦上枱, 成隻龍蝦好明顯是翻Grill , 不知雪了有少天, 蝦頭叫有啲鮮味, 也只限於個蝦頭, 其它地方肉質好, 整體就是不新鮮, 最出事的地方是配菜, 車厘茄變酸, 好明顯壞了, 一食即刻吐返出來. 垃圾另外一個是RIB Eye 150元 5成熟當然就是150元的質素, 多筋同GRILL得唔夠熱。 唔食都唔可惜。 甜品是Pana Cotta, 奶涷無特別最好味的反而是杯Coffee埋單計數 518元, 咁低的質素重要加10% , 食完後只覺得好後悔, 看食啲食評真係不可信,  以我個人判斷, 繼續維持咁低水平, 應該好快收平…查看更多

上環可以食燒味飯的地方越來越少, 尤其是好味的. 這裏近幾個月經常到訪.  說真得肥叉味道真係唔錯,  好彩的話燒肉新鮮出爐, 肥叉燒肉飯真係無得頂, 不過真係要揀日子先得. 今天來這裏諗住買肥叉燒回家加餸 , 想講佢地做外賣服務真心膠, 一條友去斬燒味, 甚麼玩法. 又要做堂食,  其實堂食應該坐滿, 啲人係咁入, 又要做外賣, 目測堂食加外賣 最少7 -80 人, 你一條友咁去斬法, 斬到天荒地老, 成班人企咗係路邊望住個師傅, 心諗賺咁多錢點解唔請多個人去幫手, 一個做外賣, 一個做堂食咪快囉, 唔係因為想搞旺個場, 等啲人排晒係門口乾等嘛 ? Crazy ,  等咗15 分鐘跟住大聲同個老板娘講, 話妳地根本唔係做生意既, 我唔等了, 退款啦. 垃圾成村人等你一個師傅去斬燒味, 個個企係門口等20分鐘或以上, 咁優質外賣服務,  話過以後永遠不會幫襯…查看更多

有朋友曾經推介過, 因為看過所謂食神Ricky San 推介, 從來唔信呢啲所謂廚神講的食評, 尤其是我佢過佢果間祥仔茶記(永康街9 號食過2次) 更加知道咩野料, 間野超難食都好快摺咗, 講真成舊水一嚄粟米玉粒反, 味道真係好so so 果程囉, 抵摺講返呢間元朗潮洲粉面環境好擠迫, 坐得唔舒服. 人手間野算大, 請了3 個樓面一個收銀. 明顯人手不足, 服務和態度好一般啦, 叫做唔駛QR code 落單食物質素點了2 個餐1 個是隻併米粉 481 個是三併撈飯 68小吃蘿白一碟 25見佢出名是爆汁牛肉餅, 一看見上枱, 妖佢老味, 牛肉餅只是牛丸 一開3 應該有2粒, 唔明點解會叫爆汁, 片開3片, 啲汁係邊?  味道唔覺好出色, 反而面環附近有間達豪仔, 味道好有驚喜, 另外是墨魚丸, 普通雪藏野味道沒有特別, 最後是黑豚肉餃, 食完覺得點解唔去附近間餃子店吃. 平凡個平凡. 最出事係個白飯, 啲飯偏硬難食, 成碗野叫好味係個湯, 叫味道香濃, 不過68元,  2 粒牛丸, 2 粒墨魚丸再加5 隻餃子, 真係係貴同唔飽.  食附近出名的燒味飯碟頭應該會飽肚和滿足啲米粉方面, 太太沒有要求, 味道一般般, 成碗野最好吃是個墨魚頭, 鮮牛肉普通貨式, 承惠48 .  白蘿白只是滾水淥完再放湯, 味道還可以, 承惠25整體水準, 味道和服務好一般, , 價錢偏貴, 以該區的消費模式, 應該是新屎坑三日香, 3 個月後拭目以待…查看更多

原本覺得佢質素是幾好的, 不過是2 個 多月前,  當時是網上有師兄推介話呢度啲印度咖哩好吃便來試了. 講真質素真係唔差對得起個價錢. 另外也叫了焗豬扒飯. 飯有蛋香, 豬扒也有金趙口. 但食到第3次就開始跌WATT. 個咖哩好似變咗另外一個人煮 味道偏酸, 唔似咖哩, 還好豬扒飯還不錯.2個星期前再去, 豬扒飯已失色, 但最出事是碟星洲米, 可能是下午茶, 真心講, 好鬼難食. 成碟野油淋淋, 唔知佢想炒甚麼, 星洲米應該是香帶辣, 但成碟野只有一碟微黃色, 好明顯調味不足, 加上拋鑊又唔夠, 變成上面有色, 下面無色整體淡而無味. 加上用埋啲爛鬼雪蝦餅及雪到無味的叉燒做配料, 食落去真係OMG. 垃圾到暈低本來唔想寫呢篇食評, 見到佢啲食物質素, 由本來幾好去現在咁低的水平, 真係心痛, 應該可以同佢告別. 經常去大角咀搵食, 諗住呢度可以做飯堂, 真係可惜…查看更多

這間野因為是老板請客, 來了多次. 講真食物質素不算太突出, 服務也非常一般,  只是不妨一試貨式.今天去了, 話過以後都唔去1. 樓面人手唔夠, 好多野要自助但又要收取你服務費, 要自己QR Code 落單已是敗筆2. 漏單嚴重, 我點果一個最後要花了50分鐘才出到3. 水吧啲質素差到嚇死人, 叫了杯奶茶好似奶水咁, 飲了2啖放棄4. 最嚴重是食物質素, 叫了個魚柳飽, 等咗50 分鐘終於上枱, 魚柳同我斬件上, 同以往一大塊上好大分別, 但問題最大是剛上枱的魚柳居然是唔夠熱, 外熱內涷, 搞甚麼鬼 ? 食落啲肉實一實, 又無味, 急涷野加埋一收你 150元一個, 妖垃圾到暈, 個Chef 可以去VTC 再培訓啦, 收酒店價錢, 提供咁低的質素. 你點可以吸引食客再來.5. 香港飲食業呢2 年大部份俾人插到上天花板, 點解啲飲食同業咁唔爭氣呢, 真係唔好怪啲人返晒大陸消費, 一味只識提供個價錢同利潤, 但其它野原全唔配合, 想唔執都唔得啦 …查看更多

老婆滿心歡喜, 約了家姐和我一同到此餐廳晚飯, 據說是做意大利菜的. 本來不存任何厚望, 但質素實在太差, 故特意寫了本篇食評飲食環境一間頗為細小的店鋪, 裝修算是用心. 以座住安排來說環境尚算舒服, 奈何室內抽風實在太差, 在當天室外氣溫有29度的情況下, 在冷氣調校在18度的情況, 初進入時, 感覺還是滿侷促的, 加上抽風做得不好, 油煙味充塞在整個店子內, 實在一大敗筆.  食品質素點了三個主菜卡邦尼意粉 $98原隻芝士龍蝦 $225安格斯牛扒五成熟 $178白汁青口 $65先來波菜忌廉湯, 一入口即刻知道賴咗野, 好糊口及沒有波菜味道, 只有濃濃的忌廉味, 說實話好難飲. 吃了一半放棄了　再來是白汁青口, 整個白汁放滿了很多香草, 整個汁只有香草味和Garic 的味道, 完全沒有白酒和Onion 的香味, 實在可惜. 但最重要青口又細隻又沒有味道, 不予推介主菜來了卡邦尼意粉, 上桌的時候望了一望為何會落了這麼多芝士粉, 心中想大鑊了製法為何有咁大分別. 一食落去, 完全唔係果種味. 啲意粉剛剛過完水再落鑊炒, 啲芝士原來上唔到啲意粉度, 個CHEF 惟有猛落芝士粉在意粉上面上以補不足, 但成個感覺就好似茶記煮卡邦尼意粉咁. 好唔好食? 你話呢.再來是安格斯牛扒原本是叫5成熟的, 點知來的時候差不多是全熟, 唔知佢地有無扒爐, 收咁既價錢, 應該有卦. 但望落沒有坑紋及成塊扒鋪滿香草. 味道平平無奇 , 反倒是啲伴菜幾好吃. 可以說是不妨一試但沒有下次.最後是原隻龍蝦成隻龍蝦, 填滿了芝士及洋葱. 味道尚算香口. 龍蝦肉有鮮味食落去彈牙. 算是今晚的亮點. 但價錢不算是物有所值.…查看更多

今天和太太及朋友相約到此餐廳食下午茶叫了以下菜式1. 招牌Lemon Tea2. 意太利肉腸Pizza3. 招牌炸雞亦各品評如下Lemon Tea落order 的時候問可否小甜, 侍應說糖水已加住茶裏面, 不能少甜. 心中不以為然. 照落可也. 來的時候滿心歡喜. 聽說連冰塊也是以Lemon Tea 雪製而成, 很有特色. 怎知來到的時候, 看著, 為甚只有一片薄薄的Lemon, 心中已在滴沽, 應該沒有茶味吧. 怎知當喝進第一口. 原來所謂Lemon Tea 是用Lemon 粉再加不知實際上有零點零零幾的Lemon 汁混制成的. 心中慶幸好在是朋友請的, 否則我一定會叫部長過來問過究意. 拍得住酒店價錢的飲料, 質素既然如此. 實在貽笑大方. 老麥質素的飲料, 居然說是招牌飲品. 你們當香港人是傻仔嗎? 不過好戲還在後頭意大利肉腸Pizza見到隔隣枱order 了一碟, 心想價錢還真不便宜 $98元, 加一的話差不多$100 多元. 沒有關係吧, 點來試試也無妨. 上桌後望了望, 份量還真少得可憐, Size 只是比一塊四方面包的大小大了一點, 切開了四塊. 雖然丁點兒香味也沒有, 也只是微暖(相信是方在焗爐烘住的吧). 心想儘管試試吧, 食了兩啖, 有點想講粗口的感覺, 有無攪Ｘ錯, 一點香腸的肉味也沒有不打緊, 成塊Pizza 居然只得芝士和幾條雜菜. 進口後整個Pizza給人一種很膩的感覺, 比Pizza Hxt , Pizza Bxx 所做的Pizza 質素還要差十萬九千里遠. 這是甚麼Pizza, 既沒香, 也沒脆.只有芝士及面包的味道. 既然咁樣, 我點解唔Order 芝士Pizza, 幾經辛苦才在四份一塊的Pizza 找到了少少的所謂肉腸, 但……. 其實一點肉腸味也沒有, 只有滿口芝士(其實芝士本身也沒有甚麼味道, 不知道用甚麼芝士做的) 味. 最後四塊食剩了兩塊放棄了. 實在找不到理由再食下去. $100多元的芝士肉腸Pizza, 實在笑鬼死人. 招牌雞亦上桌後慨嘆今日好明顯 Not My Day, 雞亦賣相極為樣衰, 每隻雞中亦斬開兩邊 (注意是雞中亦) 相信應該有四隻卦, 看到之前的食評, 話雞亦經特別香料秘製, 好好味咁話. 坦白講, 上桌的雞亦予人乾巴巴的感覺 (炸後有點營養不良) . 一進口, 實在無話可說, 乾不打緊, 沒有香味不打緊, 連丁點兒雞肉味也沒有. $68 的價錢, 除了予客人無奈之感, 還可以講甚麼. 咁既價錢, 走去KXC 賣炸雞桶 , 裏面的蜜煻雞亦, 可能還會令人有驚歎之感添. 總結本人相信, 由於鋪租勁升的關係老闆們為了節流和賺取最大的利潤, 再沒有辦法之下, 惟有放棄食物的質素, 以一等價錢, 三四流的食物質素來招待客人. 但這又怎可能斯騙到一些精明的香港人呢. 要吸引到食客回流, 除了優質的飲食環璄及服務之外, 食物的質和量着實佔着重要的一環. 想魚目混珠, 求其煮一些食物給顧各, 勸你還回頭是岸吧. $600 (4人) 多元下午茶的價錢, 換來了低下的食物質素. 實在無語有些補充那些有錢又無定駛, 如不介意質素的話. 着實可以試試. 但我就會永遠blacklist 佢. 無謂令到自己焗鬼氣啦…查看更多