Long0904__'s Profile

滿心歡喜想食仙草嘅你，呢間甜品舖一定會好失望。佢嘅仙草係完全冇味而且仲要係圓形一磚感覺好預製罐頭咁。啲芋圓係熱嘅，擺咗落啲凍嘅嘢度就搞到所有嘢都即刻唔夠凍。個底係所謂嘅冰底，但係真係水嘅冰底，得水味唔會好遲鮮芋仙有啲黑糖 其餘嘅其實都係普通水準，應該唔會有下次:(除咗嘢食方面，餐廳都有啲問題。坐得好逼夾，排隊情況都好混亂，員工亦都冇乜點安排，搞到成間餐廳迫滿人 同埋食一餐好大浸「除」，個人認為浸味好難頂，同埋冷氣都唔係好足夠。。。…Read More

見到差唔多500個讚好梗係要試吓今次叫咗四樣嘢：1) 金沙軟殼蟹pizza 2)鹹豬手 3) 蒜蓉包 4) 薯條拼黑松露醬金沙軟殼蟹pizza係其中一款餐廳推介嘅Pizza，但實物真係強差人意。一個切開為六件嘅Pizza望落係完全搵唔到軟殼蟹嘅蹤跡，食落先至感覺到一兩隻蟹腳仔，蟹身真係完全消失。當中冇食到啲沙沙地嘅物體，我相信嗰啲就係鹹蛋黃醬，但係完全冇味。鹹豬手係另外一個餐廳signature，肉質軟腍個皮好脆係有驚喜！不足之處就係斬得唔係好徹底，全部都黐埋一夾就兩三件。蒜蓉包係大推，完全想像唔到個蒜蓉包，除咗蒜蓉之外仲有一層芝士，食落仲好味過pizza！薯條都係普通嘢，另外叫咗兩個飲品，飲品唔好有期望，都係糖水溝梳打水變做梳打另外係門面無人。。。得兩個人等左勁耐先落到單…Read More

繼續喺韓國街試韓國餐廳，嚟之前上網搵到呢一間都好多人推介就即本喺朋友生日試吓。餐廳環境係十分之逼夾嘈吵，我就訂咗枱諗住位置會好啲，但係點知安排坐喺飲品吧隔籬全程就聽住洗杯聲水喉聲開野飲聲好嘈。。。 叫咗四樣嘢食，最surprise係個韓國蛋捲，簡單啲嚟講就係一舊好厚嘅玉子燒，蛋香味濃，而且仲有大量沙律陪襯10分有用（之後你就會明我講咩）。第二樣就係八爪魚芝士拌飯，四個字，冇乜特別。第三樣就係海鮮韭菜餅，都係一樣，冇乜特別，韭菜好多海鮮得幾粒，未至於難食但又唔想繼續食咁。第四樣，韓國嘢梗係不少得有炸雞。但係呢一間嘅炸雞有啲難頂，份量的確係多，但每一嚿雞肉嘅份量佔比就十分之少，粉皮多到爆，直頭同氣炸鍋嗰啲急凍炸雞有得比，雞肉真係好少，同埋完全冇乜味道可言。。。呢個時候啲沙律就好有用，夾埋一齊食起碼叫做調返個味。…Read More

去到舖頭只係見到有個後生仔負責整雪糕，見所有人都排緊雪糕櫃咁當然跟住排諗住試吓味睇下啱唔啱先至買，點知殺出一個女人職員個樣又臭串冇乜禮貌話要俾咗錢先至得試味。我就揀咗三球雪糕，有咁多隻味諗住試吓邊隻最好味，點知先至講話一杯雪糕只可以試兩隻味。我買你三球雪糕喎，淨係可試兩隻味點知邊啲好味邊啲唔啱我？你哋仲要有十幾種味道喎，我真係唔知做顧客嘅話應該買咩囉。試兩隻味都算，但係要逼人俾咗錢先至可以試味就過分咗啲囉。做到咁孤寒不如唔好做啦。…Read More

兩個人去食，叫左個泡菜煎餅、泡菜豆腐湯跟飯、辣炒芝士年糕同埋炸醬麵。以上四樣嘢簡直無一樣野係可以用「正常」嚟形容。講左個前菜先，上左四碟只係得個餸名同韓國有關。。。個泡菜係劣食，完全唔係新鮮，林pat pat 透晒咁。到泡菜煎餅，都係用番前菜啲垃圾泡菜，唔會有期望，仲要粉頭勁多，無乜味只可以靠個辣醬。到泡菜豆腐湯，恐怖到爆，同辣味既水有得fight，無錯，又係前菜啲垃圾泡菜，豆腐得幾件，豬肉就得肥膏，完全唔知食緊乜。到辣炒芝士年糕，唯一一樣叫正常但其實都唔正常。一啲辣味都無，個醬掛唔到落年糕，水汪汪咁。。。到個炸醬麵，乜味都無，黑色一Pat豬肉炸醬點解會可以整到無味道。最恐怖係餐廳其他人食得好開心，好好味。。。你哋班人係咪無味覺。。。…Read More

呢間間舖頭開咁耐我就幫襯咗咁耐，一直水準都幾好，選擇亦都好多，通常叫外賣，都估唔到啲餸嘅份量同現場食一模一樣或者好似仲多咗添！！餸多咖喱味重整體嚟講都好好食。但今次叫左外賣自取就真係吾會再有下次。。。第一次叫左個咖哩牛筋飯同繼續叫食開嘅咖喱牛筋腩飯，返到屋企一打開發現牛筋飯得一條仔牛筋，其餘都係薯仔。。。再打開埋牛筋腩飯，全部都係牛肉碎碎濕濕。。。發生咩事？？？而家你唔係二十幾三十蚊，係六十幾蚊。。。但你俾啲咁嘅嘢真係接受唔到真係唔會再食。。。…Read More