hangrychu's Profile

星期六晚，又係諗食咩晚餐好嘅時候，朋友話之前食烤魚呢間幾好食，所以冒住要排隊都去碰下運氣。8點幾，我地2人竟然等一張枱就入得。之後入去坐低就剔食物。魚就必食，其實我地2人都怕食唔哂，但係又唔想咁悶所以都加餸+小食。我地嗌咗: 1) 江團魚 *香辣重慶豆花味煮法價錢唔係最平，咁多款魚算偏貴一種，不過見介紹話係冇咁多骨，就即刻決定。2）自選餸菜：豆腐、手工面條3) 小食：燒韮菜————————————————————————————-味道:1) 魚真係冇乜骨，好易起到。辣度叫小辣都可以接受，好香好好食。一開始唔係好辣，之後就算加湯都會再更加辣，我地唔係好食得辣，但都ok，覺得好爽。去到後面食到好咸，真係唔可以再加辣湯。2) 豆腐其實本身都有，但係朋友係豆腐學好者，所以再嗌多種先夠喉。好嫩好好食，比起浸落湯豆腐嫩滑。3）燒韮菜，食得咁重口味，都係想有啲菜落肚。冇乜味，較為失望，燒得唔係好夠咁，食過其他地方的好食好多。4） 芒果至尊，期望太大，好一般，甜。5） 益力多沙冰，真係要等冰融都有排，一般。————————————————2人埋單共$400頭朋友話去大陸食會平啲，但係一來一回、車費可能都差唔多。我地都好滿意，會再嚟。特飲就未必再飲，想再試其他小食。環境都ok，坐得算舒服。服務唔錯，員工都有禮貌。…Read More

心血來潮想食越南野，見到呢間，決定嚟個遲咗嘅下午茶 地方幾大，得2,3枱客，冷氣好大，天氣熱都唔洗怕。下午茶餐都有唔少選擇，今次嗌咗個1) 蒸米卷、2）香茅豬扒檬粉、3）紅荳冰、4）薏米水 (跟餐免費)一個餐只係廿幾蚊！凍飲加錢，特飲+$15.味道: 1) 蒸米卷 熱騰騰 料足 幾好食 一共2件，幾大件！2）豬扒檬粉 豬扒幾入香茅味，檬粉麻麻。食第一啖完全冇味，但之後都ok，湯底唔夠濃！3）紅荳冰椰味重，紅荳唔多'冧'，唔好飲，但唔難飲。4）薏米水 甜左少少 有啲薏米痴住哂 麻麻------------------------------價錢嚟講，下左茶廿幾蚊好平！食物質素當然相對啦，唔可以期望太多。醫肚嚟講還可以！…Read More

同朋友嚟呢個新商場行下，晚飯時間，決定食呢間越南菜。夜晚7:30，多人就一定，餐廳又唔大，要排隊攞飛，等咗大約20分鐘先入得。 ------------------------嗌咗1) 鮮蝦米紙卷、2) 炒通菜、3) 椰青煮硯、4) 蟹肉炒粉絲、5）荷葉飯、6）菠蘿沙冰、7) 椰汁沙冰 、8）美拖炒河、9）沙嗲雞串------------------------味道：1）米紙卷，同出面食味道一樣，清清地之選。2）炒通菜，幾惹味。3）煮硯都唔錯，硯肉肥美，量適中，椰味少。4）炒粉絲ok，冇乜特別。5）荷葉飯幾香，但食落冇乜味6）菠蘿沙冰，清清甜甜菠蘿味。7）椰汁沙冰，算濃，奶重。8）炒河，味道重啲會更好。9）雞串，肉質唔會太鞋、太乾，冇焦黑，烤得算係咁，本身肉冇咩味，有啲油，但配埋沙嗲汁後，就ok！-----------------------可試可唔試，唔會失望，但唔會讚嘆。…Read More

嚟開觀塘，記得有間華嫂，之前去過元朗果間，今次就買下小食，試下呢間。嚟到店員話就快關門，所以只收外賣，所以我哋就嗌咗幾樣野諗住出去喺架車到食就算。見到全店爆哂棚，睇嚟都好好生意，我諗下次要再嚟的話應該都離不開排隊 等咗10-15分鐘就攞得外賣。我哋嗌咗個1) 招牌蕃茄菠蘿油、2) 魚餅、3) 奶油包、4) 奶茶-------------------------味道:1)菠蘿油好似冇咩味咁，對個蕃茄配菠蘿包真係覺得麻麻。好似唔太夾。2)魚餅幾好食！份量都幾多3) 奶油包ok，烘底金黃色，料又夠！4)奶茶幾好飲，推介--------------------------下次會試個湯粉。最推介奶茶！招牌菠蘿包個人覺得失望，唔啱我口味。華嫂俾我感覺就係食物乾淨，味道亦唔錯，其實賣嘅食物同一般茶餐廳類同，所以好難話好好食，一定要食，只可以話，「可試」！…Read More

咖啡弄喺香港開咗咁耐，今次終於做好要排隊嘅心理準備，決定去一試台灣風味淨係要搵店舖位置，都用咗我唔少時間，Google map好似唔係準確標明，事關位置唔算開揚。最後終於入啱座大廈，大廈係舊式的。入到去先見到有個牌，箭咀寫住咖啡弄喺上面。所以就行上一樓，當時1點，喺門出面未見人龍，得1、2個人等緊。我同友人就即刻入去攞飛。見到店內已經滿哂人，侍應都開始忙，但仍然用親切嘅方式問我地幾位同埋叫我地耐心等候。等唔係問題，但要喺店外狹窄嘅位置停留愈來愈多嘅人，感覺有啲辛苦。加上除咗咖啡弄外，旁邊仲有幾間店舖，不時有人出入，經常要側身讓來讓去，有啲麻煩等咗差唔多20分鐘，終於有得入去 原本要坐大枱同人一齊撘枱，之後見冇幾耐另外一張二人枱空咗，就問待應可唔可以轉位，對方好好態度，即刻好快幫我哋安排先終於可以坐得舒服啲！食物種類好多，我哋都睇咗一陣先決定到嗌咩。最後嗌咗個1）總𣾀三文治、2）鹽酥雞、3）草莓waffle 、4) oreo沙冰、5) 菠蘿沙冰。------------------------------味道：1）三文治幾足料，肉質幾唔會過硬過lum，夾埋個照燒汁，唔洗擔心三文治乾巴巴。份量剛好！配埋沙律、薯片。啲菜冇乜問題，但個碎蛋有啲難食。2) 鹽酥雞好有味，外脆內軟，肉好juicy，令我諗起喺台灣食嘅味道 。3) 草莓waffle，店員主動問我地洗唔洗後上( 因為我哋一次過嗌哂所有嘢) ，我哋當然話好，甜品當然係一餐飯嘅最後啦。waffle一放上枱面，我地已經聞到好香蛋香，睇落已經好吸引食落就比賣相差啲，雖然都係外脆內軟，但就食落冇聞落咁有味道，都係比唔過喺台北的一間coffee shop，至今仍覺得果到嘅waffle最正！不過咖啡弄嘅waffle亦做得唔錯，草莓雪糕濃郁，但個入唔中意旁邊配custard，好似太heavy了。4) oreo沙冰，賣相就靚，但飲落個人覺得太多冰，唔係真係想像咁濃郁，但都ok!5) 菠蘿沙冰，幾濃，好有菠蘿味，仲有果肉，賣相都幾靚-----------------------------地方位置但服務 食物亦ok!以casual，輕食為主，個人認為做下午茶最適合。記得預留時間等候，但好似可以提前訂位(?)價錢合理，唔貴！希望之後人流再少啲/分店多d，再試其他野食…Read More

嚟到荃灣呢個shopping mall，先知荃灣都有呢間韓國連鎖炸雞店。首先，感覺佢唔應該開喺呢個樓層，始終炸雞同旁邊嘅其他餐廳格格不入，又以open area方式，唔係實質店面，所以嘈同舒適度一定 另外，即使用餐時間係平日，店內冇乜人客，冇乜服務可言。今次嗌咗個新口味炸雞(名唔肯定完全正確)1) 蘋果西檸炸雞，2) 粉絲蛋卷，3)柚子沙冰----------------------味道：1)炸雞香口，味道少少酸，同甜，幾match。肉質好juicy，肥美。食炸雞當然要連皮食，又脆又入味2)蛋卷好一般，冇想象好食。3) 沙冰苦苦甜甜，應該話，超甜就算冰開始溶，都覺得太過甜喇！----------------------食炸雞嚟講，價格較高，但份量亦好大，一客炸雞百幾蚊，大約十件都有。所以建議同三五好友食下次會再嚟，試下冇汁嘅傳統炸雞。…Read More

就算係平日，屯門市廣場人都係咁多。今日2點半嚟市中心搵野食，大多餐廳都佈滿人，同2個朋友一齊只係想遠離人群，所以入咗呢間醫下肚，食個粉麵。2點半開始有下午茶餐，選擇唔多，但就算平！$3/40鬆啲有個下午茶連飲品。最重要係入面夠大坐得舒服。嗌咗3個下午茶: 1) 菠蘿雞粒炒飯、2) 金菇伊麵、3)鵝件豬手湯河仲另外嗌咗個蜜餞雞翼、椒鹽魷魚鬚。-------------------味道: 1)炒飯都幾香口，米飯粒粒分明，唔會覺得油。2)伊麵賣相 煮太耐，覺得濕咗啲，感覺一pat野咁。3)湯河清清地，餸亦唔錯，份量幾夠。4）雞翼一食就知唔新鮮。5）魷魚鬚外觀誇啦啦，但食落無味，有啲失望------------------------------*下午茶平，食物算ok，一兩餐醫下肚還算可以，但冇必要特登去食不過可能小菜水準唔同（？） 有機會晚餐可以試試…Read More