Wong_manHH's Profile

今日喺銅鑼灣見完客，辛苦咗咁耐，食返啲好嘢食對自己好啲先 😆😆😆 網上面見到呢一間做緊折扣優惠，同埋佢嘅好評都幾多喎，咁就一於揀呢間啦。 入到去環境唔算好大，但係好精緻，位同位之間都好闊落，坐得好舒服。 雖然我係一個人，但係我都好大食㗎，我揀咗天婦羅炸雜菜做頭盤，煮食就揀咗呢一個煙三文魚蘆筍意粉。 兩樣嘢都好有驚喜，個天婦羅炸雜菜依然可以保持到溫度，同埋佢嘅粉係完全唔會太厚，食落去脆卜卜👍👍👍最鍾意係個意粉，個玫瑰花真係好靚！餐廳好有心思，靚到都唔忍心切開佢黎食😂😂但係佢哋嘅味道好好，酸酸甜甜，意粉好煙靭，係我鍾意嗰個口感😁😁😁難得唔小心搵到一間高質小店，下次帶埋成班friend一齊去支持先❤️😁😁…Read More

屋企附近有呢間譚仔真係好感恩，收工收得夜都可以食譚仔，始終都係最鍾意食譚仔嘅米線，不過服務態度就覺得有待改善，明白佢哋嘅工作量都比較大，但係如果有陣時多啲笑容多啲禮貌就會比較好…Read More

麥當勞最近新出咗呢個楓糖班戟漢堡，呢個真係好好食，鹹甜嘅配搭完全係一個極新鮮嘅處理，但係佢嘅熱量都係非常之高，食咗半份都已經覺得好飽，已經冇空間再食埋薯餅啦，所以下次都係同朋友開心share先…Read More