siumai0501的个人专页

🥗 食得肉多想食返一餐素食！🌿 上網睇呢間水準唔錯又去開呢頭入去試吓。睇左陣menu 選擇唔算多不過以新派素食黎講，選擇都好貼得上潮流。落單叫左兩個主食，兩個小食同野飲。🦐🌶️ **泰式香辣冬蔭魷魚圈意大利飯** 落單前職員話魷魚賣晒轉兩隻蝦，應該幾受歡迎。個飯既軟硬度適中，煮得乾身小小濕。完全食到冬蔭公個味同酸辣，岩平時唔食開素既朋友。隻蝦用荀做，口感幾特別，下次有機會食返魷魚試吓！🌶️🌱 **川香麻辣蟲草花芫茜意大利粉** 一上碟就聞到好香既麻辣味，食落去個口充滿香濃既麻辣香，配合埋芫茜個香味幾好食，配料有豆卜，如果唔太食得辣夾埋一齊食可以減輕！🧀🥔 **黃薑焗福花配自家製乳酪** 薑味幾濃，就咁食普普通通，但係一加左個乳酪即刻昇華左✨，乳酪無乜味但就可以令到福花好食咗！🍠✨ **香芋番薯波波** 好有驚喜既一個小食，個皮炸得脆，食落煙韌唔太甜有番薯味，擺耐左都一樣咁脆！🥛🌾 **黑芝麻燕麥奶** 濃濃既芝麻香味，話佢係芝麻糊加燕麥奶都唔過份，當然質感滑好多，加埋淡淡既燕麥味，值得一試！🍵 **京都宇治玄米茶** 套餐包埋既飲品但唔係茶包即沖，茶入邊有原茶葉可以見到。飲落去好新鮮，比樽裝同茶包更香玄米味同無茶既澀味！😊🌱 整體質素好高，小小遺憾食唔到炸魷魚，下次食完再同大家分享啦！…查看更多

早前買到演唱會飛，見放工未夠鐘開場就搵間餐廳食個快飯🍽️。行下行下見到間燒味幾吸引入去坐低咗😍。呢間出名燒鵝無理由唔叫，叉燒瀨必須要有，整多份雙拼就岩岩好👍棋子燒鵝🦢坊間燒鵝大多都係自家醃料醃完之後入爐燒，但呢間除咗醃料味重有煙熏味🔥。個煙熏味唔係好濃會搶晒啲味，而係同個醃料味好夾，食落去香味濃郁，肉質夠林，吞左之後個香味繼續停留係口入邊😋，不愧係呢間餐廳既皇牌🏆棋子叉燒🍖叉燒半肥瘦，有小小焦黑邊食落去幾香口，唔係硬有小小林身易咬，老人家或小朋友都岩食👶🧓脆皮燒腩仔🥓皮脆肉嫩，絕對稱得上脆皮燒腩仔，味道唔咸配埋個黃芥末醬味道更上一層🌟，肉質林林地但唔係梅😋桶子豉油雞🍗豉油雞無血水血色食落夠嫩，浸既時間夠，岩岩好熟晒唔韌又入味，唔會過咸👌…查看更多

去旺角搵食，無意中見到呢間餐廳，勾起學生時代食糖水嘅回憶！📚✨ 當年佢哋糖水超出名，而家仲有咸食，真係進化咗！好耐無幫襯，於是即刻坐低試試！甜品種類多到眼花繚亂，揀咗芒果北海道牛乳芭菲同抹茶梳乎厘班戟，咸食就叫咗大蝦野菌溫泉蛋芝士汁全蛋麵同燒雞黑松露意大利燴飯。侍應好細心，仲問我哋點樣安排上菜，服務真心💯！🍜 大蝦野菌溫泉蛋芝士汁全蛋麵全蛋麵真係不得了！😍 口感獨特，完全唔似出面嘅麵，配上芝士汁咸香得來好鮮味！🧀🦐 蝦煎過超香口，食到停唔下來！👍🍗 燒雞黑松露意大利燴飯燴飯OK，飯身略為硬身，但松露香氣好正！🌿 雞肉半隻份量多，肉質滑溜無雪味，愛好濕潤口感嘅朋友應該會好鍾意！😋🍓 宇治抹茶士多啤梨鮮奶配抹茶雪糕呢杯飲品超有層次！🍵 先係綠茶清香，慢慢轉到士多啤梨甜味，最後奶香收尾！🥛 飲完一啖再食啖雪糕，簡直係享受！🍨😍🥭 北海道5.0牛乳芭菲芒果芒果芭菲賣相靚到爆！📸 牛乳香滑，味道不錯，但芒果醬喺最底，食到尾聲有啲甜同唔易同牛乳混勻，略為可惜。🥞 抹茶梳乎厘班戟班戟水準一流！抹茶味濃但唔搶蛋香，鬆軟得來好有質感，絕對值得一試！整體體驗好滿足，無論甜品定咸食都好有水準，服務又貼心。下次一定再黎回味！…查看更多

返大陸行完街，為咗避開回港人潮早啲坐直通巴🚌返香港。今次係旺角近始創中心落車，肚仔餓到咕咕叫😵，一邊搵電話睇有咩食😍，一邊四處行。行到睿景酒店前面，見到間串燒店🔥，睇下睇下諗起好耐無食串燒🤤，加上見網上好多好評⭐，就入去試試啦！一入店，老闆好熱情😄，即刻介紹今日靚海鮮🦞，講真，食串燒唔叫海鮮真係浪費😅。可惜蟶子賣晒😭，只有扇貝同北寄貝。另外仲叫咗店舖推介：牛肋肉、黑毛豬、蒜蓉茄子等等，陣容強大！燒北寄貝
一上枱以為叫錯咗4隻😅，老闆話係兩隻一開二，但每隻都大過出面原隻，超誇張😲！食落爽口鮮甜🌊，配蒜蓉、三文魚子同翠玉瓜，口感層次豐富💥。用牛油同白酒燒，香氣爆棚，食到停唔下來😍！蒜蓉燒扇貝🦞
扇貝係king size，抵食到喊😭！火喉燒得岩岩好🔥，甩殼但唔會過熟，鮮味滿分💯。
鹽燒牛舌心肉類質素高，唔係殭屍肉🧟‍♂️！醃料唔重，證明舖頭對肉有信心💪，唔使靠濃味蓋過肉香。牛舌心真係必試，嫩滑無筋，味道濃郁，食到舔舔脷😋。食完同老闆吹水，讚啲海鮮真係正👍，仲知店開到凌晨2點！！！下次喺大陸玩到夜，搭中港巴喺附近落車，再過嚟醫肚，完美解決😎！…查看更多

去超市買完嘢肚餓，係附近搵食，見到一間西餐廳主打意粉，環境又唔錯，決定入去試試！🏠✨ 坐低睇menu，除咗意粉，仲有pizza、牛扒、甜品等，選擇超多！😍 我叫咗以下三款菜式試試：🍤 明太子帶子意粉⭐ 推介指數：8.5/10帶子煎得香噴噴，唔會過熟，咬落去仲有小小唐心feel，超 juicy！🦪第一口略為咸，可能醬未撈勻，但第二口味道就岩岩好！😋配上蟹子嘅甜味同明太子嘅咸香，層次豐富，揀咗扁意粉真是一個好決定！🍜🍕 羅勒松子芝士Pizza⭐ 推介指數：9/10一望以為芝士超膩，但完全唔係！似水牛芝士，入口即化，羅勒香氣好突出！🌿薄餅底脆卜卜，每一口都好滿足！😍 真心推介鍾意芝士嘅朋友試試！🧀🍖 鼠尾草雞軟骨肉丸⭐ 推介指數：8/10肉丸底有蕃茄醬，但唔會蓋過主味，肉質結實唔林，仲有雞軟骨加分，口感好豐富！🐔味道清新唔重，小朋友同大人都啱食！👧👨 健康又美味！🥗🌟 總結三款菜式都好有驚喜，味道同質感都好平衡！😄 其他menu項目都好吸引，可惜今次人少，食唔晒咁多。下次一定要約多啲朋友一齊試其他菜式！👯‍♀️ 呢間餐廳真是一個隱藏寶石，推介俾鍾意西餐嘅你！💖…查看更多

早兩日返風凍左好多 ❄️🥶，咁凍既天氣梗係打邊爐食雞煲啦。🍲🔥 搵下返工個區有咩雞煲，搵左陣見到麻痺英幾吸引，200任食兩個鐘 ⏰✨，配料選擇又多，有好多非酒精飲品選擇，仲要任飲，決定試吓！入到去坐低老闆即刻過黎招呼 🤝😊，好熱情咁介紹唔同煲既分別，個爐點擺最方便，感覺好親切，非常有街坊食飯既感覺。🏡🍽️ 我地揀咗麻痺雞煲微辣（我諗可能係老闆叫英所以店名叫麻痺英 🤔）。麻痺雞 🐔雞黎到煮一陣滾返起就食得。🍲💨 食落唔辣，香味幾好（聽到隔離枱叫中辣好似都ok 🌶️👍），雞質地都都算滑身唔會好乾，同埋好多都係肉唔係得骨。🐔🍖食到咁上下就可以加湯轉打邊爐，特別推薦自家製餃子同加左錢要一份廣島生蠔。餃子好食 🥟😋，無好重既味精或醃料味，豬肉加菜搞埋一齊包，真。自家製幾好食。🌿🐷生蠔🦪望落好新鮮好大隻，淥完無乜縮水食落鮮甜 🌊🍋，無死左個種蠔腥味。其他配料好似丸，肉，菜個d正常，可以按喜好隨便叫，亦有得加錢食海鮮 🦐🦑。整體來講麻痺英好適合三幾個人搵個地方邊食邊傾 👥🍻，任食任飲又可以加18蚊啤酒任飲 🍺🎉，食佢個人情味同風味都值回票價。💯❤️…查看更多

今天去觀塘辦事，順便找了一家餐廳慰勞自己🍽️。找了一段時間後，看到 Add Some Thai Restaurant 的食物照片非常吸引人📸，加上近期不會去泰國，只好留在香港品嘗泰國菜，當作是去了一趟泰國。到達餐廳後，看到門口的裝修佈置非常用心🌺，進入餐廳後，環境寬敞，許多四人桌都只坐兩人，不必擠在小桌子上。燈光稍暗💡，非常適合幾個朋友一邊吃飯一邊聊天談心。餐廳採用 QR code 自助點餐📲，每道菜都有照片，不必猜測。瀏覽了一會兒後，點了泰皇椰青雞湯、泰式無骨海南雞、黃咖哩蛋花軟殼蟹、椰子雪糕蝦多士、馬拉盞炒椰菜苗。🍲 泰皇椰青雞湯雞湯一上桌就聞到濃郁的雞香味🐓，喝入口中，雞湯和椰青的味道都能品嘗到🥥，互不影響或搶味，而且椰青的清甜使得雞湯不油膩，也沒有味精的味道。湯料有椰皇肉、菇和芫荽。如果不喜歡這些配料，記得在點餐時註明。但我認為有芫荽是錦上添花，讓湯的味道更上一層樓，不愧是 Add Some Thai Restaurant 的招牌菜式。🐔 泰式無骨海南雞（半隻）海南雞肉質滑嫩🍗，重點在於醬料，醬料酸甜辣平衡得很好，品嘗時有玫瑰香味🌹且不鹹。🦐 黃咖哩蛋花軟殼蟹配法式蒜蓉包咖哩香味濃郁不辣🌶️，有蛋花使口感豐富，搭配軟殼蟹食用，口感和味道一流🦀。軟殼蟹炸得恰到好處，不會過硬，即使放置一段時間，仍能保持良好的口感。🍤 冰火椰子雪糕蝦多士椰子雪糕蝦多士聽起來似乎不太好❓，但吃完後覺得出奇地好🍤。第一口先咬多士感受其鬆脆，再吃一口雪糕，當雪糕稍微融化後，抹在整塊多士上一起食用，雪糕中和了多士的油膩感，加上雪糕中的椰子肉和蝦肉相得益彰，整體口感在食用之前是無法預料的。🥗 馬拉盞炒椰菜苗炒椰菜苗乾爽🥬，馬拉盞份量適中，不會過鹹👍，比外面許多餐廳都好。…查看更多

農曆新年完咗又要返工，苦中作樂就梗係拜老細年同食開年飯。幾個同事行左陣見呢間幾四正坐低試下。午市有set lunch, 指定主食可以加套餐有小食野飲。不過指定既唔太岩我，散叫左牛肉漢堡蛋包飯同玄米茶。叫完等左一段時間先有野食，眼見唔多客，可能爐頭有限要慢慢出。杯玄米茶好香米味，飲落唔澀唔鞋口都幾好。蛋包飯上菜時侍應都會問使唔使拍片，因為個蛋一切會有半熟蛋流落黎，但肚餓關係想快啲食就唔影。個汁唔辣唔濃味，食落去好似無乜味，個漢堡唔算得上好食，似係叫貨返黎煮唔係自家製，份量亦唔大，如果以呢個價錢睇唔係咁值。不過想搵間坐得舒服唔多人既係一個唔錯既選擇。…查看更多

有野做出開銅鑼灣，醒起之前係i社交平台見到有間燒雞開咗分店係到順便去試吓。黎到接近兩點但都要等一陣先入得，午市時間應該好爆。入去唔算大，一張枱岩岩夠放兩碟野食。排隊個時睇好左，叫個招牌燒雞配薯蓉同卡邦尼意粉。可能我哋遲咗少少落，因為係自助落單，其他枱到晒我哋先到，野飲都係我哋問先上但其喺枱就唔使問都有。講返食物，卡邦尼應該係用左忌廉煮，雖然有好多煙肉碎但唔係我想食到既味，小小失望。燒雞肉唔鞋，皮脆d更好，可能比社交平台影響左，食完覺得普通無特別，試一次就好。成餐飯最印象深刻既係威士忌茶，個味好似而且同個茶幾夾，鍾意飲酒既不妨試吓。…查看更多

天寒地凍唔想煮叫外賣，睇左一陣揀左間連鎖上海野食，之前都堂食過幾次，味道正常，今次外賣唔知會不會中伏🤣等左一陣野食送到，今次叫左醉雞，鍋貼同小籠包。唔知係因為天氣凍定係一段時間先有人接單，送到黎d野食凍晒，諗住都係中伏。打開相機食完到我食，雖然係凍左d但味道仍然好好，同堂食分別唔大，當然熱食既話會更好食。小籠包同鍋貼都保持到水準，不愧係餐廳既皇牌產品，兩款既包都無因為凍左而個皮變硬難食左。不過個醉雞有小小苦，同雞肉鞋左些少，但整體都還好既。…查看更多

話說去開sogo 行下，攰攰地見到間新開既cafe個樣好似唔錯就諗住入去試下。d位係自己搵然後出去收銀落單既，我地叫左3樣野，首先已經落錯單（杯野飲），跟住係落完單之後大概10分中先同我講佢地因為岩岩開所以冇冬甩賣，咁唯有取消佢啦，有d無奈落左order成10分中先講，杯coffee 味道正常，冇特別，冇拉花，用紙杯裝有d hea ,跟住就黎左個紅棗吐司，可能我真係唔識叫野食啦，依個同原味吐司冇分別既要價值38元，可能紅棗真係好貴，同埋都仲要等左20分鐘先送到黎，重點當時唔多人。 總結，如果你想用高級cafe 價錢享受大快活既感覺可以黎試下架。…查看更多

出街食完飯行左陣口痕想食糖水，知道附近有間新出開心果甜品就去試吓。堂食要等又唔知要等幾耐，決定買外賣返屋企舒舒服服咁食。今次買左宇治抹青川同開心果心太軟。青川個個好足料，勁多紅豆，抹茶味夠重，唔係假既茶味，綠茶蒟蒻好煙韌又有抹茶香味，加埋其他配料一齊食口感好豐富，又唔太甜（甜品既高級讚賞），鐘意食綠茶野既朋友可以試吓。開心果心太軟比到驚喜我，一切開好流心又夠暖，連埋個外皮一齊食，完全係滿口開心果味，加埋旁邊既燒棉花糖同糖霜一齊食個開心果味又出d。唔知係咪外賣或者原本跟個款雪糕賣晒，個士多啤梨雪糕爭小小但唔影響成個心太軟，值得試試。…查看更多

前排有個朋友send 左相比我話尖沙咀有間蝦湯底拉麵好好食，海鮮唔貴又大。我睇相都覺得好吸引，今日專程去食。去到附近搵左陣見到唔小人排隊，據我朋友講大概排半個鐘至九個字。店員會拎啲水比排緊隊既人，相當貼心。係入去前有塊牌可以填選擇，揀刀削或拉麵，蔥量，加配海鮮，我地食個日係珊瑚蚌（售韾）同青口，最後叫左鮑魚同青口同蠔。朋友建議我哋試刀削麵，但我食完鐘意拉麵多啲，海鮮係凍上，一食落口感覺好新鮮，唔係好急凍或冰鮮，個汁醃得好好，鮑魚淋多少少會更好，青口好大隻唔腥，一份有5隻，蠔更加係重點推薦，夠大隻唔腥唔水，呢個價錢真係好抵。講返個麵，湯底好味，完全唔係味精湯，靠材料時間同心機熬出嚟，本身跟個三隻蝦都爽口唔梅，整體來講係比拉麵耽誤左既海鮮店。…查看更多

平時鐘意食麵包烘焙野，今日行過新蒲崗見到間麵包店入去睇吓有冇嘢岩食。行左個圈好多野都好吸引🤩，最後揀左開心果酸種千層撻同tiramisu 酥盒。個人鐘意食熱小小既所以返屋企用焗爐焗左幾分鐘，個開心果tart食落唔算太甜，有開心果味加上開心果粒食落口感幾豐富，不過略略覺得開心果味濃d會更好，但整體都好食。tiramisu 酥盒焗完一咬個下好脆，不過小心面頭既忌廉溶晒影響口感，咖啡味好濃，加埋上邊既忌廉同中間布甸包質感，真係幾似食緊tiramisu, 幾推薦呢個，整體質素幾好，加上價錢唔算貴，值得捧場試下。…查看更多

聖誕節周圍都好多人七街食，今日咁岩有野做黎開葵芳呢邊，打開個app見到有間cafe 好似幾四正，就去會一會佢。一到門口就被告知無位😱但問下中間d梳化位又坐得，可能職員唔想我哋坐同食得辛苦所以話無坐。入坐後碌左陣menu揀左兩個意粉，一個甜品一杯野飲。首先黎既係辣芝士醬意粉，一食覺得幾好食，唔算好辣岩岩好，個汁較到岩岩好掛到意粉，蝦又夠多而且有調味，個人鐘意食扁意粉所以有加粉，呢個真係有啲驚喜。再黎招牌龍蝦湯蟹肉帶子麵，個汁比頭先個個希d，佢個龍蝦湯味同出邊唔同，但又講唔出個分別，就咁淺嚐個湯會覺得少少奇怪但夾埋蟹肉意粉一齊食又幾好食，個龍蝦味出晒黎。甜品原本想食蜜糖吐司但埋晒，轉左要心太軟，味道幾好有流心，唔係硬晒個d, 最緊要一開始有設計比人打卡，推薦試吓。野飲叫左紫薯鮮奶，正常無乜特別。…查看更多