katechan0607's Profile

之前喺利奧坊地下另一間食餐廳食飯，見未夠鐘就上咗一樓睇吓，發現到依間日本餐廳有Omakase，決定生日喺試吓。一去到侍應好細心，見我孭住BB，叫我坐卡位。一家四口，兩大人，一個小朋友，一個BB。兩個大人叫咗兩set$1480 Omakase ，第二set有半價，小朋友叫一個一人前套餐。Omakase 兩道前菜，第一道前菜係提子啫喱，提子好甜。第二道前菜隻蠔都好鮮甜。熟食嘅魷魚入面釀咗魚子，個汁都好好味。之後每道菜，包括九款刺身，5件壽司都好好食。特別係海膽同個蝦，老公食完都好滿意，小朋友嘅熟食都好好未，特別係個牛肉飯，小朋友仲話下次又要返嚟食我喺OpenRice 度訂枱，註明係生日飯，餐廳仲送咗個甜品俾我，心意滿分我一向都唔食芝麻雪糕，但佢個芝麻雪糕好香，另外仲有巨峰乳酸啫喱我都好鍾意…Read More

之前喺利奧坊地下另一間食餐廳食飯，見未夠鐘就上咗一樓睇吓，發現到依間日本餐廳有Omakase，決定生日喺試吓。一去到侍應好細心，見我孭住BB，叫我坐卡位。一家四口，兩大人，一個小朋友，一個BB。兩個大人叫咗兩set$1480 Omakase ，第二set有半價，小朋友叫一個一人前套餐。Omakase 兩道前菜，第一道前菜係提子啫喱，提子好甜。第二道前菜隻蠔都好鮮甜。熟食嘅魷魚入面釀咗魚子，個汁都好好味。之後每道菜，包括九款刺身，5件壽司都好好食。特別係海膽同個蝦，老公食完都好滿意，小朋友嘅熟食都好好，特別係個牛肉飯，小朋友仲話下次又要返嚟食我喺OpenRice 度訂枱，註明係生日飯，餐廳仲送咗個甜品俾我，心意滿分我一向都唔食芝麻雪糕，但佢個芝麻雪糕好香，另外仲有巨峰乳酸啫喱我都好鍾意。餐廳環境乾淨，師傅同侍應態度都好好，臨走仲提我哋攞齊嘢😊…Read More

朋友極力推薦些餐廳，還說近來推出套餐優惠，所以襯結婚週年來這餐廳慶祝，因為朋友係識食之人，每次推介都必屬佳品，所以我同老公都滿心歡喜！點知🤦🏻‍♀️我哋喺OpenRice 買咗個原價$960，現優惠價$628的套餐，餐前侍應仲問我哋主菜要咩，因為有得二選一，我見餐單寫意大利飯要加$68，我問係咪要餐前決定，侍應話可以到時唔夠食先決定，餐湯，沙津都係一人一份，點知去到主菜，竟然係一份主菜兩個人分？我見隔離枱叫一人一份set dinner 嘅同一款主菜嘅份量同我哋嗰份係一樣！！！我問過侍應想確定一下，結果侍應話真係得一份！嗰刻我同老公都覺得好驚訝，難為餐前侍應仲話個意大利飯可以唔夠食先加！坦白說，我哋加埋個飯，再食埋甜品都唔夠飽，成餐飯一個鐘食完！後尾睇返餐牌同問朋友，如果個主菜係得一份，即係個餐根本冇平過，咁何必整個優惠呢？而且朋友食過三次，正價食，個甜品根本係無論散叫，定set都會送，咁個餐根本就唔值依個價！其實錢係事少，但感覺唔老實，侍應同餐牌又唔講清楚！去之前知道菜式係特別，但其實如果唔係去之前朋友教過我點食個咕嚕肉牛，我相信極少人識食！原來要兩個醬加埋嚿牛先有咕嚕肉味！朋友話去三次廚師都出嚟解釋同教食菜式，但今晚我只見到一個侍應！菜式味道係幾好，係精緻嘅！本來去之前都想試完介紹俾朋友，但試後真心失望，都唔會介紹俾朋友喇！…Read More

大角咀話大唔大,話細唔細,真係有好多嘢食!不過就唔係樣樣都真係好食,同物有所值!因為我搭車關係,每日都會經過依間”輕鬆小城”當時見佢新開,於是就入去試吓,但估唔到試完一次之後,依度變咗我同我男友嘅飯堂!!!!最少一星期嚟一次!平時行過門口都會見到老闆娘笑容滿面拉客,好多時食緊嘢,有d第一次嚟嘅客人入嚟,老闆娘都會好有心機介紹有咩好食!走嗰時又會依然都會笑容滿面講多謝!講真有時一間鋪頭就算d嘢好食,但係你見到伙計黑口黑面,你都唔開胃啦!講咗咁耐,講正題,就係食物,我記得第一次我係食”台式肉醬撈飯”,依個飯我食完一次,基本上之後嗰10次都係食依個飯,d肉醬唔會好咸,仲有菜譜,再加d青瓜中和返!而且個飯都係賣$28,老實,我喺同區茶餐廳真係食唔到依個價囉!第二樣,係佢d魚湯泡飯,可能你會話”車”,咪又係湯飯,冇錯的而且確,只係一個湯飯,但係佢個魚湯絕對冇味精,而且好味,係真係會飲曬佢d湯為止!佢有雞柳,牛肉等選擇加埋d翠玉瓜同紅蘿蔔,唔會話淨係得肉,顏色又靚! 佢仲有魚湯浸菜,一樣咁好味^^另外, 就係我男友最鍾意嘅五味汁,佢都係有魚,雞嘅選擇,好似仲有牛,不過我同我男友比較少喺度食牛!佢個汁酸酸甜甜,但你唔好以為佢係咕嚕肉咁嘅味,絕對係唔同的!依個你一定要自己試先知!有一次我食食吓飯聽到有個客講個個咖哩雞好食,所以叫咗,我聞都覺得好香,所以叫男友下次叫嚟試下,結果真係好食,不過對於我唔食辣嘅人嚟講,就辣咗d,我男友食得辣就話好好食!近來因為我減肥戒澱粉,有時我會叫客檬汁雞奕,開頭以為只係得檬味,老闆仲喺個自制汁入面加洋蔥!!即刻唔同曬!又開胃,可惜我減肥中唔食得飯!!!哈哈~依個送飯一流!有次我男友仲叫咗個香矛豬扒,d香矛係老闆自己整,加埋d蔥,好香唔係出面食到嘅香矛咁嘅味!昨日我同我男友仲試埋個芝士撈叮同胡椒豬手飯,芝士的味係比尖沙咀淡一d,但係都好好味喎!雞奕充滿肉汁,無得頂!胡椒豬手飯,個湯夠濃,豬手夠'林",掂,依家凍咗,食完個人都暖d!暫時嚟講,我喺度試過嘅都冇令我失望過,起碼唔會好似有時食飯食到d30-40蚊勁難食嘅飯咁.而且老闆好肯改良每樣嘢,好似個湯飯,前排食開覺得有唔同,好食咗,再留心d睇,我問老闆係唔係加咗冬菜,老闆話係!好似依排凍咗,老闆話怕撈飯入面嘅青瓜雪得凍改用菜代替,一同佢講冇咁好食,佢都改返用青瓜,老闆仲時不時會問我哋覺得d嘢點?由此可以睇得出,老闆係好有心機.而且老闆仲係一個好風趣嘅人,成日同我哋傾計!唯一一樣美中不足,就係間鋪嘅地點,唔係喺埃華街,大全街依d旺街,所以唔係咁就腳同少人!但係我覺得”輕鬆小城”絕對拍得住依兩條街嘅餐廳咖!…Read More