pwau's Profile

喺公司附近好細間的日本餐廳，都係因為約左朋友喺google map搵餐廳。舖頭細細的，只有bar seats約8張，不過都好坐。有兩位男士招呼。我們都叫左88元午餐，有拉麵或飯，小食及飲品，都幾扺食。我叫左牛舌拉麵，個賣相幾靚，湯底好鮮甜，不太濃味，牛舌入味，伴菜有用牛油炒過，很用心。小吃我選了炸日本蠔，蠔不太大，不過都炸得剛剛好。最驚喜係有一小樽浸左日本干魚仔的白醋，好有魚鮮味。午餐整體感覺好好，可以回頭。…Read More

一行10人一早訂左12人2680元餐，老闆知我們得10人，減左200元，好有人情果喎，未到已有幾好印象。講真，環境係冇乜靚裝修，不過都有一般酒樓的枱椅餐具，而且周圍都企理冇垃圾，最緊要唔迫，都係舒服嘅。第一道菜係羊肚菌湯，一上已好有香味，味道都好鮮，飲哂冇剩。跟住的又肉又菜又麵又飯又甜品，係冇靚擺碟，但都真材實料冇花巧，味道很紮實，冇落味精，份量亦足夠，我們都很滿意。大㕑有出來，原來係中華㕑藝學院導師，仲帶左㕑師帽同我們合照，仲攞道具一齊玩，氣氛好好。六圍已可以包場，交通亦算方便。真心推薦的小店…Read More

行完獅子山落到新田圍邨下午茶，住左沙田多年都係第一次到新田圍，靠google map搵到南豐餐廳，環境算舒暢乾淨，叫了炸雞脾及炸魚柳，竟然好高質，雞脾好入味及多汁，肯定係生炸，魚柳脆漿不厚，沙律醬更加了不少蛋白，非常有誠意剛見到中秋晚餐有炸蟹蚶，158元四只，好想試下，所以後日踩完單車後，專誠再到嘗蟹蚶。個子不是太大，但炸得很薄，蝦肉混有魷魚，所以很有鮮味，值得一試。每人更送了一碗湯及綠豆沙，都好足料。走前同老闆娘傾下，餐廳1979年開幕，同新田圍一齊咁耐，啲服務員都好有人情味，怪不得可做咁耐。值得再幫襯的街坊小店…Read More

行完屏山文物徑，清暑軒對面就係呢間餐廳。啲座位同枱腳用左跑車裝置，都幾得意。員工服務唔錯，有禮貌亦有誠意。叫左兩份午餐，鴨胸意大利飯及蜆肉意粉，70到80多元，包湯及餐飲。其他有扒類等，百多二百元，選擇足夠。湯係蘑菇湯，幾香蘑菇。首先來意粉，炒得好香喎，入面仲有蔬菜粒粒，蜆肉亦頗多。鴨胸飯啲鴨胸有煎過，啲飯嘅口感不是太硬，不過不失。呢個價錢，性價比好高。知道餐廳已經開左9年，從前生意好好，現在就靠大家努力維持小店。…Read More

街坊福建小店，老闆好有禮，服務親切，知道熟客口味，好有人情味。今晚食左福建海鮮滷麵，好足料，有蝦，蠔，啲湯頭鮮味，麵亦有咬口，60蚊仲有飲品。係可以回頭嘅小店。…Read More

主打係西式餐，午餐50至70幾都有，連一杯飲品，質素同價錢都相符，我食雞扒蕃茄湯烏冬，不算係驚喜，但都中規中矩，雞扒煎得幾香口。態度又唔係太差，作為街坊小店都可以支持下…Read More

一間家庭式經營的小店，一對中年夫妻，男主內女主外，午餐大約60元連一杯飲串，可加湯及甜品。我點了卡邦里意粉，果汁味道好濃，呢個價錢來說是性價比足夠，咖啡就一般，反而個甜品又幾好味。…Read More

今日入荔枝窩，遇上一班朋友到綠悠遊山莊食飯，舊日行山常常經過三椏不過未食過。店家是由法國回流香港的兩兄弟，在自己祖屋開店，門前種了大片自家田，地方好企理乾淨，杯碟都好别緻。今日夠人數，點了好多餸，有黃酒雞，梅菜扣肉，客家猪手，煎蠔餅，煎墨魚餅，炒飯，炒麵，客家豆腐等等，最後以南瓜甜煎餅及法國濃郁expresso作終結。食物水準中上，預左比較細份，不過上菜都快。對住田野食飯，靚景搭夠分。食完記住去旁邊的三椏手作仔，好多好東西。…Read More

响新田村路附近的餐廳，好方便單車友，有大的泊車位，餐廳內夠寛敝。午餐50至60多元，價錢合理亦多選擇。今午叫左肉絲炒麵及焗猪扒飯，味道偏淡，不過好大碟，麵多脆，猪扒好厚，勁抵食！…Read More

先唔評論呢度啲食品，都係一般茶餐廳水平，呢啲價錢一定唔會有高要求。但係啲服務員，無論外賣，收錢，落order的，都係嬲左一村人，面口說話都係令人不快，可能多人做到嬲猪猪掛…Read More

平日行山經過，見到有開門，對正海灘，藍天白雲，就入去嘆過午餐。供應西餐，可能多外國人，都算西式。叫左Fish Burger 同肉醬意粉。冇期望，不過上碟都幾靚，而且份量好足喎。Burger包夠脆，魚亦炸得香口，粉醬適中，fries 都唔錯，好新鮮。意粉放入盆中，幾得喎，肉碎均衡在意粉中，見到有蕃茄碎，應該有放新鮮蕃茄，味道都唔錯。主要係兩位男士接待，應該係條村居民，其實服務都好正常對住靚景，環境寧靜，非常滿足…Read More

夜晚冇飯開，在公司附近隨機搵間小店外賣飯盒。呢間小店在橫街，座位不多，不過環境乾淨。今晚叫左海南雞飯，50蚊有找。一小時回到家，打開見到雞同飯的份量都好足。雞多滑，飯更是有驚喜，凍左都好香好夠味，食下食下就食哂。送例湯，打開更是不得了，係椰子煲雞腳，好濃好鮮。呢個價錢，性價比超高！…Read More

四位好友相聚第一次嘗試法式精緻素食，非常享受一個優閒的下午。午餐由前菜，主菜，甜品，都是視覺及味覺的旅程。餐廳在一樓，旁邊落地大𥦬，光線很漂亮，感覺很舒服服務很周到，我們坐了一整個下午，沒有人打擾，定期添水，非常貼心…Read More

Staycation包左一餐三道菜晚飯，加一個超多份量的甜品盆，非常非常滿足。賣相冇法國菜咁精緻的式，比較大路，不過無論前菜及主菜，份量都好夠，味道就一般，我叫左猪柳及煎盲曹，煮法唔係好特別有驚喜，不過都算係高級西餐的標準。最最欣賞係服務，好細心，擺餐具的位置及放食物的方法非常嚴謹，而且態度親切恰當，令客人非常舒服，例如侍應見到我向某方向拍照，會離開那個方向。解答問題亦好有耐性。真不愧係英式傳統服務的典範。另外，有live performance，都係舊英文歌，好襯成個環境…Read More

用左信用卡的買一送一，叫左兩個三道菜午餐，附有餐前小食及餐後小甜品，埋單600多元，好抵。賣相精緻，味道可以，服務ok，一貫法國餐的標準，不過如果係呢個價錢，服務可以再貼心一啲，例如客人食完麵包，主動掃走枱上麵包碎，收起牛油刀；客人表示share food，應該要主動比spare碟及公用食具等等。環境比較摩登，空間感係夠，但隔兩枱客人的談話聲好清潔聽到，不知同裝修天花有冇關係，如果係要寧靜咁食飯就唔係果會事…Read More