最近好hit嘅冰室，終於有機會試到！酥皮蛋撻好掂！佢哋嘅蛋撻果然係港島區名物，機乎枱枱都有叫，真心好味！餐蛋菠蘿包有啲普通，個包本身唔熱，肥豬餐肉煎得唔香，煎蛋係全熟蛋，一啲流心效果都無，不推薦！常餐雞扒湯螺絲粉，冰室有螺絲粉揀並唔常見，所以心思思叫嚟試吓，雞扒幾好味，螺絲粉唔會煮到爛晒，幾唔錯！至於跟餐嘅肥豬餐肉炒蛋厚多士就十分麻麻哋，塊多士唔夠牛油，甚至可以話係無牛油！唔熱又唔脆，個人認為似厚方包多過厚多士！肥豬餐肉同菠蘿包個問題一樣，都係煎得唔夠香，食落只係微暖，似係輕輕煎一下就起餐，唔好食！炒蛋嘅問題最嚴重，蛋漿根本無拂勻，成份炒蛋中間仲有一撻透明嘅蛋白都可以照起餐，無辦法接受🤢 …Read More
