shujklok's Profile

下午口淡淡，又未到晚飯時間，諗住飲杯酒，happy hour chill 下，行下行下，見到有間green 到爆既餐廳，就諗住試下，有驚喜！本來夜晚約左朋友食飯，未夠鐘，飲住等，叫左個小食送下酒，叫左碟燒魷魚 🦑，條魷魚無醃過，食個底味，但燒得好好，好香，有小小蕉蕉地，但又唔係無肉汁，再配埋佢哋個汁，特顯左魷魚既鮮味，好好送酒，見間餐廳咁有質素，再叫多兩樣小食，雞翼都不得了，下次可再食，醃得好入味，燒得脆面，重有個炸春卷，春卷就不過不失啦！咁就自己一個chill 左個happy hour …Read More

📍譽麵坊好似中左毒咁 每隔一段時間就要去食最緊要佢價錢平啊嘛🧸我以前係唔食南乳同唔好炸雞的居然有一間令我上癮🤤🍜南乳雞球米線 $36雞球外脆內嫩！炸雞唔老但係皮咬落極脆肉質唔會太乾 有少少肉汁嗶出黎🤤南乳醬香濃夠味 米線落左好多雪菜 調味啱啱好個湯底就算無餸食都唔會寡🍜貢丸米線 $35唔知有無貢丸關注組 我真係試過好多貢丸呢間既貢丸絕對可以排前三肉質緊實 調味合宜🤤真係好難得可以空口食好多粒🤔講到最後 仲嗌左珍珠奶茶埋單唔洗一百蚊 係香港邊度搵！譚仔都唔止啦！！📍 譽麵坊 (土瓜灣)土瓜灣新山道6號地舖…Read More

東隅buffet-太古環境新，有商務feel，座位闊落，私人空間感充足👍燈光比較昏暗，未必啱長者，環境清靜，適合小小三五知己及情侶多d，望樓景，所以可以叫做冇風景。食物：主打生蠔，任夾唔使排，有愛爾蘭及法國兩種，中size，幾鮮甜，而且fill得好密，6:00到9:00都係不停fill，生蠔愛好者可以食到夠為止😂#我自己食左4x隻_另一半2x隻_超大滿足👍👍由於佢地方唔大，所以佢將熟食變咗落order，所以出邊唔會太多人行嚟行去一大家都坐喺度等食，廚房新鮮煮直接送嚟都比較衛生乾淨，而且每次落完單兩三分鐘就到👍熟食主打: 印度雞(好正宗)，豬腩肉(夠脆口)，嫩牛(有得揀幾成熟)，銀鱈魚，牛油帶子#佢哋然食唔多都係十款八款_質素好賣相好_不過份量都唔少_食唔到幾多款😂外面拎食物枱唔大，主要都係放凍肉沙律生蠔甜品等等凍食有特別d既例如泰式生蝦刺身，醉雞翼及蒜泥白肉等等，仲有自家製意式雪糕，ok既刺身有大甜蝦，油甘魚，三文魚幾種。因為網上訂枱有七五折，對於任食生蠔嚟講係值，其他都有意外驚喜👍👍坐得舒服，食物賣相好，全部企理乾淨都加咗唔少分兩大一細，千二有找。…Read More

以下食評係負責任，加上極度主觀既個人意見一打開個外賣，比個汁兜驚艷左一下！多到好似湯咁，可以攞黎飲，一啲都唔孤寒盒雞一開，即刻聞到陣大大陣雞油味之後第一時間就梗係一個直直bird極扔左啲青瓜先😆雞胸位都唔算太鞋，啲雞都有啫喱我開心到點醬點得超狼死🤣我覺得斬得有啲大舊，不過屋企食，雞槌無起骨都唔緊要，好豪邁咁用手食😬😬😬不過食多幾舊都幾漏下，佢啲油都多既骨碎都多，要小心注意因為係外賣黎，所以個價錢係貴左啲，就唔寫出黎作參考喇…Read More

唉，響富善寄完信，諗住飲茶，貪方便去呢度，點知中哂伏😭鹹水角望落好大件，事實超少餡，0.5餡+9.5空氣叉燒河油雞河，叉燒又硬又嚡又柴又咸，油雞多骨都算，嗰兩嚿胸肉一啲味都冇，河粉湯底淡如水蝦餃無蝦味，燒賣冇肉味，都唔知食咗乜落肚牛肉還算可以，如果冇喼汁提味都好難放入口最精彩係碟紅醋，顏色似色素水都算喇，成陣化學味我都唔夠膽食，而且仲俾阿姐串，因爲我諗住用醋嚟食河粉(碗粉冇味點食呀)，點知佢一句窒埋嚟話“邊有人食河粉用醋架？食麵先落醋架！”，其實我點食嘢關你_事咩？好彩我唔係住富善，今次只係路過貪方便，下次不了…Read More

波士頓餐廳係我兒時回憶，今晚自己一個去食下，重拾呢段回憶樓梯上到去，就安排我坐張最近樓梯口個位圖中個黑色衫好串咁話：一個呀？呢度啦坐落去就知中伏，個位完全對正個廁所門本來諗住算啦，自己一丁友但人地出出入入一打開道門，有陣異味飄出來，我戴住口罩都聞到。然後我要求換枱，咁就同最近我果位職員（收銀）講，之後個黑色走埋來眼超超話：呀先生，你將就下啦，其實呢入面個廁所，同你眼前個廁所門距離好遠，唔會有問題 如果你換，入面執緊枱，你坐返係度等我即刻話：如果你去食飯，人地安排張枱對正個廁所門口，你都冇胃口食啦？之後條友冇聲出，但眼超超，嘴秒秒，口up up。幸好順利換返張比較好的位。至於食物方面，叫左個美極雞扒，雖然份量多，但雞扒食落好「un」，好大陣油益同雪藏味...感覺就同茶餐廳下午茶*炸雞扒配沙律/薯條*的果塊雞扒一樣今餐飯本身想自己一個享受下，重拾回憶，但諗起呢位侍應（定captain）的態度，真心非常失望。見我自己一個就恰9我，整張對正廁所門口的枱，在等佢「重新安排一張枱」之間，我發現其他2位2位上來 就全部坐正常位。…Read More

首先影呢盒飯同湯之前，我係未食的，我攤開俾大家睇。👎🏿👎🏿👎🏿有無人接受到？唔係外賣仔送餐的，自己買外賣的！話晒出名冰皮燒鵝，俾哂d得皮既位🤬🤬🤬，就算有肉都硬到咬唔開🙈🙈🙈，燒肉又乾又鞋。🤦🏼🤷🏼‍♂️1個例湯係跟餐，1個例湯係另外俾16蚊買的，份量少都算，跟埋唔會食既薑同蜜棗，點會黑仔成咁？我究竟做錯乜嘢？個天要咁懲罰我？🤦🏼‍♀️🤦🏼‍♀️🤦🏼‍♀️開業初期都覺得幾好食，而家越做越差，永無下次！…Read More

大角咀Da Vincenzo，The Hangout餐廳冇位同我地講可以去隔離幾間舖嘅bar度坐底嗌完送過去。點知嗌枝apple cider，2020年2月底就過左期，同個老闆娘講，勁冇禮貌對唔住都冇句。同枱仲見到塊布抹完枱又抹餐具白酒蜆意粉水到茶記湯意咁，carbonara都好一般，以前個汁蛋味濃好多好食好多菇拼four cheese pizza，以前長方形而家變正方形，個批底都冇咁脆，個菇又草味又有dd腥要靠tabasco打救。仲有個羊架未影到，熟度ok但面頭拍左層麵包糠多舊魚，伴碟個薯角似煮多過炸仲有陣怪味加兩杯Suntory生黑啤埋單都成千，個胃俾人強姦完咁款🤦‍♀️🤦‍♀️🤦‍♀️🤦‍♀️🤦‍♀️…Read More

今午在金巴利道个間【北京水餃店】吃水餃，🥟🥟🥟門外貼滿老闆與好多名人拍的照片。味道尚可以，惗住一般午餐吃完快閃行街街。点知吃到一半，老闆執枱，見他從客人棄掉於杯的纸巾取出，然后用來抹擦枱面的湯汁🤮🤮🤮。即時反胃，👎🏿👎🏿👎🏿想立刻走人。現在都什么時候，疫情咁厲害，點解仲有D咁嘅飲食業從業員😠。如果再次禁制堂食，好多食店真係要執笠😓👏🏻👏🏻👏🏻👏🏻👏🏻…Read More

荃灣德華茶餐廳！真係超級嘔心！食物衛生十個差評！！！👎🏻屋企人嗌杯咖啡飲飲下突然發現有野係口都發覺唔妥！發現係隻超大烏蠅🪰！！！🤢🤮🤮🤮🤮沖咖啡時咁大隻烏蠅見唔到？！！🥵🤯即刻連食落肚的米粉都嘔返出黎！越霖越嘔心！！！🤢咁既食物衛生真係幾好食都冇用！！沒有最差，只有更差！😱😱😱🤮🤮🤮係佢有生之年，唔洗指意會再踏入佢門口半步，寧願餓死，都唔想屙死！去食嘅你，祝君好運。…Read More

真係，真係，真係😍😍😍好好食，皮脆，肉嫩，有肉汁，剩係雞脾本身已經好食到爆炸，重有椒鹽係表面😍😍😍，好好食，好香，雞髀醃到嫁夠味，炸醬又好掛皮，提升左雞髀既層次！👍🏻👍🏻👍🏻太陽蛋既角色都好重要，因為有蛋黃汁，撈落d飯度食，真係無人抗拒到，本世紀既絕配，真心大愛🥳🥳🥳🍗🍗🍗再講埋價錢，$35...$35...$35...🙀🙀🙀點做到嫁，唔洗賺錢嫁，痴線嫁！…Read More

海洋公園萬豪酒店，喺黃竹坑，都唔算隔涉，搭地鐵去行10分鐘到就到。今次特登去食佢嘅自助餐，自助餐種類不算太多，不過貴嘅食材講得出都幾乎有，好欣賞佢嘅真材實料，熟食好有心機，食材都用貴嘅食材！先講下個燉湯，烏雞燉瘦肉，好足料啊，啖啖都有肉香，落少少鹽，冇乜味精，原材料嘅味已經夠了。隻鮑魚就細隻咗啲囉，靠食執㗎咋，鮑魚冇乜味，彈牙囉。龍蝦都冇乜特別，夠爽夠彈牙，不過冇乜味，佢都冇配合醬！鵝肝真係冇得輸呀，新鮮好大件啦，好好食，表面有少少蕉，好好食呀。…Read More

人去我又去，太子湖南老家飯店$20外賣海南鷄飯，斬定一盒盒pack好 保溫，一手交錢，馬上一手交貨。鷄嘅份量好多，奇怪係胸肉算鞋，依然比鷄脾肉容易咬，鷄脾肉直情韌到食唔到嘅，食到成口渣，最後成份要鉸剪✂️碎上🙄，好似小朋友食飯咁，個汁係平時配薰蹄嘅蒜茸辣椒糖醋，飯有味but唔香。雖然只花$2O，唔想評價得太差，但絕對冇下次。抵唔抵食真係見人見智，不過如果是但塞飽個肚就算既，咁點解唔食面包而係食擦膠？ …Read More

食米線真係食極都唔厭，呢排嘅天氣真係不適宜食飯，個人已經唔知想點㗎啦，仲要食飯真係唔好玩啦。嗌咗碗米線，真係冇令我失望嘅星林居， 一間好闊綽嘅米線店，你見到佢個湯底顏色，就知用咗好多嘢去煲啦，仲有佢啲配料，幾咁充足，仲有主菜，嘩，咁係唔係講緊啲肉啦，係講嗰啲芫荽啊。本人係高級芫荽控，冇芫荽不歡，日日食都可以唔厭，去其他米線店，芫荽都真係幾塊，好似好貴咁，呢間就唔同啦，芫荽好似唔駛錢咁，我冇額外叫加芫荽㗎，佢本身嘅份量就係咁啦。大滿足…Read More

呢排啲天氣悶悶熱熱熱，又少少潮潮濕濕，個人又唔係好想食飯，米線又好似食太多了， burger唔好啦，所以最後揀咗熱狗。其實我覺得熱狗好容易整，通常都係你個包，腸，將，配料，That’s all .咁就賣幾十蚊，都好似幾好賺喎。今日呢就熱狗，其實都係最普通嘅貨色，配料都只係一束青瓜絲，不過都幾清新，好啱呢啲咁嘅天氣食。條腸都係嗰啲熱狗腸啦，啲醬都係嗰啲熱狗醬啦，個包更加係普通過普通，所以整體都係普通，所以佢收普通嘅價錢係合理嘅！…Read More