gourmet_requester's Profile

前幾天剛好有補假，約了朋友在尖沙咀行街，經過見到呢間舖頭裝修好靚，又有啲肚餓就入咗去試吓，食嘢覺得真係值得推介吓環境非常好，有啲居酒屋嘅風格因為係平日仲要唔係食飯時間，所以坐落好舒服唔知點解最近成日都好想食炸嘢就叫個和風紫菜魷魚酥試吓仲好好彩趕得切可以嗌午市定食，仲可以配埋烏冬或者白飯非常抵朋友見到呢個咖喱蛋包飯推介都忍唔住要叫一個嚟試吓野食好快黎到魷魚酥炸得非常香脆，個皮亦都唔會太厚午市定食我哋揀咗燒油甘魚鮫配蕃茄烏冬油甘魚鮫外脆內軟仲幾大份，配埋個烏冬啱啱好朋友話個咖喱蛋包飯都唔錯，漢堡都好厚，下次我都想試吓因為同朋友坐得太舒服，傾耐咗又叫多左個嘢飲兩支都係發酵茶：荔枝玫瑰紅茶同埋鹹檸綠茶菌兩個飲落去都好似氣泡酒咁，仲加入左唔同風味啱晒我哋中午想飲吓飲酒嘅人總括而言，呢間餐廳無論係食物質素定係環境都非常好，值得再試…Read More

天氣又變返凍冰冰又係打邊爐嘅時間，本身諗住試吓麻辣火鍋，但係近排身體有啲虧，諗住可以食啲嘢補一補網上見到呢間火鍋店主打花膠雞，當然要嚟試一試我哋去到嘅時候係六點本身諗住應該冇乜人，點知都坐滿左大半枱。一坐低就可以即刻揀醬料湯底我地叫左「半隻花膠雞湯」，冇諗過啲花膠咁大片、好厚肉，啲雞都非常新鮮，食完個湯底都已經補返晒血，店員會幫你剪開啲花膠令到容易入口再嚟必點係「手切頂級安格斯牛肉」，超級大盤，兩個人差啲食唔晒。厚度亦都啱啱好，淥完都非常嫩滑，牛味足呢個「胡椒豬肚貢丸」幾特別都點嚟試吓，入邊真係會有豬肚，係好食既響鈴同埋芝士腸對我來講係打邊爐必點嘅，雖然對我嚟講大份左啲但證明係抵食響鈴真係超級推介另外當然唔少得要啲蔬菜來墊墊肚，我地叫咗生菜同埋鮮嫩筍尖片，加埋啱啱好，係非常飽足嘅一餐，正常應該三四個人都夠食，下次可以叫埋多啲朋友一齊嚟仲正…Read More

前幾日氣溫急降最岩去打邊爐，朋介推介呢間新開火鍋店話，最近食過覺得幾好食今日算早左黎食晚餐，未有好多人因為朋友想食清啲只能叫豬骨湯底，以為平平無奇點知好香豬骨味，仲有冬瓜紅棗杞子，真材實料，湯底已贏一半。餐牌仲有好多料揀，選擇困難都係交俾朋友揀算牛我地揀左雪花牛，真係睇到每片睇到清晰雪花，淥10秒即食，鮮嫩多汁另外叫左豬梅花，味香肉滑，打邊爐一定要叫哂兩隻肉先過癮桂花蚌係又一推介，冇諗過咁大片咁鮮甜，值得一試手打墨魚滑，我都好鍾意鵝腸比想像中大碟，新鮮爽口食厭左原味，中途又可以出去調味區加加料，有新鮮蔥同芫荽值得一讚食到最後加點左冰粉都幾得意，可以出去自己加料，如果好似我咁鍾意多黑糖提子乾山楂可以盡情發揮冰粉完成品，為呢一餐畫上完美嘅句號…Read More

上網見到呢間餐廳好多好評，今日難得嚟同朋友慶祝生日，可以襯呢個機會食吓好嘢樓下好唔起眼，但正門幾有特色，展示左一套日本武士既盔甲雖然呢度嘅賣點係食和牛壽喜燒，但係同一時間都見到好多人係點呢個「夢見鳥」串燒，聞到好香但難得今日係你慶祝朋友生日當然要食好啲啦，所以我哋叫咗呢個鹿兒島黑毛和牛A5壽喜燒套餐係鹿兒島黑毛和牛呀！！！呢度既壽喜燒特色係鍋上面放咗一大舊棉花糖，之後職員會將啲湯汁淋喺棉花糖上面等佢溶化，成為壽喜燒汁嘅一部份。個甜味會比出邊食到嘅更加融合職員料理中，我地就乖乖等食食得喇！真真係可以講係我食過最好食嘅壽喜燒牛肉，個壽喜燒汁好好味，但係又冇蓋過和牛嘅牛味，再加埋蘭王既蛋汁真係正到爆炸每食一片又會有另一片放喺你碟上，真係好滿足呀同時仲有呢個靚靚野菜盛合配搭埋，食完和牛岩岩好準備食喇真係唔知點解同樣係綜合蔬菜同烏冬都可以咁好食，每一樣都好新鮮好鮮甜讚岐烏冬加少少蛋汁，好正最後嚟埋呢個雲呢拿雪糕，大滿足！！！呢間餐廳一定encore，唔使諗強烈推介…Read More

如果你同我一樣鍾意去居酒屋食日本菜，又鍾意高級西餐既海鮮/扒，呢間餐廳一定岩哂本身同朋友黎係睇中佢有蠔食，宜家好多餐廳因為成本問題都冇再出蠔，難得仲有幾款蠔揀我地揀左法國既Schaller，金屬味唔重但非常鮮甜味美，絕對係近幾年食過最好食既蠔法國Schaller 生蠔食完蠔諗唔到食咩好，餐廳老闆推介我地試佢地既海膽三文魚他他多士同佢地既鵝肝多士，一場黎到就試下啦海膽三文魚他他多士海膽好鮮甜，一啲都唔腥，配埋三文魚他他真係冇得輸。鵝肝多士上面既鵝肝真係超肥美，加埋個黑醋醬畫龍點精，雖然睇落去細細件，兩個人食岩岩好，真心大推韓國生啤Kloud食咁多正野點可以冇酒，不過之前聖誕新年已經飲得太多，少少地飲個韓國生啤Kloud，超大杯&入口順滑，呢杯抵飲燒山藥最後食返少少碳水黎為呢餐畫上完美句號啦…Read More

今日好開心，終於約到一個好耐冇見嘅朋友食飯，原來佢搬咗嚟西九呢邊，咁就順便喺樓下ELEMENTS食飯。但朋友唔想食肉，叫咗少少哋幾樣餸：「金不換和牛碎生菜包」、「蟹肉蛋白西蘭花」、「火焰椰子八寶燉雞」再加個油飯。如果講新加坡菜梗係食海南雞飯同肉骨茶啦，但今日朋友又話唔想食得咁油膩，所以今日叫嘅都係啲特別啲嘅菜式佢推薦嘅係「金不換和牛碎生菜包」，我一開始以為只係普通嘅炒辣肉碎，點知食落真係唔同啲，香口得黎配埋好多粒粒彩椒口感好正，金不換個味亦都係好出，最重要係夠多生菜包得哂啲肉碎呢個大推「火焰椰子八寶燉雞」真係着晒火嘅椰子咁上攤凍一陣就可以飲，入邊真係非常足料。雖然應該落咗唔少嘅湯料，個湯飲落仍然超甜，亦都有椰子味。如果平時屋企少湯水嘅真係可以叫一個嚟潤一潤另外我哋仲因為好想食賽螃蟹，叫咗個「蟹肉蛋白西蘭花」蛋白超滑，蟹肉亦都好香，配埋魚子同黑魚子絕對係畫龍點睛兩個人食啱啱好再送埋飯一流另外我哋每人叫咗杯飲品：「手打香檸檬茶 」超大杯，我覺得仲好飲過出邊所謂嘅手打檸檬茶專門店「油柑香水檸檬」我本身都聽過香水檸檬係香啲，而飲落真係會多咗一陣香草味，同一般嘅檸檬茶好唔同，但飲落一樣咁好味，未飲過可以試吓呢度野食就一定好食，飲品就真係出乎我意料地出色。之後再嚟食野，必叫返杯飲品…Read More

周年紀念另一半帶左我黎食高級割烹料理，上網睇呢間餐廳好高評分，主打日式意大利菜，難得食到，值得紀錄下門口係睇得出既高級有放置左餐牌介紹今期既套餐內容佢嘅8道菜試食套餐每位$788，仲有獨家3款清酒配對套餐每位$228同埋5款清酒配對套餐每位$338先黎係「Amuse Bouche前菜三款」，已經係鮮味既配搭：- 鯖魚配手工青蘋果醬，鯖魚嘅鮮味唔腥，仲有啲隱隱甜味。- 西班牙紅蝦刺身配自製果醬，紅蝦嘅肉質綿密，鮮甜而唔膩，有啲似魷魚嘅口感。- 蟹膏脆片香濃鮮美，好好味再黎係「慢煮和牛舌酢漬姬菇」，和牛舌部分經過慢煮處理，入口即化，又彈牙，同時帶有紫蘇醬嘅平衡味道，加上大蒜絲，口感豐盈呢個「鮮鮑魚淺蜊富山米意大利飯」真係絕對要細心品嘗，使用優質嘅富山縣產富富富米，鬆軟而甜再配上鮑魚，滑膩鮮美嘅鮑魚肝醬，加埋淺蜊，真係鮮甜無比另一主菜「A5和牛配味增燒大根」，和牛肉質香濃淋滑，油脂分佈均勻，入口好多汁，配埋味增蠔豉醬，味道豐富最令我驚喜係用日式高湯煮過嘅大根配菜，上面仲加左少少半溶化嘅芝士，香甜無渣，口感一流最後仲有四小味甜品都好值得推介，不過就冇影低，總括黎講，係一次「好好」既用餐體驗，價錢高啲，會比較岩特別既日子可以黎呢度慶祝下嘆下…Read More

中午去大圍搵朋友，地頭蟲帶我黎試一試佢成日食既呢間西餐廳，食完真係覺得唔錯，值得推介下：午餐12:00-3:30 主打意粉，亦有豬牛雞魚扒可以揀，包餐湯/沙律同飲品一杯。我地揀左白酒炒蜆意粉同是日推介牛肉漢堡首先黎左沙律同南瓜湯：沙律菜款多，配蜜糖醋汁岩岩好；南瓜湯滑溜濃厚，好香南瓜味。之後到主菜，牛肉漢堡有啲港式style，包好鬆軟，牛肉漢堡極厚，大啖好滋味，薯條我個人就最鍾意食波浪薯條，所以對我黎講真心like白汁炒蜆意粉亦都大推，影得唔太靚，但蜆肉鮮甜，配白汁意粉好夾，仲有洋蔥增加口感，我地細胃以為食左burger都飽，點知最後都食哂餐飲有得揀熱水果茶，好香甜甜地，順便解埋膩。甜品都好令我喜出望外，係包住雪糕嘅泡芙。好完美地結束一餐，得閒經過都可以黎食下。仲有pizza 加啤酒優惠，遲啲可以同fd 啤啤佢…Read More

雖然已經九月，但天氣仲係熱辣辣，冇乜胃口，想食下啲濃味野開開胃。呢間十二味之前都有聽過，有分店喺唔同地區，今日經過旺角呢間就嚟試吓。餐牌見到選擇唔算非常好多，但係對我嚟講已經非常足夠，見大部份人都會叫酸菜魚，但係我自己又唔係太想食一味餸就食飽，所以叫咗兩款唔同小菜加麵食。首先呢個係「霸王辣子雞」，點菜嘅時候可以揀辣度，我哋揀咗小辣，雖然睇落好多辣椒，但唔會辣，而且香料味十足，食落知道好正宗，而且啲雞好香口，越食越有味另外仲有「大盤花菜」，本身叫呢個只係想食下啲蔬菜，點知好有驚喜應該係有用辣椒面再加啲香料炒，豬肉片肥瘦都啱啱好，鑊氣十足！真係好似我之前喺雲南食過嘅口味一樣，只係冇咁油同辣另外我哋叫咗「蔥油拌麵」去餸啲菜。飲品方面見到呢個有叫「慾望酸梅」覺得幾有趣嗌左。黎到發現原來超大杯，好飲下火，大大杯另外朋友就叫咗杯「熱情果梳打」，因為佢走冰，所以就變咗細杯啲。好似咁樣叫餸食飯就好似食咗一餐川菜式嘅家常便飯咁，環境都唔錯，好好坐，得閒可以再encore。…Read More

第一次食成都冷鍋串串，其實都唔知咩黎但成日都聽，終於有機會試到呢度最正係有得揀串串放題，岩哂選擇困難症既朋友，兩個人叫哂上面7-8成既串串應該都夠哂有突。如果好似我咁係重症患者，叫二人餐仲正，揀哂就差唔多，唔洗諗，價錢又唔貴佢地既二人套餐都提供左好多選擇，包括各種肉類、丸腸同蔬菜串串，仲有四川精緻小菜同湯麵揀。我地決定試哂唔同類型既串串，其中牛豬雞肉都有叫到。黎到之後發現50串好大份！之後食左一半都仲有咁多串串太多不能盡錄，我覺得最好食既孜然牛肋肉黑胡椒腸單骨雞翼肥腸估唔到煮埋一齊都可以keep到每一舊肉都煮得恰到好處，保持到肉質既鮮嫩和原汁原味。尤其係佢地獨特調味既湯汁同辣粉，為整體串串增添一份獨特既美味。記得都要叫返多啲菜菜黎平衡下除左串串，佢地既小菜同湯麵都唔錯。酸菜牛肉麵鮮香開胃，搭配著豐富的配料，牛肉係牛𦟌肉，爽滑入味，食完串串好飽都忍唔住食哂碗麵而蒜泥青瓜同口水雞都清爽可口，為整餐增添一份清新既口感。除了美食，呢度既服務都令我印象深刻。姐姐好熱情友善，會建議我地食咩配搭同辣度，仲會睇住我地食完串串先上麵再上冰粉，非常細心。餐廳環境都整潔舒適，燈光柔和，好岩三正知己一齊吹水食野，用餐體驗感覺唔錯冰粉超好食，為成餐畫上完美句號…Read More

呢間我成日經過都見到，但係從來都冇入過去，因為覺得佢只係間普通嘅茶餐廳。不過有朋友推薦我話呢度嘅酸菜魚超級好食，仲帶埋我黎食裡面係茶餐廳嘅基本格局，但係非常之大，座位好多。因為朋友推薦，所以一坐低就毫不猶豫嗌咗個招牌酸菜魚，另外我再嗌咗一個我平時喺大排檔好鍾意食嘅，蜜椒薯仔牛柳粒啲嘢食好快就到，果然係茶餐廳速度但味道真係好唔同！食得出落咗好多香料、花椒同埋酸菜先可以令到個湯咁好味，有辣椒香但係又唔會好辣啲魚仲好薄、超滑又多，配飯真係一流。真心仲好食過深圳嗰啲貴價酸菜魚啦薯仔牛柳粒仲有鑊氣過大排檔啲薯仔外脆內軟，牛柳粒都好軟滑，有牛味，又有好香嘅蜜糖味，同埋大碟到應該要兩個人先食得晒，但真係好食到幾飽都要食埋佢好彩我哋嚟到嘅時候算好早，走嗰陣差唔多有10幾人排緊隊，一定會再黎食！…Read More

今日急住要食個快飯，但又唔想太求其食，經過見呢間店裝修得幾靚，一於唔諗咁多入左去坐低先。頭先見到門口出邊推薦啲刺身、壽喜燒好似好正，另外有啱啱見到OpenRice啲人推薦佢哋嘅卷物都好唔錯。但今日天氣有啲熱，但係又唔想食凍嘢，所以就嗌咗啲串燒同埋卷物。本身想叫牛油果軟殼蟹卷，不過已經賣晒，所以就轉左叫三文魚加州卷，賣相睇落OK，食落都唔錯，最緊要啲料好足呢個我覺得最正！係我朋友嗌嘅火炙三色卷，分別有帶子、三文魚同吞拿魚。雖然知個賣相冇頭先嗰個咁靚，但係更好食，又有唔同口感同味道，每樣兩件兩個人分嚟食啱啱好。另外叫咗兩款串燒分別係鹽燒日本手羽同埋鹽燒厚切牛脷串。兩款都係即叫即燒，熱辣辣！雞翼脆卜卜，牛舌都真係厚同Juicy!之後仲叫咗個炒雜菜冇影到，都唔錯，亦係即炒，自己即刻感覺飲食好均衡…Read More

琴晚出左去旺角同朋友撐枱腳食晚飯，估唔到俾佢揀左間好餐廳，真心好食！所以忍唔住要出埋post讚下朋友喺加拿大返黎，好掛住日本料理，所以揀左呢間，話想多啲菜式揀。睇餐牌唔單止有刺身、壽司，仲有串燒、和牛炒飯、特式刺身組合等，估唔到仲有即開生蠔配各款酒類，仲有自釀梅酒，真係一坐低就已經知道揀左間好餐廳既feel有二人前menu，適合有選擇困難症既朋友。估唔到有即開生蠔🦪，睇住隔離位叫左，有專屬師父即場開蠔，啲蠔超大隻！！！仲有好靚既超大貝殼盤載住，差啲忍唔住想叫盤落完單野食好快就到，師傅似係會睇你叫既係頭盤定主菜會一碟碟上，第一款係沖繩海葡萄蕃茄沙律，海葡萄有海水既天然咸味，同薄切蕃茄既清甜非常匹配，加埋一齊食岩岩好，爽口開胃。仲砌到好似朵花咁，靚到唔捨得食第二款係火炙刺身三品，如果冇記錯應該係帶子、左口魚裙邊同拖羅。帶子一如預期咁鮮甜，拖羅經火槍燒後比之前更肥美，左口魚裙邊爽口得黎有刺身既鮮嫩肥美，仲係意外驚喜！火炙帶子食得多，但配埋魚子同海帶一齊食係第一次，口感同味道都超豐富，大推！第三款我地叫既係網上都好多人推介既雲丹拖羅蓉山盛！一黎到已經知點解會咁多推介，因為真係好震撼！拖羅蓉爆多，魚子好大粒，海膽只係睇顏色已經知道好新鮮，食落口真係味蕾大爆炸，魚蓉魚子鮮甜十足，加埋香滑海膽，真係只能講美食讓人感到幸福啲拖羅蓉同海多到瀉哂出黎最後叫左啲串燒當主菜暖返個胃，雞骨豬肉腸同雞肉大蔥串都好唔錯，真係整得好食過好多日本餐廳，海鰻都好推介試，因為食得到魚味之餘又冇腥味同唔會過咸，食得出好新鮮。一定要試既係「提燈」，呢個係店員見我地揀緊串燒果陣推介既，食完真係覺得冇介紹錯，不過唔講係乜嘢喇，等大家自己去發掘下提燈燒得岩岩好，咸香得黎口感好正，兩粒圓形仲好似濃縮嘅溫泉蛋蛋黃，想試下特別野既人可以叫黎試下！包保會覺得正！…Read More

又再次每星期喺旺角上堂既一晚要搵新野食開始有難度，好彩上星期經過時已經發現左呢間餐廳，因為裝修好靚，俾佢吸引左，仲係特色串燒店，所以一早揀定左今晚黎呢度食餐牌好簡單，一眼睇哂，貴精不貴多，用QR code手機落單就得Peach Hoeggarden：一坐低唔黎咁多，即刻叫啤酒啤一啤先，食串燒點可以冇啤酒推介既羊肉串：好有東北味道，細細串過下口癮岩哂。烤原隻魷魚：叫既時候冇諗過會咁好食，有炭燒既香口感覺之餘一啲都唔韌，大推！韭菜：幾大串，中規中矩，唔會燒得太乾。粟米：真心正！呢個必試！烤粟米上面有好多奶油再加埋芝士粉同少少辣粉，香甜軟滑，口感都一流！！！錫紙娃娃菜：本身用黎令自己感覺良好啲，食太多熱氣野，但呢個真心正，娃娃菜好甜，配埋粉絲食一流！因為同朋友志在搵地方坐下食下少少野，都冇話叫好多，埋單200蚊到，價錢合理。下次可以再試下其他款…Read More

每星期一次去旺角上堂，有樣好煩既問題就係要諗食咩好，呢幾日好鬼熱又冇乜胃口，想食啲清淡啲嘅野就揀左食越南菜。入到去半滿，但唔迫，座位幾舒服。睇餐牌以越南菜黎講，食物選擇算幾豐富，湯河/檬主要係牛骨湯底，配不同嘅餸，早少少黎仲送野飲。順化豬手&牛肉湯檬我揀左呢款湯檬，因為有兩個餸感覺抵食啲，黎到發現真係好大碗，料又多。湯底比起一般既越南餐廳濃味好多，相信係因為呢碗除左係牛骨湯，仲係因為順化version，用料調味豐富好多，有辣椒少少嘅辛辣，香料嘅香味，蔬菜嘅甜味。豬手好大舊，好入味。牛肉係牛𦟌位，好滑入味，檬粉係類似粗少少既米粉，但相對吸湯同順口好多，係真心好食嘅三色冰因為真係太熱忍唔住叫多左杯野飲，應該搵唔到比呢杯更正宗嘅三色冰。綠色粉條好爽口，紅綠豆仁都好淋，椰漿好滑，消暑一流。 朋友叫既牛肉湯河，睇落都幾正，佢話似係純牛骨湯河，甜度好足，下次可以試下…Read More