TakHengTsui's Profile

呢間食過幾次，味道同價錢都算唔錯。但建議繁忙時間千祈千祈千祈唔好叫外賣自取。預備時間廿分鐘，見到佢寫可取餐先落去，去到再等兩個字…都未得，唔好意思呀繼續等。見到隔離有個網上外賣平台哥哥一齊等緊，我諗佢慘啲，等既時間夠接多張單。火到黎埋唔想再等。間鋪都算肯爽快取消同退錢。麻煩將個準備時間set鬆小小啦，趕開工真係死得，30分鐘整一個車仔麵，我做乜要外賣自取？都已經唔係一次，今次又中伏。五次入面兩次中伏，我諗都冇下次。…Read More

新年同屋企人食點心買外賣自取。比預定取餐時間遲兩個幾字先拎到，好心做唔切就預多啲時間。上手既點心唔熱，凍凍地。企枱服務員態度好差，問外賣拎得未都要俾佢呼喝，話自己好忙。有客人派利是就笑笑口，見客人唔派利是即黑面。可一不可再。…Read More

趕時間早十分鐘用外賣自取落單。鋪頭忙到比預定時間遲三個字先拎得。同店員講兩次，都仲可以甩單。做唔切就唔好做外賣自取啦不如，仲遲過現場嗌既人拎。味道叫做一般，份量麻麻，珍珠奶茶要加錢仲要好劣，勉強食得飽咁。又唔算平，連野飲7x蚊賣單。見到行到去用自助機落單有野飲送….真係有啲懷疑自己，點解要用手機app落單，等又耐過人。體驗好差，下次真係唔會嗌，除非你時間好多啦。呢間鋪可以存在真係個迷，可能灣仔做野既人多。…Read More

1256下單，1點半還未上菜，等超過半個鐘。味道怎樣我不保證 但是是我食過最慢的拉#如果你不怕餓就隨來吧#職員回應是「我知呀，不過好多單疊左係度」#間舖頭人未滿#滿人洗唔洗食一粒鐘…Read More