cherrytam1123's Profile

🐽月見蚵仔魯肉飯 $65 🐽手工魯肉飯 $55蚵仔好多粒好大粒好新鮮，鮮甜飽滿，一啲都唔腥。魯肉飯好有驚喜，魯肉粒入口即溶，肥瘦均勻，一點都不油膩，咸咸甜甜的魯肉汁加埋生蛋黃一齊撈飯，絕對是白飯殺手。🐽起司肉鬆蛋餅 $35外脆嘅蛋皮保留左煙韌嘅口感，每舊蛋餅入面嘅餡料非常均勻，啖啖肉鬆，咸香嘅芝士，爽脆嘅生菜，加上甜甜的醬汁，非常滋味。🫰🏼溫馨tips截單時間雖然係夜晚8點半，但啲食材賣哂就會提早截單。…Read More

🐽 腩肉炸醬米線（小辣）$49呢間係豬魚係荃灣必食嘅米線，成碗米線都係自家制嘅辣油係佢地嘅特色。腩肉辣得好入味，有別於其他米線舖嘅半肥瘦腩肉，佢地呢間腩肉雖然係柴柴地，但勝在啖啖肉。炸醬炒得好濃味，而且米線係粗身米線，彈牙好有口感。一口炸醬再加一啖米線，再飲埋碗米線湯，簡直係絕配。基本配料有芽菜，酸菜，同蔥，可惜當日夜左冇哂蔥，少左蔥香味。另外，除左腩肉炸醬係必叫嘅餸，豬肚豬大腸豬脷都係推薦嘅必試之選。如果覺得唔夠辣，可以加枱面上嘅辣椒油，同廚房入面嘅辣椒油係一樣。另外，如果覺得太油膩，係可以要求走油，但成碗米線會無咁香。…Read More

🐽 熱三色芋圓紫米露 $30呢間人氣小店一直都係豬魚食中式糖水嘅首選，每碗糖水都有三色芋圓，有芋頭、紫薯同蕃薯味。每粒芋圓口感煙韌，味道濃厚，唔會太粉，每碗都有七至八粒，好飽肚。除左出名嘅芋圓，紫米露都係推薦糖水之一，真係好足料，唔會好似坊間食到嘅太稀，滿滿嘅紫米，有陣陣嘅椰奶香味，甜度適中，熱辣辣，冬天食糖水嘅暖心之選。…Read More

🐽 川芎白芷豬潤魚頭湯 （可選飯/米線/米粉）$67天氣突然咁凍梗係要去試下標榜無味精嘅藥膳靚湯暖下個胃，川芎白芷豬潤魚頭湯市面上唔常見，因為比較難煲，而且藥材味較重，唔係個個都鐘意，如果受得到呢種藥材味會覺得好好飲，而且真係無味精同好多湯料嘅藥膳湯。🐽杏汁豬肺蝴蝶腩湯 （可選飯/米線/米粉）$67杏汁豬肺湯有好濃郁嘅杏汁味同肉味，一碗湯入面就已經有4-5件豬肺同蝴蝶腩，非常足料。女士們單食湯料都夠哂飽肚，而且可以以形補形補肺氣，特別適合冬天飲用。不過飯同米粉份量較小，大食嘅朋友會唔夠飽。…Read More

🐽雞髀艇仔粉 $42神出鬼沒的馳名香港仔艇仔粉終於有幸食到，加$10就有雞髀或者鴨髀，可惜當日鴨髀已經賣哂，剩番最後一隻雞髀。艇仔粉可以揀河粉或瀨粉，而且好多餸，有魚蛋，叉燒，菜，燒鴨同雞髀。魚蛋好彈牙，瀨粉多蔥配埋自家製嘅湯底好惹味。雖然味道唔係太驚艷，但呢份香港懷舊風味再加上避風塘海景絕對值得山長水遠去試下。🫰🏼溫馨小tips店主會係香港仔碼頭同鴨脷洲碼頭兩邊走走，建議去之前問一問店主係邊個位置。…Read More

🐽豬紅豬皮魚蛋雞翼尖撈粗 $28傳統車仔麵嘅味道，自家製嘅撈麵醬汁，雞翼尖滷得好入味，豬紅非常新鮮，大大粒魚蛋，每個餸嘅份量都多，一啲都唔孤寒。雖然係熟食市場入面，但環境都算乾淨，四餸一麵平靚正，性價比極高，糧尾之選。🐽冬菇通菜魚蛋釀豆卜湯米粉 $34鍾意食濃味嘅可以選擇撈麵，而鍾意食清淡啲嘅可以選擇湯麵。蠔油冬菇醃得好入味，大大粒好有口感。釀豆卜個餡就用左魚肉打成膠釀係豆卜上面，唔腥，而且索左啲蠔油冬菇汁，好juice。無論係湯麵定係撈麵，食完都唔會覺得口渴。…Read More

🐽蒸龍躉 $58龍躉肉新鮮嫩滑肥美，膠質豐富，大大舊食落去啖啖肉，而且蒸龍躉有粉絲墊底，索哂魚嘅鮮味，送飯一流，唯獨蒸魚豉油略咸。🐽蒜茸粉絲蒸蟶子併白切雞 $78雖然蟶子份量都唔算多同大隻，但好新鮮好清甜，而且蒸得啱啱好，肉質爽彈，無沙。蟶子嘅鮮甜味同蒜茸香味被粉絲充分吸收。呢份海鮮餐仲會配埋白切雞同菜，非常豐富。🫰🏼溫馨小tips呢度嘅白飯係自助形式，同埋平日食飯時間會有好多附近地盤工人，環境比較混亂同擠迫。…Read More

🐽炸豬扒酸麻辣(小辣)米線 $45炸豬扒非常出色，脆口肉質嫩，唔乾身，夠哂林。米線份量充足，而且湯底好濃，唯獨酸味唔係太突出，但勝在辣中帶麻，叫小辣都夠哂辣，食到出哂汗，嗜辣之人表示非常過癮。🐽嫩雞柳海帶酸麻辣清湯米線 $45唔食得辣嘅朋友就力推呢個帶有微酸但唔辣嘅湯底，雖然嫩雞柳唔係太嫩但都唔算太乾太柴，勝在份量多。米線味精唔重，食完都唔覺得太口渴。🐽蒜泥白肉 $38白肉肥瘦均勻，入口即溶，好似韓式食法，每件白肉都會夾住一舊青瓜，中和番白肉嘅肥膩感，唯獨蒜味被豆瓣醬味搶左，多番啲蒜味會更加香口。…Read More

🐽越式香茅豬扒撈檬 $49豬扒炸得香脆內軟，香茅味濃郁，好惹味。檬粉份量多，酸甜嘅越式撈檬汁配上青瓜絲，紅蘿蔔絲，花生碎，好開胃，啱哂悶熱嘅天氣。🐽雞絲湯檬 $49大大碗檬粉配上濃郁牛骨湯底，雞絲係帶皮嘅雞肉，吸哂湯底嘅精華，嫩滑一啲都唔柴。職員姨姨溫馨提示要加埋青檸汁一齊食，果然味道即刻昇華左，淡淡嘅青檸味中和左濃郁嘅牛骨湯底，非常清爽。…Read More

🐽八屋法式西多士 $92法式西多士有別於我地平時食開嘅港式西多士，淨係煎香左麵包兩邊至金黃色，口感軟熟。微微的肉桂味配上楓糖漿，甜而不漏。用左唔同顏色嘅水果件碟，賣相吸引，打卡一流，可以2-3個朋友仔一齊開心share。🐽海鮮蒜油意大利麵（帶子）$128帶子肉質厚實，爽口彈牙。意粉份量偏小，適合女仔朋友一齊share食。扣分位係意粉略咸，而且唔知係咪因為用咗蒜片，有陣苦澀味蓋過左蒜香味，影響口感。🫰🏼溫馨小tips餐廳座位唔多，記得要訂座。…Read More

🐽沙嗲牛肉西多士 $42即叫即整嘅金黃色爆餡西多士，一大舊牛油放係熱辣辣嘅西多士面，可以跟番自己喜好落煉奶或者糖漿。外層炸得好香脆，由其係邊邊位，再切開兩塊較簿身嘅西多，入面夾左超多沙茶醬味好濃嘅沙嗲牛肉，又咸又甜，出奇地夾，邪惡指數爆登。🐽流心芝士豬扒漢堡包 $35即叫即炸嘅厚身吉烈豬扒，炸衣好簿身，所以食落去啖啖肉，鬆軟嘅漢堡包配埋沙律醬，好有港式漢堡包嘅風味。唯獨芝士味唔夠濃，而且當日切開嘅時候其無流心嘅效果。…Read More