TAZ CC's Profile

大失所望！唉．．．香港人見到＂北海道牛奶＂呢五隻字，心裏一定回想起某年某月係日本街頭食過嘅口味。日頭經過就遠遠見到人龐，所以諗住第時先試，點知當日夜晚，食飽飯後又心血來潮想食甜品，就又返來呢到，排隊咪排啦，還點可以當運動吓。點知，滿心期待換成十分失望！仲知食雪糕車好過，起碼唔洗大那那比咗＄45得到一個比唔起一個＄8，而完全冇北海道牛奶味嘅雪糕，真係叫笨！被呢個＂港人心理-見龐就排＂中㐲了！…Read More

因是長周末，和小朋友玩完，唔知去食D乜好。冇預早book定位，去D出名嘅餐廳又有排等位，突然諗起山林道有代客泊車，咪碰碰運氣上openrice 睇吓邊間好食。打咗幾間都話有得book，要過來等，諗住試埋呢間就唔試，可能最後買外埋就算啦。點知一打去要講英文既？原來係oppa 呢！！！個心就好希望有位，因為韓國人開嘅店應該有番咁上下啩，所為唔係猛龍唔過冮！oppa 話＂yes, reservation confirmed !"。一同4大2小，被安排到corner table，非常舒適。周圍睇吓D客人點D乜，都係一般嘅傳統韓國餸菜，我哋都隨意點咗平時常點個幾款，列如，牛肋骨，牛舌， 豬腩肉， 炒粉絲，等等。見到仲有醬油蟹，就叫咗半份試一下。D伴送小食都相當唔錯，kimchi 有似辣咗啲，味道都好好。跟著先上大大碗嘅紫菜飯（跟生雞蛋），睇落非常 吸引！小朋友一見到D紫菜，胃口大増，搶住要成碗來！D餸都未來晒，已經食哂碗飯。每道菜都好好味但唔可以唔提及下－牛肋骨，係最爆燈嘅一道菜。牛肉味非常濃郁，燒到香噴噴但肉汁仲可以保住，所以好腍。小朋友一咬就不斷話要再食多D。食到個個都飽到嘔，佢先上埋之前專登點比小朋友食個碗牛肉面，心諗，個個咁飽，邊個肯食？點知個個食完第一啖，個個都成碗清，一 滴不留。呢碗本來以為叫多咗，令我哋呢餐晚餐推到高潮，亦將我哋每個人嘅肚皮漲到極限！成餐飯一句summarize 哂，就係．．．驚喜一浪接一浪！！！真係要抄埋我偶像周星馳個套食神裏面嘅金句＂好好味呀呀呀！！！＂。…Read More