amy621's Profile

今日諗住試吓d未試過嘅cafe, 原本諗住去第二間，點知冇開，於是去咗呢度。。。因為有人要食意粉😓入到嚟環境係舒服嘅，但落單嘅staff or老細態度真係冇得頂。問多2句都嫌我煩，叫我自己睇menu首先，佢menu 冇寫精選意粉係咩，我一定要問。另外，我驚我眼殘驚睇唔到，所以問吓有冇唔係咖啡嘅其他凍飲，佢就不停講向晒menu度，我睇到唔駛問你啦咁你又真係除咗奶類就冇其他嘢飲嘛。可能我著得唔光鮮，又唔係潮人？但佢同我講嘢我真係聽得好唔舒服雖然個意粉同咖啡係唔錯，但service 會令我卻步，真係唔會再嚟囉！！！…Read More

真係不吃也罷，不客氣嘅語氣，完全feel到佢叫你咪食嘅tune. 要等1個鐘點解都真係仲有人等呢，真係好食到咁？其實熱辣辣，好多間都好食啦！！！真係出名就咩都得？…Read More

香港嘅飲食業就係俾呢d餐廳影衰晒。雖然只係好少事，但就係呢d細位就睇得出呢間係咩餐廳。我哋1點半到，等位都等咗20 分鐘。坐低就落單，套餐包餐前涼菜加熱烏龍茶，凍飲加3蚊，飲其他嘢加$10-$18 不等。我哋1行4人，叫咗1個雞飯同3個麵，QR code落單，只有午餐，搵唔到其他選擇。本來想食梅菜豬肉餃，點知賣晒，於是叫咗第二樣。最先嚟係雞飯，有前菜，但之後嚟嘅湯麵，全部都冇前菜，於是我問員工，佢先講話沽清。其實係咪應該system度顯示，或者入坐時都要通知聲客人呢？呢d係基本嘢，唔係個d嘢食嘅問題，只係餐牌寫咗有，如果沽清係咪好應該話聲俾客人知呢？其他食物賣晒都會update system啦。仲有出餐好有問題，雞飯差唔多食完(重點係小朋友食) d麵先開始嚟。跟餐嘅熱烏龍茶仲要20分鐘先出現，但其他凍飲特飲已經上咗就係呢d位會令我唔想再嚟，希望呢d真食評會出到啦…Read More

見到Beans開咗bakery就好想試，今日終於有機會嚟到馬鞍山😂平時好鍾意試新嘢又好鍾意食麵包類嘅嘢，一場嚟到，點都買d排頭位等出爐麻糬葡撻，買埋樽裝奶茶同蕃茄吐司。熱辣辣出爐葡撻，忍唔住行埋一邊即刻食點知。。。希望越大失望越大，個皮唔夠酥脆，蛋漿偏甜蛋味唔夠，最好食係粒麻糬真係有d失望，早知唔駛排啦返到屋企試埋奶茶同蕃茄吐司，奶茶唔甜啱我口味，當然唔係好滑，但唔過甜已經好好蕃茄吐司就正常水準，質地夠鬆軟，蕃茄味濃。試咗1次下次唔駛買，除非有新嘢囉…Read More

成日睇報導話呢間好好食，好似正咁，今次開到嚟觀塘終於可以一試今次叫咗黑松露同蟹膏章魚燒，其實我唔係特別鍾意食章魚燒，不過見咁多好評，都好想試吓係咪真係咁正2款章魚燒賣相都幾吸引，個人比較喜歡黑松露款式。雖然外賣返到屋企已經唔係熱辣辣，但味道仍然不錯，當然賣相就冇咁靚仔。如果疫情過去，可以真掃街，買完行埋一邊即刻食，一定會好食好多好多。總括而言，值得一食，鍾意食辛魚燒嘅更加唔可以錯過有咁多款唔同口味，如果可以每樣2粒就正啦…Read More

見到有新嘢，例牌去試吓。店鋪裝修係新式點心鋪有d懷舊feel, 都幾好坐。門口有2隻cute cute龍公仔，新穎復古中帶d可愛。點心款式都幾多，好多都係特式點心，仲有拼盤可以一次試晒幾款，就算2個人飲都可以試到多d我哋一行2大3小，叫咗2個拼盤，紅米脆脆腸粉，一口咸水角，蕃茄蛋春卷，肉鬆馬拉糕，鰻魚荷葉飯同金錢肚拼鳳爪。全部食物都好有水準，即叫即蒸，熱辣辣。蕃茄蛋春卷都係第一次見，鍾意食春卷嘅唔好錯過紅米脆脆腸粉，蝦夠彈牙，腸粉夠滑，脆脆又夠脆唔油膩一口咸水角賣相可愛，有4小粒，1啖1粒1個燒賣拼盤，有4款燒賣，麻辣牛肉燒賣有香味，但麻辣味可以再重d. 另一個蒸餃拼盤，酸菜魚餃幾特別，值得一試。其他嘅點心都係水準之上。飲茶緊係要講下d茶，佢係用Chali 茶包，只有2款-香片/菊普，雖然啱我飲，但都希望有多d選擇俾其他人至於服務呢就十分好，每個服務員都好有禮貌，好熱情。希望佢嘅服務水平同食物質素可以keep住，唔好因為好生意而變差。總括而言，我會再嚟，亦都值得再嚟…Read More

今日唔係太餓唔想又去飲茶，於是決定同阿媽去試新嘢😆呢間cafe 好吸引我，因為有我至愛沙嗲牛肉麵同coffee 不過今日要同阿仔share, 所以叫咗花膠雞米通😓,阿媽叫咗豉椒蛋治。飲品叫咗cold blew同橙伯爵茶。食物同飲品嘅質素ok，又唔會話勁好味，但又唔係唔好食。鍾意食蛋又鍾意食茶記去cafe嘅人都可以一試。第一次見成間cafe都係男服務員，唔記得睇埋廚房cafe 裝修同整體感覺都幾良好，又唔會勁多人。我都會想去試埋沙嗲牛肉麵同試吓其他嘢飲。。。因為有個榴槤綠豆x都想試吓我見隔離枱2個人都試咗4樣嘢食，有d個樣都幾吸引。總結，豉椒蛋治多士唔夠脆，但味道不錯幾特別。花膠雞米通都幾足料，雞肉唔"鞋", 不過賣相可以靚d。cold blew質素普通，早知飲americano橙伯爵茶我就冇試，阿媽話ok😂…Read More

今次第2次黎，一行6人，叫飛既點都唔俾我地一齊坐，明明好容易安排，但都盡量唔安排，我明要等d枱一齊埋單係唔容易，但你都嘗試又點會有呢。我同阿媽去又有小朋友，費事出面等咁耐，於是就咁就入咗去，2 張枱分到勁遠，好快就見到有張6人枱可以坐，我地未落單，但又唔俾我地轉，只係俾我地轉1張近d既2人枱。我明你哋大把生意唔憂做，咁客人都有權選擇既。一間好既餐廳除咗食物質素要好之外，服務都非常重要。我明因為疫情要分開坐，但都可以盡量安排隔離囉！！！…Read More

今日同阿媽去食tea, 費事成日飲茶，於是帶阿媽嚟呢度試吓☺呢間之前都想試，可惜未有機會，終於有機會啦1行2大1細，叫咗個lunch set軟殼蟹蕃茄忌廉汁扁意粉加金奇異果汁，1 個tea set三文魚bagel加冰磚鴛鴦(玫瑰味).2 個set 既份量都唔細，意粉唔記得影相，有成隻軟殼蟹，炸得幾好唔會好油，意粉味道亦相當唔錯，果汁就普通貨色，冇咩特別。bagel 份量亦好足，三文魚有2大塊仲有牛油果醬加生菜，配埋薯條好正哦好彩等到tea time, 唔係就冇bagel食飲品都ok，玫瑰味夠，有咖啡同奶茶味，唔會甜啱晒我。總括而言，我一定會再去自助斟水位好正，可能我見識少，但我鐘意…Read More

呢間cafe已經開咗一段時間，之前已經想帶2 個小朋友去，遲遲未有機會，今日終於一試。今日1行4人，1 大3 小，入鋪前要細閱守則，每人最低消費1杯飲品(大小都要收)。飲品一律$90,而其他set $158起。我哋叫咗1 個all day breakfast +靚靚(草莓奶昔) 同1個三文魚牛油果沙律+蝶豆花柚子蜜，Cappuccino同芒果紅茶。2 杯散叫飲品各跟咗1 件朱古力蛋糕仔(menu寫係pancake, 不過今日冇)all day breakfast既多士好特別，係丹麥多士整到窩夫咁，味道亦比我預期好，其他配料就普通貨色。三文魚牛油果沙律都不錯，沙律菜好新鮮，醬汁亦很配合，牛油果同三文魚份量亦不少。2 個set 都係$158 連飲品，食得晒叫set 抵好多，淨飲感覺好唔抵。如果真係好鍾意貓，屋企又唔養得，都可以黎一試。呢度同平時既貓貓cafe唔同，要食完嘢埋咗單就可以上樓上睇貓同貓貓玩，可以買d貓零食餵貓$30/包。如果你冇買嘢食d貓就唔係好痴你，有零食佢哋就會痴埋你度。樓上環境唔大，有6 隻貓貓，冇玩具提供，都係坐向度影吓相摸下佢哋。由於今日假期人比較多，我地玩咗半個鐘左右就走。總括而言，食物質素不錯，飲品就一般。如果有d小食供應會更好，因為通常小朋友食唔晒1 個set, 亦未必飲得晒1 杯嘢。如果最低消費可以叫個小食或者可以買貓貓零食，會係1個好d既選揀。…Read More

西貢呢幾個月都開咗好多間cafe, 成日行過呢間都想試下，今日終於有機會啦😆白色+木系感覺好舒服亦係吸引我想去既原因之一。通常希望越大失望就越大既滿有期望咁入去食，就有落差。我哋1行3 人，叫咗3 杯嘢飲，2樣嘢食。menu選揀唔算特別多，沙律2款，小食好似4-5款，open toast 3 款，pancake 3 款，好似仲有湯同蛋糕各1 . 講咗飲品先，咖啡款式都係個d, 茶既種類都有大約8款但價錢就要$58,唔知係咪好大壺呢我哋當然飲咖啡，價錢正常，味道都正常冇特別。嘢食呢~叫咗個磨菇open toast (冇影相) 同無花果pancake, 個toast有大多sauce攪到塊toast淋晒，以$8x呢個價錢就。。。。。本人覺得唔值。另外pancake上枱熱辣辣，賣相都ok, 不過無花果質素唔好(生生地) ，核桃又苦苦地，如果唔係加錢要雪糕，盤嘢其實冇味總括而言，唔駛再去期待再開d好味d, 性價比高既靚靚cafe再試過…Read More

見到呢間新新地既麵包店，都好似幾多人幫襯，上次試咗佢既菠蘿包普普通通咁啦。早2日(10月1日) 諗住買定d 方包做早餐，唔想去連鎖店於就去咗買佢既湯種方包黎食下，因為好似好軟熟咁。。。。。。。但食落並唔係太軟熟包裝袋明明寫住10月3日到期，點知今朝攞黎食，已經發晒毛其實如果d包唔可以放咁多日，佢個日期可以寫返早d囉。。。浪費晒d食物個d 毛仲要好勁咁，放多2日應該有菇生從此以後我唔會再幫襯囉！！我仲諗住遲d試下佢既蛋糕，睇怕冇下次了…Read More

今日我1拖3去揾野食，小朋友見到呢度有窩夫就話要食呢間，於是就去食囉。。。我印象中我好似食過1次。今日天氣超級熱，店内冷氣非常不足，好似冇冷氣一樣，入去基本上冇4人枱，有1張枱客人見我1拖3就話佢就黎走，叫我等一等，店員叫我哋坐住2人枱等一陣。當客人離開店員隨即叫我哋坐過去，因為後面有2個客要坐我哋張2人枱，坐咗過去之後店員只執咗枱上既杯碟但冇清潔枱面。。。勁污糟囉我只好自己清潔店員見我有bb亦冇問我要唔要bb椅，我都冇要求，諗住快d食完走，因為我好熱其實店面唔大，只有8枱客，雖然得1個店員負責店面，2個負責廚房，但都應該可以應付到。。。可惜。。。水要自己去斟，店員見我抱住bb去斟都冇諗住幫手，我只好自己照顧自己:(叫咗1個all day breakfast 1 件cake同2 杯野飲，食晒d野都未有野飲，店員又keep住好忙咁，我都費事吹，叫d小朋友快快食完就走，出去第二度再飲過。其實鋪頭既野食不過不失，可惜運作上好有問題，店員招呼非常不周，完全冇留意客人需要，叫客人轉枱或坐埋1邊時亦冇咩禮貌，埋單時同佢講野飲冇黎。。佢只係好大聲咁話"係咩？！", 之後先話唔好意思，送咗幾粒homemade糖俾我地我都唔知講咩好。。。。總之就冇下次…Read More

要出旺角攞野，因為帶住bb, 諗住快快手揾間坐得好d既泰國野食下，就諗起呢間。。。之前食過dinner d野都唔錯。。。點知今次就賴野叫咗2 個set lunch-冬蔭功炒寬河粉 & 炒老鼠粉加1個小食-魚餅，先講魚餅熱辣辣幾好味，但個冬蔭功炒寬河粉真係令我好失望，首先成碟野得蝦5隻，車厘茄同磨菇數粒，見到都dry, 菜or芽菜都冇條，得1埋芫荽向面D河粉全部一舊舊似腸粉多過似河粉，幾塊河粉卷埋，食咗1半都頂唔順碟老鼠粉賣相都正常，味道都ok, 不過超級勁多油，隔出黎可以煮多幾碟餸真係嚇死人，經過今次之後我以後都唔會再黎…Read More

好耐冇去周圍揾靚靚cafe hea下，今日黎左旺角想揾個地方坐下，就揾到呢間隱世小店果然係隱世，唔見到門口個牌都唔知深深處有間cafe2點左右鋪頭冇人，店員or老闆仔都親切招呼，呢d小店就有呢種親切鋪仔細細，坐位唔多，餐牌選擇唔多，好處係可以做好咖啡裝修以灰色同木系為主，感覺非常舒服。入正題講返杯咖啡，1凍1熱，因為太熱想飲凍野，但凍既咖啡試唔到真味，所以都要叫杯熱既咖啡味香濃，就算飲凍既都唔酸，絕對啱晒我口味拉花都好靚，奶泡夠香滑，可惜Cappuccino泡既分量好似少左d, 可能佢沖錯左，沖左Latte不過唔緊要，好飲就得我希望下次黎可以試Americano試下另一種咖啡豆，希望呢間小店可以做得住…Read More