IvanMan0111的個人專頁

呢間餐廳人氣好夠，聽左好耐，今日終於有機會黎試食。排左一陣先有位，都算幾多人。日式裝潢，簡約風，以木系會主打，感覺休閒舒適。佢餐牌上面有好多款食物可以揀，而且望落去份量也不算太大，可以食幾樣。明太子雞翼、松葉蟹薯仔沙律、蔥燒牛舌、日本國產米佢擺盤幾精緻，每樣份量唔算太大。蔥燒牛舌，鹹度適中，蔥蒜好香，牛舌好大塊，夠入味。明太子雞翼就比相像中乾身，明太子同雞翼一齊炸，幾特別，同雞翼點明太子醬差不多，都可以~松葉蟹薯仔沙律，沙律幾滑，蟹肉細緻，調味用左胡椒鹽，都幾特別。日本國產米幾好味好，有飯香，顆粒分明！整體黎講食物都幾好味，牛舌性價比高D，感覺係不錯的一餐…查看更多

前排好多朋友都介紹我去食大丈夫食堂，但次次經過都大排長龍，難得今日下定決心排隊都要食，結果等左半個鐘就有位，真係喜出望外，揀左個海鮮丼，有茶碗蒸、漬物、沙律、麵豉湯，沙律、湯都好大碗，幾種海鮮刺身都食得出好鮮甜，好新鮮，配埋烏冬，食到好飽。見到其他枱的炸物十分吸引，下次再過黎試佢地嘅炸物定身啦~…查看更多

經過見到佢下午茶，價錢合理，所以入左去試。叫咗D野食，等左一陣都未見影，所以就追下店員，但態度一般，最後再等左一陣終於有野食。炸豆池魚，炸粉好薄，唔均勻，炸到乾身得滯，味道一般。唐揚魷魚鬚就較好，熱辣辣，幾酥脆，魷魚有咬口，味道唔錯。因為上菜實在太耐，所以無再叫野食，今餐體驗一般。…查看更多

經過呢間舖頭好多次，今次第一次過黎食，水準的確唔錯！食得幾滿意👍🏻 環境幾舒適，店員服務態度很好。叫左佢地嘅宮崎和牛壽喜燒，個鍋一黎到已經很吸引，上面放左幾片和牛，蔬菜配料十足，配上烏冬，整個壽喜燒味道都好正👏🏻…查看更多

朋友係沙田，經常過黎玩，玩都咁上下都會搵下甜品食。沙田其實有唔少甜品舖，今次見到有間平價高質糖水小店進駐了沙田，好近沙田圍站，附近的朋友可以有多個甜品舖選擇。佢地有好多中式糖水，包括豆腐花、芋圓系列等等，這些都是我最愛食的。而且價錢超抵。我諗左好耐，真係好耐，最後，終於食左個芋圓3號 (豆腐花、紫米、仙草、花奶)，都只係$36。芋圓好大粒而且煙韌，紫米軟糯，我揀左煉奶，配上豆腐花、仙草，夏天食番一碗咁嘅甜品，只有3個字黎形容，爽爽爽! 😋…查看更多

一個人係德福遊蕩，見有些肚餓，就嗱嗱聲去搵食，諗左好耐都唔知食乜好，因為有好多連鎖店都食過，想搵下新鮮野食下。結果遊到去呢間Café & Meal MUJI，見到環境以木為主，有一種好優雅，好休閒的感覺，好適合我係度hea 一 hea, chill一chill。望左好耐，叫左個新鮮菜，黑椒牛舌麵，+$22 轉海帶麵。一黎到個賣相幾特別，綠色的麵，只係食過菠菜麵，今次係第一次叫「海帶麵」。麵質爽滑，有點像蘿蔔、木耳，好特別。牛舌經過濃濃的黑椒烹調後，完全無牛舌那種牛”膻”味，好入味，而且軟硬度控制得很好，有好幾大塊，好足量。「玩」了一場幾特別的緣份遊戲，下次會再黎「玩」多次😋…查看更多

好多日本過江龍餐廳進駐了香港，之前試左幾間，今次就黎左海港城呢間人氣蛋包飯店試食。蛋包飯當然就係呢間餐廳嘅賣點。週末過到黎，人龍滿滿的，等左成個鐘先有得食。餐廳裝修來簡潔，坐位感覺坐得舒服，一黎就掃QR Code睇下有乜好食。我當然揀佢地嘅主打蛋包飯，試左個日式咖喱吉列豬扒蛋包飯。軟滑流心蛋，又嫩又滑，外皮炸到酥脆嘅豬扒，內裏包著肉汁滿滿嘅肥美豬扒，配上經典香濃日式咖喱汁，再加上香氣十足嘅炒飯底，味道好，質量並重，非常抵讚! 朋友唔想食咁飽，所以揀左個日式拿玻里意粉，番茄醬汁茄味香濃，配上香腸、青椒等配料，加上偏軟口感嘅意粉，有種日西式混合嘅感覺，朋友都感覺呢個意粉幾唔錯啵。整體幾唔錯，又係食得好豐足嘅一餐。…查看更多

呢間新開嘅餐廳，有日西式混合風格嘅fusion Café 。之前去過一次，咁啱經過附近，就再入去食多次。Café 內裏充滿貓嘅裝飾，真真正正以貓做主題嘅餐廳，由於係比較晏嘅中午時間，又唔係好餓，以防食唔落晚餐，所以淨係叫左個松葉蟹味噌甲羅燒意大利飯。擺碟及賣相一流，意大利飯上面放左一個原隻蟹殼，內裏裝滿饀料。松葉蟹肉、蟹籽、香氣十足海膽忌廉汁、滿滿芝士，夾埋係一個非常好嘅配搭，連埋蟹膏，一齊撈埋黎食，鮮味之極，每一啖都食得好滿足。呢一餐又係一個有景有味道嘅午飯，十分正!…查看更多

海南雞嫩滑，唔鞋，juicy，又俾左好多舊，而且都俾左唔少薑蓉，唔會吝嗇，仲配埋青瓜添。元蹄整得唔錯，唔會韌，入味，配上酸菜，好有風味。隨餐送甜豉油、酸辣汁，有D泰式醬汁feel ，幾好食。仲有冇味精嘅例湯送埋，質量並重。高CP值的一餐。…查看更多

3月開張到而家都未到訪過，今日先過來試，遲就遲左D，但好過無到啦~ 佢唔似壽司郎咁大聲氣，食客聞風而至，但初期想試杉玉嘅朋友都唔易呢，因為佢經常full book。入到去餐廳，見到光鮮潔淨大，坐得都幾舒適，一打開Menu，價錢都幾抵喎，好多$40樓下，而且有好多唔同種類嘅酒，價錢都唔算貴呢。叫左兩樣炸物同幾款壽司，壽司大件新鮮，抵食。炸物叫左忌廉蟹肉可樂餅拌他他醬、炸吞拿魚心頂，兩樣都炸到脆卜卜，熱辣辣，食得出啱啱炸起。可樂餅味道濃郁，蟹肉鮮嫩，拌他他醬，嘩，正! 炸吞拿魚心頂就真係好少見，心頂即係吞拿魚心臟嘅稀少部位，炸過後味道非常濃郁且咬口十足，有機會見到一定要試!!試完之後，肯定杉玉係我必定要Encore 之選呢~…查看更多

餐廳裝修有著一份7,80年代的味道，內裏用了紅磚牆，好有懷舊嘅風味，試左佢地嘅1960全日早餐，兩條粗粗嘅德國腸，外皮烤到啡啡地，好脆口，而且啖啖肉，十分香口。同樣多士烤到好脆，有少少燶邊，非常正。蔬菜、茄汁豆都唔錯，成個breakfast 份量十分足。可以係一個咁嘅環境chill住食，十分享受呢!…查看更多

經過觀塘碼頭，唔知有乜好食，行行下見到有間新開嘅越式餐館，就膽粗粗入去試下啦~平日午市時間都要排下隊，果然新鮮野多人試。等左一陣就有位，餐廳用自助下單形式，揀左雜錦金邊粉，餐飲要左三色冰。黎到見到勁多蔥，好在我都唔太怕食蔥，還接受到。金邊粉份量算多，有蝦、蛋、魚片，味道尚可，但沒甚驚喜，湯底一般，三色冰就重椰奶味，中規中矩。以呢個價錢來說貴了點，或許可以再試一次，試下佢地嘅湯河或飯，看看會否更好一點。…查看更多

之前係其他區試過佢地嘅分店，食物真係唔錯，今次經過九龍灣見到呢間分店，就決定再去試~呢間餐廳開張個時真係大排長龍，試過好多次排排下就放棄左，而家開左一段時間後，熱潮總算過去了，無咁多人排，好快就有位。我叫左燉牛肉蛋包飯，賣相幾靚，打卡是必需的，而且味道唔差，滑蛋整到好香，牛肉粒燉煮到啱啱好，唔鞋好嫩，呢個飯認真唔錯!之後揀左白桃梳乎厘班戟，班戟口感鬆軟，而且好creamy，合桃同白桃令口感層次豐富左，成個甜品又唔會太甜，成餐飯食到好滿足，喜歡蛋料理嘅朋友一定要試呢間餐廳!…查看更多

成日經過河畔花園，但無為意有呢間燒肉店，今日難得察覺到，而自己又有舖食燒肉癮，咁就順理成章黎左試呢。呢間餐廳好特別，用外星人做主題，又用飛船送餐，好攪笑，又好得意，真係一個好好打卡嘅舖頭。叫左幾種肉，肉就肥少少，但睇得出都算新鮮，呢度主要以肉類燒烤為主，如果可以再加多一點菜款式就更好。這裏不失為一個可以選擇嘅地方，尤其係住附近就更正添!…查看更多

唔知唔覺附近開左間韓式小店，有很多選擇，以漢堡為主，另有炸雞薯條，還有飯，意粉、粉絲。見到好似唔錯，所以叫左外賣試試。食左個經典漢堡，牛肉唔少，好juicy，唔鞋，熟得啱啱好，夾著蔬菜、一大片蕃茄，幾新鮮，外面個層包唔太軟或硬，十分適中，食落唔會太油膩，薯條好脆口，全部即叫制，新鮮熱辣辣。見到佢menu仲有好多野食，下次會試下其他!…查看更多