Karrie Cheng 89's Profile

小妹好鍾意食蘋果批，行經美麗華商場見到呢間蘋果批店舖就忍唔住買一件試吓🤣今日都好多人幫襯，$36一件世界一蘋果批，$138可以買4件，除咗蘋果批仲有其他選擇🤭蘋果批買到返屋企，用190度焗3分鐘再用210度焗3分鐘，出嚟感覺酥皮都好鬆脆，蘋果批內饀有一粒粒蘋果再加上吉士，不是太甜，這是小妹嘅口味。🥰美中不足嘅地方，就係我明明買咗三件變咗兩件🙈🙈🙈…Read More

今日嚟到南豐紗廠，想行吓市集，行到攰攰地想去間Cafe坐下食少少野，見到呢間Cafe，都好多人等位，但我哋好好彩等咗10分鐘左右就有位。呢間Cafe裝潢充滿工業風，好多年青人光顧。我哋點左黑松露油野菌扁意粉同埋烤大啡菇牛油果芝士漢堡，黑松露油野菌扁意粉略嫌菌類較少，如果可以落多啲菌類會較好。至於個漢堡都做得好出色，啖啖菇肉及牛油果，薯條亦都好好味，值得推介！！😍👍🏻…Read More

大人小朋友都好鍾意飲茶，平時經常去酒樓食一啲蝦餃燒賣嘅點心，今日就專登嚟到旺角朗豪坊嘅飲茶食特色點心，有部份點心嘅外貌好精緻，好得意，直頭唔捨得食添。有色蝦餃-平時喺酒樓食嘅蝦餃都有四件，咁當然嚟到依度食會少啲，得兩件，價錢仲要貴少少，性價比比較低，味道同其他酒樓差唔多。一籠八戒同埋睇住流奶嘅外表同樣非常出色，個餡都好好食，我最欣賞睇住流沙，流心奶黃的確好吸引。餐廳嘅點心雖然好精緻，但如果叫我經常嚟到呢度去食就未必，因為價錢屬中上，性價比較低。🙈…Read More

原本諗住同朋友去海港城食蛋糕，但實在太多人排隊，所以就去咗呢間鋪，一入舖頭就俾佢墨綠色配白色嘅裝潢所吸引，本來小編都唔係好鍾意綠色但係佢都配搭得好好。但係店內並沒有位置可以供人坐低享用飲品同食物，所以只可以買外賣。同行嘅友人叫咗一杯咖啡，佢都覺得好唔錯！😍小編買咗朱古力蛋糕、芝士蛋糕同埋檸檬撻。我個人覺得檸檬撻同埋芝士蛋糕比較普通，芝士蛋糕做得不是太幼滑，但係十分欣賞朱古力蛋糕。朱古力蛋糕由多層朱古力夾著，甜度適中，又唔係太膩，值得推介！🥰…Read More

The Ritz Carlton 樓高100多層居高臨下，好耐之前已經想黎試吓，今次專登帶媽媽們嚟到酒店試吓high tea，一入到酒店裝潢已經好Grand，加上無敵大海景，真係冇得輸，媽媽們都好鍾意，嚟到都瘋狂打卡。之後我哋兩人分嘅tea set 三個人分，再叫多一個飲品，都已經非常足夠，因為甜品真係好漏。我好鍾意佢嘅鹹點，迷你牛角包有兩個味道，煙三文魚配檸檬蛋黃醬及松露蛋沙律，一次過滿足兩個味道。至於甜點，朱古力蛋糕好出色，有濃烈嘅朱古力味。食到尾聲，已經非常滿足。最後等到接近五點半，太陽落山，簡直靚到冇得彈，整個行程圓滿了。…Read More

平時飲茶就飲得多，今次嚟到酒店飲茶，海雲天食點心一向都好出名，黎到果然好多人排隊，等咗一段時間先輪到我哋入去，但係可以看到海景嘅座位唔多，所以如果想坐喺可以望到海景嘅地方記住要早啲嚟到。今次係點心放題，所以會比張點心紙可以俾我哋任點，口水雞、南乳雞中翼、胡椒鹹菜豬肚、冰鎮豬手，呢D都試過但係都唔算好突出。黑金流沙包同蟹籽燒賣皇係我最欣賞嘅點心。😍😍😍點心放題大概$200，大部份嘅點心都唔算好突出，但係服務同埋環境加返分！…Read More

夏天鍾意食雪糕，冬天都好鍾意食雪糕。雪糕已經成為不分季節嘅甜品，今次就嚟到旺角呢間嘅餐廳，佢有好多甜品，包括蛋糕雪糕都好吸引，佢嘅牛奶雪糕亦都係好出名。今次叫咗純金北海道牛奶雪糕、普通牛奶雪糕、扭紋抹茶牛奶雪糕。純金北海道牛奶雪糕比起另外兩杯雪糕貴一倍，但係得個樣，味道其實一樣，所以完全唔需要買咁貴。牛奶雪糕的確奶味好重，甜筒亦都非常鬆脆。抹茶味雪糕亦都甘甜中帶少少苦澀，喜歡食抹茶嘅朋友可以一試。😍…Read More

因為有屋企人生日，如果想要一個完整嘅蛋糕，就要專登提早幾日喺網上預訂，而我就挑選左一個玫瑰千層蛋糕。我平時整嘅千層蛋糕都好粗鞋，但Lady M千層蛋糕每一層嘅皮都做得滑，面頭嗰浸玫瑰啫喱連同玫瑰花瓣亦都將整個玫瑰味帶出來，有時口中咬住一塊玫瑰花瓣，感受著淡淡嘅玫瑰花香，唔怪得知咁多人排隊去買佢哋嘅蛋糕，的確值得推介！😍👍🏻👍🏻…Read More

小編係一個好喜歡食梳乎厘嘅人，朋友推介呢度嘅梳乎厘好好食，所以專登過嚟試一試，新蒲崗呢間餐廳喺新蒲崗Mikiki附近。首先叫咗一個假日早餐，食物有奄列、粟米、德國腸、大啡菇、麵包及沙律菜，非常普通。日式海鮮大阪燒薄餅-呢個與一般嘅薄餅又有啲唔同，非常飽肚！野菌松露有忌廉扁意粉-小編非常推介呢個意粉，有好多野菌，味道一流！梳乎厘鬆餅意大利芝士忌廉-梳乎厘好重蛋味，鬆軟無比，絕對值得推介！😍😍😍…Read More

今日同朋友行街行到攰，就想搵一間Cafe坐下，點知我哋就搵到呢間桔梗，成間Cafe好大主要以木色為主，簡單舒服，有好多座位，但係亦都好多人等位，但好彩我哋等咗10幾分鐘就可以入座。我哋叫咗依個我哋All day breakfast，食物有德國腸、滑蛋、沙律菜、啡菇、煙肉同埋兩塊包，份量都算適中，味道亦都可以，正正常常不過不失。另外叫咗呢個干貝轉圈圈，係有帶子同蘑菇忌廉意粉，味道十分濃郁，喜歡蘑菇忌廉嘅朋友絕對值得推介。左手邊嗰杯京都抹茶鮮奶，如果大家不叫咖啡亦都可以試一試！…Read More

朋友唔係太喜歡多人嘅地方，我今次就嚟到充滿藝術氣息嘅石硤尾創意藝術中心，試吓去依間Cafe，我哋下晝嚟到，陽光射入鋪中間，心底裏便有一股嘅溫暖。叫咗呢個All Day Golden Breakfast，食物有沙律菜、大啡菇、煎過嘅蕃茄、德國腸、黑松露滑蛋、麵包，呢個all day breakfast正正常常，但係不算是出色。另外亦都叫咗呢個富士山，顏色令人感到好舒服，原來係碟豆花燕麥奶，第一啖飲落去只有淡淡的奶味，再加上黑糖，都好好飲，值得推介😍👍🏻…Read More

一入到呢間Cafe，就已經比呢幅牆深深吸引着，即刻影相打個卡，喺呢度坐都咁覺得幾舒服。我同同行嘅友人叫咗兩個set lunch，分別係酸梅蜜糖豬扒，同埋蟹餅配芒果他他醬及蜜糖芥茉醬，我個人比較編號酸梅蜜糖豬扒，酸酸地甜甜地好開胃，每個午餐都會配有肉醬意粉，飽肚得來都好好味。最後因為朋友生日都叫咗一個栗子Tiramisu，蛋糕裏面有原粒嘅栗子，但係如果可以打成茸加係cream裏邊就更加濃郁！！！！😍…Read More

之前聽過有好多朋友喺呢度結婚，今日來到發現景色的確很好，有好大邊的是落地玻璃，還可以走出戶外嘅地方飽覽維港景色。 今日嚟到呢度同朋友慶祝生日，每人叫咗一個室lunch，有沙律有湯有主菜仲有甜品，每人都係$400左右。喜歡食西餐嘅朋友當然很高興，最令佢開心嘅係可以瘋狂打卡影相。如果揀天氣很好的日子來，有好美麗嘅藍天做佈景板，影相一流！呢個牛柳係主菜，五成熟，肉質亦都非常鮮嫩，完成整個set lunch，友人同我都表示十分滿足！😍…Read More

朋友介紹咗呢間盛記嘅盆菜價錢都算好合理所以就叫咗一個4-6位小盆試吓😍🤭攞到個盆菜真係覺得好抵食，之前都有叫過其他舖頭嘅盆菜，同樣都係四至六人，但比較之下就分得出，呢間舖頭嘅食物材料好充足，啲雞肉唔會太鞋，整個盆菜味道不會太濃，食完會好想飲水，連芋頭都係炸過，影真高質，值得推介俾大家！😊…Read More

小編不嬲都唔算係好喜歡食漢堡包，但係今次真係要極力推薦一下。雙層牛肉10分吸引，肉質非常鮮嫩，充滿着肉汁，加埋濃濃嘅芝士，同埋爽脆嘅生菜蕃茄，咬入口真係食過返尋味。呢款薯條可以揀有芝士同無芝士，如果喜歡芝士嘅朋友當然要選擇cheese fries，店員會好體貼地問你芝士另外想還是放在薯條上面，我就喜歡放在薯條上面，喜歡芝士又唔介意膩朋友就一定要揀呢個！😍店內仲有洗手機，食完漢堡包隻手油諗諗，就可以即刻洗個手乾淨晒！😍…Read More