Chrisismrlee's Profile

膽粗粗中午上左雙子匯祟光搵食，無訂位，亂打亂撞。去左12樓，嘩，原來全部都係食日本嘢。最終揀左間食火煱的。侍應帶位，餐廳內地方十分寬敞，卡位足夠，環境一流，境觀開揚。午餐市套餐選擇頗多，豐儉由人，200元樓下絕對有交易。牛肉選擇都多，有美國，澳洲，日本。套餐仲會跟一籃蔬菜。乍看之下，原來係祟光和三昧出品。和三昧絕對係香港日本菜，尤其是鐵板燒嘅中流砥柱。原來火煱出品，一點都不輸蝕。再睇真d，原來12樓全部都係和三昧架。…Read More

新餐廳chef zone，從字面睇，點都睇唔出佢食乜。哈，原來係韓式自助餐。地方倘大，舒適，毫無壓迫感，擠迫感。食物種類繁多，可能食午餐，唔見有貴價菜，但基本醬油蟹，人參雞湯係有嘅，仲有很多款壽司，魚刺身，炸雞，韓式粉絲，五花腩，沙拉，甜點等等。飲料飲品都豐富，可能午餐價錢，無酒飲。整體地方舒服，整潔，可以一試。開頭報章宣傳星期一至五，午餐298，但實際有優惠，238。1130坐到1630都仲得，唔趕時間悠閒食真係好的。…Read More

香港其中一間頂級粵菜府，食物質素無用置疑，一分錢一分貨。真得跟中價酒樓不一樣。最簡單例子，那個必點的鹹水角，裡面的餡料完全填滿內腔，不像一些酒樓的，食空氣。更意想不到的是服務，陌生客都招呼無微不至。閒日中午超過9成入座。有商務客，有富貴退休人士，更有單身人士幫襯。如果荷包鬆動，這裡是不二之選。…Read More

已經早一星期經open rice 訂位，只是閒日的午餐。準時到達。被安排坐門口的長枱。問裡面有無位，話已經滿左。唔係第一次去，門口長枱基本上每人入餐廳都會經過你，以500蚊人均消費，這感覺很不好受。噪到找經理出嚟，先發現裡面其實有吉枱。原來佢哋訂位只是‘’訂位‘’，不會‘’留枱‘’。你遲來嗎，或者有人俾你更早，walk in 也可，派枱的都會派出去，訂位是不會留定一張枱給你。都是說啦，這個收費，這個安排，不能接受。反正中菜餐廳做得好的，多的是。食物質素已被座位安排完全摧毁，不需要說了。不過不失吧。…Read More

很久沒有上101，父親節到訪了麒天午膳，一行8人。服務員十分殷勤，安排貼心，驚喜地仲安排了房間。房間十分闊落，還有梳化供客人休息，電視機少不了，但沒有karaoke設備。點了4個單人餐，還加了點心。點心賣相出色，單人餐份量足夠。相信一個女子係食唔晒。燉湯出色，清澈。跟尾的炒飯香噴噴。和牛飽，和牛酥，煎糯米雞，必試。反而蝦餃只是不過不失。午餐，人均消費500有找。沒想像中咁天價囉，真的可以一試。當然，晚飯就會貴些小啊。…Read More

新餐廳，開業數天，訂了房間，即管一試。一行7人，點了很多東西，潮州翅，豬肚湯，凍蟹，凍馬友，普寧炸豆腐，春菜煲， 獅頭鵝，鵝肝，潮州菜必食蠔仔粥，炒飯，可惜當日無蠔餅，只點了薑葱蠔。訂房，房間十分闊落，應該坐到16人，有karaoke設備。整體食物質素高，特別是春菜煲，鵝，一流水準，凍馬友又是一絕，骨起了，一啖肉。潮州翅湯底又杰又濃。彈的是個炒飯，賣相好靚，可惜可能砌得太耐，已經唔夠熱了，師傅要想想辦法。最驚喜是酒杯，設計很特別。今次人均消費800元，主要貴在凍蟹同翅。…Read More

已經是第二次來，感覺比第一次要好得多。咖喱味道有較有質感同層次。份量又不會太多，很膩的感覺沒有了。人氣比上次熱鬧得多。點了咖喱雞扒同喇沙，喇沙一點辣都沒有，如果辣返一點就好。咖喱雞扒，雞扒烤得皮脆肉嫩，十分不錯。蛋包飯師傅技巧十足。串燒有鱔，蕃薯同豬頸肉。鱔做得不錯，可以一試。另外亦點了印度薄餅，端上來是熱辣辣，但冷氣勁，一陣就涼了。此外，每款菜式配搭唔同咖喱汁，亦是這店一大特色。如果。。。將來有烏冬，拉麵。。。就更好了整體感覺餐廳水準越來越高啊。…Read More

食過幾次午餐，相對於尖東一列的餐廳，我覺得呢間取價合理，而且麵包是免費添加的！不像有些餐廳連麵包都欠奉，對，尖東食西餐無跟麵包，真的。有前菜，主菜，咖啡或茶，最平的連加一收200蚊有找，仲想點？食物有質素，擺盤精美，侍應殷勤，唔會谷氣，如果午餐有6款揀就更理想。2人午餐，前菜點了蟹餅（要加58蚊），鱸魚及牛柳作為主菜。等候時間合理，端上來的整體色香味俱全。這裡吃牛一定不會失望，雖然份量不太多，但看看價錢已經無投訴吧，一定會再來。…Read More

一個閒日中午，經openrice訂了位。第一次來。感覺十分特別，視覺完全被巔覆了。一個又一個的打卡位，萬花筒勾起無數兒時記憶。食物選擇唔多，都係食二人套餐。散叫 a la carte唔乎合經濟原則。端上來的所有菜式擺盤都精緻，看得出是有心思的，但有時over左嘅擺盤就覺得無必要。例如個白酒忌廉青口，排得整整齊齊，做多左了。招呼絕對合格，不會過火或冷漠。侍應有反應的。唯一挑剔係價錢，性價比略低。原因可能是裝修設計保養成本關係。而且，去一次就夠了，去太多會覺得好花呢花碌。…Read More

都不只第一次光顧這裡。上星期日中午先食完，出奇地少人，可能coupon未到死線吧😬😬😬。浦進餐廳，就被開放式廚房吸引，個個廚師忙過不停，聚精會神，廚房亦乾淨企理。一如既往嘅出品，點了青口，蜆肉意大利粉，烤雞。今次食物偏鹹了少少。青口是十分不錯，配上蒜蓉包，點上湯汁一起吃，滋味無窮。這裡消費合理，扣了coupon 後，午餐人均是大約250元。服務態度對餐廳尤其重要，這裡，不過不失，適中，不過火，有求必應，無不合理收費。…Read More

話說昨日小弟請同事食聖誕飯。20人左右。叫同事搵地方。找了這間。人頭費128元一位，免加一。原本餐牌最尾係128的未來牛漢堡。咁大家都諗住食128餐咪最著數囉。點知，去到佢個128餐遮住左。如果要食，加多20蚊。餐牌A至O可以食一款，即價錢由68至98蚊，包湯和飲品一杯，收128一位。咁我問負責人：你咁樣計，咪仲貴過我20人walk in分開坐？ 佢話：我留左位俾你，而且不限時，坐到幾點都得，其實我可以翻枱做兩輪架。如果你要咁做（即係walk in再分散坐），我都無你辦法架。為免令同事掃興和尷尬，我食，仲坐到2點添。我20人嚟幫襯，負責人理直氣壯同我講，話所有嘢之前已經我同事講左，即係願者上釣啦。OK 唔緊要，但你咁做生意，殺雞取卵，無下次啦。BTW, 呢間嘢我日日都經過，午市無見過要排隊，即係翻唔到枱囉。仲同我講話可以做兩輪喎。。。食物質素。。。我個白汁焗意粉，意粉完全無調味。味道係由個白汁來的。其他我無食。不置評。…Read More

看過大部分食評都是有太陽的。來一個夜遊吧。M+是去過的，藝術嘅嘢識條鐵，都係醫肚實際一些。經悉心安排，我們坐了房間，房間有一扇門可以直通外面。十分方便。食物質素是物有所值，沒有超貴價菜式，樣樣都是百多至3百多。人均消費300左右。這年頭，這環境，這質素，收貨。當然，這裡不是期望人均100元樓下有交易吧。點了9宮格點心，薄餅，乳鴿，漢堡，印度雞，羊架。。。。好飽啊。小朋友們十分喜愛這裡。這裡環境極像酒店buffet格局。一定可以encore。…Read More

由陸慶娛樂開設的飯館被接手，改由food story主理，即係Ricky Cheung。開業不久，即過來捧場。食物質素無用置疑，取價亦十分公道，可能新開張，個別餸菜定價有驚喜，與落戶維港旁的租金不成正比。尤其是海鮮類，直頭抵食。說回來，食物賣相並非整色整水，亦無花巧擺盤，一切以平實為主。唯一覺得的是，暫時沒有一個特色招牌菜，沒有吸睛的亮點。最深印象竟然是前菜的竹炭炸豆腐。反而，後著甜品是出色，湯丸一流。6大2細初體驗，3千多元埋單，絕無投訴吧！…Read More

不知所謂。未夠12點入座，3至4成客左右。點了鴛鴦扒飯。12點25分還未來。催了，說廚房已經有單。我唔關心廚房有無單，只關心幾時有得食。12點35唔食走啦。侍應仲好意思問我要唔要改常餐，會快些。我說，不了，還幹嗎給錢你賺？還有，在飯市時間，中環地點，竟然可以任由後巷推一桶有垃圾的垃圾車入餐廳，我真係第一次見。服務員愛理不理，明白了點解係中環搵食，有大排長龍的都要等，有位等客人也沒有人入的。中伏了。學精了。…Read More