小胃大腸's Profile

我哋七位12:40開始攞飛等位，12:55就一直同你講下一枱就到你，1:10幫我哋落咗order 先，1:15話可以上樓，上到去又叫等陣，跟本未有枱😡😡，最後1:28入坐，焗飯即到，5分鐘後海南雞飯，5分鐘後串燒糯米飯，2分鐘後喇沙，5分鐘後炒飯，再多3分鐘先上最後的炒河……即係有人1:45先有得食，但仲未有野飲，結果2:15返到公司俾老闆鬧，奉勸大家要準時返工就唔好搏。午餐仲要收加一😡，濕炒河啲粉貼埋一大疊厚厚一舊，同埋6號餐串燒糯米飯真係好難食，全部用微波爐叮既！…Read More

唔係第一次食，只係貪佢近而且唔多人，雖然話限時90分鐘，結果都冇被趕走，卡位坐得舒服四人剛好吹水一敍。今次四人點咗個$6xx套餐加五花肉及大醬湯，啤酒加真露. 套餐肉食不過不失，牛扒及墨魚最得，牛舌只有三塊，單叫的五花肉份量足，全程有一女侍應特別勤快，唔知咩名，細粒黑框眼鏡年青的，除咗勤快仲細心又識sale野食，所以特別寫一篇以示加許，希望公司也能認同，會再次幫襯😊，最唔方便就係餐廳冇洗手間，飲完酒要去商場搵廁所！…Read More

趁住凍凍地同班friend去打邊爐，見呢間新開，一於試吓佢，讚即刻要寫食評，打邊爐之前一定會叫小食，炸大腸，黃金魚皮好惹味，跟住老闆好介紹既醃蒜頭🧄味道好好，質地爽脆第度搵唔到，老闆話食完佢就唔會有肚痛，其實蒜頭功效真係好多。牛肉叫左"腩包"，即係牛腩包住既部位，肉味濃有咬口唔會鞋而且份量足。鮮雞子好大粒，鵝腸靚，呢啲嘢唔係度度都搵到咁靚！自家製菜餃豐滿新鮮，已經掛住食冇再影相，總之樣樣都好味，絶對食得出對食物製作既誠意！一定會再嚟幫襯，已經諗住下次要試雞煲/羊腩煲同酸菜魚...真係要搵多幾個人先可以試得哂…Read More

已經幫襯過N次, 差不多每個月都要去, 已持續幾年, 亦唔係第一次寫食評推介, 食過好多間韓菜, 始終係佢既肉最高質. 平時大多數去帝國分店, 當想食炸雞時先會黎呢間. 7:30入坐無限時到10:00, 今次主要係讚招呼. 由於當日無得order生啤, 只有細支裝啤酒, 我抱怨無得揀所以就問當值經理, 得知店舖過幾日要裝修所以暫停入生啤. 之後呢位新黎既經理(名字應該叫KENJI) 就間中都關住下我地, 詢問我地既需要, 細心而且親切, 另我們既用餐加倍開心, 所以特此表揚一下.…Read More

遠離煩華都市，到南丫島行山食海鮮，次次都係榕樹灣出發行去索古灣食X紅。今次朋友介紹榕樹灣呢邊開左間新既海鮮酒家，一於將行程倒轉，我地搭兩點幾船由索古灣出發慢慢遊遍所有景點，五點去到呀婆豆腐花，呢度有條小路行入去大約五分鐘就到。呢度比較偏僻所以冇咁多人，我地選擇坐露天坐位，佈置中西fusion，高脚枱加上情調燈光下，氣氛一流，食吓飲吓吹吓抖吓，實在好滿足。員工非常友善，本來想跟食評order，原來好多野都需要預定先有，蛋白龍蝦肉好鮮甜而且打卡一流，蒜蓉蒸扇貝乾淨無沙，椒鹽鮮魷好好味力推，蜜餞燒排骨同蒜蓉粉絲蒸勝瓜。總結，海鮮新鮮，小菜夠鑊氣，價錢合理，下次一定會再黎， 再黎我一定會預定食物……虎蝦，聖子，羅漢齋菜卷……我真係好想食呀!…Read More

平嘆高質西餐. 168据個扒都係花O餐廳價, 但呢度既水準高到我估唔到. 呢輪成日去staycation, 食勻各大五星酒店西餐, 比較之下呢度既牛扒可以話做得最好既.  先黎頭盤法國生蠔 : 新鮮, 有礦泉水沖過但不失海水鮮甜味.水牛芝士蕃茄沙律: 又係CP值好高, 出面食既水牛芝士成日都食唔到味道既, 呢度唔知係咪夠大塊所以咁有味呢.主菜叫咗澳洲肉眼扒8安士, 波士頓龍蝦意粉, 烤焗咖哩春雞: 牛扒真係冇得彈, 五成熟剛剛好, 夠厚身, 煎得夠香, 外層乾身, 裡面嫩滑多汁, 牛味香濃. 真係唔需要點汁食, 所以奉勸各位唔好將啲牛扒汁倒哂落去先呀, 咁就唔會浪費佢原來既美味.意粉亦做得恰到好處, 波士頓龍蝦半隻有膏而且好鮮味.春雞食落比想像中滑, 日式咖哩汁都好夾, 再加上高質數配菜, 好抵食.配埋奶昔真係好滿足雖然已經好滿足, 但店長推介點都要試下佢地既Crepe, 我又點會漏低佢呢! 傳統法國crepe通常只有兩層, 佢就有四層, 口感仍然軟滑, 肉桂蘋果酸酸甜甜, 朱古力香蕉好飽肚, 兩件四個人分大滿足.…Read More

平時都成日黎食晚飯，今次第一次黎食午餐，網上訂坐仲有八折，抵食，好味，full set 一啲都唔hea，四個前菜全部都好好味，大滿足。豆腐海鮮湯份量十足，辣湯味濃。燒豬肉有鐵板上，仲配埋海帶湯。完整度好過係韓國當地好多餐館。由於上次去咗韓台食店，佢嘅豆腐海鮮湯真係差到唔知講咩好，需要只要五十蚊，但真係寧願去食麥記好過佢，呢度一人大約八十蚊就食到呢種咁高質素嘅韓餐，真係補返哂我上次既唔開心，真心讚，讚，讚！…Read More

朋友食過介紹，特點懷舊金曲，其他都冇咩特別。胡椒豬肚湯夠味但咸菜砌絲，麻辣湯唔食得辣都食到，叫左手切牛，蟹粉餃，炸魚骨，鱔片，四寶丸，鴨血，蘿蔔，菜菜菜，不過不失，但限時兩個鐘。由於朋友訂位時講好可以俾我哋食耐啲，但一夠鐘就要我哋埋單走，話有人等緊位，而事前未再有通知，另我地失预算，後加了三個食物，蘿蔔都未熟透就要放棄埋單走人，服務態度依然好但反口覆舌囉。總結：野食一般，價錢唔係抵，仲要個限時。…Read More

舖仔細，有樓上但條樓梯太窄太危險，仆親都唔知點算，上到去坐低張摺凳好似設計有問題咁，挨都唔敢挨，坐得唔舒服就寄望食物好啲啦！但見到隔離枱成碗鰻魚飯冇咩食過就走，為免中伏，叫小小野食下先，點知真係中哂招。雞肉大葱串(雞肉細粒似雞軟骨加上生葱好辣)，雞翼串(只有椒鹽粉味)，牛舌串(四小粒)，牛柳串(點會落孜然粉架)，玉子燒(細份到佢吖)，野菜拉麵(冇咩菜而且麵質好淋)，一個字“渣”。六樣野，加埋一要$295，大家可以睇睇我呢三張相，感受一下。兩條友要再去第度食呀。…Read More

貴夾唔飽，仲要唔係特別好味。睇佢舖頭名就知佢主打清湯腩，但我冇叫牛腩反而叫左碗牛肚河，因為我比較喜歡牛肚，如果做得好味，飲啖湯就知道了。湯只有咸味唔會想飲落去，牛肚正常，河粉極小，$48一碗，正常女士都唔會飽。我唔係因為佢出名至食，我係肚餓經過先入去食碗粉，點知食完要即刻再去搵野食，其實河粉好平啫，俾多少少人食啦。雖然都唔係難食既，但咁既價錢，都仲有唔小人排隊食，我都有一刻諗下係咪我唔識食，再試真啲都係覺得求其一間都係咁上下，但起碼食完唔會仲係餓囉。…Read More

良心食肆，$128加一韓烤+火鍋，有成三四十款食品，汽水啤酒（獅威）任飲，坐位舒適，服務也好。肉類醃得好味，五花肉牛仔骨牛肉粒既肉質都唔錯，辣味雞翼都幾辣非常野味。火鍋湯底白色咸咸的，另到淥過既蔬菜都特別甜。餃子燒比淥好味，最後仲有甜品生果，大滿足。原本以為咁大煙，食完個身一定好臭，但一啲味都冇喎…Read More

要預早訂位。有品餐廳沒有限時最抵讚！9:30 last order, 營業時間到10:30。環境啱哂幾個人一齊傾下計食下野，四個人坐圓枱最舒服，兩個人坐窗邊方枱也很好，我們五人被安排了餐廳的最入面，枱凳都算大所以坐得舒適。原來唔止地方大，食物份量都大，餐牌看上去是中上價錢，唔好以為要一個人叫一碟意粉或者一份牛扒會食得哂呀，真係要幾個人一齊share食架。dirty wings : 係單骨雞翼配紫菜碎，食唔到紫菜味，雞翼本身味道也太淡。snowboard salad：份量大滿足之剩製作用心，跟埋個濃郁芝士醬，真係正。K-town 牛小排：火路剛好，碟底有爉燭等你可以慢慢食都唔會凍哂，仲跟埋沙律菜，薯條同冷通粉，堅抵食。布朗尼新地：又係超大份，超甜，食唔哂了。…Read More

睇得出仲食得出小店的用心經營。$48至$68的午市套餐，非常足料，包湯，前菜同飲品，真係性價比高。本人也曾經營飲食，真心覺得足料得有點過份。無骨雞翼冷烏冬有成四隻餃子雞翼，饀料豐富，不是普通的來貨加熱，有誠意三條蟹柳也不是用平價貨，烏冬煙韌有勁，麻醬汁偏酸較浠。洋蔥鮮菇湯，菇多過湯，仲有前菜凉拌海帶。炸雞肉燥飯炸雞有兩件，香口有肉汁，肉燥不是用免治豬肉，耐是五花肉切片，切粒，還有兩三舊大件的，肥瘦適中又入味，真係好好食呀！仲超級飽。…Read More

主打鹽水雞，套餐$45含有雞及三款配菜，拉麵要另加$7，不包飲品，珍珠奶茶$22，雖然巨型杯裝，仍然感覺不值。有啲似街頭撈冷麵，全部凍冰冰，當午餐沒有滿足感。雞肉已去骨，但份量不均，我的份算多但朋友的只有三片。雞肉夠滑，味道也好。豬耳勁硬。調味我選了原味加中辣，這裡用的是辣粉，大中小辣就是加多少辣粉而已，由於凍食，辣粉不會溶，會覺得成口粉，食完會口渴，食到一半已經覺得好寡，因為全部都好似一樣味咁。一粒貢丸剪開六份，而且（叔）了，給朋友試了都說是有點壞的味道，才向店員說，他試了自己那些後說沒有問題，我認為可能每一粒都不一樣，所以將我食物盒裡的叫他再試，但他沒有給我任何回應。…Read More

突然朋友好想食片皮鴨，而又有朋友住大角咀所以黎試下，由於六點才開舖，諗住早啲黎等佢開舖就實有位。點知一開舖就入哂所有已訂枱既人，得返一張枱剩而且都係人地訂左但未有人黎，叫我哋等15分鐘冇人黎就俾我哋，真係相當好彩。要黎食記得要訂位呀！地方非常狹窄，洗手間最好不要去。不過食物質素高，而且價錢便宜，我哋六個人食咗以下咁多野，每人只係百零蚊。可惜師傅唔肯整拔絲蘋果，可能星期日人多，話要九點後才做。。。。…Read More