Mikihunhun的个人专页

難得約齊舊朋友，一行15人黎到「歡樂大排擋」歡眾一下晚餐 預早book定枱點菜食好西! 朋友食過話呢間餐廳食物質都係超哂班! 餐廳安排咗房，我地咁多人都坐得好舒服!為咗呢餐我lunch都冇食，留定肚黎大吃大喝呀! 叫咗16道菜，每道菜都係超水準，由於太好食，掛住傾計食下停下，一路食d菜一路上，唔係每款都影得切相，只能揀幾張相同大家分享一下!先黎上陳皮燒鵝王 – 燒鵝肉質好鮮嫩保留到皮脆肉juicy，而且真係食到淡淡陳皮香味，基本上唔需要點太多汁，係我食過最好食燒鵝!  回味安格斯牛柳粒 – 牛味香濃，熟成度岩岩好，呢個菜絕對唔會令人失望。古法雞煲翅 – 呢道簡直係成餐飯精髓!!! 成碗金黃色嘅雞煲翅，遠遠見到已經流哂口水，飲第一啖真係有條龍飛出黎，超級足料，成碗湯係好香好濃，翅夠粗身，大啖大啖翅食落口，好食到癲!懷舊蝦多士 – 呢款懷舊蝦多士已經愈黎愈少餐廳見到，岩岩炸起脆口熱辣辣嘅多士配上大大隻蝦喺面，呢個香脆誘惑程度係即使你知道好熱，但都係忍唔住要即食入口!脆皮炸大腸，潮洲普寧脆豆腐，椒鹽炸粟米，瑤柱蛋白飯……全部都實在唔駛多講，一個字 - 「正」!油鹽水浸蜆 – 聽個名咁簡單食落口一d都hea，海鮮夠新鮮其實輕輕白灼加蕙已經好正，但如果你冇經驗同技術，一道簡單菜都會出事，但佢地冇! 蜆好新鮮，只係用油鹽水浸蜆都已經可以令佢閃閃發光! 薑蔥美國桶蠔煲 -桶蠔用薑蔥爆香，炒完冇縮水，大大隻食入口，爽呀!中式菜式最後都要有款傳統糖水作為總結，今次就以靚既紅豆沙收尾，紅豆沙唔太甜又多沙，好食!***每款餸菜都神級水準，上菜職員亦好有禮貌，呢餐飯真係食得好滿足又開心! 而家一路寫一路回味中! …查看更多

唐記一直都係我最想總有一間喺左近嘅蒸包店。D蒸包除咗款式齊，餡料多，唔太甜熱辣辣又好食。除咗蒸包好食，其他蒸飯，湯飯，小食都係一樣咁滋味。今次要分享下我中午飯首選之一 - 咖哩雞飯，叫外賣都係貪佢方便，即叫即拎出黎，熱辣辣唔駛等出餐! 咖哩雞多雞肉，佢個咖哩汁好香，辣辣地開胃又野味。有次食完飯d汁有剩唔捨得倒，加個麥皮饅頭點埋個汁，大滿足!呢區多老人家，有時人多排隊耐咗，出餐同銀d姐姐都好有禮貌，值得一讚!…查看更多

已經有一段時間冇食吉野家，想重拾一下久違嘅味道。以前放學或者下午荼時間都成日食，貪佢抵食份量足，有時豪氣d打個1人邊爐，1人前份量不多不少岩岩好，又係另1一種享受。而家出黎做野，一個人晚飯都要食好d!今次唔打邊爐啦，就咁食個牛肉飯!一人晚餐 - 大口燒牛肉牛扒丼 (特大盛) ：熱辣辣又軟軟棉棉日本珍珠米飯底，面頭加上肥牛同大大件切件牛扒，就咁睇已經好豐富。牛肉鮮嫩，口感細膩，甜甜地嘅醬汁喺面，真係好好食，$59配麵豉湯，以日式丼飯再加堂食環境座位舒服，真係好高性價比。…查看更多

終於OT完放工返屋企，煮唔切飯唯有同同事食個大快活填一填肚先返屋企。講真好耐冇食+冇抱太大期望，但呢個世界就係冇期望反而令人有驚喜。接近9點仲有家常小菜2人餐 – 2餸1湯，白飯2碗薯仔燜滑雞飯 – 1碗餸分量正常唔太少，雞好滑調味唔太咸，薯仔煮得好淋好入味，整體各方面不過不失。豉汁蒸鯧魚飯 – 原條魚上，聞落好香，火侯蒸得岩岩好唔會老，魚肉身好滑，點少少豉油食好好味。最後飲湯  - 合掌瓜湯: – 足料湯好濃味唔稀，家常便飯黎講真係好滿足。…查看更多

成日搭叮叮都見到，細個阿媽成日買黎接放學，砵仔糕呢樣野真係充滿回憶。下晝4點左右又經過上環，回程時都係買返個回憶下先。行到去望望價錢$9/1個，$25/3個。佢自稱得「砵仔王」，我對佢真係充滿期望!見買3個平少少就3個啦! 摸上手仲暖，成程車好期待。每個都係有層膠膜包住，分開每個獨立唔會痴住，用膠袋入住返公司食。返到公司一打開，佢唔似食開嘅砵仔糕咁令面同滑身，成件係好濕，而且焗到有d溶，但值得一讚地方係佢好多紅豆，唔會太甜，而且冇粉粒。如果可以少返d d 水就完美。…查看更多

星期5晚出銅鑼灣，8點買完野2個人好肚餓咁搵地方食飯。遠遠見到OUTBACK個大玻璃入面塊牛扒真係好吸引。由於我地講咗好多次想食，但每次都好怕要排隊等到唔知幾點先有飯食。用碰下運氣嘅心態搭扶手電梯上3/F，一上到去見門口竟然冇人排隊，可以直接walk-in! 太美好了!我地太肚餓叫咗3樣野先，諗住唔夠食再叫，但最後都係飽到食唔哂!第一個上嘅係1件馳名黑糖麵包，個包微暖，甜甜地又口感好軟熟，係好食，但唔係所講咁驚為天人。小食到 - 特製洋蔥花球 Bloomin' onion 係佢地Signature，基本上入到去必叫。成個洋蔥用炸粉炸起，一上碟成朵花咁打開，熱辣辣又香又脆，唔覺油膩。主菜:牛扒 叫咗medium rare，好厚大大件，肉汁鮮味，配菜揀咗焗薯同Seasonal veggies, 但Seasonal veggies 係蕃薯??? 唔知係咪上錯，但幾好食。焗薯配上嘅sour cream好正。芝士白汁燒蝦寬麵 ，芝士味好香濃，唔太大驚喜，反而隔離嗰2塊蒜蓉包並冇因為佢係伴碟而偷工減料，好食。**好耐之前download過佢個app做會員, 有會員discount 10%off, free當係free咗個service charge.…查看更多

成日行過一直都覺得呢間麵包鋪d包好靚，價錢一定好貴。今次入到去，發現同我想像中有出入，充滿驚喜!入到鋪頭好第一超多款式，好香麵包味，未食早餐行入黎，真係流哂口水。麵包款真係好多，真係花多眼亂，要慢慢揀試食咩包。由於我實在太鐘意芋頭餡嘅製品，見到呢個芋泥小盒，成隻紫色四四方方，真係忍唔住入手了，一夾上手，成個包好咁重嘅。收銀姐姐好有禮貌問駛唔駛幫你加熱? 焗爐加熱完成個包即刻好香好香。姐姐專登唔唔封實，成個包唔會俾水蒸氣焗到淋哂，真係好體貼!返到公司切開個包，隔離同事都聞到。嘩，真係好香好正而且絕對唔係空氣包，平時出面食麵包，通常都要食2個先夠飽(可能我太大食了)，呢個包食完一個已經好有滿足感。…查看更多

薯條漢堡包真係由細食到大，如果你對薯條有要求，Five guys嘅薯條絕對唔會令你失望。每次必叫大薯條，花生油超香熱辣辣粗薯條，分量超級多，留意到佢地裝完薯條入個紙盒放袋，會再鏟多一埋薯條入黎，咁識做你真係冇得唔愛上。Burger方面就 就叫咗Bacon burger + Little cheese burger，食薯條都食到飽所以一個Little cheese burger都夠食有多。友人就叫 Bacon burger內面多幾條bacon香口d，2個包都係肉汁超多，而且係即刻整用石紙包，如果你食完薯條先打開個包，基本上已經焗到濕哂，小心食唔係會食到成手都係。So far醬汁同味道都係好正。最後加一杯士多啤梨奶昔，加左士多啤梨入去打汁，打完之後會咬到d細粒士多啤梨好飲又香又濃郁，真材實料，絕對係食Burger必飲嘅配搭。…查看更多

每次經過都心郁郁想買黎食，今日終於的起心肝買。對我呢d大愛麻糬嘅人真係忍唔到幾多次。見有咁多味心大心細唔知揀咩味，決定揀幾隻黎試下。今次我買咗原味，朱古力，芝士，抹茶紫薯。麻糬波波size唔算細粒。食開麻糬嘅朋友就係要食佢嘅煙韌口感，咬開見入面餡都唔算少，未至於食空氣咁。最想講講個抹茶紫薯味，個皮好有抹茶香味，個餡嘅紫薯都幾濃，而且唔太甜。其他味大致上都好平均。坊間我都試過唔少麻糬波波，呢間整體真係唔錯。…查看更多

同屋企人出觀塘食dinner，第一時間就諗到一定要食呢間，之前上網見好多人推薦，我都決定黎朝聖一下。我地2個人7點左右到，好彩唔算太多人排隊，咁岩前面2張4人枱未齊人所以俾我地2個入先 (*留意要齊人先入得*) 店舖入面唔算大，又係手機落單，入面上網有d差係收唔到自己data嘅，睇返落單QR code下面有鋪頭WI-FI password，用佢地wifi落單就搞掂。 一人一碗招牌花膠雞湯米線，加多個豆腐。上菜速度算幾快，全部野食都係熱辣辣，招牌花膠雞湯米線雞肉肉質鮮嫩夠滑，好細心仲提供骨礫俾食客放骨。有d  surprise每碗都有兩大嚿花膠，睇到已經感覺好滋潤，湯底奶白色開頭以為會好淡，入口又好濃味喎，唔係味精湯，食哂成碗麵可以飲埋個湯，食完唔口喝。食到一半就上埋岩岩出爐嘅金磚豆腐，細佬忍唔住即時一啖食落口，熱到即刻吐返出黎。炸到金黃色細細粒真係一啖入口岩岩好(切記咪心急，放涼一陣) 外脆內軟，份量的確比想像中多，真係好好食。真心推薦同埋下次一定會再黎!…查看更多

難得大本型開新餐廳當然要試試帶位坐低時Staff已經會溫馨提示佢地唔收現金，但有八達通，信用卡同其實形式俾錢。如果你只有現金就要留意啦! 全程都scan QR code手機落單，我諗大家而家都慣唔駛多講。夜晚7點入座，新裝修同埋呢個鐘數唔算多人，walk-in唔駛排隊即刻入坐，人唔多坐得又舒服。2個人晚餐我地叫咗１飯１麵同甜品，整體感覺唔錯，會再同屋企人朋友黎，油塘又多一個晚飯選擇啦~…查看更多