KasperLee1's Profile

唔知你地同我係咪一樣, 成日心思思想食泰國野，今日難得uncle約食飯, 梗係揀泰國野食啦！馬上拿拿臨上'開飯'搵有咩特別D既泰菜，一開個APP搵到呢間係尖沙咀諾士佛臺，應該實無死，就揀你啦，出黎啦 "泰燒遙"！我地４個大食積食飯，可以食到好多款菜。其實揀呢間餐廳既最大原因係因為呢味菜，燒遙海中寶（冷盤）＄５８８呢個份量 呢個價錢 好值！海鮮好新鮮，魷魚唔UN好好食，鐘意泰國口味　值得一食豬手，係泰國菜最出名之一，一試便知龍與鳳！果然，無嗌錯呀，好食！皮脆，肉嫩，同個汁好配！必食！牛小排，唔多講，睇圖，會唔會太吸引呀呀呀呀呀呀呀！好嫩 好香 多肉汁，加埋個汁 無得輸！我覺得我可以一個人食哂二碟，呵呵必食！無得輸！串燒牛肉粒呀！會唔會又太吸引呀？牛肉粒 嫩 香 多肉汁，又係無得輸！菠蘿 都係一個加分點，燒完超甜！必食！無得輸！等我排一掛個名次先，Kasper排行榜，第一位：燒美國牛小排第二位：牛柳粒串燒第三位：泰式爆炸豬手＆燒遙海中寶呢四樣絕對食得過！另外，仲叫左雜果沙律,炒青口,炒通菜,炒金邊粉,炒飯，正式既泰國口味，唔錯 唔錯！全部係水準以上，可以一食。臨尾 店員推介左新推出既甜品，"泰榴戀" 聽到個名已經毛管棟，原來係三款甜品 全部用榴槤做，左邊個個係心太軟　勁香榴槤味！值得一試泰菜配泰啤，絕配！勁滿足，呢一餐我俾９５分！…Read More

首先，蛋糕賣相乾爭爭，起初以為係display都由佢，個日咁岩口痕想食蛋糕，點知買左之後就後悔啦！佢拎左我以為係display個舊蛋糕俾我，即刻呆哂。先睇一睇個蛋糕， 發霉既然後，我唔信邪切開裡面睇，霉到入個蛋糕心裡面，我真係唔相信自己眼前見到既野呀，嚇到我傻！我仲唔拿拿盡拎返去俾佢退錢咩，佢無諗過退錢不得只，仲即刻拎第二舊俾我睇，話：「呢舊無事架，好靚！」；佢諗住俾舊新既打發我走。我完全無哂食蛋糕既心情，極失望，極惡劣。四隻字：送都唔食！…Read More