同朋友來喝早茶，訂了11點半，由帶位到點餐 態度很好 有笑容有禮貌 唔會Hard sell餐點。值得讚嘅一點，任何行過來同我講野嘅服務生都會記得客人名稱。點好餐後會送上前菜，免費的，一粒鮑魚點心同青瓜點心，鮑魚點心當然不會是好un難食得個樣果d 但青瓜點心有驚喜 好清新！前後點了7樣點心 每樣都好足料 所以3個人食都好飽 食不完，加上餐後亦送甜點。第一個上嘅係我同朋友一致認同最好味 就係香煎什菌黑松露腐皮卷👍🏻👍🏻👍🏻 唔油 口感同味道香 好重黑松露味 鍾意黑松露嘅朋友會好鍾意呢個點心，滿滿嘅什菌 一份3條切成6件 ，仲要價錢好平，cp值好高！第二個流心鵪鶉蛋燒賣，我無食 但係朋友話真係粒粒都係流心 好食嘅。第三個招牌嘅金魚餃 其實呢個要趁熱食，我食嗰陣時已經凍左 但係仍然食得出皮薄餡靚 蝦肉係好飽滿，賣相同個銀籠包裝都好靚。第四個唔係點心，係另外散嗌嘅鵝肝金錢雞，60蚊一件，但係我有點失望 不是我想像中的煎鵝肝口感 而且個人覺得味太濃，不過60蚊來講咁大舊鵝肝都係好抵。第五個係青瓜叉燒腸 味道好夾 啲皮好薄 係好食嘅 叉燒肥瘦適中帶油香。第六個係蘿蔔糕 喺香港食點心嘅蘿蔔糕通常太淋 而且可以話係無料 亦好少點解會係用切羅白絲嘅方法整 ，通常都係屋企人先會咁整，但係呢度嘅蘿蔔糕你會食到好大條好粗嘅羅伯斯而且好足料。最後一個係松露炸蝦卷，我冇食，呢個應該係成個早餐最唔抵食亦冇特別嘅點心，朋友話就係普通嘅炸蝦😂。完成所有點心之後服務員會送上免費甜品同餐飲。係一個一口葡撻同一杯小奶茶。葡撻焗得好香脆，奶茶好飲過係香港任何一間茶餐廳 因為好滑 冇澀味 不過有少少偏甜。對呢個餐後甜品十分之滿意。 甜品同餐飲完成之後服務生又再次送上免費嘅紀念品👍🏻 代表澳門嘅杏仁餅 真係好貼心❤️總括最滿意嘅就係黑松露腐皮卷蝦同埋飯後甜品和餐飲 ，要去嘅朋友留意番 用餐時間90分鐘 。當日3人去，7個點心，再送2樣免費小點，800元埋單，米芝蓮三星餐廳，咁嘅服務、質素、同價錢，簡直係cp值高！…Read More
