傻仔仔's Profile

服務只能用超差去形容。我好少寫食評，仲要係咁長的食評真係第一次。但為左表達我的不滿，真係忍唔住!以前黎過幾次，都被食物的味道吸引返黎再食。但係近日再去，發覺食物質素下降，服務更加係由差變得更差差差  。  。 。  十個icon都表達唔到。先講食物:涼瓜炒蛋 - 少左涼瓜，啲蛋炒得好老，鞋烚烚蕃茄魚 - 勁多碎骨 (唔通以前師傅切得好啲?)麻辣青瓜 - 唔入味椒鹽豆腐，風沙雞翼，鷄腳 - 算係無質素下降的食物不得不提服務呢方面。。。  1。員工黑口黑面，叫加水起碼叫三四次仲要態度唔好，落單唔應你你又唔知佢聽唔聽到，要自己數完問返佢係咪咁多個菜 (呢啲都算，之前都差唔幾所以預左)2。我地聽到個呀姐勁大聲鬧個隔離枱。。。“你地聽清楚我講好唔好，咁你而家問呀麻，咁我咪講你聽囉！你要知道你地啲顧客永遠是對的，我地就錯㗎麻!” 咁落完單之後仲一邊走一邊繼續鬧，呢個真係“好好服務”3。未食完就催埋單，我地話未食完另外再加甜品佢就黑面4。到食完甜品，叫人黎埋單無人。。。到個呀姐一入黎就問你地係咪食完，我地出面有人等位。响佢未講完呢句我朋友已經話“係唔該幫我埋單”，佢都仲唔停繼續話我地食完未佢要收枱，激到我朋友話“係呀我已家咪叫你同我埋單囉！”佢先捨得出去。5。最後呢個先最頂癮，張單黎到咁我地睇下有無錯，個呀姐覺得我地阻住佢，講左一兩句說話，跟住咁找剩左啲一兩蚊散紙咪唔拎囉，佢好似唔希罕咁响個夾度倒返落枱俾你。。。呢下我地真係o哂咀，你唔收茶錢同加一唔代表可以咁差服務啫。。嗰少少所謂貼士俾你係人情唔俾係道理。。。唔怪得打去訂位唔爆，啲服務咁樣，我諗我唔會再去…Read More

整體來說食物只是普普通通，獅子頭好咸，但炒矮瓜又好淡。有啲餸好細碟，水煮牛肉唔辣，唯一好味啲係黃金炒飯另外，叫了煎鍋貼，上菜時有條好長的頭髮橫跨响三隻餃上面＞＜總括而言，如果門口太多人的話，食唔到都無損失…Read More

話說尋日daddy 生日, 一行五人去左呢間荃灣的五月花食之前去過旺角0個間都好ok, 諗住呢間都ok 喇, 但係好失望我地6 點4 去到, 坐低的時候d 枱面好似之前的食評咁講唔係太乾淨, 我隻豉油碟上面仲有垃圾... 俾返d waiter 換的時候仲係一句"唔好意思" 都無...!之後落order 喇, 我地寫刺身時有寫5 個人, 揀三文魚時寫了4份, 但到頭來黎得3 件夠邊個食呀? 之前我兩個人去第二間食, 寫一份都有兩塊, 有一次係6個人去, 寫一份都唔止3 件喇, 如果係唔係都只係得3 件, 咁我下面寫人數俾你做乜呀? 仲有我唔止寫一份呀!中菜0個d 味道麻麻:1) 椒鹽炸豆腐好鬼咸 2) 炒蜆係見唔到有幾多蜆肉, 成盤都係殼黎, 有肉都係超級超級細粒3) 醉雞無酒味4) 所謂的咩一口和牛呀, 咩澳洲果粒咩咩牛肉0個d 唔好對佢太大期望, 因為唔好食日式食物方面:1) 唔知點解佢d 中華沙律係甜甜地..2) 螺肉同埋原隻八爪魚 -- 最正常的食物甜品:1) 桂花糕淡到不得了, 無乜味2) 紅豆涼粉的紅豆好硬3) 所謂的日式雪糕係雀x公司細杯裝芒果味雪糕火鍋: 1) 上枱時d 牛肉同丸都係冰黎, 我奉勸大家要食佢個打邊爐一定要入座時叫定2) d 牛肉唔係太好食服務方面講起就把鬼火啦, 個d 經理成日都0向度哦d 侍應呢樣0個樣, 你要教訓佢地就自己開會講喇, 咁樣唔會令客覺得你地想提昇服務質素, 我只會覺得你地好煩同唔識教, 如果唔係使乜開緊工時仲哦緊?成日都漏單, 叫了刺身, 唔黎; 到7 點10 叫你last order (我地係食到8 點4), 咁我地咪快快手寫多兩張囉, 諗住叫d 火鍋料同刺身啦, 點知今次黎了刺身又唔黎火鍋料, 到8 點見d 料都未黎, 催了兩次都無, 之後有個女的行埋黎 (應該係高級d 的掛, 成晚都唔見佢有serve 過我地, 只係同我前面張枱, 應該係佢d friend的人傾計同serve 佢地), 佢就好串咁話: 我搵唔到你張單wor! 一係你而家寫話張俾我我即刻執俾你! 之後就企0向我隔離等我即刻俾佢, 好似覺得唔知點咁, 所以快快手寫了牛肉算了, 因為我見佢已經開始黑面....有咩值得贊? 汽水囉, 用了罐裝汽水, d 蘋果綠茶會不停有人refill, 收碟都幾快囉... 味道 : 2 (有1 分俾d 螺肉)環境 : 2 (好嘈, 呢兩分係俾坐位唔太迫)服務 : 2 (呢兩分係俾佢refill 綠茶同收碟)衛生 : 1 (碟污糟, 枱又"痴立立")抵食 : 3 (對想試多d 食物的人來說ok)p.s. 之前我去食野都會睇完openrice 呢度的食評先去, 今次就係諗住近近地食就無睇到食評.........就衰左喇 :(:(:(:(…Read More

之前男朋友生日黎過呢度食因為我地兩個都係幾大食, 所以成日都會食放題 呢間外野手位置都唔算太難搵服務很好, 侍應收碟都好快, 見到你枱面太多碟無位仲會提你夾一夾d 食物等可以上埋 (0向其他地方食有d waiter 見到咁會黑面之後企定等ga ja!)食物方面都算多款, 刺身味道唔錯!! 不過炸物方面油左d..因為book 枱時同了侍應講有人生日, 到食到差唔多同返佢講, 俾身份証佢check, 送了炸雪糕俾我地 :) 味道幾得意, 外面係炸粉, 但入面係雪糕, 唔差唔差!!值得推介!!…Read More

我放假時差唔多次次都係去青怡食早餐, 一係鴻運一係就俊達俊達好就好在十一點半至cut 早餐, 可以訓多陣, 早餐19 蚊一位, 唔.... 豬扒面d 豬扒幾好味, 大家可以試下晚餐就多人到爆, 次次都要等位, 但係都幾大碟, 沙拉骨同魚香茄子煲都超正!用黎撈飯好好味, 上次我同細佬食到停唔到口至於午餐, 水準真係一時時, 炒飯就如下面食評講好咸有時會出椒盬豬扒飯, d 豬扒就好食, 但無汁撈飯:(再唔係叫盬焗雞飯都唔錯!野飲方面, 我同媽咪都覺得d 奶茶麻麻地....…Read More

:) 之前同屋企人加男朋友total 5 個人去呢度食自助餐都係睇完openrice ge 食評先決定訂枱佢6 點鐘就開始, 我地0個日去到都係6 點過少少, 入到去其實得一枱客, 開頭都驚唔知會唔會出事, 但係愈來愈夜就多左好多人, 差唔多坐到8 成枱 (0個日仲係閒日)冷盤的味道都ok, 魚生就得幾款, 包括三文魚同八爪魚熱食就比較失望了一點, 款不多同埋麻麻地好食, 個燒蠔有點唔夠熟同有沙(其他食評都提過)最開心係見到成個雪柜都係雪糕waiter ge 速度開初都收碟收得好快, 但之後一多人就無乜人理, 叫埋單都叫了一陣, 但整體服務都唔錯!埋單5個人差唔多千五…Read More

話說早幾日我同細佬諗住近近地食個飯，於是落左良朋食1. 無服務：叫人落單ｄ男人行來行去都唔幫你，一係企定睇電視，仲有佢地可能覺得我地兩個唔會叫ｄ中菜餐，個老細唔好似招呼隔離檯人咁介紹有咩好食有咩叫2. d 野唔熟又唔好食：叫了一個炒飯，入面的蝦有殼不熟之餘，仲俾我咬到ｄ唔熟的雞肉，係一舊仔粉紅色的，就係咬唔到我吐返出黎至知，炒飯仲要無味，咸都唔咸下；意粉又唔好食3. 佢檯面放左張餐牌係用張紙遮住老子個名，咁我梗係跟呢張叫野食，睇左好耐唔見有人同我講有問題，到落單時見價錢唔對路出聲，仲要俾人話呢張舊的唔用。你張餐牌新同舊好似唔關我事，張牌上面有你地而家個名ga wor，咁我見到呢張梗係以呢張為準ga la雖然個老細話可以幫我翻炒過個飯，但係我對佢都無信心喇，仲點食？到最後，俾錢方面個老細0向極不願意之下跟返我睇0個張餐牌收錢，但係啖氣都好難落……因為佢不停話0個張係舊的，好似想推卸責任多ｄ…Read More

其實呢間即係以前ge 金運餐廳，以前好好食，不過而家裝修完改埋名之後就無咁好味位雖然係好坐左，闊落過以前，但係野食ｄ味唔同哂，仲貴左好多>_<!一個快餐要$30，凍飲加兩蚊，以前都係$26 + 2 = 28 之ma! 而家仲要無咁好食=(…Read More

之前睇過am730,見到好似好多野食, 好似好吸引過左一排,終於有機會去試諗住佢和食任食70蚊個, 和食加壽司98蚊個, 前面兩樣加埋刺身148蚊個, 咁就不如試最貴的148 諗住試多d 喇, 點知, 捉哂虫之外仲要成肚氣.... 入到去, d 位好迫下, 之後見到d 員工勁細個, 個樣都唔似侍應, 似叫屋企個細路落去幫手咁, 仲要著住有x氣火鍋件衫, 即時都心知不妙(因為傻仔仔以前去過有x氣, 又係俾佢昆到一肚氣).......檯都未執, 就叫我地坐埋去, 等一輪至有人執, 仲要見到有d 紙巾袋、宣傳單張, 都唔知係個女侍應眼大睇過龍定係佢d 留海遮哂視線, 唔執再睇張order 單, 哼, 即刻同男朋友啤一聲, 俾多幾十蚊想食刺身, 點知就係得6 款, 無ga 喇, 要北寄貝? 加錢, 要....? 加錢! 九點三落單, 足足等一個鐘, 十點三至黎.....你催佢咩? 佢話多單切唔切wor~ 吹漲, 結果, 加50幾蚊換來的後果, 就係得4 件好細塊的三文魚同d 唔好食又有味的所謂鮑片叫壽司, 叫14 件, 黎得6 件, 仲要俾錯, 我叫ge 蟹子、鰻魚全部唔見哂, 黎d 無落到ge 粟米沙律壽司, d 中華沙律壽司d 味仲要有怪味, d 飯又唔好食又硬和食仲好笑, 得d 咁多款, 仲要凍ge, 一d 都唔好味呢度, 服務無, 野食無, 只係收錢快如果我知道佢同隔離間野有關係, 我一定唔會想試而家食完一次, 更加唔會再食!我好少咁激動, 但係尋日2個人食完300 幾蚊, 一d 都唔飽, 得幾件唔好食的壽司同刺身, 早知去元6 食, 300 幾蚊夠我同男朋友兩個大食積食飽喇!(埋單: 148*2*1.1 = 326)…Read More

以前自己0向葵興讀中學, 成日都會特登行過去食, 就算而家大學就畢業, 呢3 年我有時都會特登帶男朋友去ge....呢度環境同服務唔得的, 坐得唔舒服, 招呼一向都無又唔得, 以前試過明明無位佢都話有, 叫左你入去入面企之後好似焗你走唔到, 但係又唔會再理你.....d 面就真係愈來愈貴, 以前淨面17,而家睇住去一路加, 之前都仲係19, 尋日去, 無喇喇變左20 喇d 餸又要4 蚊一款, 順帶一提, 唔好0向呢度食貢丸, 試過唔熟的, 入面凍的, 又少wor尋日再去食, 叫中辣, 加雞翼, 但係個面黎ge 時候, 雞翼唔見左, 個侍應見到張單之後即刻用碗拎黎, 同題目一樣……算係咁喇.....叫了檸茶.....唔好飲ge, 又少檸檬..啖到好似無乜味.....清潔方面, 如果你唔介意d 米線個窩好多時都係崩ge 話就無問題ge......之但係個面d 辣真係好正....雖然好味.....真係好貴囉....20蚊面, 4蚊一個餸, 加埋5 蚊要野凍檸茶, 一人成30幾蚊........…Read More

上次我daddy mammy 去食過一次, 食食下先見到碗面入面有好鬼大隻蟑螂.......叫個經理黎, 佢即刻拎走碗野拎過碗黎, 之後唔出聲唔講任何野,對唔住都無, 只係0向張單比九折當無事,好在之後無肚屙無嘔平時間野已經貴又唔好食, 經過呢次更加唔會去!!!!!!!!!!!…Read More