PMCH2263's Profile

9 April 於5:30pm 入座下午茶。整間餐廳都坐唔滿人，只有約七成。到7:00, 現場只有約兩枱人，當中包括我們一枱兩人。其中一位女侍應竟然機械式咁走過來話下午茶時段已結束，須要交枱。現場大把吉枱，亦冇人在外等位或陸續入座。根本過完下午茶時段就已經係靜過鬼，你要我交枱做乜呢？有冇用腦嘅呢？我坐多十零廿分鐘根本就阻唔到你做生意，諗深一層其實幫到你成間野睇落去冇咁冷清唔好等人以為唔好食𠻹。再講一次，其實你有冇用腦嘅呢？唔怪之得啲人寧願上大陸消費都費事喺度受氣！…Read More

電話book 位冇講明1.5小時用膳。去到因為外國朋友遲來，遲咗叫嘢，店員態度不友善，說什麼1.5小時乜乜七七。成間野根本由我們入座到收舖都未坐滿過，吹吹貢真正多九如。而家出面個市根本靜過鬼，唔爆都要趕客，咁嘅服務態度，遲早執九硬，我真係恭喜你呀！…Read More

論服務態度：我們手寫登記防疫個人資料。一般做法是填寫後自行放入收集箱，那位女職員竟然叫我交俾佢然後打開張紙去睇我們填寫的資料。那位女職員簡直離哂譜。那些是個人私隱，可以隨便給你睇嘅咩？！論食物質素：完全冇實體menu。你要cyber可以，但唔該電子menu都要清楚。壽司、刺身盛合完全冇描述，有咩款有幾多件通通唔寫。Omakase呀？張相喺個電話咁細點睇呀？況且睇相都唔清楚全部係咩，數量是否一樣啦！壽司大多數一件計，廿幾蚊件質素普通到連鎖店都好過佢價錢同質素比根本唔值。一個普通的豚肉飯都整到一大陣豬膻味，真係冇嘢好講。快餐店肯定好食過佢！…Read More