港島傻瓜青蛙's Profile

趁生日回味下過去，以前好好食，好難book。。但係而家就算免費我都唔會再去。。食物質素唔太好，款式少，味道唔好，刺身唔夠肥美，切到好似人地食剩咁，辣酒煮東風螺，螺係霉，又唔refil，食到後段，海鮮要問先有；有d熱食，例如避風塘生蠔，d生蠔走晒，得返個避風塘係度:(。。服務更加唔洗講，差。。。。。個waitress收碟果陣，成隻碟邊hi落我度，好彩我著背心，如果我著有袖既，已經污糟晒。。食客質素又係差左，而家好似普通放題場咁，好嘈，坐我隔離10人枱果位中性打扮既小姐，不停講，又大聲，又講到拍晒手，雖然我係望住個海，但係我都忍唔住拍枱…Read More

呢間串燒雖然開左好耐好耐，但係一直都負評本來都係二揀一，點知間西餐執左，個天要我食串燒就唔揀其他。。簡單黎講樣樣都好味，叫左幾樣野，除安格斯牛(無牛味)同湯圓，其他都好好味。。最好味係牛舌芯，茄子同鱔，茄子皮唔乾，連皮食都好好味有老人家一齊食，老人家都岩食，價錢算係咁，飲左5支啤酒，3個人都係$1200左右不過無食壽司，刺身，見隔離枱叫鰻魚飯同棉花糖夾餅，都好大碗，鰻魚都好肥。。棉花糖夾餅都燒得好靚，下次會試…Read More

lunch hour去食呢間野，我同個同事係第一枱客入到去，落完單，野飲好快到，野飲還可以。。之後同同事吹下水，唔經唔覺周圍都坐左d人，人地仲要食緊😱 我地叫口水雞同炒麵咋喎。。係唔係真係要捉隻雞先有雞？麵係人手打？我唯有催下阿姐，阿姐話炒緊，炒要時間。。我心諗，炒其他野唔洗時間？枱枱都食緊，我要口水雞，唔洗炒呀？再等，黎左個麵，阿姐仲問我地要唔要碗，我好肯定佢係漏單 我話仲有個口水雞，佢先話整緊，口水雞到，d雞唔凍唔熱咁(食完真肚痛:() 個汁少少辣，又唔酸又唔麻，似係就咁加辣椒油 唔會有下次 北角，炮台山大把選擇…Read More

唔知係唔係我著反光衣(唔污糟)，入到去d態度已經唔多好。。去到餐廳，無service，入到去叫我地隨便坐，全部都係2人枱，我地3個人枱都要自己搬埋一齊。。坐低好耐，連水都無，應該係話一個職員行埋黎都無。。職員只顧住傾計，問佢menu，指一指塊黑板。。所以最後決定離開。。。。。。唔會再去。。後尾過左對面鋪食泰國菜有相為證…Read More

最近過左黎附近做野，第一次食，係8號風球落波要返工，所以求其食，已經無客都等左好耐，諗住打風要返工，大家都無咩mood。。所以今日幫襯第二次，仆佢個乖，我由11點45等到12點05先有得食，個米線仲要硬過我條命:(:(最諷刺係對住個裝飾，拎住碗麵，有得睇，無得食。。等等下個阿姐問我叫左野食未，凍奶茶都到左，仲要問？碗米線黎左，又比錯隔離兩個學生，我問阿姐，阿姐仲要話唔係我。。阿姐，睇清楚枱號啦最後隔離枱兩個學生都等到要催。。講真，無咁多人做野就唔好開咁多外賣平台，好阻住返工返學既人囉。。奉勸: 好得閒先好去食…Read More

一行4個大人去食團年飯，環境唔錯，好乾淨。。叫左個八匯同和牛set，同埋叫左支清酒個waitress 好好人，教我地燒，又驚我地燒唔到，佢見唔多客就幫我地燒左好多，仲要真係燒得岩岩好。。同埋d醬汁，好多都係師傅自己調出黎。。前菜兩款都好食，好開胃最好食我覺得係飯 - 一定要加錢食呢個飯，紫菜，飯素加溫泉蛋，超好味，同行有人食左兩塊肉之後已經食完一碗飯和牛 - 入口即溶，又唔會好漏，仲跟埋隻蘭王蛋，可以就咁食，加埋落d肉一齊食，口感更加好魷魚 - 個口感唔同平時既魷魚，佢係刺身果隻魷魚，爽得黎唔識形容膳 - 唔腥，皮脆，不過係燒既時候有少少繁複其實所有牛都重牛肉味同埋好林，好似大判燒，大塊但係唔會un，又好味清酒都係職員介紹，我地叫果支係日本清酒金賞，好易入口，味道清新，唔太重米味，同行有人未飲過清酒都接受到呢支，職員話呢支係出面比較難買最後係甜品，升級左做雪葩，叫左青蘋果，桃同埋椰子，真心估唔到椰子最好食。。。。。。職員話柚子仲好味，不過無晒，唯有下次啦。。我覺得價錢可能偏貴，不過都抵食，質素，服務，環境都好好 係個洗手間要行出去出面，餐廳無洗手間，其他都好好，所以我都會耐不耐去食下…Read More

睇左好多泰國菜都諗唔到邊間, 有間係open rice榜入面, 打去book位, 態度已經好差, 仲要上網book, 所以放棄果間, 揀左呢間......食飯果日晏晝打黎問我, 係唔係留左生日, 叫甜品可以加生日牌, 要加$8.. 安排左坐露台位置, 又唔太嘈, 天氣涼涼地又唔錯..椰青冬蔭功 味道還可以，材料都好豐富，不過隻蝦有D梅串燒(牛同雞)生蝦咖喱牛坑腩配薄餅味道同肉質係唔錯，不過有點貴生菜包菜好新鮮，但係碎肉麻麻，唔夠汁菠蘿椰子慕絲 推薦.. 果日個菠蘿有點酸，但係都接受到，配搭唔錯椰汁糕long island 酒既份量都幾足啤酒 由於唔夠時間打...... 要打晒太長..... 所以就咁就算.. 呢間可以再食，仲有其他野想試.....…Read More

由於太忙，過左一個月先寫果日入去未坐低，已經見到D職員係咁同個疑似熟客傾計。。到我坐低，想叫野，嗌左好多次“唔該”都無人應我，事源太餓，都唔想再行，唯有嗌多幾次。。終於有人應我，叫左碗瀨粉，凍奶茶奶茶好快到，但係碗粉，等極都唔到，有幾枱新入黎既客都食緊(佢地都係叫飯)，我仲諗住粉要煮，等多陣，又無望時間。。期間我有望入廚房，我坐對住廚房張枱。。個廚師同個女人都有望過我，佢地又唔覺得奇怪，又唔會問下我。。最後我問左出面拖緊地既阿姐，佢先問廚房，最後係話搣其他單唔小心搣埋我果張。。。。。傾計又咁精神，做野就一舊雲。。佢無收我凍飲錢。。不過真係不了，之前買外賣，D態度都係好差，份量又少。。附上兩張相，可以睇到時間…Read More

我係附近番工, 本身都有同事話唔好食, 星期六同另一個同事膽粗粗去試下, 睇下有幾唔好食定係個同事口味唔同。。。。。。我叫左特製蒜油豚骨拉麵, 個同事叫左醬油拉麵, 加碟餃子。。聞係聞到少少蒜味, 但係個湯飲落一D蒜味都無, 仲要勁咸:( 同事果碗都一樣, 得個咸字。。。。。個湯已經衰左, 個麵幾好食都唔會再食不過個麵其實係普通到, 我覺得似係超市買個凍櫃拉麵自己煮咁, 唔彈牙, 個豚肉好大陣豬味, 我唔鐘意果陣豬味。。但係肥瘦黎講, 都算平均, 口感唔錯。。餃子又係出事 個皮好薄, 不過好少餡:( 食完呢碗麵, 我係飲左喪多水, 坐低比果杯茶係得半杯, 見佢地好忙咁, 唯有番公司先勁飲水…Read More

嬲到震，等左我一個鐘。。 我等左45分鐘已經嬲嬲地，男朋友話再等下，等到一個鐘，我忍唔住入去問。。我唔入去問，佢都唔整，又話多單，梗係啦，整晒比外賣速遞先。。問佢又話就得，我企到埋去聽到佢仲有4樣野未整。。廚房個阿姐無戴口罩，仲要整其他單，個樓面阿姐話我呢張單等左好耐，叫佢整左先。。心諗係唔係嫌我張單平，唔整我張單？我語氣差差地話佢，佢先話送番野比我，我無要，嬲爆不過見佢話送番野比我，我先無繼續話佢。。最後用左10分鐘都唔洗既時間整好。。番到去，一半野係熱，有一半一早整好既已經凍左。。講真，做唔切就唔好做速遞單。。平時排晒隊都係因為做得慢，而唔係特別好食。。 唔會再幫襯。。我唔入去問，究竟要等幾耐先有？ 佢同個個客都係講等半個鐘，究竟佢果半個鐘係點得黎？重點：廚房阿姐可唔可以戴番口罩？…Read More

我地係有坐低過，落埋order。。但係d野等極都唔到，周圍遲過我地入黎既食客都已經有得食。。。我仲要想問一個肥肥地既職員，佢地淨係招呼其他客，係咁話轉頭幫我地，但係等極都唔過黎。。 終於叫到另一個職員，講國語既，佢幫我地問，但係問完都係叫我地等。。。。。魯肉飯都係就咁筆飯同餸，水吧無整緊野都唔出杯野比我地，其實黎左個飯或者飲品比我地先已經好好，但係佢連一個解釋一句唔好意思都無。。由於食飯時間有限，我地決定起身走，職員望住都無講任何野，服務真係差到。。。。。以後都唔會再去!!P.S. 我無食過，但係一定要比晒細項評分先可以比劣評…Read More

以前去銅鑼灣食別天神係好好食，其他分店都麻麻，點知康怡呢間係更垃圾。。。。。諗住order，個職員話要掃QR code，聲氣都麻麻地。。鋪頭入面明明貼晒可以揀軟硬度同走唔走蔥，但係個app又好似唔覺眼有得揀。。算啦，見到職員d樣都費事問:(。。我地叫左兩個餐，一個麵。。本來想叫班戟，但係見到其他人食，同我地心目中既樣有d出入，無謂嘥錢。。餃子唔好食，無咩肉汁，個皮又厚，煎得唔夠平均拉麵無特別，好多地方都好食過佢叉燒，成舊都肉，少少肥都無(食完係會痴牙果隻)湯底無驚喜，只係覺得味精比較少好就好在佢有蒜泥，可以任落，個麵先好食d，調味料都算多，有辣芽菜，七味粉等等P.S. 由於搵唔到走蔥，我朋友比埋佢d蔥我，所以相入面好似好多咁…Read More

移民左黎屯門幾個月，都好少出去食，今晚唔係太餓，搵搵下見到呢間肥妹串燒，所以試下。。麻辣雞腎 - 唔係好入味，就算墊底青瓜都係無味。。同埋雞腎係近邊位，好碎，唔係一片片。。油渣麵餐 - 兩款串燒加一碗麵，仲有野飲，$55好抵。。 油渣麵比深水埗果間好食好多，菜譜就麻麻地，不過油渣炸得好脆，就算林左都唔會un，又唔覺得肥膩，同埋都好大碗。。另外，跟兩款小食，我叫左沙嗲牛肉串燒，同埋燒多春魚。。沙嗲唔多，淨係掛到係牛肉度，又無花生，都唔錯。。一份多春魚，職員話大有3條，細既有4條。。我地黎左4條，但係其實都唔算細條，都ok，燒得岩岩好，正辣牛肉串燒，羊肉串燒 - 我無食，不過男朋友話好味。。汁燒白鱔 - 呢樣係等得最耐先到，不過真係唔錯，爽滑，同埋d汁唔多，唔會遮左魚既味道，燒既火喉都岩岩好，魚皮係有少少脆。。蒜頭牛油什菌 - 呢個係麻麻，我地無寫辣度，但係黎到佢係辣。。 無咩牛油味，得蒜味。。燒尖椒 - 一條好辣，一條唔辣(男朋友話係咁，通常一條辣一條唔辣) 椒又真係無話整得好唔好，唔太特別。。燒雞皮 - 頭幾塊雞皮好脆，好好食。。但係去到尾，近拎竹籤果個位就唔脆，同埋明顯唔係燒得太好，唔得平均。。總括黎講，個麵超正，d野都抵食，我地都話會再幫襯。。不過呢度無啤酒賣，唯一唔好，不過都可以去附近買既。。PS. 我埋單先發現，跌左個口罩落地，姐姐好好人，我無問佢，佢已經拎緊一個比我，問我要唔要，感動…Read More

我同朋友行完山，見電視介紹，所以去試下.. 排隊果陣已經叫我地睇定食咩，落埋order.. 腐乳西多士 - 主打野一定要試啦，基本上無咩地方會有.. 咁就出事啦...... 食到中心先有少少腐乳味，少到幾乎食左都唔知 ......:( 塊西多仲要好林，切落去好似切空氣咁，如果呢d係好野，我只可以話係我唔識食.....芒果布甸 - 個布甸好硬，唔係整得硬，而係放左幾日果d硬，芒果粒份量算正常，同埋呢個時候既芒果都算好味香茅青檸蜜糖水 - 店員介紹，諗住介紹得就試下，點知好淡，得少少香茅味..... 好彩無之前既食評咁講"好少冰"，都幾夠凍熱奶茶 - 茶味好淡，奶味好重，好多茶記仲好飲過佢....... 食食下，個女茶王走出黎話限時，叫人幫幫手快d食完讓比下一個..... 排左十幾分鐘，雖然唔耐，但係櫈都未坐暖又趕人走.. 排隊果陣又唔講，等人有心理準備，淨係識叫人落order先，而家好似焗人入去食咁...... 2個人食左$136.......…Read More

同區蛋糕店都差唔多試過晒..所以真係無咩選擇，幾間都麻麻地..見到有豬豬蛋糕加上我家姐生日，我就買黎試下.. 我係社交平台pm佢地，估唔到佢地都好快回覆，仲要問咩答，比晒圖我睇..... 價錢等等都不厭其煩咁同我講... 未食已經有好印象..去到cafe訂蛋糕，都有好幾款味比我揀，豆腐，焦糖，朱古力，芝士等等.. 店員都有幫我去諗埋顏色襯唔襯..最後揀左豆腐蛋糕，上面放隻豬仔，係紫蘇紅桑子味.. 仲可以免費加生日牌，真係唔錯仲有一支長同一支短蠟燭，好貼心~豆腐味雪糕食得多，蛋糕真係少之有少... 最估唔到係豆腐味係好重，又唔會好甜... 口感好好，好滑，唔會好實... 超正!!!!!!紫蘇紅桑子我就唔岩食，但係屋企人覺得好好味，呢隻味既蛋糕又係好少.. 酸酸味味咁，紫蘇味都不失..個比例好好，兩隻味都可以同時出現..好難得我屋企人會覺得岩食，食得好快..(佢地本身好少食甜野，唔太like甜)第二次就係坐低食lunch，加$22有蛋糕.. 剛剛好母親節正日，唔知係店員定店主，係碟畫畫寫字，超靚我地叫左個香蕉oreo，其實佢地都係唔食oreo.. 但係佢地因為上次個蛋糕，所以都好有信心，佢地都想試.. 香蕉味重係正常，oreo味係唔出，但係有種講唔出口既好味....... 見到d cream係有好多oreo，oreo都係食口感.. 兩樣材料夾埋，有個化學作用，超好味~~~~~P.S. 佢個蛋白餅都幾好食.. 我本身都鐘意食蛋白餅.. 幾欣賞佢整得唔錯…Read More