妙妙媽的个人专页

Book左12人飲茶，去到只安排張8人枱，唔好話人坐，12張櫈都放唔落啦. 安排嘅職員有冇腦？然後隔左一陣隔離張四人枱埋單佢先比埋我地，個垃圾職員仲要態度差到爆.分開左兩張枱，然後分左單，我地走左之後又打黎話我地有張枱未比錢，我地第二日過去諗住解釋返，又話係佢地攪錯左，攪錯左係咪應該打返黎講聲呀？又累我屋企人白行一趟.從未試過去一間食肆服務態度過份到咁樣，由頭到尾所有行為都不負責任，食物質素差已經唔講，呢個體驗真係負分，簡直係趕客.…查看更多

偶然都會幫襯下呢間餐廳，春卷凍檬係必點菜式。今次試下叫串燒沙嗲，35蚊3串，叫左兩款，雞牛各三串。外賣返到屋企，嚇一跳，有啲肉粒似一粒陳皮魚旦咁細粒，駛唔駛咁寒酸呀?沙嗲醬又冇，咁叫沙嗲串燒嗎？…查看更多

我地係响麥記廚房開張嘅第二日幫襯嘅.. 佢地嘅套餐多數都係4x至5x蚊，對於我地呢啲成日都冇飯食嘅人黎講都幾適合。我地一家三口叫左三個餐，原本應該叫兩個就夠，但我地實在太肚餓喇...蜜椒牛扒飯估唔到呢啲類似茶餐廳嘅都有得揀幾多成熟，我地响五同七成掙扎嘅時候，侍應提議我地要六成，哈哈，黎到，我估大約七成啦，唔算鞋，都算ok..台灣牛肉飯我地加左錢（好似係十蚊）轉糯米飯，味道係可以的，但牛肉就勁鞋，呢個唔得，希望日後有改善啦..西班牙豬頸肉飯呢個係三款之中最好味嘅，豬頸肉好淋，超好味，四十幾蚊超值呀！總括黎講味道係唔錯嘅，所以我都想寫篇食評支持，繼續努力呀…查看更多

每次都係星期日經過尖東，每次都食唔到勁回味...真係好想試佢嘅半板海胆手卷呀...今日經過呢條街，想睇下有咩小食，行下行下就比我地見到呢間手卷店，都好喎，開得响勁回味附近，心諗應該唔會差太遠吧…阿女揀左三文魚腩手卷，我同老公就要海胆手卷兩份食，阿女好心急，佢真係好鍾意食手卷架.. 不過都只係等左一陣，兩個手卷就整好喇...一見到啲手卷係有少少失望，啲海胆嘅份量同勁回味相比真係好少，海胆冇怪味，但唔算鮮甜，老公亦覺得薄荷葉唔太match...三文魚腩我冇試過，不能評論，阿女話ok好味...下次都係想試勁回味....…查看更多

好耐之前老公試過佢地嘅熱狗，覺得冇咩特別，所以我都冇諗住試，直至有一次見到電視介紹佢地嘅腸仔釀雞亦，一見到就好想試喇！今晚屋企冇飯食，叫左老公落去買，返到屋企隻雞亦外皮仲係脆脆地架，好夠味，食落口有啲胡椒味，啖啖肉，好食呀！另外買左個原味熱狗，加左芝士醬感覺豐富啲，阿女話熱狗味道一般，但最後佢竟然成個食哂呀，我估應該都唔差…查看更多

今晚拎住好多野，真的想快啲返屋企。點知屋企冇飯食，老公又想二人晚餐，所以免為其難地周圍睇下有咩食。行到Seafood Stand嘅門口，見老公想試好耐但都未有機會試，就入左去搵位喇。為安排左一張二人枱，全間餐廳都係高枱高椅，舒適程度一般，不過都岩飲下啤酒，食下小食。點餐要出去柜枱點，即時比錢，乜咁快餐店feel嘅？但個價錢一啲都唔快餐喎！點左兩個最人氣嘅牛魔王漢堡（$58），個飽同芝士都好好味，牛肉就有少少唔夠juicy, 但整體上唔錯的。另叫一個薯角（$28），呢個薯角炸得好，好香口，脆卜卜，真係幾好味喎！每人再叫一杯野飲，可樂（$16），凍檸茶（$26）下次可以再試佢其他漢堡…查看更多

開响香港文化博物館裡面，呢間牧羊少年多左份文化氣息..其實午餐食得好飽，不過老公心血來潮想黎個休閒半小時，所以減緊肥嘅我唯有犧牲少少啦...我叫左杯士多啤梨朱古力，士多啤梨只係講緊插响杯邊嘅一粒士多啤梨，哈哈！好彩價錢並冇貴過正常朱古力，所以唔覺得蝕左... 杯朱古力好濃好好飲，可惜有咖啡因敏感嘅我就飲到頭暈暈，証明好足料，哈哈！老公叫嘅CARAMEL LATTE, $35一杯，我冇試，但老公話好飲，呢個價錢抵飲呀…見到隔離枱呢碟超級邪惡芝士薯條，我地又叫埋一份，太過份了，太好味了，薯條熱辣辣，再加埋啲肉醬，芝士醬(如果改為酸忌廉更加好)，我地成碟食哂呀！記住出示博物館通行証會有9折!…查看更多

金坊已經响紅磡開左一段時間，不過都冇乜機會試..今日適逢下晝放假有野做，終於可以試下喇!其實今朝個早餐都仲未落格，呢個午餐對我黎講真係heavy左啲架...跟餐送湯或飲品，如果想兩樣都要哂只需加5蚊!先黎冬蔭功湯，辣辣地，好醒胃，好味!!海南雞飯，雞唔算好滑，不過都有啲雞味，飯係軟軟地嘅，岩我..馬拉盞海鮮炒河，呢個有驚喜呀！大大碟，好多料，蝦, 鮮魷，帶子, 好抵食呀！又經濟又好味，下次一定會再幫襯!…查看更多

今日又有機會响紅磡食lunch喇! 其實紅磡真係好多好野食，今日試試沾麵真中!lunch免加一，仲送汽水一罐，價錢由60蚊至七十幾蚊不等，唔貴呀！我第一次食沾麵，所以揀左真中沾麵，用自己舖頭名做嘅菜式應該係招牌菜吧！我揀左淡湯，軟身面，100g嘅面, 味道好好，夠味又不太咸，湯入面有腩肉，肉質好淋，又入味喎，仲有我鍾意食嘅筍.... 不過可能我肚餓，100g嘅面原來得好少，下次會要200g呀，價錢都係一樣架咋...…查看更多

今日奶奶生日，雖然之前已經慶祝左，但正日都應該食餐好啲嘅。 試過飯聚嘅小菜，質素頗高，不過價錢亦唔平，所以平時好少幫襯。今日試左佢地嘅雞煲，因為有小朋友，我地選擇走辣，味道比對面一品淡，但雞肉好嫩滑，連雞胸都唔鞋，贊! 相信如果加少少辣一定更好味!不足之處係其他火煱料選擇少，我地叫左一隻雞，送一碟菜，另叫粉腸同一碟小菜腰果牛柳粒，男人們似乎未夠滿足，再叫半隻雞，好飽好飽呀！…查看更多

一心諗住買個叉油雞飯比阿女食, 落單已講明要肥叉, 單亦有打清楚, 點知返到屋企先發現唔只唔係肥叉, 根本係柴皮到食唔到, 各位朋友如果買外賣要小心呀!唔知點解UPLOAD唔到相, 唉...…查看更多

今日去鴨寮街幫媽咪買個冷氣REMOTE, 順便可以試下深水埗美食...新香園响OR係深水埗0既第一位, 我想試好耐0刺...我地食哂三款招牌食品...#1 招牌蛋牛治烘底其實我食三文治唔鍾意烘底, 不過見個個都烘我又唔執輸..感覺係有D失望, 因為個蛋太熟了, 同我平時食0既蛋牛治好唔同, 我下次都係食返樓下名廚好了...#2 西多士中間冇花生醬, 感覺唔夠豐富喎, 不過D皮都OK脆, 算OK好味...#3 豬手面呢個我冇食到, 不過爸爸話好淋, 我諗應該幾好味0既...整體黎講都係冇乜特別, 如果要講吸引之處, 就係雖然佢地咁好生意, 但服務態度仲好好, 呢個要讚呀!下次要試下合益泰, 好多人排隊呀!…查看更多

最近黃埔開左茶木, 成日都好多人排隊, 今日.. 我地終於食到0刺!紅燒牛肉面, d牛肉超淋, 好好味! (唔知點解點轉D相UPLOAD完都係唔岩呢?)芒果乳酪, 如果芒果味再濃d就好了..炸雞排便當, 一塊雞排要$48, 而家一個便當$54, 感覺上抵d...草莓雪糕蜜糖磚塊, 個樣好吸引, 仲比想像中好食! 塊塊面包都好有蜜糖味... 等我下次試埋個朱古力味先...…查看更多

旺角區人頭湧湧, 有時真係唔知食咩好.. 好味0既要等位, 拖住個女唔方便, 唔駛等位0既又驚驚地, 好矛盾...今日貪方便去左馬德里度食下午茶, 上到去, 冷氣凍到震, 不過懶得再搵地方, 快D食完走人啦...三個人點左三份餐...西多士, 味道OK, 但唔知點解會加左D黑醋响碟, 攪到D西多士變左味...公司三文治, 好似好少料咁0既? 總知就同我平時食開0既公治有D唔同, 味道一般...芝士火腿多士, 一般, 反而薯角幾好味... 又係加左黑醋, 應該係呢度0既特式...阿女著左件外套都凍到僵, 我地唯有再除埋外套比埋佢著啦... 呢間算係我去過最凍0既餐廳...…查看更多

好多朋友都同我講亞龍咖哩好好食，一見有團購，滿心歡喜的買下一個98蚊嘅二人餐！直至幾日前，先知原來亞龍咖哩有兩間，一間係人人話好味嘅“亞龍”，而我買嘅團購係劣評多過好評嘅“阿龍”……但買左團購，點都要去食左佢啦，但心情已經不一樣……選了咖哩牛腩，咖哩鮮魷，薄餅，蒜茸炒雜菜同兩罐汽水。咖喱牛腩：咖哩一啲都唔辣，色水唔靚 （實物比相沉色），不過牛腩就幾淋咖哩鮮魷：明白魷魚比較難入味，肉質亦冇問題，不過咖哩都係冇味，no good....薄餅熱辣辣，口感較硬，但尚可接受。最好味算係嗰幾條雜菜，不過冇影相。同場再加後來黎嘅三位客人，為左幾罐汽水啤酒大大聲嘈左好耐，影响食慾，放假第一餐竟然係咁唔開心，唉………查看更多