bobofat's Profile

今晚放工搵食，經過見到有人排隊，於是試吓。點知，真係中晒伏。我地叫左一碗普通豚肉沾麵$85，一碗特濃$90，黎到兩碗係一樣味！豚肉得兩薄片，而且係無味。個湯係豬骨湯加鏗魚粉，真係好一般，唔係俾碗濃湯你浸就叫沾麵囉其實。另外，仲叫左餃子同小丸仔，餃子好細粒，味道普普通通，小丸仔就真係小丸仔，裡面咩料都無，得粉漿……..成餐飯都唔平，就咁無左$228，唔明點解會有咁多好評，未試過食完嬲到要即刻劣評，一定唔會再去…Read More

成日聽人講海底撈服務同嘢食都係好好，今次終於試咗，果然名不虛傳！因為好想食麻辣火鍋，朋友即刻話要去海底撈，一入到去會有專人負責你張枱嘅服務，好細心咁介紹咗湯底，我朋友鐘諗食麻辣，所以叫左個辣嘅。不過我擔心自己頂唔順太，所以叫左豬骨。而每個湯你再可以簡豬骨味更濃，好多選擇。一個鍋最多可以有兩個湯底，我地叫左兩個湯底，兩個滾水。侍應幫我地拎左湯同前菜，我地叫左半碟牛同羊，仲有手打丸，凍豆腐，麵。我覺得牛比羊肉片好食，而最好食嘅係個豆腐，豆腐吸晒d湯。最後兩個人$300左右，我覺得價錢好合理，味道都唔錯。…Read More

趁着元宵又係呀媽生日，想搵間餐廳同佢慶祝下。有朋友介紹不如食氣鍋，海鮮完汁完味蒸，老人家食又唔會油膩，又好食又健康。因為我自己都好鍾意食海鮮，所就近近地book 左火炭。我預先book位，簡左planB套餐。一黎到就食即刻開鍋，有餐廳員工好細心咁幫我地一道菜接一道菜蒸。材料都非常新鮮，除左有蒸完即食，而且有好多特別本地蔬菜食，我呀媽都話夠新鮮！我最鍾意北海道扇貝同蒸龍躉，超鮮甜，蒸嘅時間會有人幫你較好，唔會蒸得太耐，所以好彈牙！…Read More

聖誕節正日唔想去咁遠食飯，都係去番北區搵食，行行下見到一間裝修好靚嘅日式餐廳，俾出面嘅全條鰻魚飯優惠吸引左，就決定係到食我地嘅聖誕大餐！雖然都係得兩個人，不過我地都係好豪咁叫左個$500幾蚊嘅魚生拼盤，一個鰻魚飯，燒牛粒同一小瓶清酒。首先個鰻魚飯黎到已經嚇親，比想像中大碟，鰻魚燒食到陣碳味，真係燒出嚟，好香！清酒到左，仲送左一碟送酒的小魚干，非常岩送酒。最後個魚生拼盤，真係超大盤，每一舊魚都好新鮮同好味，最後的地食完魚生，仲幫我地拎埋個蝦頭去炸，第一次咁食，送酒一流！個刺身係好值依個價！！！已經決定左下次有咩慶祝都要黎多一次！最最後，仲有聖誕禮物送好滿意嘅一餐…Read More

同一班朋友慶祝聖誕，有朋友推介哩間餐廳。見到好多人話咖喱好食，不過我最後揀左鹿兒島鐵板牛，再加左個焗酥皮湯同沙律，個湯非常濃味，飲完都7成飽😂，係好味嘅，仲有個牛，好厚身，口感唔錯，個汁幾甜，可以一開始加dd試下個味先。朋友叫左芝士咖喱烏冬，試左幾條！超級好食！個汁好濃，佢仲加左個飯俾大家share ,下次食一定食哩個。總括嚟講，價錢係偏貴，偶然食一次都接受到…Read More

12月臨近聖誕特別多飯局，同朋友兩個去食放題，不嬲對放題無咩興趣，不過食過哩間改觀左，原來放題d嘢食都可以做到咁精緻好食。我覺得加$88 升級價錢都合理，因為嘢食質素算值。係咁多種嘢食，我最印象深刻嘅竟然係壽司，通常食放題寧願食多幾件刺身，怕壽司有飯會好快飽，不過哩到嘅壽司🍣細細件之餘，係好食的！特別推介黑松露帶子壽司！另外，仲有個牛舌都好ok ,可能我本身鍾意，燒得都唔錯。燒菠蘿都好食，上面仲有一層蜜糖。甜品就一定要試個榴槤炸彈，勁重榴槤味，榴槤雪糕反而覺得麻麻，寧願食多粒榴槤炸彈。總括黎講，價錢係合理，味道係超出我原本所想…Read More

今日天氣忽然凍左好多，同事話要中午帶我去食蛇羹同糯米飯暖一暖胃，原來係寶湖商場就有一間。首先叫咗碗蛇羹，同我之前食過嘅唔同，碗蛇羹真材實料，啖啖肉之外，佢係完全無味精！店員仲話教我地之後可再加檸檬葉，個味道會更好，我試過，係更有層次，好香，非常有驚喜。然後到糯米飯，入晒味嘅糯米，食到個人即刻暖晒，但唔會太油。再同同事share 左個川芎白芷蛇燉蛇碌湯，非常濃味同足料。就算同事一邊食佢碟咸雞飯一邊飲湯。都仲係飲到個湯嘅濃味！總括嚟講，哩間小店每一個餸菜同湯都睇得出落足心機，而且用料靚。已經決定要帶屋企人嚟食夜晚嘅私房菜！…Read More

忽然想食惹味野，發現原來屯門市中心就有間馬拉野，見個餐牌嚟睇好吸引。嘢食黎得好快手，個肉骨茶，蘭花椰醬沙嗲飯配牛肉，串燒味道唔錯，不過個咖央反而有啲失望，中間嘅料太少，唔夠好食，總括黎講，中規中矩嘅餐廳，快餐店質素…Read More

朋友介紹嘅小店，令人喜出望外！同朋友一人叫左一個餐，我食川香撈麵加冬瓜咸蛋湯；朋友食牛腩撈麵，牛丸湯。仲叫左個墨魚餅！湯同面都大大碗，係非常夠食，我碗川香撈麵有豬肉碎同梅菜，d梅菜好香！好似客家梅菜咁，非常岩我口味，仲有個湯，無味精，足料！我試左朋友碗牛丸紫菜湯，粒牛丸唔係一般冰鮮丸，係彈牙同有真牛肉味！最後仲飲埋個咸檸7，好少飲汽水，不過依杯個咸檸係自家製咁，好飲總括黎講，d野食係好有住家菜味之餘，味道係好食嘅。價錢都親民，一個餐有面有湯，50蚊都唔洗。…Read More

咁岩做野要去石門，以為附近都無咩野好食，點知一早地鐵就見到個廣告牌，好似好吸引咁，就食左一餐美味雞煲！同同事兩個人叫左三人份嘅野食，一個廣島麻辣雞煲，響鈴，安格斯牛，松露墨魚滑同蔬菜籃。雞煲我地叫左中辣，唔係好辣，好香薑同蔥蒜芫荽，個汁好濃，雞肉都幾嫩滑。食完個煲就加清湯煮牛肉，同墨魚滑，材料係意外地高質，最推介個墨魚滑，夠彈牙同有濃濃墨魚香味。個響鈴非常大同厚料，同埋蔬菜籃都好足料。總括黎講，今餐係非常滿足，材料貨成貨實，地點都ok ,就係地鐵格離。值得一試…Read More

有次經過俾佢d雞蛋仔味吸引左，就買左個雞蛋仔食，點知一食上癮，成日經過都想買番底。佢有好多唔同口味，我見到佢個牌有紫菜芝麻味，又係推介口味之一就食佢！雖然$24一底雞蛋仔真係唔平，不過佢係真好食，外脆之餘，裡面係堅有料的，並唔係得層皮！暫時每次都食番紫菜味，哈哈，下次試新味…Read More

收工同朋友去大埔搵食，見到有新開小店就去試下，外面同入面裝修都好靚，的確好日式，坐位都好舒服。服務員都好貼心同有禮兩個人叫左兩個飯同小食，平均黎講野食都好有驚喜，見到係有心機之作。我最鍾意個炸生蠔，係即叫即炸，上到檯台熱辣辣，外面層面嘅麵包碎夠薄，非常香脆，咬一啖，生蠔d汁仲流出黎，仲係食到個鮮味！所以非常難忘，會再去食。另外個饅魚饅都相當唔錯，饅魚上面仲有小蝦🦐乾，非常欣賞。我地仲有叫左d魚生，食落都新鮮。食左咁多野今晚每人都係$200，我覺得算抵食，下次會叫多d朋友一齊去再試下佢嘅串燒！…Read More

因為太肚餓嘅關係，兩個人叫左兩個扒餐，一個意大利飯，以為都唔會好大碟，點一黎到嚇親，真係好大份。特別鐘意食個牛扒，同埋最後仲食埋甜品。依個價錢抵俾。服務員態度都幾好，好有禮貌。下次同朋友食飯，會再幫襯。…Read More

同朋友出去食飯想搵間小食、甜品鋪，見到哩間好似幾特別就去試下。鋪頭裝修好特別，真係十足一間客棧咁，仲有衫可以俾你著黎影相。我地兩個人叫左幾款點心，同一款甜品。點心好好食，有酒樓級數，我最鐘意食佢個鮮蝦菜苗餃，唔似出面食咁油🙆🏻‍♀️😊但又好香，然後係黑椒金錢肚，個汁非常ok !仲有個重慶酸辣粉，都幾大碗，食完真係好飽。不過上到黎一定要試下甜品。所以就算好飽我地都叫左麻雀椰汁膏，好香椰香味，又好特別！值得一試！…Read More

去旺角行街行到攰見到哩間logo 咁可愛嘅台式餐廳，仲有埋芝士茶飲，就決定同朋友試試佢。我地兩個人叫左一人一鍋，因為我本身鐘意食臭豆腐，所以就試左個臭臭鍋。朋友就叫左個花蓮烤魚鍋，兩個鍋都叫左中辣，我本身都鐘意食辣，所以覺得哩個辣度岩岩好。個臭臭鍋一黎到已經好香臭豆腐味，材料都多。飲埋杯芝士金鳳茶，芝士味唔會太重搶左茶味，一啖臭臭鍋一啖芝士茶真係高級享受。最後我地仲叫左個茄子，燒得好香又多蒜蓉！滿意！…Read More