chichit's Profile

一個餐有湯有飲品湯係豬骨栗米杏仁，清甜，唔油，贏過香港大部分餐廳飯點左梅菜扣肉一塊肉一塊芋頭咁夾住，肉唔會太肥，岩岩好，無過分調味芋頭一咬係香軟，入口即融梅菜感覺上係自制，特別好食食完碗飯，仲有半碟，仲主動問我要唔要加飯唯一就係冇菜食🤣飲品係杏霜野食係即煮，個飯大概等左10-15分鐘…Read More

朝早發現屋企冇哂面包，唯有買野上船食，有叉燒包同菜肉包，食落都好食，$12/2個，睇落細細份，都算飽肚，但肯定冇唐記咁抵，食完有d口乾食完唔夠飽，去到長洲要買多份早餐先得…Read More

24年1月26日買開頭問就話混搭蛋糕都有八折，執起四件入盒埋單又話冇八折。都算，拎反屋企食，冇餐具。四件有三件都難食，得芒果蛋糕正常（圖片左上角），紅桑子蛋糕係藥水味，食唔落去。柚子芝士勉強食得落，但魚膠粉太多。橙味芝士人地食話太甜。呢三件都難食到寧願食嘉頓雪芳蛋糕。大家冇試食都唔好試😅…Read More

呢間舖頭嘅豬肉腸，我已經食咗第二次。相比起門口嗰間拉布拉腸，肉比較多，豉油比較啱味。而拉布拉腸嗰間個皮就煙靭，唔似平時食嘅腸粉。但其他嘢食我就冇乜點試過，印象中佢既酸辣粉係唔好食。…Read More

呢間以前食落好好食，和牛有好似去到日本食嘅感覺，亦都曾經最鍾意食最平嘅118牛肩胛餐。但係發現質素越食越差，仲有好多令人混淆嘅套餐優惠，寫住有三種牛肉，但係實質上係每塊牛係正價套餐嘅牛三份一都冇。送埋啲冇用既優惠券令人以為免費可以食到一餐，點知係要消費咗一餐先可以免費換一餐。牛肉嘅質素真係靠運氣。…Read More

點解咁多人話唔好食呢？1月份時朋友帶左我黎食，我今日咁岩黎左荃灣，就諗住食多次。點知原來11點半先開門點左2餸面食，腩肉魚腐豬骨湯面線朋友就點左星期二既b餐魚腐絕對好食過譚仔，豬骨湯雖然淡淡地，對我口味淡既人都好足夠，腩肉辣辣地，又大塊，同一般車仔面既餸好唔同飲品點左紫米杏仁露同朱古力咖啡。紫米既份量少左d，朱古力味會重過咖啡味，整體都覺得好飲B餐飯就一般，不過就送左碗意米冬瓜湯，意米味好濃，冬瓜味又甜甜地，好飲～俾我既話，我都係會再黎一次…Read More

之前唔知係咪都撞到佢地放假，每次行過都係半開閘/關閘。揀左芋泥芋圓鮮奶唔記得話要熱，不過凍飲都幾好飲甜度岩岩好，芋泥一舊仔都夠，芋圓彈牙煙韌，重點係好大杯好抵飲，又有得坐下，會再黎飲。…Read More