胃食肥豬皇's Profile

今日放假陪老公去深水埗整車牌，去完都成5點幾，老公話想食雞煲，我就記得附近有間好出名的麻辣佬，就一於去試吓去到安排咗坐卡位，卡位好寬敞同埋特別要讚好小餐廳有埋叉電線比你差電，之後侍應拎餐具過嚟，佢會拎一碗熱水幫我哋洗埋餐具，真係好好服務老公想食雞煲，但係去到見到魚缸好多新鮮魚又想試，於是叫半隻雞同一條魚加4粒雲吞，雞煲可以自己揀辣度同麻度，我揀咗麻辣中辣小麻，烤魚有好多款魚任你揀，老公係魚缸揀咗條個頭有2條蘇蘇既魚（鉗魚）烤魚同雞煲未到之前會上2碟餐前小食（花生、貢菜）花生同貢菜都好好食😋雞煲嚟到待應會幫你炒一炒再焗一焗，當打開見到半隻雞好大煲好足料，好香啊！急不急待打開食，果然係色香味，雞好香麻辣味好滑，呢度既中辣辣度好夠，一路辣一面飲竹庶水好爽，不過辣得好過癮到我鍾意既烤魚登場，呢度D魚係即叫即劏非常新鮮，條鉗魚好大條，烤魚因為會越煮越辣，所以我揀咗香辣小辣，烤魚面會有好多芫荽，底下會有蓮藕同大豆芽。試啖魚先，嘩！新鮮劏真係唔同，魚肉好香好滑，一路煮都唔嚡，同埋鉗魚真係好小骨，就連老公都話冇乜骨好易食，大豆芽吸收香辣汁食到唔停香辣魚真係好好味，用嚟加料打邊爐簡直一流呢度有個宵夜烤魚餐或雞煲餐好抵，夜收工可以過嚟試…Read More

老公聽日又要飛幾日，今晚特登去接佢收工，我哋去咗多野食既黃埔美食坊，去到見到茶木新裝修得好靚吸引咗我入去坐餐牌見到有個二人餐有好多野食就揀咗個二人餐再加咗個小食，老公話見到隔離枱個三杯雞好吸引要叫埋，見佢聽日飛今晚一於食飽D二人餐會有兩個小食、兩個主食、兩杯飲品，$258好抵，追加甜品都係$10一款$…………………………………………………….小食：紅油抄手（半份）半份會有4隻但係好大隻，皮唔會厚，餡料好多有肉香，一啖咬落去好豐富好味小食：路邊攤小食（+16）小食包括鹽酥雞扒、鹽酥福州魚丸、台式烤香腸，雞扒好多炸得好鬆脆唔會油膩，福州魚丸好有驚喜，裏面餡料好好味，香腸令我好似返咗台灣😆，呢個小食好豐富好抵食主食：紅蔥醬燒豬軟骨（轉新竹米粉）豬軟骨煮得好淋，份量好足，新竹米粉好吸湯，連埋香濃湯底食好夾主食：紅燒牛肉麵牛肉大塊燉得好淋，麵條軟硬適中有口感，湯底濃郁香甜，yummy蒜香麻辣豬耳朵（$48）麻辣豬耳唔會好辣，餐前小吃好開胃古早杏鮑三杯雞跟白飯或地瓜米粉（$82）雞好嫩滑入味唔會乾爭爭，而且佢有火一路熱住，慢慢食都唔怕會凍黑糖珍珠牛奶冰淇淋，老公一食就話好好食黑巧克力杏仁可頌窩夫，可頌外脆再加上巧克力甜甜哋，呢個甜品啱曬我口味，甜品果然係另一個胃至於餐飲我揀咗黑糖薑母茶，薑味夠重我鍾意❤️裝修完既茶木真係坐得好舒服，下次真係要試埋佢其他甜品…Read More

同老公去完旅行，終於轉左藍碼，第一時間緊係出去食飯啦，好掛住香港嘅美食呀，於是老公話帶我去間好出名既扒房鋸扒（金鳳）果然係出名，去到餐廳全場爆滿，要拎飛等位，終於有位啦，仲要有卡位坐真係好餐牌有好多唔同既扒餐，當我諗緊食乜嘢扒餐之際，見到圖片有些牛扒配格格薯塊，就即刻揀咗牛扒餐有餐湯、餐包、餐飲🫕🥯☕️餐湯有羅宋湯同忌廉湯，羅宋湯好好飲，而餐包會加熱好鬆軟美國安格斯肉眼扒餐$198（3成熟）牛扒上枱好靚，三成熟做得好好，好多餐廳一係太生一係太熟，而呢度老公話啱啱好，肉質好嫩滑美國德州頂級西冷餐$188（5成熟）牛扒切開好juicy，老公見到即刻話煎得好靚，亦都係煎得啱啱好，睇到5成同3成分別，肉味濃而且夠淋，加埋格格薯塊，正到咗叫餐飲，我又曳唔想飲熱飲，但係又唔可以飲凍野，於是我好唔好意思咁試吓叫凍奶茶走冰，想唔到真係得喎不得不讚呢度服務好好，會主動問要鐵板上定碟上，以百幾蚊有湯有餐包有飲品同好食，真係不愧為老字號，讚…Read More

老公鍾意食海南雞，我特登上網search邊度有出色海南雞，見到好多人推介天天海南雞，新加坡米芝蓮餐廳一於去試試揀咗沙田分店，商場有車泊非常方便，搭lift上三樓見到隻好得意好大隻既雞超人，不禁影咗幾張相，睇真啲佢叫雞隊長🤭，原來雞隊長係天天海南雞餐廳😎，餐廳好闊落，一坐底枱面會有壺茶同餐具，淨係睇餐具同餐廳裝修都睇得出用心設計真係好急不及待想快啲食餐牌上有好多特別既選擇，嚟到呢度梗係要食佢嘅招牌天天海南雞，見到有二人套餐仲有特價，有成七個item，咁多野食一於就叫二人餐$499:):)💥前菜：蝦皮素肉鬆凍豆腐🦐豆腐本身好滑，配上蝦皮素肉鬆，加埋特製醬汁一齊食，少少辣，更加開胃💥小食：斑斕汁椰香鱈魚🥥炸一啖一口鱈魚外脆內滑，唔油膩配合埋椰汁既香甜，味道又香又甜，好新鮮既配搭😍💥燉湯：鳳梨涼瓜干貝燉龍骨🍍好特別既配搭好夾，鳳梨嘅甜中和涼瓜嘅苦，每碗湯都見到好足料，而且鳳梨燉完之後，連平時食鳳梨條脷會痛既我都食到，而且好清甜，啱晒秋涼飲好滋潤💥海南雞：天天海南雞🐔主角出場，最鍾意食既無骨海南雞，雞皮薄肉嫩滑，完全冇黃色既脂肪，連皮食都唔會肥，加埋會有三款醬汁，本身雞唔點醬已經好好味，所以我用青瓜點辣汁，yummy💥蔬菜：海南雜菜煲🥦話明雜菜煲裏面有好多唔同嘅菜同菌類，湯底加咗蝦米好甜，粉絲吸收咗湯好好味，連湯都飲晒💥主食：雞油飯 小煲🍚海南雞點少得雞油飯，但係要做得好味都唔容易，不得不讚呢度雞油飯，油香唔油膩，飯好有味道，讚💥飲品：年代奶茶、恐龍美祿🥤好耐冇飲過美祿，恐龍美祿原來面上加咗美祿粉貴為新加坡米芝蓮餐廳唔只食物質素好，而係注重各方面，餐具、食物、服務都係睇到用心去做…Read More

又到今晚食乜野嘅環節，突然想起之前去過意樂食都唔錯，於是我就提議去意樂食，而且商場有泊車優惠去到睇餐牌都算多選擇，樣樣都想試原本叫牛扒可惜賣晒，之後就叫咗黑松露煙肉菌皇忌廉扁意粉、一口安格斯黑椒牛柳粒配珍珠飯、MoMo Pizza、半溶芝士配一口炸雞、草莓利賓納檸檬梳打…..✨黑松露煙肉菌皇忌廉扁意粉✨$64黑松露味道突出，忌廉汁唔係好杰掛意粉嗰種，味道整體好食✨一口安格斯黑椒牛柳粒配珍珠飯✨$69黑椒牛柳唔會韌，冇乜特別，整體普通✨MoMo Pizza✨$63Pizza原個上枱要自切，pizza好多材料望落好靚，可惜pizza應該用整好一塊塊餅底，材料唔黐Pizza，一切就跌晒出嚟，整體一般✨半溶芝士配一口炸雞✨加$29炸雞炸得好脆，而且雞醃得好入味，芝士係醬比你點嚟食，而唔係可以捲着啲芝士食嗰種記得上次食龍蝦海鮮湯配珍珠飯好食，今日就係松露煙肉菌皇忌廉扁意粉好食，期待下次試埋個牛扒…Read More

又到下午茶時間，上網睇吓有乜野外賣優惠，見到魚米有折就叫個下午茶自選米線連熱飲$36，落完單即刻行去就已經有得拎好方便果醋豬軟骨米線湯夠熱，湯煲到奶白色，裏面會有芽菜同韭菜，而豬軟骨都夠多，果醋豬軟骨幾好味…Read More

去開灣仔，諗起當年灣仔返工有間好平好抵食既茶餐廳，一於去舊地重遊餐廳依然冇變，下午茶一樣係好多選擇，只係個價錢比當年加咗，呢個價以灣仔區都仲係抵，太多選擇諗咗好耐，終於揀咗咖喱香茅豬扒飯🍛、黑椒雞扒燴意粉🍝黑椒雞扒燴意粉，黑椒汁加咗洋蔥，味道調教得好好，亦唔會好辣咖喱香茅豬扒飯，裏面有薯仔，好大碟，咖喱好香濃，豬扒醃得好入味只要識係灣仔捐窿捐罅都可以揾到平嘢食，又多款式選擇，價錢又經濟，而且呢度啲姐姐服務態度仲好好添👍🏻…Read More

家姐生日邀請我同老公一齊去酒店食自助餐慶祝，好耐冇食過酒店自助餐啦，唔知而家啲自助餐會有乜嘢食呢………生蠔有愛爾蘭同法國，生蠔keep住好多人排，生蠔唔算大，食落鮮甜有海水味，不過之後出嗰啲好鹹冷盤海鮮有龍蝦、青口、麵包蟹、海螺、凍蝦牛肋骨唔會太熟，肉質夠嫩，好食👍🏻焗蟹蓋藥膳雞腳夠火候，好飲，我飲咗幾碗👍🏻雪糕味道夠特別，茅台雪糕試過未？😆食物種類都算多，只係冇蒸魚，而味道方面都好好，值得再嚟…Read More

又到放假可以同老公去嘆下午茶，就揸車去黃埔康和閣，我鍾意去呢間酒家係因為呢度有齊我鍾意食既七彩牛柏葉、咖喱魷魚、沙律明蝦角，而家唔係好多酒樓有齊呢三樣，同埋呢度下午茶有張特價紙，點心特價之外，仲有個自選孖寶$32可以選2款點心，抵呢度啲款式夠多之如，味道平均都唔錯，而且蒸點心夠熱，座得都算舒服，所以呢度下午茶好多人排隊，要早啲拎飛等位呀不過可惜我今日差唔多三點去到，七彩牛柏葉同埋叫咗幾款點心都賣晒，落咗2個孖寶等等吓又賣曬，最後要食兩籠牛肉，下次真係要早啲去…Read More

媽媽生日緊係要同媽媽食飯啦，諗住坐得舒服啲，就選擇去時代廣場食，搭lift去到十樓見到有好多人排隊我就排埋一份（心諗排咁多人一定好）……………………………………….芝士焗脆脆肉醬意粉🧀🍝$158肉醬唔會太濃，芝士唔覺好脆脆炸蝦芒果米紙卷🍤$128米紙卷外皮略厚同韌，味道較淡，主要要點泰式醬增加味道意式辣味香腸蘑菇薄餅🍕$168薄餅夠脆，芝士味好香，加埋辣味香腸，辣辣地好好味芝士焗馬沙文咖喱蟹配多士🦀$138咖喱好香，食到好濃蟹味，配多士食，有驚喜烤美國頂級肉眼🥩$368牛扒烤得啱啱好，唔會太生唔會太熟，肉味香濃，肉質唔會韌，點小小海鹽，食原汁原味香芒印度煎餅🥭🥞$88芒果有些酸有些甜，煎餅加上甜奶，中和芒果嘅酸特別一提，我哋叫甜品可以加錢加字同蠟燭，特別鳴謝有個外籍男侍應幫我哋點蠟燭時唱埋中英文生日歌，thanks …Read More

同老公講電話諗緊今晚去邊度食飯，同事聽到就介紹佢屋企青衣附近嗰間泰菜，話又平又好食，又平又正我緊係要去試吓啦⋯⋯間餐廳好易搵，泊好車上商場已經見到，門口好大，見門面咁靚心諗會唔會好貴呢，入去之前緊係望吓個餐牌先啦，嘩😱！二人餐選3款都係$268仲要冇加一，好抵，唔洗諗即刻入去二人餐有好多選揀，我選咗原價最貴嗰款焗黃咖喱麵包軟殼蟹、經典明爐烏頭、泰式肉碎生菜包另外加多個泰式生海蝦🤤，套餐仲可以半價加飲品………………………………………….朋友真係冇介紹錯，呢度唔只價錢抵，而且唔會將價就貨，份量質素比足你，仲要好好味，而且仲要一讚呢度既服務態度非常好，好有禮貌，同好窩心會提你拎齊嘢，呢間泰國菜真係值得推介…Read More

同老公放假拎架車去洗車屋洗，就係附近搵野食，見到有間越南粉就入去試吓老公就散叫咗火車頭牛肉粉，而我就叫咗午餐鮮茄牛坑腩檬粉火車頭牛肉河湯底味道好濃但略嫌有啲鹹，河粉唔係特別滑屬正常質素，但係D料分量比較少鮮茄牛坑腩味道好重香草味，味道偏甜，紅蘿蔔煮得夠淋夠甜，牛腩煮得好淋好食，但係都係得4小件分量比較小小插曲：啱啱食咗一陣突然停電，聽講停電有時候會發生，天氣咁熱唔想食食吓冇冷氣，記得食之前問清楚電力維修好未呀…Read More

又到咗每月第一個星期三會員感謝日8折每次會員感謝日都會有好多人等位，為方便會員，會員可以預先係app遙距取票，節省時間元氣壽司集團式經營，有好多分店，但食過好多分店發現每間質素都有些唔同，控制質素方面真係有待改善今日係我食過元氣壽司暫時覺得最唔好食既分店，我去元氣每次都會叫三文魚湯，呢度碗湯嚟到D湯流到成個底碟都係湯，軟殼蟹手卷裏面冇乜沙律醬，吞拿魚三點（本鮪中拖羅、赤身、長鰭吞拿魚）完全同平時食嗰啲唔同…Read More

今日老公有時間陪我食lunch ，見差唔多2點就決定去原作養生湯米線，呢間米線已經食過好多次，因為平時lunch時間好多人排隊，所以要睇時間去食原作米線午餐會有套餐選擇，一個主食、一個小食同一杯飯品，唔同主食會有唔同價錢，嚟得呢度梗係食養生湯米線啦💥蟲草花膠雞湯米線💥每碗雞湯米線會有4件鷄，雞肉肉質夠滑，煮得啱啱好唔會太熟唔會嚡，花膠份量都唔小，花膠大大塊有質感味道唔會腥，雞湯湯底煲到奶白，味道清甜，有雞味而唔油膩，雞湯重加埋杞子，夠養生真係要飲多D原作9月會開埋火鍋，真係期待要試一試…Read More

上次食飯經過見到好多人等位，見裝修特別，好奇望吓食乜，原來係食台灣滷味，不過已經訂咗位食飯，唯有下次先…今日特登返嚟呢度試吓，唔知係咪夜咗，唔洗等位，入到去啲枱距離比較窄，要隔離枱食客起身比我入去坐，呢度係用電話點餐，落完單好快就到話明係燈籠滷味，梗係要試吓佢啲滷味啦呢度大部份嘢食都係自己拼，好似食車仔麵咁，我哋拼咗一個滷水小食，一個冬粉同滷肉飯燈籠古早滷肉飯（小碗）滷肉飯滷肉都唔小，肉唔會太碎，肉味好香，而且D肉汁加飯食非常好味滷味（牛肚、蹄膀、大腸、筋肉）食滷味主要食滷水質素，滷味汁好香濃，滷得好入味夠淋冬粉（豬肚、豬耳）冬粉即係粉絲，冬粉好吸湯，令每條粉絲都好入味，而且好飽肚呢度最好係可以自由配搭，食多食小自己揀…Read More