chiian922's Profile

今日lunch time 放飯同同事唔知食乜好，見到有間茶餐廳望落去好似幾正就入左去試吓。入面環境都企理乾淨，坐位都闊落唔會坐到好迫。 職員即使喺lunch time 咁忙都唔會催你落單，同埋都好有禮貌，上菜速度又快，好適合啲想食個快飯嘅打工仔。蔥油豬扒蛋飯豬扒煎得好好同醃得好入味, 豬扒好淋無筋, 豬扒食落去都冇雪藏味, 配埋煎蛋嘅蛋黃汁同好香嘅蔥油非常送飯。滑蛋蝦仁飯滑蛋蝦仁飯嘅滑蛋份量好多，隻蛋煮得唔會太熟，食落去好嫩滑，食到中段都唔會變到好鞋口，蝦仁份量都好多，唔會得幾隻，配合埋豉油送飯真係好鬼正。熱奶茶，熱檸水熱奶茶夠香夠滑係水準以上！熱檸水佢哋用靚檸檬，浸耐咗都唔會有澀味，雖然係好基本嘅嘢飲，但係都唔係好多茶餐廳做到呢個水準。…Read More

今日收工諗住普通買碗麵拎返屋企一路睇劇一路食點知呢間嘢啲嘢食都幾有驚喜！清湯坑腩河依間清湯腩有四款牛腩可以俾你揀分別係普通牛腩，爽腩，崩沙腩同坑腩（除咗普通牛腩其他都要加$8）。可惜夜晚去到買得返普通牛腩同坑腩。 個坑腩有驚喜， 食落去非常淋有牛味加上佢係半肥瘦食落去個口感豐富啲但係又唔會有食緊肥膏嘅感覺。個湯底冇乜油有清甜嘅牛味，成碗湯正到。比我飲晒。魚蛋墨丸紫菜米線本身以為賣清湯腩嘅舖頭，魚蛋墨魚丸應該好普通，但係佢啲魚蛋同魚片都非常彈牙有魚味！墨魚丸睇得出用好多墨魚打出黎，食落去好正！ 同埋碗麵份量都好夠！抵食！腐乳通菜腐乳通菜正常水準，啲菜唔會烚到好林太老，份量都多。炸魚皮炸魚皮一包份量算多，夜晚買拎到返屋企都仲係好脆，浸住坑腩河嘅湯食真係一流。…Read More

朱古力chill優質蛋白飲杯🍫蛋白飲比起之前飲過勁好飲好多！淡淡既朱古力味唔會太甜，好似飲緊淡版朱古力牛奶咁，入面仲有蜜桃粒同埋寒天去增加口感，完全唔覺得自己飲緊蛋白粉，反而覺得好似一杯手搖。慢煮無激素雞胸配職人手作蕎麥冷麵🐓🍜輕主食就揀左慢煮雞胸加蕎麥麵。雞胸用咗黑椒同鹽調味，經過慢煮所以唔會好鞋口好乾。蕎麥麵比起平時嘅爽口彈牙，有輕輕調味，就算冇平時食開嘅冷面汁都好夠味。Chill 級沙律•主廚拍板🥗沙律有車厘茄、青瓜、南瓜同埋藜麥，唔會有太重嘅調味，食得出蔬果原有既味道同埋好新鮮。唔同顏色既蔬果配埋一齊，除咗樣靚之外仲好有營養。Chill排毒爆脂茶☕️多款嘅茶葉加埋蘆薈汁既無糖茶，少少酸清新容易入口，飲完會唔會有茶既苦澀味。…Read More

公司同事成日推介呢一間餐廳，佢自己係fans，成日嗌外賣返屋企食。講咗咁耐，放假終於有時間嚟試吓。呢度嘅環境裝修好有日系，入到去見到每張枱都有個燒烤爐，望吓其他枱，原來係用嚟放串燒，可以keep住佢熱辣辣，好貼心，唔會食食吓凍晒。同埋，如果唔食辣可以同店員講聲添👍🏻每人餐前都有杯免費嘅迷你雪耳紅棗糖水每人都會有枝L字型嘅叉，用嚟剝蝦一流，唔會整污糟手。店內亦提供辣椒粉同孜然粉。 素食燒烤類 🌟🌟🌟🌟🌟烤杏包菇入口爽脆又多汁 🌟🌟🌟🌟薯仔片(洋芋片)香辣惹味 🌟🌟🌟臭豆腐都唔錯 唔會太臭🤣 🌟🌟🌟🌟🌟娃娃菜燒得好好 唔會乾而且又好多汁又唔會太生 好出色 encore咗 🌟🌟🌟🌟麻吉燒好煙靭，點煉奶好好味 肉類/海鮮燒烤類 🌟🌟🌟🌟🌟香蔥豚肉卷，推介，包住好爽脆嘅蔥，食落好香，又唔會太油膩。其他有包蔬菜嘅卷都sold out，好可惜。 🌟🌟🌟🌟烤小牛肉，肥瘦適中，唔會鞋颯颯 🌟🌟🌟🌟烤牛舌，烤雞脆骨同烤雞腎都係串燒店嘅水準 正常發揮 🌟🌟🌟麻辣鴨血，唔會腥，但佢係薄片，厚番啲會更有口感 🌟🌟🌟🌟清酒煮蛤蜊，沙白肉質飽滿，啲湯好清甜 🌟🌟🌟Q彈烤魷魚，配上炸好嘅豆，加埋醬料，好惹味 🌟🌟🌟烤海蝦串，大大隻，唔會霉 🌟🌟🌟蒜蓉粉絲魷魚，CP值高，有埋娃娃菜，蒜蓉味好香，魷魚數過應該有10舊，但略嫌鮮味不足。 🌟🌟🌟🌟🌟草莓乳酪奶昔好好飲👍🏻士多啤梨同乳酪嘅味好balance，又唔會好甜。高汁！！！ 店員都好nice，背住我哋聽到跌野聲就即刻問我哋係咪跌咗筷子，攞對新嘅畀我地，服務態度一流。上菜速度好快，又會講返邊串串燒打邊串👍🏻…Read More

呢間小店專係食小雲吞，香港比較少見，有五隻味可以揀，今次試吞既左芹菜拼白菜。雖然唔係好大粒，20粒一碗，唔大食既話完全夠飽，如果驚唔飽既話仲可以加唔同既餸同面底。湯底既話可以自己揀清湯定麻辣同酸辣，有唔同既辣度同麻度，今次揀左小辣已經覺得好辣！芹菜味好香，反而白菜就有d普通，可能因為湯底既味太濃遮蓋左雲吞本身既味。另外店內仲有韭菜煎餃同腸粉等其他小食，下次有機會可試下。另外提一提店入面好似有最底消費，如果叫12粒小雲吞既話就要再加餸先夠，而且12粒係唔可以雙拼，最少20粒先可以雙拼！…Read More

第一次試呢間超級出名既車仔麵，佢有三間分店係深水埗。假期中午去到已經見到大排長龍，雖然好多人，但等既時間就唔算好耐。等陣個陣就要諗定食咩，排到你既時候就要同姐姐講要咩面底同餸，今日試左米線+玻璃魷魚+小花菇+蘿蔔，呢幾款餸都係佢鋪頭十大推介入面，果然好正！米線正常水平，唔會太淋但都唔會係好有口感既米線。玻璃魷魚唔算好入味，浸落湯之後食返唔太食到佢個醬汁既味，不過口感唔錯。小花菇同佢個名一樣係超級細粒，不過份量都唔少，而且非常入味！而蘿蔔亦都好甜！佢個湯底係有少少鹵水，食落唔會太鹹或淡，送面一齊食一流。食得辣既人記得要係比錢既時候同佢講加辣，另外佢仲有一枝油放係枱面等客人自己加，應該係花椒油，加埋食落去會有一股香味同麻麻地，超級惹味。…Read More

由於店內只有十幾個位，上一次8點幾去已經有好多人等緊位，被告知當日已經full左，所以今次6點鐘就去，希望無咁多人。今次去到店入面已經滿座 ，但好彩無其他人等緊，不過由於店入面既人都係岩岩入去，所以我地都等左大約半個鐘先有位。所以如果想試呢間既人記得要早d去！！！！我地每人叫左一款肉，佢有分唔同gram數比你選擇，不同款式和不同重量的肉也會有不同價格，選擇套餐既話就要再加$30，沙律、湯同薯蓉/意粉/飯可以無限任添，另外再包一罐汽水。沙律：清新爽口，可以中和肉的油膩感湯：麵豉湯不會太淡或太濃，另外仲有兩粒蜆肉，不過個湯唔太飲得出蜆肉既鮮味。薯蓉口感細滑，白飯上有少許飯素，令飯不會太單調。牛肋間隔膜（300g)($138+$30)肉味濃郁，雖然整塊都係瘦肉但唔會韌，剛上菜時切開中間呈鮮紅色，按照個人喜好把牛煎成自己喜歡的生熟程度。不過如果唔鍾意食太熟既話，建議可以拎少少沙律墊係肉既下方，因為今次食到最後既時候成塊肉都熟曬。骨付牛小排200g($98+$30)牛小排油份比牛肋間隔膜多好多，不過略嫌骨有d多，肉相對較少，叫300g或400g應該會更滿足。鍾意食比較油脂較多既人必試！有多款醬油供應！由上至下睇分別係左邊：柚子汁、白松露蒜油、黑椒海鹽右邊辣味味噌、牛肉汁柚子汁配上肉十分清新，減少油膩感；白松露蒜油非常香，而且蒜粒唔會辣口，一定要試下！不過相對上辣味味贈同牛肉汁則較普通不過店內抽風系統一般，特別係剛上菜時要小心比油煙焗親，食完都會成身燒肉味，如果有衣物清新既噴霧就更加好！…Read More