hphe1991's Profile

本身上網落單，叫咗個蟹肉意粉套餐意粉加飲品，加甜品 $100去到發現現場買只係$80😅行到返屋企，佢打嚟話俾錯咗肉醬意粉我因為懶得行返去，所以照食算個意粉無咩汁比較乾 (睇圖)整體而言，今次經驗唔係幾開心…Read More

呢間台灣野起紅磡都幾出名，平時lunch都有人排下隊。主食主要分做便當，乾拌麵同湯麵，我地兩個人叫左2個主食同小食share。魚酥皮蛋豆腐($32)木魚配上皮蛋同凍豆腐，作為開胃前菜。路邊攤小拼盤($43)炸鹽酥雞，香腸同花枝丸，可以一次過試哂三款出名的台灣炸物。滷肉香酥排骨飯($49)個排骨好酥脆，肉質不會太淋太硬，好好味，會再encore👍豐盛牛肉口水乾拌麵($80)呢個份量大得嚇人，真係好豐富！ 有牛筋腩，花枝丸，貢丸同蘿蔔。牛腩夠淋，蘿蔔都好入味，個口水汁非常惹味，又係值得一試，但係可能試其他餸，呢款太大份一個人食唔哂。阿華田胚芽波霸 巧克力咖啡波霸 (+$15)我試咗阿華田胚芽波霸，我覺得珍珠都係配奶茶好飲啲，朋友鐘意飲咖啡就覺得個朱古力咖啡波霸幾好。總結來講呢間性價比高，平時lunch 有套餐更加平，難怪甘多人食。…Read More

之前有個朋友去食過呢間九龍城的台式餐廳，睇佢d相覺得幾正，所以趁放假就同男朋友去食。醫護同學生仲有九折最後唔想煩就決定嗌放題，餐廳老闆娘仲極力推薦我哋加$18食烤魚。嘢食同飲品都好多選擇迪化街老伯胖魷焿，係一啲花枝丸包住啲肉，再配上蘿蔔粒。台式烤香腸、甜不辣、黑松露花枝丸同雞泡魚乾都好香口，特別個香腸幾好味。鴨血上枱係室溫，如果係熱會比較好食(最後放咗落烤魚度整番熱)。強烈建議一定要加錢食烤魚，因為男朋友唔係好食得辣所以嗌咗蕃茄味，條魚已經炸熟左再煮，呢款魚唔係好多骨，啖啖肉再加香脆魚皮，兩條友幾乎清得一乾二淨三杯雞未到正常，三星蔥拉餅有驚喜，雖然有少少乾，但係個蔥好香！ 芫荽蛋餅啲芫荽味都好強勁。蚵仔煎蛋，留意番佢係煎蛋唔係蚵仔煎，所以唔係麵粉嗰種。爆茜芫荽雞扒，雞扒入面包左芫荽醬，岩愛茜之人。最後一定要留肚食甜品，佢個芋圓係超級好食，如果唔係太飽我一定嗌多一碗，另外d仙草係自家制，非常有心思，最後再加多一支冷泡茶解膩呢個價錢任食真係抵到爛…Read More

而家搬左來紅磡呢頭都好少煮飯，成日出街食或者食外賣，今日就試咗呢間起屋企附近嘅台灣野。個門面好得意，係叮噹嘅隨意門 呢間只有外賣冇堂食，我住得近所以冇乜所謂叫完外賣等左一陣間就有得攞睇落好豐富 鐵路便當($55)我揀咗滷水大雞扒，花枝丸同蝦卷拼滷肉飯。味道正常，份量都幾多，如果花枝丸同蝦卷有醬汁可以點會更加好，我自己喺屋企就落咗啲泰式辣醬 另外套餐加配咗個甜不辣拼地瓜薯條，非常香口，炸得好香脆。秘製豬扒x黑松露醬x荷包蛋吐司 ($42)賣相同味道都好得，我個人鍾意鹹吐司多過甜吐司，味道層次好豐富，半熟荷包蛋配上黑松露醬令個吐司好夠味，如果個麵包可以烘脆會更好。加$5就有台式飲品，好抵！仙草大滿貫 ($48) 呢個大滿貫真係乜都有，大小芋圓、仙草、紅豆、芋泥、小布甸、水晶。芋圓口感唔錯，食到有芋頭同地瓜味，唔係一舊粉甘，全部野加埋個口感好豐富，如果再雪凍一啲會更冰更爽。…Read More

好耐冇出街食飯啦， 今日突然好想食燒肉， 所以揀咗呢間日式燒肉放題。 食燒肉最怕就俾食到成身都係燒肉味， 呢間放題地方十分寬敞， 無咩油煙味， 在防疫角度黎睇都相當理想😂我地點左c 餐， 有燒肉、海鮮之餘仲有刺身， 一次過滿足我幾個願望。刺身方面都相當新鮮， 以兩個人份量作為前菜， 都相當足夠。飲品方面， 有梅酒同hoegaarden 任飲，性價比相當高。 海鮮盛當中， 首推海蝦同埋鮑魚， 肉質鮮甜， 可惜鮑魚冇得encore😛燒肉方面的選擇很多而且質量都很好一邊燒肉還可以一邊打邊爐， 有新鮮感之餘也減輕燒肉油膩的感覺。最後仲有一人一杯雪糕，movenpick無得輸！…Read More

超鐘意食炸雞的我今日黎尖沙咀食呢間韓式炸雞 outdark 環境好有氣氛，影相打卡一流韓式炸雞店來講，食物選擇方面都齊全，炸雞，海鮮煎餅，炒年糕等都有。蜜糖炸雞半份 ($118)好大份！有三份薯條、薯格同薯角，其中薯角我最鍾意，炸得好香脆！炸雞唔會太多蜜糖汁掩蓋左個炸雞，個粉又唔厚，炸雞迷的我表示正如果比多啲酸蘿蔔就好啦。辣炒豬肉($268)非常豐富的鐵板辣炒豬肉，中間有大量芽菜同豬肉，左邊起順時針有粟米芝士、素材飯、菠蘿同埋泡菜。店員幫我哋撈起個豬肉，下面有個爐熱住，d 芝士可以keep住半溶拉絲芝士，任何嘢加少少都係好食蘋果芒果米酒 ($135)呢個米酒不得之了，雖然話有酒精，但一d都唔苦，甜甜的香味，女士都好啱飲，仲要好大壺，配炸雞同辣野一流！…Read More

今日同朋友訂左枱起元朗食倫哥，之前起佐敦食過一次已經覺得好正。 元朗呢間雞煲雖然無佐敦甘大，但都幾易搵。我地嗌左個$288 火鍋任食套餐，包括左雞煲任食，牛頸脊、海鮮拼盤、其他打邊爐配料等等。我地叫咗一個小辣雞煲，好快就上枱，炒同焗左大約8分鐘就食得。等雞煲的時候就食住前菜先，個麻辣豆角同麻醬豆腐都好開胃。凍櫃飲品都幾齊全，之前去佐敦分店仲會有涼茶飲！我地仲加左豬皮、牛柏葉同埋魷魚落去個雞煲一齊煮，佢哋吸晒雞煲嘅精華，呢個隱藏食法超正！煮完8分鐘就食得啦！呢間雞煲的確非常出色，啖啖肉好香好惹味，雖然可以無限任加，但為咗試其他嘢食唯有忍口。食完雞煲就點左一個酸菜魚火鍋，入面的魚柳無骨啖啖肉，個湯唔係好辣。 限一份的牛頸脊，肥瘦均勻。海鮮拼盤都好豐富，有帶子、海蝦、蟹等等。。墨魚滑同蝦滑都好足料，真係食到有花枝！仲有其他配菜任食，食幾多攞幾多唔怕浪費。但耐何我地個胃太細，食完本身個餐啲野已經飽左😂 所以只係攞左少少菜幫助消化lol。最後有個黑糖冰粉，唔算甜。其實如果鐘意食雞煲，可以嗌$198餐再瘋狂refill，呢間d雞煲的確不錯…Read More

疫情緩合左少少，可以出街食晚飯，真係要出去支持下小店！今日來到尖沙咀山林道呢間串燒店happy下👏🏻餐廳座位唔算多，枱與枱中間會有適當距離或者有膠板相隔，所以都食得好安心。食物選擇方面，大部分好餸酒的串燒同燒海鮮🤤。飲品方面選擇就唔算多，但我相信最多人會試佢個本土(粗口)手工啤酒，店員會根據你嘅口味推介俾你。店員推介呢一款”9”手工啤酒($78)，佢話係淡愛爾啤酒，最易入口，我呢啲比較怕苦嘅人都覺得好啱飲。黑松露沙律醬薯條 ($49)飽肚又好味之選，薯條唔會炸到好燶，配上我最喜歡嘅黑松露沙律醬。芥末雞翼($32)、川式脆燒雞軟骨($28)、鹽燒厚切牛舌($68)雞翼同雞軟骨都好惹味，牛舌燒得好淋唔會乾。車打芝士燒日本廣島蠔($88)多汁的日本蠔配上拉絲芝士同大量芝士粉，芝士迷要試。黃金醬燒八吋虎蝦($68)日式汁燒雞脾菇串($22)香辣燒原條茄子($49)呢個超惹味，每一口都有辣椒同蒜蓉，必食！當初揀呢間餐廳的原因係因為有良心小店logo,，試完覺得食物水準都唔錯，不過餐廳就有限時1.5小時，如果唔夠時間吹水可能要轉場。…Read More

今個星期番左元朗，難得的星期日，同妹妹去食一間想試好耐的餐廳。呢間主打台灣菜的餐廳成日都好旺好多人幫襯，我地十二點半去到，好彩只等左一陣間就入得，亦有好多人等外賣。可能因為黃店關係，所以好多人食抗疫期間餐桌都有用板分隔，亦都無同人搭枱，餐廳提供口罩套同搓手液，感覺比較放心。芋泥肉鬆吐司 。餡料非常多，芋泥同肉鬆都好夾，如果配上蛋黃醬應該會更好食同無甘乾。滷肉飯(小)配糖心蛋。食台灣野必食的滷肉飯，份量不太大剛好可以留肚試其他野！2號乾拌麵餐 (配綜合丸湯)。台灣麵彈牙，可以揀辣度，大大碗配上花枝丸同貢丸湯好飽肚。冬瓜茶同冬瓜檸檬茶都好解渴。仙草芋圓2號。雖然已經好飽但都要食甜品！食完透心涼，如果少甜一些會更好。走的時候已經有一大班人大排長龍。想食真係要早！…Read More

呢排疫情影響下都好少好少出街食飯，唔想自煮唯有買外賣，今日就去左繼光香香雞🐔加餸！淘大呢間分店都幾多人等，全部即叫即炸！保證新鮮熱辣，但就要預啲時間等啦！4月10 – 5月10 購買香香炸雞大份，第二款食物任選一款半價好想即刻食兩件。。但懶得除口罩唯有都係返屋企先食買左一份香香炸雞，酥炸魷魚。炸得好香脆，唔會太乾，可以選擇加辣。呢個台嗑三塊雞我覺得最好味，超juicy! 番到屋企用air fry reheat 番就唔怕凍左起屋企都食到超邪惡美味炸雞啦…Read More

好耐無去日本，好掛住d新鮮刺身sushi🥺，所以打算搵間高級壽司店食下，朗豪坊呢間鮨之好多地方都有分店，有好多時令刺身。呢間坐位都幾多，坐得都好舒服。抹茶🍵用上抹茶粉。餐牌上d圖片好吸引，另外仲有時令魚同刺身。本鮪壽司盛盒八件($448)我鐘情於呑拿魚，大中赤身色好均勻，亦都幾厚切。佢件赤身醬油漬我最鐘意呢間餐廳有條輸送帶送d食物來，幾過癮。季節火灸壽司盛盒七件($188)賣相好精緻，對於好多魚都唔食的我，火灸壽司係一個唔錯選擇！特別燒過的三文魚腩有d油香好正最後點左個炸廣島蠔配黑松露醬($68)，蠔熱辣辣炸起好多汁，配上我最愛的黑松露醬，忍唔住好快食哂…Read More

今日來到銅鑼灣搵食，意外搵到呢間高質和牛燒肉放題，餐廳位於謝斐道，位置好方便。座位幾闊落，坐得舒服，而且油煙味唔算重。有得玩遊戲，因為我筋骨硬，所以只係掂到5，有免費甲羅燒。雖然係免費，但呢個甲羅燒超好味蟹子加蟹膏燒大約4分鐘就食到，好想再encore！呢度點餐係用平板電腦點，上菜速度係好快，差唔多係即點即上罐裝飲品為主，好似有得點啤酒同清酒🍶，見到旁邊果枱d清酒上左好多round下面左起係鹿兒島五花肉和牛拼盤，加$38可以任食，強烈建議要加，因為個牛真係好好食，油脂分佈好平均，輕輕燒下就食得，最正係encore左好多次d質素都冇變差唔會好似大型連鎖店咁一碟差過一碟。其實本身放題包的牛肉都有頗多款，味道都不錯，但食完和牛會有所比較。每人有一份海鮮拼盤，其實本身放題入面都有免費海鮮任食，不過拼盤質素就會較好，有鮑魚、大蝦同扇貝。蝦同蠔都有得任食，右上角係岩鹽石，當啲肉類差唔多熟可以放上去就可以調味。去日本旅行成日都食的薯仔沙津，太好味點左2個另外要讚個燒烤網燒野唔痴底，所以唔需要換網，連多春魚都成功燒到！ 放題仲有刺身同小食等等。最後燒左兩串棉花糖配雪糕，超滿足的一餐！…Read More

今日約左個朋友去旺角傾旅行d野，想搵間可以坐耐少少又有wifi的cafe，最後揀左呢間價錢唔貴又靜靜地的cafe全部都係梳化位有大量board game，餐廳wifi幾快。會比個黑板你寫底想寫咩，幾特別的點餐方法。煙肉卡邦尼長通粉通粉唔會煮得太淋，有咬口，味道仲要唔錯，配上流心蛋龍利柳蘑菇南瓜忌廉飯個龍利柳炸得好香脆，仲要好大塊，配上南瓜汁唔會太肥膩。oreo 奶昔朋友覺得唔算太甜，食到有oreo碎，好解喝桂圓紅棗杞子茶我揀左杯健康飲品，紅棗份量超多，唔夠甜仲可以落糖漿，好甜心。…Read More

今日去apm睇完iphone後就打算搵野食，OpenRice 見到呢間deer kitchen 個名幾得意又好似幾好格調，行過去又唔算遠，一於一試。幾空曠，坐得好舒服，成間餐廳都有鹿的decoration 切合番個主題。見到有特價生蠔，$10 一隻，最少order 半打。唔算好細隻，過下口癮都ok餐包配上黑醋跟餐的藜麥沙律，配上橄欖油，蘋果同番茄仔，味道清新，好食！跟餐的蕃茄餐湯。慢煮紐西蘭牛柳配香煎鵝肝 ($308, set)。因為係慢煮所以冇得揀幾多成熟，切開大約係7成熟左右，配上紫薯蓉甜甜地幾特別。西西里海鮮風情pizza($148)都幾大塊，係薄批來的，材料好豐富，有蝦、蜆、魷魚等等。d料多到要包住食。最後點左杯 Deer forest ($68) ，酸酸甜甜幾好飲仲好靚！ 另外跟餐我點左杯洋甘菊茶。…Read More

今日起九龍灣emax 睇完戲就諗住出翻去食飯，點知原來起emax 都有餐廳，見到呢一間泰式crossover 西式餐廳，價錢ok就入去試試。環境幾chill 坐得幾舒服。有set dinner 不過我地選擇咗散嗌香茅啤酒煮鮮大蜆 ($108)份量多而且味道鮮甜，平時清酒或白酒煮蜆就食得多，啤酒就第一次。青咖喱烤雞意粉($98)上面果條係小茄子 ，意粉比較像天使麵因爲係幼身的，小辣的青咖喱汁好惹味。低溫慢煮開心果保雲酥羊西冷($218)呢個值得一試，外面鋪滿開心果碎，外香脆，內軟熟，口感同味道一流，薯蓉都好好味！椰青個椰青好清甜，d椰肉好軟好容易食到！ 另外餐廳有個狗狗友善營地，我見現場大部份都係細狗，但其實環境都幾闊落，下次會考慮帶我隻大BB黎，但餐廳提醒狗狗友善營地一定要提早幾日book 位，因為經常都好full !…Read More