jellycatcat's Profile

家人常去呢間餐廳，覺得坐得舒服，食物質素不錯，價錢亦親民。假期常要等位。午餐試過全日素食早餐，牛肝菌意粉，烤雞玉子burger ,全部包餐湯飲品，飲品可選水果茶及不同冷熱果味茶，味道不錯。午餐價錢$88-118不等，味道不錯，份量正常。服務Ok, 環境比較安靜。下午茶仲抵，好多選擇，家人多選waffle 雪糕，份量大，如果唔多人等位，一般唔會限時。如有文化博物館會員卡有九折。希望佢哋可以keep住唔好咁快消失。…Read More

朋友帶我去呢間餐廳，第一次去，樓上小店，我地book左12點，早左十五分鐘到，佢哋本來未開門，好友善咁比我地坐低serve 我哋介紹菜式好清楚，服務十分週到。前菜叫左侍應推介的白酒青口，超級好食，麵包點汁食，主菜叫左魚同豬鞍，朋友之前食過話好味，份量都唔少，魚煎得香脆可口，好有驚喜！朋友之前食過甜品芒果拿破崙，真係好好味。全埸lunch hour 接近full, 12點坐到2:30pm, 好舒服。Business lunch 價錢大約$248-268， 有前菜or 主菜/餐茶/甜品，咁嘅質素真係好值。同埋今時今日搵一間有服務食物質素高嘅餐廳，真心覺得開心😃…Read More

食物質素係幾好，但四人消費$1200，兩個二人餐，有餐湯/沙律，主菜，加$升級吐司甜品，餐飲，份量正常，唔知今時今日係咪香港已經算好抵？ 張枱細到唔夠位放，啲碟放嚟放去唔知點放侍應不停催促要收碟因為要上其他嘢，未食完都問有咩可以收走，呢點真係令人覺得好odd 佢有講明限時90分鐘，食呢種餐係有啲趕，所以即使食物質素幾好，都覺得食得好唔舒服，明明無人等位都催埋單，其實明明係一間食物做得不錯的餐廳，服務太令人卻步，好難有下次。…Read More