Sammysssable的个人专页

平時唔多食omakase，所以今次專登做足功課，咁岩比我搵到呢間嘅真係由日本師傅主理omakase。呢間餐廳絕對係我食過最好嘅一次體驗，甚至媲美喺東京食過嘅omakase！ 餐廳環境好舒服，一入到去已經覺得個裝修好有日式高級餐廳嘅feel，真係好似去咗日本咁。坐低之後，日本師傅好親切同我哋傾計，好好笑容，仲咁擺yeah手勢比大家影相，令到氣氛好好！佢話隻蟹係今日北海道新鮮送嚟，見到佢哋好用心準備食材，我同女朋友已經超級期待。 睇完餐牌點咗$1980嘅餐，食物好豐富又好精緻。 🍣 先付け：蝦同帶子配上櫻花煮嘅湯，好新鮮同彈牙。尤其係粒北海道帶子，估唔到煮熟咗都可以咁鮮甜！ 🍣 前菜五点：螢光魷魚配上特製味噌，唔會太咸反而好鮮；鴨胸肉好嫩；鰻魚先蒸後燒，淋淋地魚味濃郁；荀食落好爽脆，完全無渣；另外有款炸物，師傅話係日本嘅菜王，食落有啲回甘。五款食材都好特別，有啲從來未食過但好好食😍 🍣 お造り五点：海膽配牡丹蝦嘅組合係我最愛！每一啖都好鮮甜，海膽完全無腥味。超大粒赤貝，口感爽脆；另外有九繪魚、金目鯛、魷魚，九繪魚係日本嘅石斑，平時唔會點食到，味道偏輕盈但好鮮！ 🍣 蒸し物／焼き物：松葉蟹加特製海膽汁，每一啖都係大海嘅精華！鮮味爆發！🍣 煮物：第一次食甘鯛立鱗燒，賣相已經好靚，而且口感好好，魚鱗燒到好薄好脆，魚肉細滑。 師傅仲特別送咗2款小食，分別係燒北寄貝、魚嘅筋部，係我食過最甜嘅北寄貝。 🍣 強肴：賣相好精緻，春魚肉質偏實，味道一樣係好鮮甜。要特別提一提，綠色醬汁係日本皇帝菜打成㗎！平時明明唔鍾意皇帝菜，但呢個醬汁我全部食晒。 🍣 お握り鮨五貫最期待嘅壽司環節，師傅都話「sushi time 」！5件壽司都好出色，有啲魚係春季先品嚐到。春子鯛、池魚、赤身等都好鮮甜。大拖完全係入口即溶，好想再食多舊呀！🍣 お椀：全晚嘅MVP係昆布漬海膽，一層薄薄嘅昆布漬，完全提升咗海膽嘅鮮味，口感好順滑。  江戶前燒玉子，口感軟綿綿，好似食緊蛋糕咁。 呢個鰻魚小卷應該都係師傅送的。  🍣 水菓子：時令士多啤梨、青提子，配上餐廳自家出品嘅清酒啫喱，味道好清新，為呢餐劃上完美句號。 總結成個體驗真係好好，食材好新鮮，師傅們又好玩得，一定會再幫襯！…查看更多

呢幾日天氣都好凍 想一直留係屋企於是就係屋企附近揀左一間外賣店 買野返屋企食呢間鋪頭主打做壽司刺身既外賣，鋪頭同時有賣零食，而佢地賣既日韓泰零食，都係市面比較少見，等外賣既時候可以睇下零食，都幾好可能因為係冬天既關係，鋪頭有做埋羊腩煲同雞煲。天氣咁凍，我就決定買半隻雞煲，同埋買少少刺身。最後揀左海膽，赤貝雞煲連埋個鐵盆出貨，返到屋企加熱就可以食得，都幾貼心，同埋都好足料，食落好香，有大中小辣同埋唔辣可以揀，由於我唔食得辣，所以只揀了唔辣，但都好夠味。海膽同埋赤貝都幾新鮮，刺身+雞煲呢個配搭都幾好～～值得下次再去呢間外賣店仲有做盆菜，過年都會考慮下再幫襯～…查看更多

今日返工出左九展工作，收工搵下有冇野食，九展夜晚人流唔多，但竟然搵到間好正既西餐廳！原來新野黎，聽其中一人個員工講，荔枝角同屯問果頭都有分店，但呢邊就係用左新裝修，歐式風情，正！我見店入面用晒水晶吊燈，而且店內都放左d畫，好華麗，仲有一個小小既台可以比人係上面唱歌！Let’s Music！！份menu好cute下！上面d 公仔好靚仲有啤酒機，可以保證榨出黎既係生啤！食物都唔貴，一般西餐既價碼，先叫左杯薄荷青檬梳打。同平時係泰國食舖飲到果D唔同的，呢個好好飲，唔算好甜，薄荷葉夠多！之後係一份炸魚薯條，平時出面一份都百幾二百元，呢到只係$68，仲要炸得香口，點醬食一流。再叫左一份香煎北海道帶子羅勒青醬意粉，帶子夠大粒，好有口感。青醬真係冇得頂，加埋有好多菇係入面，係我最愛。大大粒基本上真係一個好好的用餐體驗，員工有禮，野食好食，下次再係附近工作可以再黎食過！…查看更多

襯住仲有得WFH ,lunch time就book 屋企附近既呢間韓燒試下平日下午1點左右，望落客人都算多，因為book左位所以唔洗等就入得飲品櫃可能人手唔夠，飲品fill唔滿，但汽水、果汁、茶等罐裝飲品等種類都有頭輪先食左啲海鮮，呢間餐廳用手機自己落單，海鮮種類以午市$178加一呢個價錢黎講都好豐富，有蠔、扇貝、魷魚、帶子、海蝦、青口等等。質素方面，個蠔我比佢好高分，鮮甜唔腥而且都好大隻，食完再加單，兩個人差唔多食左一打；扇貝、帶子等都唔錯，不過扇貝好快就賣哂，想再加單都冇。肉類方面，豬牛羊雞都齊，種類花多眼亂，牛小排、牛柳粒、牛五花、牛舌、豬頸肉、豬五花、雞脾肉、雞柳肉、香草羊肉等等，黎到我都唔識分，不過整體黎講d肉都新鮮，就算擺左一陣都唔見有好多血水出；特別個豬頸肉同牛五花值得一讚，豬頸肉爽彈得黎又唔會太油膩，牛五花入口淋滑，肥瘦適中，個人認為牛五花同豬頸肉係最出色既兩款肉類。除左燒烤外，本身佢都有好多熟食提供，睇番以前d食評例如炸雞、熱食、甜品等今日都見唔到，同埋生既食物例如蔬菜都要自己用手機落單。店員入座前都同我地講因為疫情關係，熟食都唔會以自助形式提供，都係以手機落單，所以食物種類都少左好多，手可以落單既都得番炸雞、餃子、湯等等。但餃子質素都絕不馬夫，外皮炸都香脆，入面既餡都好飽滿，美中不足既係後加單既炸雞漏左單冇黎，但我地都有d飽所以都冇再追單。埋單兩個人連加一$356，以午市燒烤有咁多海鮮揀，同埋d肉類都好新鮮黎講，呢個價錢絕對超值，希望下次再食嗰陣可以試多d今次食唔到既野。…查看更多

最近肺炎疫情相對穩定，政府放寬了限聚令，因此同幾位朋友去打邊爐啦！呢間食店出名係雞煲，不過朋友們怕太熱氣，唔緊要，打邊爐都不錯！我地七點前就入座，然之後陸續都開始多人，餐廳都有保持枱同枱之間既一定距離，所以其實我都係放心既！！呢度既大大杯飲品係幾出名，所以我都叫左杯大檸茶，真係幾大杯的，可以由頭飲到落尾呢一個十全大寶丸，比佢繽紛既顏色吸引左！！好吸晴，又大大粒，朋友們都好喜歡由於朋友們都唔太食得辣（好可惜呀！！）所以就叫左一個沙嗲湯底，濃味得黎又唔會辣。接住落黎就叫左唔同既肉類，羊肉 雞肉 黑豚豬腩片 份量充足，同埋我覺得擺得幾靚 🤣🤣不得不提既係佢鮮炸既大大響鈴，好脆 同埋真係勁大條🥰仲有其他配料都幾好 不過就無影哂，so far 呢間餐廳性價比都算不錯。疫情開始穩定，之後就更多機會去食好東西，希望所有人都健健康康！！…查看更多

大家，我同朋友（三人行）吃pizza,突然醒起，三個人聚會，吃pizza 是好不理智的，點解？因為一塊pizza 是唔能夠平均分給三個人的，吃pizza 最好是四人行（同打麻雀一樣道理）今次食pizz 三個都係血氣方剛的男子，睇睇餐牌，二人餐不足以應付我地，直接黎個四人餐啦。頭盤揀左大蝦凱撒沙津同埋水牛城雞翼水牛城雞翼就辣辣地，配埋個醬汁，認真係胃架，加埋個沙津（有蝦），都係一個非常開胃的配搭。當然唔少得餐湯同埋餐包啦但小弟志不在此，我黎係要食pizza!!我地叫左 pama 同埋黑松露誘惑兩個pizza, 8*2=16 塊， 到底點樣先可以分比三個人？無得用榨汁機，唯有鬥快食，好似<天演論>所講，物競天擇，適者生存，食得最快就可以食多塊。 呢兩塊pizza 我就鐘意黑松露多d 食落好香！由於佢地太大食，所以就叫多個闊條麵，都幾特別不過如果下次食pizza 都真係要搵夠4個人了！…查看更多

約會像是為分享到飽肚滋味，其實食放題都得啦，洗鬼約會咩所以小弟就同一隻單身狗約會+分享飽肚滋味（食極尚大瀛喜）放題黎講，基本上分三樣野啦1. 自取2.任叫呢間有好多野食都可以自取，一坐底點下刺身串燒果d 點完就立即出去覓食泡菜呀 沙律呀 老火湯 開住個胃先食左一陣 刺身之類果d 就黎料啦 唔洗等好耐話明任嗌，就緊係每樣叫d 啦（不過在此提提大家 食得哂至好嗌 咪做大囇鬼^^)刺身 都係每樣叫一兩件 串燒一兩條便心足天富羅 炸物 燒蝦 羊架，貴精不貴多，食放題唔洗搵命搏嘛其實叫一轉，我都已經夠飽了，做人最緊要心足，不過食甜品另外一個胃的，所以出去拎d 甜野有得夾下糖，女士至愛另外食下乳酪，有助消化，有原味，士多啤梨味同埋藍妹味雪條都有唔少選擇，大腳版 紅豆，雪米池呀，仲有d 杯裝雪糕係隔離飲品都有好多選擇， 有甜有唔甜，有酒，仲有熱飲不過無影到食左唔係好耐 不過都夠哂飽，因為做人最緊要心足！！…查看更多

食完晚飯後覺得時間尚早，又唔想返屋企住，於是朋友就提議去飲杯野，再食少少野，於是就不經不覺黎到博文街，呢度有好多唔同既野食，算係一條低調既美食街！8點幾既時間，留意到呢間德國餐廳都仲有好多人，決定入去襯下熱鬧！德國餐廳，唔洗講咁多，就係食德國野。咁德國野即係食d咩，更加唔洗講，德國腸，豬手是基本！！由於我地係食完晚飯先黎既關係，呢一餐只係宵夜，就唔咁進取叫太多野食啦，剩係叫一份炸豬手+一份德國腸拼盤就算（最後發現其實咁樣已經好多了。。）哇，估唔到份量都好大下，豬皮炸到脆卜卜，咬得我好爽，又有沙律酸菜食下，你都咪話唔正呀！德國菜拼盤都係大大份，好老實講我就唔識分d腸邊條打邊條，不過我就鐘意食最長果條，下面仲有d薯角，仲要是熱辣辣的！！啤酒+豬手+德國腸= SO CHILL，下次約朋友飲野，其實真係可以考慮下咁樣飲，好鬼滿足！！…查看更多

呢排天氣都好凍下，所以呢個晚上我決定要使出取暖大法，吃好東西！！同朋友book左呢間巢私廚川菜，大家唔好誤會，呢度其實係無雀仔食，雀仔只係裝飾黎架姐！！好，事本宜遲，先黎個開胃小吃，呢一碟係貴妃葡萄，外型真係成粒葡萄咁架 不過食落其實是冬瓜來，扮得幾似喎冬瓜仔，又幾開胃既，酸酸甜甜咁然後我就飲返碗湯先！蟲草花燉烏雞，好滋補下，冬天咁冬補一補，春天身體自然好，碗湯都幾夠火候，係足料既，夠入味，心裡感到一股溫暖然後我就吃麻辣手撕雞，唔算係好辣，頂得順，個底有d青瓜中和下，開胃之選，份量都ok的要知道晚飯是不能沒有蔬菜，所以我立即叫返一個干鍋有機菜花，熱辣辣，好惹味，同埋好新鮮！！好啦好啦，打大佬啦，final boss 係水煮桂魚！ 睇落係咪好辣咁？其實我係叫左小辣！所以其實係ok既！桂魚比較小骨，而且肉都比較嫩，所以食落係非常好好味！配料都好充足，有好多芽菜，我甚喜！好啦，食完辣野，係要食返d水果清一清，幾新鮮的…查看更多

今日去左一間尖沙咀既日本餐廳，地方唔大，但格局非常好，叫做炎鳥羽用既碗碟都幾靚，仲有開胃的玄米茶飲一坐低無耐，侍應就拎左前菜黎，係牛蒡，青瓜，蘿蔔條等等，都係蔬果類，開一開個胃先！話咁快就叫一叫刺身，三文魚油甘魚都係大大塊，厚厚肉，仲叫左一份特大日本帶子，平時係出面好少食到，非常鮮味，都幾足料，甚喜！接下來都是清酒煮大蜆，清酒的香味同大蜆的鮮甜非常合襯，食落好香，，而且大蜆無沙，同埋幾大粒，食落有口感！仲叫左一些燒物，當中包括燒秋葵，燒雞翼，同埋燒舌芯。都燒得唔錯，其中燒舌芯非常有驚喜，舌芯係出面唔易搵到，較為罕有，食落非常有咬口，果隻口感好特別，有滿足感！最後都叫左個烏冬，慣左要吸收澱粉質，係野菜稻庭烏冬，相當唔錯呢一餐好滿足了，食左刺身，又食左燒物，非常豐富，而且餐廳環境都好好，值得再來…查看更多

同朋友係油麻地電影中心睇完戲，之後就係附近食野，去左海景絲麗酒店入面既一間土耳其餐廳雖然間餐廳係酒店入面，但價錢又唔係寧舍貴而我就叫左一個set，有沙津，餐湯，有薯菜，有主菜，仲有甜品同埋咖啡我唔係好熟悉土耳其菜，不過呢個餐湯應該係土耳其既風味，朋友去過土耳其，佢話土耳其既餐湯都係咁，有d薯容，而且飲落係會有飽滿的感覺接住來的 是大大份的沙律，同其他沙律大同小異，可能係多左番茄，食落都幾新鮮接住黎既係薯菜，有2塊唔知叫咩名既薄餅，好脆的，仲有薯條同埋茄子，配上白色既應該係沙律醬同紅色既茄汁，呢個配搭都幾得意，而且，係相當飽肚，當我食到呢一度既時候，我已經有66% 飽了好！ 主菜到了，係燒羊鞍，見到紅色+ 白色既醬汁嗎？正正係岩岩薯菜既醬，雖然我唔知呢個醬點稱呼，不過我都幾喜歡佢，一半係酸一半係甜，這就是人生了！ 講返羊鞍先，有三舊，分左一舊比朋友，我自己一個就一定食唔哂三舊，燒得幾入味，又唔會好肥膩，食完之後我就98%飽了最後仲有甜品，應該係係龍so糖(萬聖節版)，甜絲絲的，但其實我已經食唔落了，太飽，只吃了三分一，呢一餐土耳其飯，相當滿足！…查看更多

襯超強颶風山竹未黎到香港之前，我就同朋友去左旺角行街食飯最後黎到呢間餐廳 美味故事！我就揀左一個ＤＩＮＮＥＲ　ＳＥＴ，有好多選擇的，而且價錢都算ＯＫ！首先到達既係一杯餐前飲品，雜果沙冰，當日天熱好熱，用黎降一降溫就真係一流，而且細細杯，份量好，足夠開胃餐湯：我就揀了磨菇濃湯，顏色睇落就淡淡地，不過飲落就唔淡的，稱得上算濃，佢係一個開胃的餐湯，然後我的胃口直線上升接住黎既係：蒜蓉法包、日式麻醬蟹柳沙律、同埋照燒汁紫菜雞卷份沙律都幾多下，感覺幾清新，而我就幾鐘意紫菜雞卷，佢外表有Ｄ似茄子（本身真係以為是茄子），而紫菜同雞既味道又出奇地夾，又唔會好濟！吃完呢D前菜，未進入主菜部分，我已經有３５％飽了然後就來了一杯水果茶，味道不濃不算甜，正合我吃味然後主菜就來了，係慢煮羊膝配薯菜！！先講羊膝，會唔會太大舊呢＠＠非常大塊呀，而且Ｄ肉質好嫩滑，好易切開，而配菜都好好的，有我最喜歡的秋葵，同埋翠肉瓜，感覺廚師應該係一個幾著重健康的呢個ＳＥＴ的份量非常之多！最後我揀左士多啤梨慕絲蛋糕，加２５＄，睇落幾靚，整得唔算好甜，不錯！！…查看更多

最近發現朗屏站附近幾多食肆，今次就試試呢間名字趣緻既牛知己。餐廳主打韓風火鍋，二百蚊樓下已經有牛肉海鮮放題，睇落都幾抵。套餐分了兩種牛肉：澳洲和牛/特級美國牛肉。兩者價錢相差數十蚊，今次先試價錢更為親民既特級美國牛肉套餐。湯底的話，本身既價錢包左一個普通湯底，但如果想要特色湯底既話就需要額外加20蚊。價錢不貴，所以就加左一個韓式大醬湯底。餐具都係標準韓式擺設。點完湯底就可以點食材啦，呢到落order係全電子化，用部平板點幾個制就得，非常方便！所有肉類、海鮮等要冷藏保持新鮮既材料，都會放係平板入面，至於蔬菜、小食等就可以自己去自助bar到攞。加牛、豬、海鮮等等都唔洗加錢，正！坐坐下，突然有個黑色盒「咻」一下黎到我地檯隔離。原來係我地order既肉類！呢個design省卻好多人手，可以令侍應專注留意食客既需求，幾smart!西班牙豚肉特級美國牛肉肉類黎到後，經理好細心咁逐樣介紹各款肉類既特色、煮幾耐等等。而無論牛肉或者豬肉都非常新鮮，顏色鮮紅。薄薄一片，淥兩淥就食得。食落後好鮮嫩，肉味濃郁。如果驚d肉太少，食完可以再order(但其實我同fd兩個人食到個肚勁漲，都食唔完）韓式大醬湯個大醬湯好快就上左，材料充足，經理話係真．韓國師傅整，所以味道頗為正宗。食落有d微酸，幾開胃。自助bar以韓式小食為主，泡菜、煎餃當然唔少得！開胃前菜韓式餃子、日本小番薯沙律bar當然唔少得我至愛既蔬菜區！應該唔會得我覺得咁樣擺d蔬菜顏色好靚掛。食到中途想加多碟肉，經理推介我地可以加48蚊試下安格斯牛小排。見經理盛意拳拳，我地就試下啦！+$48 安格斯牛小排肉一上，就知經理冇介紹錯！d肉唔單只擺到好似一朵花咁靚，肉上分佈既油花都好靚。食落口好軟嫩，唔洗點咬就可以吞落肚。飲品任拎食到差唔多想飲下野，雖然有茶、汽水任飲，但硬係想試下d新野。係平板見到黑糖水正果，好似幾得意，試試佢！+$25 黑糖水正果入口好冰涼！正！飲落幾爽同埋有一陣甘甜味，幾潤喉。食到差不多，可以最後作一戰，食個乳酪雪糕先！呢到既雪糕幾硬身，唔會太水。咁樣埋單五百蚊唔到，感覺抵過食放題，會再encore!…查看更多

今次同朋友食台灣野，呢間古早味台灣原味好似有其他分店的，咁我地就揀左銅鑼灣呢間，地鐵站一出就到就咁睇，好似有好多款式選擇，本MENU的頁數也不少，湯、麵、飯、特色小食都有D不過我食量就唔太強，所以就唔會樣樣都叫啦！ 首先就叫左一份台南擔仔麵，配料都有不少呀，貢丸、菜、蛋、滷肉、蝦，材料充足，個湯底都唔錯的！！然後叫了一份辣味的鹽酥雞，少少辣味，易入口，適合怕辣但又想食辣的人（本人怕辣），呢個整得幾香，而且又唔會食到好濟，可以係話小食必叫之選 飲品方面我就叫左一杯奶蓋綠茶，都頗大杯，而且都幾多奶的，可以！！最後是吃甜品了，呢個係綜合手工芋丸，人如其名，真係綜合架！！有好多好多唔同的芋丸，幾抵食下！呢間台式餐廳都坐得幾舒服下，同埋價錢都算平民化，OK！…查看更多

無懼熱辣辣，我來到四姐川菜！為左證明自己係食得辣，我來到這裡了2個涼菜，3個熱菜，黎到川菜餐廳唔食辣，等如去日本唔食拉麵！所以唔洗講咁多啦，叫哂辣野啦黎一個涼伴木耳，涼一涼先！！但其實我覺得都係有少少辣！不過木耳幾爽，爽呀！然後再叫左個芹，都係有紅色既喂，不過唔緊要，我頂得住！！！！涼完菜，咁就黎熱菜吧干煸四季豆！！有少少紅色，辣又唔係好辣，幾香口，幾多豆，有肉碎，算係健康之選！然後就係泡椒鱔片哇 鱔片份量都ok！雖然睇落係紅色的，但無我想像中咁辣，我頂得順！！然而，呢個先係終極boss！！係招牌毛血旺，即係大雜錦！令我諗到《國產凌凌漆》入面既「攞你命三千」！！因為佢係加入左唔同既食材！鴨血、魷魚、午餐肉、仲有內藏，辣椒乜椒嘜椒都有，集多種食材！媽，好辣呀我最終必需承認！我係食唔得辣的！！不過我還是會再食四姐川菜的，我係唔會咁易放棄我的食辣之旅！！…查看更多