hlily's Profile

今次疫情下3人行方式外出食飯想揾個可以靜靜傾計既地方個人認為呢間餐廳既環境都幾舒服坐4人梳化位，又隔住塊「防疫版」，都真係可以好有隱私度傾計聚聚😊揀野食方面，挑選了「松蟹海膽醬意粉」、「黑松露野菌薄餅」、是日「燒春雞」同埋甜品拼盤😊「松蟹海膽醬意粉」好味，有驚喜，起初擔心腥，但完全無😆加上造型得意，見到都覺得好開心😍「黑松露野菌薄餅」聞起來好香，但好一般😆「燒春雞」同樣好正常既味道，一般西餐廳既燒春雞味😆「甜品拼盆」方面，最好味果件竟然無標示係咩蛋糕😅其中柚子芝士蛋糕既材料好足，但就失去左柚子清新好香既味道，有點可惜。3人行食既份量都夠😆，平均每人200蚊，價錢叫做合理吧😉…Read More

第一次來吃！早前已知呢間好食，果陣聽說堂食環境一般，所以都未有食過。今日終於同老公黎試，環境都幾好，燈光充足，坐既位置空間尚可，三、四人又得，兩人都得，不過多數都係食完就走，傾計不宜太大聲～～我地點左2款，「凍桂花蘋果雪梨糖水」同「熱腐竹蓮子薏米糖水」！因為老公唔太食芋圓，所以比左勁多我，本身一碗已經有10多粒，正😋凍熱芋圓真係有分別！凍既感覺較韌，熱食軟熟好多，整體煙韌程度都高，要有啲牙力咬下，鍾意有口感既朋友應該啱食。不過我個人就鍾意軟熟少少，但這個也不差三色芋圓既味道亦好鮮明，芋頭地瓜同埋紫薯味都食得出，唔會太甜，而且佢話係手工芋圓，粒粒都好四方，整體感覺很好。糖水味道還可，桂花糖水清新，不過糖漿味道重，腐竹則希身少少。…Read More

天氣凍突然好想打邊爐去左日日涮呢間去試食話說去到揀左$238果一款既牛小排放題+刺身；湯底揀左四川麻辣同壽喜燒，個人覺得四川麻辣味道係ok ge, 真的辣，但太油。而牛肉同刺身分別叫左3round, 3round 都係一致靚牛，刺身都係，可以睇相核對下😆加上都有牛味，不錯不錯：）唔似平時去既日x, 牛x, 牛xx果啲，會食第2，3round時明顯啲肉無咁靚同埋比較少。刺身係好味，仲係好味過本地某「高速」連鎖壽司店佢其他自助任食既類別其實有好多，仲有好多特別既熟食，但我太飽，無試太多～反而走左去試佢啲蛋糕，恕我唔識欣賞，唔食一啲都唔會浪費既。雪糕雪條方面只係雀巢公司，不過有啲特別款「紫糯米雪條」好似糖水既☺️都不錯果日係年初三，有位，坐既空間都唔錯，唔逼，可以三、五知己食飯暢談都ok:)話說都有個小插曲係我叫左湯底去等左十幾分鐘都未黎個鍋，但後來者已有鍋，有少少不爽，但叫侍應幫我追，佢立即在我面前call咪跟進，好快就有啦，真係覺得有人跟進！所以整體感覺良好，主要既牛雞豬同刺身都好味😋我估會再去食！…Read More

今次係第三次黎呢度食啦真心黎到觀塘區想食台灣菜的話只諗到春水堂同阿元。之前幾次都有食阿元魯肉飯，好味之餘唔算貴，不過今次我就無食啦。我集中食小吃！今次點了拼盤、香腸、肉鬆起司蛋餅、芋圓甜品、珍珠酥，同埋一杯珍珠奶茶走冰半糖。珍珠控既我真係咩都想試，珍珠酥啱啱整起熱辣辣，甜甜的不錯。芋圓就依然係好有咬口同大粒既，佢唔係太稔身，所以如果想有湯丸既口感就唔啱吃了。肉鬆起司蛋餅好味，加埋辣醬也好惹味。拼盤的量少了點，豆腐就好有口感，味道也好。香腸無台灣咁好味，但喺香港係食過比較好味既一間！今次因為點了很多小吃，所以也勁飽同貴貴地，不過想試咁多款就無計啦：）整體進食環境舒適，果日係聖誕假期但係都好多情侣去吃個下午茶，傾下計再出發行街也真的好不錯。下次會繼續黎，仲希望可以夜晚去試試啲鍋物🥰…Read More

今次係我第三次來吃這間店了第一次來是試業的階段，他們只提供午市，喜歡飲珍珠奶茶既我一定要入去試下食同飲。當時係可以有得叫台式飲品，揀了杯推薦既珍珠奶茶飲，包裝還靚靚的，飯後也會問問我們飯後的感想。雖然果次午餐唔太好味，但體諒佢係試業都接納佢，會再黎食：）第二次同朋友來午市點了花枝丸新竹米粉及養生的那款湯麵（名稱不記得了）那時開始已經表示茶飲與饍食部係分開，兩家餐廳來的。當然心裡也有點灰，無得在台式餐廳飲台式飲品。不過食物質素還可，就算了。今次我同老公二人午餐來，點了照燒雞扒太陽蛋水耕沙律菜同埋台式香腸肉燥飯。雞扒真的很油，沙律菜的份量也很少，吃完整體感覺就是「油」。香腸肉燥飯的豉油落了勁多，老公話好咸，埋單時餐廳又唔夠散紙找續，開業也接近半年吧，整體感覺很差。下次午飯真係唔想再黎啦。只好飲台式飲品好了。…Read More

與老公兩口子去了坑口順帶打算去支持小店才發現整個坑口大部分也是連鎖式的我們活在壟斷之下多久😢入到一間Beans, 很難得當時已經9:00還可以入內進食。點了「德國咸豬手」、「忌簾慢煮雞胸意粉」再加$25配了他們的homemade cake🤤兩個人食咸豬手都真係好飽，醬汁好好味慢煮雞胸都好好味，買相也很好，雞胸亦不會「鞋口」，佢既意粉配上了酸梅，整體配搭不錯👍🏻食完再上蛋糕，今天試既係「柚子蘋果芝士蛋糕」，樣貌成個雪山咁，好靚，吃下也有點芝麻味，蛋糕內又有蘋果肉，正正無失望😋仲有兩杯餐飲，點了一杯凍既蜂蜜檸檬較小，好快飲完咁，而我點既熱黑糖薑母就味道很好，不太甜，很健康室內環境寧靜，好適合情侶、朋友傾談食飯，服務態度也不錯，會再來的😊今餐吃了$3xx，2人食咸豬手我又覺得算抵食。…Read More

今日與老公二人到金樂軒晚飯兩個人就只挑選了小菜，怕吃不下。揀了「水煮安格斯牛肉」「金銀蛋皇帝菜」和「一碗白飯」兩碟都好大碟，所以好夠食。這店其實較多人食雞煲，魚煲，不過我就比較喜歡水煮，今次試的安格斯牛肉好有牛味，不過始終不能浸太耐，所以不太入味，下次還是挑選牛肉好了。老公比較喜歡金銀蛋皇帝菜，覺得味道很好，連湯也想飲哈哈。整體食飯環境尚可，清潔也可以。三五成群來吃就可以多挑幾個餸菜分享，有大排檔的感覺。如果想要靜靜地傾計就難講，視乎當日吃飯的客人了（剛好我吃飯時有大聲阿叔講左好耐電話）晚飯結賬$21x，份量也ok，所以日後有機會也會再去的：）…Read More