ConnieChan7697's Profile

見咁多好評特登去試，又日本過江龍又剩，講到好似好正咁，結果係中大伏！忍唔住即刻要打篇食評提醒其他人唔好中伏！叫左兩碗唔同款，一碗牛腸韭菜煮個拉麵（冬天限定），一碗特製背脂煮干拉麵，有個共通點，就係咸到嘔！究竟廚師自己有冇試過味？定係味覺有問題？除左咸，仲非常油膩，而且因為碗麵唔夠熱，食落去既感覺係成口油！最後，食左半碗都冇，成1舊水一碗本來都唔想浪費，但真係 太 難 食，頂 唔 順！真心懷疑咁多好評點黎真心想知日本店係咪都係咁難食…Read More

見咁多好評，放工經過試下買番屋企，點知中晒伏，毫無可取之處點餐：OpenRice 顯示有八達通付款，點知去到職員話壞機，咁岩我又唔夠現金結果要特登行去㩒錢環境：冷氣完全唔夠，等餐過程超熱食物更加冇樣好食口水雞：第一次食口水雞個汁係冇味，雞仲要有雪味！酸辣湯：過酸但唔辣，超稀超小料，衰過即食湯包小籠包：不過不失酒釀丸子：丸子太軟又鬆散真係唔知d好評邊度黎🤷🏿‍♀️明明肚餓都食唔晒餐飯，因為真係太難食…Read More

見到新開冰室，lunch time 經過諗住試下結論係貼錢買難受，員工態度極惡劣事緣叫左個午餐+熱飲，打出黎張單係散叫兩樣野既價錢，我向一名帶眼鏡女職員查詢，佢態度十分惡劣，對話如下佢：張單有咩問題，熱飲係要加錢架wor我：首先呢度寫午餐 $58, 然後午餐常餐送熱飲之後佢同另一位職員講：喂你同佢解釋下，佢話貴左果幾蚊wor, 講極都唔明之後另一位職員話佢打錯左張單，幾午餐入左做單點，話會幫我改番，拎走左張單隔左一陣果位態度惡劣既職員拎番同一張單黎，我問佢點解未改，佢話張單改唔改唔關事，比錢唔係呢個數，點知再隔左陣有另一名職員發現未改就拎番去改食物質素黎講，平平常常冇咩特別，不過加埋咁既態度就冇必要去囉我曾經係餐廳fb page 留言反映結果就del 左comment, 哈哈！有咁優秀既員工再加咁既生意手法，我真係祝貴店生意興隆啊…Read More

見到咁多好評去試，結果係我從來冇食過咁難食既車仔麵兩個人叫左兩碗3餸麵，係 冇 樣 野 好 食雞翼又乾又硬豬腸冇味又煲到太淋牛腩又係勁乾勁硬墨魚春卷，正常囉蛋，正常冇咩味湯底淡而冇味麵太淋最犀利係 連杯檸檬茶都可以難飲😵一d茶味都冇真心懷疑之前既食評既真確性…Read More

金鳳一直係童年回憶，今日去開荔枝角知道有分店滿心期待咁去，結果換來一肚氣同失望服務態度：去到有幾個人排緊隊，當時只係8:45pm, 員工竟然話9點半要截單，等到就等，唔一定入到，一副唔想做既態度，不過當時其實都係等3張飛，所以照等入座時間係9點正，餐牌都未拎比我就催落單強調9點半要截，大拿拿仲有半個鐘！同埋你唔比餐牌我我點落單呀？到想落單，叫極都冇人應，有個男員工仲要落落下走左去再換個人黎上菜，叫左5成熟鐵板上，黎果陣係碟上，叫佢換番，黎到起碼8成熟囉餐包又硬又凍，扒過熟，羅宋湯似罐頭湯完全冇樣野得👎🏿咁既食物質素再加咁既服務態度真係唔會有下次，貼錢買難受我唔知係餐廳退步定個別分店問題但呢間野真係好趕客囉，童年回憶都破壞埋…Read More

對上一次黎已經係上年，印象唔錯，座無虛席而且食物水準頗高今次係補祝母親節，媽媽指名想去呢間，結果係令大家都好失望去到已經出奇點解星期日晚一半人都冇，但食完飯就知點解首先餐牌上有好多item 都係冇既，選擇少，然後大部分既野都 好 難 食！由其係個三杯醉雞，d肉係「霉」而且有怪味，全台人都覺得有問題，我地告侍應反映，佢話「要研究下」，然後隔左陣番黎話「碟野冇問題，係咁架，一係換過第二樣比你」之後換左碟豬手，冇咩特別，都係唔好食仲有叫左個煎蘿蔔糕，係凍架！而且太多粉，口感極差兼完全食唔到蘿蔔而家飲食業兢爭咁大，真係難怪佢冇咩生意， 水準退步左咁多，真係唔洗再有下次…Read More

疫情下既平日兩點去都要排隊，係一間人氣高既餐廳，但排隊都值得！馬來喇沙，食左幾啖先記得影，酸酸辣辣好開胃，好好味，同係馬來西亞食到既味一樣咖哩雞飯，好好味，飯有好香既班蘭味，側邊d醬好惹味，炸魚仔好香好好餸飯！班蘭椰汁冰同話梅柑桔蜜，都好好味！特別係班蘭椰汁冰，班蘭味極香，鐘意班蘭既必試值得一讚，呢間小店做足衛生措施，每張店都要膠片隔住，好令人放心，店員都好有禮貌！一定會再去，多多支持香港人既良心小店…Read More

疫情期間好多店都好冷清，唯獨呢間仍然咁旺場，仲要排左一個鐘，但試完就會知原因，而且覺得排隊都值得！首先欣賞既係即使間鋪咁多人咁滿，店員態度都保持得好好，笑容滿面仲好有禮貌而且效率好高，野食黎得好快，加單同叫加水都好快食物方面，叫左饅魚飯同黑松露吉列牛饅魚冇骨，好好食黑松露吉列牛更加係驚喜，開頭都諗又松露又吉列會唔會太膩，結果係好夾！而且一d都唔會覺油膩，超好味！呢個價錢有呢個質素，完全係驚喜，一定會再去…Read More

第一次去，亦會係最後一次價錢便宜但食物質素同態度都差叫左兩個下午茶餐，一個星洲炒米，完全冇咖哩味一個餐可以揀3款，叫左西多，火腿卷同漢堡扒首先已經等左好耐，一黎到，漢堡扒變左薯條，同落單既阿姐講錯左，佢唔認，話要拎番寫果張單睇，睇完，真係佢落錯左，就話：不如算啦你食呢個啦錯就係錯架啦，咁都得？！ 講左我唔想食薯條，唔肯換，咁既服務態度都得，好野講番野食，西多同火腿卷都極油膩，仲話火腿卷係招牌菜，真係笑左出黎，招牌菜都咁難食，而黎錯左迫我地要既薯條，炸得極燶咁既餐廳真係一次夠晒…Read More

同客食飯，好差既experience，如果係business lunch 千其唔好去首先，訂左位都要去到等15分鐘，仲要係企係門口等架，咁樣一開始印象已經好差，咁訂位既意義係邊度？浪費我時間仲令到我個客都晒時間一齊等另外，員工態度惡劣，黑口黑面，講野冇尾音，叫佢地拎多份餐具黎都要催幾次，見到佢地既面口食飯都唔開胃環境黎講，都幾嘈，唔係好傾到計，食物質素平平冇咩特別，但係就唔平囉，平均消費400左右，食得唔開心就貼錢買難受冇下次…Read More

One of our favourite restaurant. Steak is outstanding除左食物質素好，環境也很不錯，牛扒刀，鹽同醬汁都好fancy另外想讚下餐廳員工，好細心好helpful仲好好笑容，特別係Tiffany:)令我地呢個anniversary dinner 好開心…Read More

一向支持有誠意既小店，一向鐘意食all day breakfast, 所以都幫襯過呢間餐廳好多次食物同咖啡都不錯，但今日發生左一件事令我覺得呢間餐廳處理手法好有問題，所以唔會再光顧話說我地一坐低，店員就拎左一張單出黎，話兩星期前我地去過冇找數，問我地有冇印象，張單上既item係我地每次都叫的，但我地冇印象冇找數，因為佢地早餐時間係先比錢後用餐的，店員就話我地光顧時間係12點，午餐時間佢地係先用餐後找數，事實上我地唔可能記得兩星期既事，但如果我地有走數係唔會再去果間餐廳啦之間餐廳老闆走左出黎，好大聲話好肯定張單係我地既，肯定我地冇找數，當時餐廳係好多人，全部人一齊望過黎，感覺記係要我地尷尬，要用群眾壓力迫我地比錢，我見佢地店內有CCTV, 問佢地會唔會睇番CCTV去証實我地有冇比錢，佢聲稱兩星期既片段睇唔番即係咁，早餐同午餐比錢方法唔同，會好易引起混亂，如果我地果次真係唔記得比錢，我係好樂意去比番，但佢一口咬定，又唔肯展示CCTV片段，仲要咁大聲去令全部人望住我地令我地尷尬，用群眾壓力去迫我地找一張單，食餐飯都食得唔開心，咁樣既處理手法係好有問題利申：老公最後怕尷尬又唔想大家難做，係有找左張單息事寧人，我地食完飯亦有向佢地反映呢件事處理不當既地方，但我地以後都唔會再幫襯處理手法同態度咁惡劣既餐廳…Read More

一向好欣賞呢度既班蘭撻，果日想買，個櫃唔見有，咁我就問有冇啦，個大媽勁串咁答：你見到呢度有咩？我問出爐等幾耐，佢答：總之而家冇真係唔該晒，態度咁惡劣，以後唔會幫襯，垃圾…Read More

我住新蒲崗，所以之前經常幫襯食物不過不失，服務態度一般，但想食清淡小小黎講，呢個都係其中一個選擇直到今日，以後唔會再去話說兩點半有下午茶餐，比午餐抵好多，我入到去落單一個貌似老闆既人同我講未夠鐘，我望一望電話，2:28pm, 差兩分鐘叫坐陣再落單都得，佢竟然叫我出番去等夠鐘先入番黎，當時成間鋪得兩個客，唔存在唔夠位既問題，覺得佢係玩野唔想做生意一間鋪頭咁既態度對客，毫無可取之處，加上同區其實選擇好多，以後絕對唔會幫襯！…Read More