行過九龍城見到間舖頭名好得意，以為佢撻Q嘅意思係有機會唔好食，試過兩次午餐一次晚餐完全冇撻Q，食得出廚師好有心創造食物，價錢合宜材料不錯，正所謂性價比高，燉湯一流，食完唔口渴，應該冇味精，非常適合我這些無飯主婦，媲美私房菜，值得返轉頭。雖然舖頭裝修一般，但衛生都幾好，有伯爵茶飲自助的，晚餐嗰隻雞好好味，個汁好特別，隻雞好滑，我唔記得叫咩名，好食到唔記得影相，咕嚕肉皮脆肉嫩菠蘿有燒過好甜，牛肉好味道又夠腍，海鮮雜菜配合好好味。午餐食豬軟骨啲骨真係好軟熟，不禁食晒成碟豬軟骨調得好好味。…Read More
