MYYY's Profile

食左好多年既La Bon由未搬時的灣仔La Bon食到搬左黎西環最欣賞係佢既豬柳扒同心太軟 每次必點廚師煎到個豬柳扒個皮好脆 入面脂肪同肉比例岩岩好仲可以間幾多成熟不足十分鐘已比我KO哂另外老公點左個牛扒我地嗌左7成熟水準依然不過個人覺得豬柳扒比較有驚喜多D餐前有個南瓜湯同2款面包一個係蒜茸法包 另一款係甜包但唔記得影相...蒜茸包要讚 因為做得好出色好好食！之後我地仲叫左個芝士黑松露薯條味道幾好 有好重既黑松露味 芝士唔會好咸 不過個人更喜歡粗薯條多D因為有口感多D黎到重頭戲..就係每次黎到La Bon都會必點既心 太 軟！！！好中意佢個心太軟配雪糕一D都唔Hea 佢係用比利時朱古力整雪糕唔係D大牌子撻上去就算（因為我個心太軟寫左字，所以雪糕另上）而係自制既雲厘娜芭菲 有圖有真相食左甘多年La Bon係因為佢性價比真係好高食左4樣野埋單都係400幾蚊最重要係keep到水準問過老闆娘點解灣仔個位甘旺要搬佢話都係加租問題所以搬左黎西環希望佢地繼續做得住 保持一貫水準我會繼續返黎食佢個心太軟同豬柳扒…Read More

葵青區的朋友~想係荃灣區搵間可以坐得靜靜的CAFE食到高質素的西餐小店 而價錢OK 的確唔多打開OPENRICE 見到呢間新開的小店決定同朋友一試!因為BOOK左位~所以去到不用等位一入到去 雖然店舖不大  但裝飾好精緻簡潔調味瓶都一絲不苟!好特別呢~(店鋪內有提供售賣調味瓶)我地叫左- 白酒煮沙白蜆- 卡邦尼意粉-  磨菇軍艦-  雪糕雞蛋仔-  藍莓乳酸特飲想重點推介下面2樣~~~白酒煮沙白蜆 ($98)佢呢個蜆唔同平時出街食個D好水~好淡個D蜆其實佢一上到台既時候都幾有驚喜因為佢真材實料, 好多洋蔥粒, 同埋呢個價錢食到呢個份量既蜆同埋味道好濃味~一個簡單的蜆 佢真係煮得好好食!-  藍莓乳酸特飲 (跟餐加錢半價)老闆推介女士們多數間呢隻藍莓味甜甜的香香的(因為個調味瓶太吸睛~~所以曝光率好高XD)個人覺得佢有點似smoothie但唔係冰個種~有點像smoothie X 奶昔甜度剛好~~好快就比我飲哂我係西環某CAFE飲過同樣既飲品, 但價錢貴成倍....下次一定要試埋其他味道!!!!!!!!!!!!老闆好親民~對我地有講有笑雖然鋪頭唔算大 員工唔算多但佢既食物質素都KEEP得幾高黎開荃灣區既朋友如果想坐得舒服一點 又想食西餐 又唔想太嘈我幾推薦佢~良心小店!!…Read More

為左呢間餐廳 第一次寫食評因為廣告效應 所以都想試下呢間野係咪傳說中甘好食第一首先去到 先排1小時比飛個個人雖然係有順序派飛但唔係順序入場我見到有個渣30幾號既飛 chur左個韓國人幾次就比佢入先坐左係度個幾個20號飛既人 就完全比人ignored我係40幾號飛 甘我又學下chur左個韓國人幾次 又可以入先基本上我應該係早過一d前飛過我既人安排到位食野簡單d講 無論係派飛同安排位食野係亂甘黎!補充...遲我半個鐘黎既人已經要排到2個鐘之後先食得...第二 並非人地講得甘抵食 普通價錢一個鍋78蚊1個人 加一個公仔面 25蚊再加一個配菜 18蚊加多一個芝士炒飯 35蚊1個人普通食都要150蚊到味道一般 係普通韓國醬既味2個人食埋單300幾同TST好食d既部隊鍋係一樣價錢地方唔係想像中餐廳既格局係快餐店既feel第三員工好冇禮貌 明明係食完個鍋先送芝士飯黎我地未食完 佢已經想收左個鍋我地話 野都未食完 仲咩甘快送個飯黎?之後佢過多陣dump低個飯係鍋隔離完全無視我地......隔離個台仲慘 成個飯彭一聲dump係台面勁冇禮貌另外 我地叫左部隊鍋(有腸仔個隻)但係我地個鍋冇腸仔 就問佢地佢地回覆係甘講午餐肉午餐肉 好似問非所答甘...第四單計錯數2罐飲品計左4罐記住要check單...呢間野...好似咩都亂甘黎甘由囉位..去到上鍋..比錢都有問題可能人太多掛 又係韓國人溝通唔到唔會再有下一次!…Read More

好友介紹。所以特意去試一試但一D都唔好味。得個淡字..唔明D人點解大讚好食..所謂的小窩米線只得幾條韭菜同小小內碎酸菜小兼一D都唔好食!!!!!!!!!!!!!!!!!!!!!湯淡。咩味道都冇。感覺上完全唔係一碗小窩米線真係好難食!D人服務態度仲好差。拉你入去唔知想點冇錯..24蚊呢個價錢選擇仲可以好多唔會再有下一次機會去食。…Read More