Tsz King 2000's Profile

位於海港城的粤藝館， 供應正宗嘅廣東料理，同一班屋企人一齊去飲茶就最啱。 喺openrice網上預訂更加可以享有85折優惠， 平時做埋網上平台會員更加可以儲分同生日折扣， 絕對可以食得更抵。 晏晝飲茶座無虛席， 熱鬧非常。 午市嘅點心有好多唔同選擇都有好多好吸引嘅小菜同埋炒粉麵飯， 真係睇到花多眼亂。 除咗散叫亦都可以嗌套餐而會員更加有高達七折優惠夠曬抵食。 今次我哋就買咗佢哋好出名嘅安格斯炒飯仲有藤椒乾蔥雪花牛肉煲， 當然亦都有唔少好吸引嘅點心啦。…Read More

其實呢一間位於山林道嘅星洲菜餐廳, 都已經開咗一段時間不過好嘅係長期人客都唔多。有一日經過附近, 見到完全唔需要等位, 因為一個人都冇, 門口貼著一啲雜誌嘅介紹, 就即管畀一次機會佢試下啦。 淨係睇餐牌的話, 正常人都會覺得唔會有問題啩 。只可惜事與願違咗。 我哋今次叫咗招牌嘅海南雞飯同埋另一個穩陣之選嘅巴東牛肉。 海南雞飯真心差過任何一間快餐店, 雞肉凍冰冰似係喺啱啱拎出嚟雞, 冇雞味都算數。 三款醬汁, 豉油有豉油味 , 辣椒醬只係一般樽裝辣椒醬貨色, 好難差得去邊嘅薑蓉竟然完全冇薑味 。雞油飯 只見油而不見香味, 但係一份海南雞飯竟然要90蚊有多, 真係嚇親人 。至於巴東牛肉, 唔辣就算數。唔知廚師加咗啲乜嘢古怪嘅香料, 掩蓋咗巴東牛肉應有嘅味道。 唔知係唔係因為牛肉唔夠新鮮, 所以要用香料掩蓋唔新鮮嘅味道, 但係都要七八十蚊一份 。結果兩個人食兩個主菜竟然食唔曬。 難怪呢一間星洲菜餐廳長久以來門堪羅雀。…Read More

麻辣湯底日式拉麵鬼金棒絕對是 signature。只可惜事隔一年再品嚐 ,似乎味道比以往退步了一點 。芫茜麻辣湯底芫茜非常足料, 所以湯底非常香, 只可惜特製麻辣湯底就略為失色, 選擇了中麻中辣 ,麻辣程度強差人意。 拉麵的豚肉肥膏太多 ,同樣有改善空間。拉麵麵質就一如以往, 不過不失。 餐廳唯一值得一讚嘅就係提供免費圍裙, 咁就可以防止, 湯汁會彈污糟件衫啦。而且是日沾麵和拌麵 同樣沽清, 變相選擇很少 。畢竟餐廳的湯麵其實味道非常相似, 缺少了沾麵和湯麵的選擇實在失色。…Read More

這一間位於船街的 fusion料理實在非常有驚喜, 餐廳位置比較隱蔽, 都要少少時間先至搵得到 。餐廳由前菜到甜品都非常有創意非常有特色 ,不論是大閘蟹意大利飯還是腐乳羊扒, 到是創意之作, 值得一試 。而且經openrice網上訂位更加可以享有免費飲品。 晚餐時段和一班朋友品嚐 ,價錢唔貴, 又可以品嚐, 創意 fusion料理,更加可以免費飲返一杯, 如果四個人的話餐廳更加係送一支紅酒或者白酒， 質素仲要唔錯嘅添,絕對值得推薦。…Read More

這一間鞍下熟成肉算是在尖沙咀價廉物美的燒肉店,。剛剛開業的時候, 午市套餐價格更平, 而且供應頂級A5薩摩牛, 雖然份量並不算太大。最近價格略為調整, 但午餐食抵食蔥油慢煮 A5和牛橫隔膜保持一貫水準, 可是是日限定燒肉套餐已經取消 ,否則就是必點選項 。午餐時段更加可以用七折價錢選擇其他單點燒肉, 整體消費並不貴, 但食物有質素, 絕對值得再試。其他五餐選項包括A5和牛扒 ,質素也非常有保證 。餐廳服務水準也絕對是五星級, 店員願意和你詳細解釋 各式各樣的和牛部位, 讓您可以對所點的菜式有更深入了解。…Read More

這間主打鐵板燒的餐廳, 午市也同時供應釜飯 。雖然價錢並不便宜, 但午市套餐非常豐富 ,尤其是釜飯更加值得推薦。 今次品嚐了蟹籽蟹肉蟹膏飯, 這個釜飯份量一點也不少, 而且蟹肉非常豐富, 更加擁有濃郁的黑松露香味。 雖然午餐要180元一位, 但以如此得到絕對抵食。另一個餐就選擇了赤雞配帆立貝刺身,  180元 的價錢就可以品嚐到廚師即席為你烹調的鐵板燒, 性價比實在非常高 ,而且餐廳服務質素也非常好 。…Read More

這一間位於灣仔的法國小餐廳, 價錢一點也不便宜, 但食物質素實在讓人意外。很難相信午餐平均消費要接近200元卻換來如此質素的食物 。三道菜午餐加一前要 168至178元, 沙律和餐湯正正常常, 但主菜實在難食得要救命 。其中一個原因可能是廚師將鹽和糖調轉, 結果不論是油封鴨比還是孜然煎羊扒醬汁同樣甜得似蜜糖 , 恐怕要走汁會正常一點。 但可惜油封鴨腿就算酒汁也絕不合格, 因為正常的油封鴨腿應該會有煎得香脆的外皮, 但今次的油封鴨腿卻似水煮鴨腿, 外皮一點也不脆, 鴨肉也非常乾身, 完全不合格。 至於跟餐的可麗餅也令人非常失望, 可麗餅恐怕已經煮好了一段時間, 然後凍冰冰冰放 餐碟上面, 吃的時候感覺像在吃紙皮多於可麗餅 。每人要200元的午市套餐竟然有如此質素 ,實在令人失望。…Read More

今年香港美酒佳餚巡禮改變了玩法 ，改為各家餐廳酒吧供應雞尾酒或美食。 本來這個安排希望各家餐廳能夠為食客提供良好的品味體驗，只可惜部分餐廳例如 The Dispensary 即使已參加今次活動， 卻拒絕擁有是次活動門券的客人到餐廳品嚐美酒美食。是日到達 The Dispensary, 餐廳女店員截然表示她們沒有參加 wine and dine , 拒絕客人入內， 即使客人問清楚將餐廳參加計劃的資料在手機上顯示。 其實部分餐廳不願意提供優惠 並不出奇不願意參加計劃的，大可以選擇拒絕参加wine and dine ,而不是在參加了計劃之後 ,無禮地將客人拒諸門外, 更家用謊言掩蓋自己的無禮。…Read More

這一間位於蘇豪區的日本涮涮鍋店, 門面的確非常吸引, 只可惜 物質素和份量卻是令人失望 。平日的午市套餐每人收費, 大概要三百元, 每個套餐只有120克的肉類, 份量的確很少,  就算是套餐的蔬菜也不見得特別豐富。 至於涮涮鍋的湯底嚴格上只是清水, 無論是品嚐豬肉牛肉還是蔬菜也吃不到什麼味道可言 。來自九州的豬肉味道還算不錯, 只可惜A4和牛 質素就不敢恭維 ,完全沒有A4和牛應有的肥美, 全部都是薄薄一片, 坦白說吃完之後毫無感覺可言。就算是同行女士竟然進食之後也覺得未夠飽, 如此價錢品嚐, 如此質素的食物 ,未免過份昂貴吧 。難怪為何全個下午只有一台客人。…Read More

為了慶祝生日, 今次選擇了匯豐卓越理財信用卡有買一送一優惠的這一間Radical Chic。用過匯豐這個優惠, 不論是文華東方酒店的幾間星級餐廳還是其他西餐廳, 全部都非常好食抵食好似。即使這一間Radical Chic在openrice食評有一點參差, 也給他一次機會吧 。想不到這是第一次, 也是最後一次去這間餐廳進餐了。餐廳六道菜晚餐每人一千五百八十元, 以這間餐廳 的食物, 環境和服務來說, 絕對是非常昂貴。雖然餐廳位於環球貿易廣場101樓, 但由於餐廳坐向北, 故此只能夠欣賞油麻地避風塘一帶景觀, 而不是最漂亮的維多利亞港海景 。而且玻璃窗因為溫差問題故此 有水氣, 景色只是灰濛濛一片 , 非常失望。餐廳的裝修偏向簡單, 靠近窗邊位置坐位更非常狹窄, 絕對不是高級餐廳應有的格局。說到食物六道菜式, 全部都令人非常失望 。就以免費供應的麵包為例 ,通常一間餐廳的質素可以從麵包 一窺全豹。 當餐廳供應的麵包只有中下價連鎖麵包店的質素, 可想而知餐廳質素高極有限。 可憐的是全晚最好吃的就是免費奉送的前菜 。第一道菜紅蝦沙律, 紅蝦比起女士的手指尾更要細小, 大家只能淺嚐 。第二道菜龍蝦雲吞配蕃茄清湯味道只能夠說中規中矩。第三道的一道撻, 味道正常, 絕對稱不上好吃, 何況更是用最普通的材料製作。第四道菜扁豆意大利飯, 意大利飯做得夠硬身, 只可惜沒什麼味道可言, 也許因為整個意大利飯只是用上扁豆去製作。主菜的吞拿魚還可以吧。但是要額外附加398元的 和牛, 不但份量少得可憐, 而且廚師竟然不懂得掌握合適火候, 竟然連什麼是medium rare也掌握不到, 絕對令人非常非常失望。398元一小塊的和牛實在極不合理 。最後的甜品雪糕有雪糕味, 亦只得如此。最後埋單兩個人用了買一送一優惠竟然也要2100多元, 而且餐廳侍應在用餐最後一段時間只顧著準備收工, 就連想埋單也要三催四請。 如此的食物質素, 如此的餐廳環境, 如此的服務質素; 就算是用買一送一價錢也覺得貴得非常不合理。如果是正價的話, 恐怕我會大叫回水。 這一間餐廳不可一不可再, 肯定不會再有下次。…Read More

位於四季酒店大堂的 The Lounge,相信大部分人都是為了下午茶而來。但其實亞洲萬里通客戶可以用里數換購午市套餐 ,亦想不到午市套餐質素比預期要好。套餐共有三道菜, 餐前亦有麵包籃供應。 前菜最推薦一定是經典洋蔥湯, 質素絕對屬於數一數二, 絕對是這個套餐必點菜色。 至於另一道前菜拼盤就不過不失主菜, 烤牛肉質素中規中矩; 馬沙拉咖哩配香料飯可以一試 。至於甜品草莓奶凍份量意想不到地大, 還配上餐飲, 可以選擇各式各樣咖啡 。能夠在六星級酒店環境享用一頓午餐, 實在是一個美好的體驗。…Read More

旺角俾好多人嘅感覺就係冇乜好嘢食。 的確, 當年學生時代冇乜錢, 係會喺旺角食平靚正餐廳嘅。當然呢啲餐廳唔見得大場面, 只係能夠畀我喺荷包肝硬化嘅情況下有好少少嘅食物落肚。 不過申子居酒屋就徹徹底底改變咗我對旺角嘅睇法。旺角就算係大商場始終,比起銅鑼灣或者尖沙咀嘅都要低一個層次, 亦只有一間大規模小小嘅酒店。 想喺旺角搵好嘢食, 可以話係十級難。 位於旺角黑布街嘅申子居酒屋, 基本上冇一日唔需要排隊等位, 所以拖拖拉拉過咗好一段時間, 我先有機會去到品嚐。申子居酒屋主打嘅就係燒物, 所以今次燒物亦係我嘅主打。午市套餐我嗌咗一份網燒西冷丼同埋鹽燒豚肉丼, 再加一份厚燒牛舌芯。花之戀就係打卡送嘅小食, 不過不失啦。 燒牛舌芯份量未免細咗少少, 雖然味道的確唔錯, 而且柚子芥末醬亦都好好食。 如果要嗌, 相信嗌貴20蚊嘅正常分量會抵食啲。網燒西冷牛扒丼, 西冷牛扒燒到 medium rare ,口感唔錯, 亦夠牛味。 不過我更加鍾意嘅就係鹽燒豚肉丼, 豚肉燒到卜卜脆好香口, 而且仲保留好多肉汁, 再加上飯上面嘅溫泉蛋 同埋洋蔥粒, 呢個簡直就係日式嘅黯然銷魂飯。雖然定食定價唔平 ,不過質素決定一切。呢個質素日式丼, 並唔係某啲連鎖丼飯食堂能夠提供到嘅。 呢個鹽燒豚肉丼飯, 簡直就係成餐飯中嘅靈魂。難怪呢間餐廳長年累月都要排隊先至有得食。不過排隊嘅時間, 我會話值得等。…Read More

希慎廣場找到這間中日fusion餐廳, 由於不需要等位, 姑且一試吧 ! 餐廳價格看似便宜, 而且食物選擇算多, 就是吸引我進來的原因。只可惜發現事與願違。首先, 食物的分量 比正常餐廳大概細三分之一, 換句話說看似合理的價格, 其實比想像要貴。就以糖醋骨為例, 盛惠72元, 但只有十多粒骨比肉更要多的排骨, 每粒排骨的份量就像小雲吞一樣的細。 飯麵比較好一點, 但也比想像中細了一個碼。 最正常應該算是餐廳的小籠包, 還真的是正常小籠包大細。但最令人失望的當然就是餐廳的服務。 Lee Gardnes會員本來可以享有正價餐牌 9折和酒精類飲品買一送一的優惠, 但餐廳卻選擇搬龍門表示, 只有在下午茶時段才有這個優惠, 但Lee Garden Apps卻沒有相關條款, 換句話說對於優惠餐廳龍門任你擺。 最令人失望的就是餐廳員工非常心急 ,就算我們還未有吃完一碟餸也要趕著取走。 第一次就是在我的啤酒上有四分之一在杯中的時候已經急不及待拿走了。 然後 去到每一碟小菜和蒸飯, 明明有三份一至四分一還未吃完,所有侍應一句也不會向食客查問就急急打算收走枱上還未吃完的食物。 結果我們一次又一次需要制止他們如此無禮的安排。 就算在茶餐廳我也未經歷過如此差劣的安。排 餐廳的員工最少也應該向客人多問一句是否可以收走枱面的碗碟吧! 最後埋單大概每人要二三百元但餐廳的服務質素 實在令人失望, 也絕對不值得這個價錢。…Read More

一間所謂嘅米芝蓮一星級餐廳, 竟然煮得難食過屋企自己煮 ,果然係奇蹟 。食材差 、調味曳、分量細,三個失敗嘅成份, 竟然一次過齊集, 再加上米芝蓮星級價錢, 呢間餐廳絕對係經典中嘅經典。前菜烤蘑菇 ,上枱嘅時候變咗烤金菇 。如果唔係有辣醬呢碟烤金菇應該有我中學時候 BBQ 整出嚟嘅質素。西班牙紅蝦燉只食到蝦嘅腥味, 而唔係應有嘅鮮味, 老實講我只係食到一啖就放棄咗。 自家製意粉配黑松露, 無論係意粉、醬汁定係黑松露,竟然一齊冇味,如此質素食材 ,真係喺邊度搵呀 。如果閣下想貼錢買難受, 呢間餐廳絕對適合你。…Read More

貴為米芝蓮一星級餐廳, 良好的顧客服務是必須, 但 Akrame 的服務態度明顯不符合米芝蓮一星的質素。 本人在十月中經餐廳的官網預訂11月某星期六的週年慶祝晚餐,  在預約時已經清楚表明會使用匯豐信用卡的優惠 ,餐廳亦在一星期後以電郵回覆確認了本人的預約。 在隨後的時間, 本人亦向餐廳最少兩次查問當天的晚餐是否可以使用這項優惠, 而根據餐廳最少兩次電郵的回覆, 當天優惠適用。 本人亦根據餐廳的指示, 在星期五存入1000港元作為訂金, 並在 星期五晚上獲餐廳再次確認訂座。 但在星期六的中午十二時, 餐廳突然致電表示, 他們決定臨時更改 當晚的餐單, 故此信用卡優惠不再適用, 已繳交的訂金只可以稍後透過銀行轉帳發還, 並不可以以現金退還。 我們已經清楚向他們表示, 當天的晚餐的目的, 要在幾小時內重新找另一間優質餐廳去慶祝週年紀念日是多麼的困難, 況且 我們當天下午也有其他的活動需要進行 。 Akrame不但沒有為我們提出其他解決方案, 跟我們電話聯絡的時候亦沒有顯示丁點兒的歉意, 彷彿他們 一直不認為自己有錯。 我們當然明白餐廳會有不同理由去更改餐單, 故此 我們在預約的時候已經多次查詢預約詳情, 包括是否可以使用匯豐銀行信用卡的優惠, 並得到餐廳最少兩次在電郵內的確認。 假如餐廳, 在當天不能提供 有關餐單和優惠, 好應該早一點聯絡我們, 讓我們能夠有足夠時間預約另一家餐廳慶祝, 亦不需要我們付出訂金, 然後再安排退款, 費事失時。 作為一間米芝蓮一星級餐廳, Akrame 應該以客為尊, 盡最大努力讓客人有良好的體驗。可惜這家餐廳完全不能夠表現出米芝蓮一星級應有的質素 。  如此的客戶服務, 別說是米芝蓮一星級, 就算是米芝蓮推介他們也不入流。…Read More