fung yeh's Profile

在第一城商場開咗一間頗有人氣嘅火鍋店，其賣點是經濟實惠，一人一鍋，坐得舒服，食得舒適。一入席已定咗離開時限，自助落單，並即時付款，食完馬上離開，所以流轉量算快。有肉有蔬菜，份量合理。套餐包埋鍋底及飯，衹需午餐嘅價錢，食得飽，味道滿意，性價比高。肉嘅質素可接受，最平嘅牛肉同豬肉都唔算差，我就覺得牛肉較佳，下次可點價格貴些嘅肉類。湯底亦唔錯，壽喜燒火鍋夠濃，昆布火鍋夠清甜，各具特色。仲有其他火鍋湯底可供選擇。其實，食間茶餐廳都係咁嘅收費，所以必定會再光顧。…Read More

河畔茶餐廳超多，但衹有一間門面特別光鮮，食得較為高級嘅西餐廳，自然吸引唔少捧場客。其實真係冇乜特別，只係附近冇乜同類型嘅西餐廳去競爭。小龍蝦唔太新鮮，但欣賞其龍蝦即時烤煮，味道還可以。海鮮湯飯濃湯超濃，但食完超口乾。配料的海鮮有魷魚、蝦、青口及蜆，食唔到雪藏味，口感亦唔差，算合格。其他則應有盡有，餐湯、蒜蓉包及餐飲全齊，一定食到你超飽，價格算合理。但環境一般，枱有點細，坐得又迫。衹是茶餐廳嘅服務質素，點解要收加一服務費？…Read More

經常光顧嘅一間酒樓，套餐十分優惠，燒鵝、椒鹽蝦配蒸魚，足夠2-3人享用。燒鵝很入味，但皮又點硬。椒鹽蝦炒得唔夠乾身，蝦亦唔算新鮮彈牙。蒸魚蒸得剛剛好，無可挑剔。另外每枱還可點特惠小菜，眼見台台都叫冬瓜盅，我哋當然都唔會放過啦。冬瓜盅超大份，配料多，夠火候，足夠四人享用，整個冬瓜食完都飽啦。之前食開阿拉斯加長腳蟹，等價格再平多少少，才叫只五斤左右來清蒸，再回味一番。服務及環境中規中矩，味道唔算超班，但經濟實惠，當然會繼續光顧。推介：蒸魚、冬瓜盅、阿拉斯加蟹…Read More

在荃灣經營咗咁耐，在咁多競爭下，仍然屹立不倒，仲可以開分店，當年有其優勝之處。來得該店，當然唔係食環境及服務，但亦唔會太差。客人主要是一家大細，收費算合理。不過電子支付全部壞咗，要用現金付款，就造成一些麻煩啦。冬蔭功及炸蠔餅味道一般，雞翼有雪藏味，但咖哩配蒜蓉包味道幾夾，小炒亦屬唔錯。鹽焗馬友肉質超滑，必點之選。贈送的甜品超甜，唔太健康。雖然每碟都唔算大份，但配埋白飯，都食得幾飽。推介：鹽焗馬友、蒜蓉包…Read More

午市自助餐，下午3:15分至5:15分，地方很大，但張枱太細，想放多碟都有困難。食物選擇多，服務員態度好，執碟亦快。食物方面，對比其他自助餐，這間都有唔少出色嘅地方。必食之選，當然是燒味及海南雞，肉質超嫩多汁。另外，用碎冰託碗底，再將刺身放在上面，十分有誠意。蝦蒸荷葉飯亦做得出面，蝦米夠香，鮮蝦亦爽口，飯亦唔會爛，值得推介。其他食物就唔算突出，其推介的麵包蟹，味道一般，食得比較麻煩，我寧願食長腳蟹多些。臨走前，巳見食市將晚市用嘅生蠔及長腳蟹預備好，其長腳蟹腳比想象中細條。價格方面，今次享買一送一優惠，眼見唔少客人都用此優惠。若冇此優惠，就唔係太抵啦。…Read More

買二送二優惠，所以價錢算超值，再加錢食斧頭扒，四位用，我們聽從店員建議點五成熟，但都係太熟，且有點硬，可能同店員燒得太耐有關，所以我寧願食普通牛柳好過。buffet bar算係咁，選擇唔算多，但應有嘅海鮮、湯、沙律、刺身、甜品及咖啡茶，你都可以找到，味道算唔錯。尤其凍熟蝦，大隻之餘，肉質亦鮮甜彈牙。環境及服務亦算滿意，但可能位處偏僻，在觀塘Nana hotel樓上，行過都唔會留意到，所以客人真係唔算多。…Read More

位於京瑞廣場二樓角落嘅食店，唔熟路根本找唔到。所以做街坊及附近打工仔生意多。午市多數爆滿要等位，晚上就冷清清啦。茶餐廳價錢，特惠午餐最受歡迎，有菜，有湯，有飯兼小菜，仲包埋飲料。最重要是連夜晚都可以叫午餐，我就覺得超值啦。加上味道唔差，尤其蒸魚，原條上，大大條，一般茶餐廳只得半條。所以當咗食堂，只是款式選擇唔多，轉變唔大，食得多都有點悶。另外，雞煲都唔錯，唔會俾其外以雞煲自居嘅店鋪輸蝕。但光顧嘅人客都係選擇午餐多，抵食。…Read More

見門外及店內都有唔少人客，想都唔想便入內光顧。裝修及服務方面，以茶餐廳質素算合格。食物方面，麵等咗好耐先上，可能放得太耐，麵已變得難吃。沙茶牛肉味濃，牛肉一般。奶茶唔算滑，茶亦唔香，但還可接受。腸仔及炒蛋應該唔係即煎即炒，炒蛋完全唔滑，腸仔好似冇煎過一樣。多士帶點硬，亦唔夠熱，似一早整定的口感。加上收費唔算平宜，我就覺得性價比低。不過可能附近冇乜食店選擇，所以都有唔少人光顧，無計，難怪香港人會北上消費。…Read More

可能太忙啦，要找服務員招呼都好困難，叫咗幾個女服務員，都係敷衍了事，應咗就算。好彩有個男服務員係百忙之中都肯幫我哋攞餐具。服務方面真係要培訓下，真係唔覺處理客人要求，要浪費佢幾多時間。叫咗二人餐，份量足，如果細食，足夠三人食，令人滿意。味道亦唔錯，全屬中上水準。只係泰式火鍋唔夠滾，只係微暖。等到半小時後，都已食完，先開始有點熱，真係要改善下，點解唔先煲滾才送餐俾客人呢另外點咗個燒魷魚，味道唔係差，但份量相對少，唔算抵食。整體而言，值得再光顧，有多些優惠就更吸引啦。…Read More

母親節前夕，預咗多人，所以要訂枱，以為佢已爆滿，原來二輪(8點後)仲有唔少桌空置。預咗選擇少，唔係點套餐，就係點餐牌有限嘅餐。環境及服務預咗比平時差。最接受唔到係你坐嘅凳同餐具都幾污糟。母親節套餐，大多比平時嘅水準差，只有龍蝦伊麵及蒸魚較佳。燒鵝最差，皮唔脆肉硬。海螺湯：居然全煲只得兩粒海螺碎。另外叫嘅鮑魚雞煲：雞肉切得超細，完全冇口感。汁亦偏鹹。人多仲可原諒，人唔多都要催幾次才上埋「鮑魚冬菇扣菜」。其他菜品已享用完，一直呆等多差唔多半小時才上齊菜，真係令人費解。…Read More

米芝蓮推介，當然有所期望。今次專誠來元朗這間人氣茶樓飲早茶。環境一般，坐得唔太舒服，有點逼。服務與一般屋村茶樓質素差不多。食物方面，點心質素優劣參半，鳳爪唔入味，叉燒包難食，好似濕咗水咁好黏可糊。但好食嘅亦有蝦餃，燒賣、馬拉糕及魷魚。尤其馬拉糕好鬆軟，好有蛋黃味，但偏細份。最後，點咗老闆推介嘅燒鵝，好似老闆所講，鵝肉充滿肉汁，但皮唔夠脆，亦冇乜滷水汁，整體唔算特出，未有一試難忘嘅感覺。推介：蝦餃、燒賣、馬拉糕…Read More

友人推介，路過當然入去試下。店鋪環境舒適及衞生程度，比一般茶餐廳好。服務員唔算太粗鄙，對客人亦唔會太冇禮貌。下午茶時間，唔食下午茶餐都對唔住自己。豬扒包包面唔夠脆，豬扒亦唔算厚，但即煎有汁，算合格。炸薯條雖然係粗條但口感一般。西多士味道正常，但太薄身，冇傳統老牌茶餐廳嘅風味。奶茶反而好一般，茶味唔出，亦唔夠滑。整體而言，比好多茶餐廳好，價錢亦唔係貴好多，但未到必食之選嘅程度。下次可試埋即炸大雞髀。…Read More

食物味道中規中矩，冇乜驚喜，比內地分店差。尤其肉夾饃皮唔夠脆，令人有點失望。但勝在經濟實惠，性價比高。店內環境又點擠迫，但員工態度良好，沒有因為人多而趕顧客走。值得改善嘅地方，就係要增設攞票系統，而非令顧客別無他選下排隊入店進食；可能想製造人氣嘅感覺掛，但就真係令顧客唔方便。…Read More

有新店開張，當然要試吓啦。位置在死角位，唔特登走過去都見唔到。店內有點擠迫，但小店地方有限，冇計啦。望落似主打日式拉麪，但又有中式小菜，真係唔知開邊飯。炸物唔算出色，炸雞塊唔係即炸，仲要唔熱，有點失望。拉麪方面，鰹魚湯底，味道濃郁，唔錯，可跟據自己口味，選擇濃啲或淡啲湯底。麵質算合格，材料唔算多，可能將貨就價。唔使60蚊，經濟實惠，開業期間仲送小食，抵食。…Read More

對比圓方其他食市，唔算貴，服務環境亦可接受。但食物味道真係有很多改善空間。滷水拼盤: 大豆芽放底，應該流出唔少水份，令豉油沖得極淡。滷水亦唔夠入味，但唔難食。豬肚雞湯：超熱夠火候，材料充足，但偏鹹。蠔仔粥: 一碗已夠食，經濟實惠，材料夠，粥底再多些就更滿意。炒魚麵: 炒得唔平均，有些冬菇超咸，但整體滿意。煎牙魚：煎得唔夠，唔夠脆口，雪藏味未去清。最吸引反而係前菜，比好多潮洲菜館好吃。…Read More