yumyum852's Profile

不久前發現呢間小店，今次巳經第二次去食😋翻開menu已經睇到呢間店好特別。闊麵係「手製」，醃肉係「自家製」，亦留意到店主對食材來源有要求。跟餐有得揀免費自家製凍水果冰茶或凍冷泡玄米茶，真係好適合消暑！**薯仔洋蔥青瓜甘荀沙律** 跟餐+$12本身好鍾意食薯仔沙律，於是加錢試下。比想像中細份，但係好好味😋 口感好特別，洋蔥、青瓜和甘荀係爽嘅，薯仔就軟嘅，真係一流嘅配搭👍🏻**番茄汁鳳尾虎蝦菠菜配手製闊麵** $71有得揀辣唔辣，我揀咗唔辣。自家製嘅闊麵果然係好彈牙👍🏻番茄醬好清新，加埋三隻虎蝦份量啱啱好 😊*豚肉生薑燒+日漬溏心蛋* $65午餐先有，上次晚餐來冇。選用黑毛豬，真係性價比超高嘅生薑燒。必試🤩*自家製醃肉、菠菜葉及車打芝士手作薄餅* $91冇影相，因為見到即刻想食😂超好味嘅薄皮pizza! 係我食過嘅pizza 之中差唔多最好食嘅。用料靚，味道都好！*厥餅*食埋靚甜品，真係好滿足！味道係甜甜地、有啲煙韌，好特別，不妨一試👍🏻留意食飯係限在60分鐘，同埋有最低消費。…Read More

聖誕節路經呢間餐廳，外面睇來黑漆漆，入咗去發現原來有隱世美食！頭盤點咗松露磨菇湯，雖然松露味不重，但啖啖磨菇碎，真係好正！麵包新鮮，配上自家製忌簾醬，味道令人難忘！主菜sea bass 好大塊、啖啖肉！同行朋友嘅主菜都好食。羊架都整到啱啱好，配上特製薄荷汁，一流！牛扒配芥末，味道不錯，只係牛扒有部分比較多肥膏。跟餐仲送西柚soda 聖誕特飲（或茶、咖啡）和朱古力甜品。聖誕特飲甜得來有少少西柚嘅苦澀，都幾特別。朱古力甜品非常精緻，有濃郁嘅朱古力味，啱晒熱愛朱古力嘅我！有機會一定會再去呢間高質西餐廳！…Read More

喜愛中東文化嘅朋友邀請我去呢間新開嘅餐廳試下波斯菜。一到餐廳，我們便被各樣別緻嘅中東風格裝飾深深吸引，店主嘅熱情招待亦令我哋好難忘。我們嘅頭盤有波斯豆湯同埋橄欖藜麥沙律。豆湯真料實料，含有豐富蛋白質，絕對係健康之選。橄欖藜麥沙律嘅調味出眾，一試難忘，令我們非常驚喜，絕對係必定要試！這間餐廳的主打是烤肉薄餅，我們當然都要試下兼有烤羊肉和烤牛肉嘅薄餅（或者可以配飯）。薄餅係即叫即整，配埋薯角同、青椒同滿滿中東香料味嘅釀葡萄葉，令我地覺得不枉此行！食飽，飲番杯好甜又有薄荷香味嘅茶，真是人生一大享受。很難得在soho找到間寧靜舒服嘅餐廳，而且食物又新鮮好味！誠意推介俾各位！…Read More

在附近吃完晚餐，跟朋友聊天意猶未盡，又不想喝酒，於是來到這間餐廳食刨冰。餐廳座位數目唔多，但由於時間尚早（八時左右），唔使排隊都有位（不過入座後10分鐘左右就已經見到有幾個人等位）。是日選擇是櫻花刨冰，不過朋友話之前食過綠茶味比較好吃，我地就揀咗綠茶刨冰分甘同味(留意最低消費係$35 )。刨冰嘅份量比預期大好多，中間仲有焦糖味，同朋友邊食邊吹水，真係好開心。食到九點幾，因為餐廳外面有人等位，我哋就要讓返個位出嚟。…Read More

經常食好西嘅朋友極力推薦呢間餐廳嘅set lunch，仲叫埋我地一起來試試。由於餐廳座位不多，而且個setting係做貴價私房菜（晚市），我同一行五人來到要和其他三組人分享一張大枱。點了叉燒蛋飯、粟米魚飯、番茄焗豬扒飯、 牛枊粒飯和當日嘅鋒一碟「魚翅撈飯」。雖然「魚翅撈飯」以外嘅小菜聽落平凡，但我地一試就知味道非同凡響。叉燒嘅肥瘦適中、肉質靚，不過我就唔會特別推薦來呢間食呢道菜，因為仲有更美味嘅選擇。粟米魚嘅炸魚同粟米汁分開上，好味過平時浸到軟淋淋嘅粟米魚好多倍！番茄焗豬扒飯嘅醬汁有濃濃嘅鮮茄味，比連鎖快餐店食用嘅好味好好好多。牛枊粒飯嘅用料和調味都是極佳，喜歡食牛肉嘅人士必定要試。最令我念念不忘就是我生平第一次食到嘅魚翅撈飯，估唔到百幾蚊就可以試到落足魚翅同蟹肉嘅魚翅海撈飯。唔知餐廳幾時會供應呢道菜，如果你到訪果日有得揀，我極力推介大家試下！…Read More

今朝在公司一直好忙，直到下午二點幾先有時間食飯，決定食番個豐富下午茶餐慰勞一下自己。呢間茶餐廳嘅下午茶選擇都算多，我決定試下比較特別嘅美極生炒牛肉飯（$42），同埋一杯熱奶茶（熱飲不用加錢，凍飲加$3）。生炒牛肉飯送來時熱騰騰，味道都不錯，我很快就食完整碟，雖一美中不足是牛肉同瓜的分量略嫌少。飲埋杯奶茶，我就滿足地趕返公司做野😌。呢間餐廳嘅下午茶除左有少少貴，整體都唔錯，我誠意推薦比各位街坊朋友！…Read More

Weekend訓飽先起身，遲左食早餐，二點幾先想食lunch，記得之前經過呢間餐廳有個好大嘅廣告牌寫住下午茶八折（見下圖），於是打算來試試。來到餐廳都好多人，不過好彩㩒左飛稍等約五分鐘都有位。喜愛飯同牛肉嘅我決定試下個燒和牛粒丼餐，包括一碗含牛肉粒、半熟蛋和配菜嘅飯，一碗湯，一細碟沙拉，生蛋同埋一條串燒，下午茶八折左只係$46，冇加一。和牛粒飯質素好高，個餐又咁豐富，真係非常超值！我極力推薦呢個下午茶比大家！…Read More

這間餐廳於平日二點後、週末二點半後供應下午茶餐。我於平日二點左右到訪，一個人不用等都有卡位坐，且不用搭枱。雖然咁遲先食lunch，我都想有啖飯落肚，又想有菜有肉，仲想飲番杯奶茶提提神。最後揀左茄子肉燥飯餐，包括一杯熱奶茶，都係40.7元（計埋加一）。另加4元，仲可以轉飲台式特飲。落左order唔太耐，就有杯熱奶茶，味道符合預期。等多一陣，熱騰騰嘅茄子肉燥飯就到，醬汁濃郁，送飯一流。價錢一定唔係九龍灣最平，不過九展來講都算抵（特別係個餐都幾豐富），而且連鎖店有品質保證。推介給下午經過九展又想食飯嘅朋友！…Read More

約了兩位朋友來飯聚。朋友早一日巳在網上訂了晚上7:30，我準時到達，但竟然要等超過20分鐘才可以入座，不過好彩夜左少d人佢冇趕我們走。餐牌上有三樣野都係點菜時先知暫停供應，最後點左精選拼盤（近期特價98元）、手撕雞扎肉湯粉（冇影相）、蒜蓉炒椰菜苗同香茅豬頸肉撈檬和香茅豬頸肉撈檬蒜蓉炒椰菜苗。蒜蓉炒椰菜苗絕對是一個驚喜，因為炒得剛剛好，爽口而且調味好。精選拼盤性價比高，平平地可試四款越式小食。手撕雞扎肉湯粉味道不算突出但飽肚。香茅豬頸肉撈檬的豬頸肉比較乾，撈檬調味但比預期少香料。不過總括來說，這間餐廳平平地每個人110元以下，又坐得舒服，地理位置又優越，都算非常不錯。…Read More

九龍灣展貿中心附近茶餐廳不算少，但好食嘅卻難揾。屬連鎖集團嘅華星冰室可算係信心保證。平日十二點半左右都好多人，不過如果只係一兩個人來都揾到位嘅。我嘅選擇係價值47元嘅常餐，當中包括火腿炒蛋多士、叉燒通粉（可揀意粉）再配熱奶茶。火腿炒蛋多士真係算比較好食，叉燒通粉嘅叉燒味道都係非常出色，可惜叉燒份量偏少，熱奶茶味道ok、符合預期。47元一個常餐偏貴，但呢個都會係我想久不久來食午餐嘅地方。…Read More

見有openrice優惠(每人可用一張價值78元但可作100元用的優惠卷），跟朋友去吃午餐。我點了一份煎魚set，跟忌廉湯（加錢可轉龍蝦湯）及伯爵茶（34元內不用加錢，否則須補差價），朋友點了肉眼扒set，然後再一起分享了一份tiramisu，都只是每人約150元。餐廳環境很不錯，餐桌夠大，雖然可聽到隔離枱的對話，餐桌之間都不算迫。忌廉湯和餅乾條很快送來，餐湯忌廉味重，蓋過所有其他材料的味道，餅乾條味道也普通。煎魚算煎得剛剛好，不過好似沒有加什麼調味料，反而配上的飯好香。網上訂枱再在Facebook/IG like這間餐廳有黑松露味薯條送的，味道也不錯，可以試試。朋友點了肉眼扒和意粉，也覺得味道不錯。由於和朋友慶祝生日，雖然幾飽，都點了一份tiramisu 分享，開心一下。Tiramisu 細細件，同忌廉湯一樣比較重忌廉味，除左鋪左朱古力粉，都唔覺得似Tiramisu。如果係要揾個好環境週末同朋友傾計，這間餐廳本來都不錯。不過，到訪當天女廁冇水沖廁，地下又有一攤水，狀況極度惡劣。…Read More

星期六跟朋友在附近聽完音樂會，見這間餐廳不貴但看來不錯（美心旗下的），不用排隊都有位，便坐下來。我們點了辣茄汁自家製海鮮意粉、燒黑鱈魚和烤美國肉眼排，各多付30元加了冰茶和是日餐湯（磨菇忌廉湯），都只是人均200元左右，金鐘來說，算好抵食。由於很肚餓，送贈的新鮮麵包分量雖多，但我們不消一會便吃光了。磨菇湯落足料，不像其他餐廳般重忌廉味，非常好喝，且感覺更健康。辣茄汁自家製海鮮意粉比預期辣，海鮮也不算多，有些蜆殻是沒有肉的。燒黑鱈魚煮得恰到好處，沒有太生又太熟，唯一缺點是附送了一條魚骨。烤美國肉眼排雖最貴，但也最大份，而且牛肉多汁，配上芥末，真是一流，推介各位可以去試試！👍🏻最驚喜是餐廳也賣冇添加麵包，買了合桃包回去吃，味道也不錯！…Read More

一直未有機會到訪ICC，趁生日與家人去體驗一下在ICC居高臨下吃點心。由於早一日才訂位，星期日又較多人訂枱，餐廳在約位時已說明我們的入座時間只能是11:30-1pm。由於當日多雲，望出窗外是甚麼都看不到的！😅點了多款點心如叉燒酥、大良鮮奶脆鋼卷、叉燒包、鮑魚酥、叉燒腸粉、燒汁和牛烤包、荔蓉芋盒、棗皇糕，以50-100元一碟點心（棗皇糕則是15元一件）的價錢來說，食物質素不算出眾，性價比不高，可能因為價格包含我們未能享受的靚景，以及較為舒適的環境（可惜也只有一個半小時去享受）。…Read More

公司附近嘅餐廳選擇唔多，呢間算係其中一間比較近而又抵食嘅餐廳。食厭左樓下大快活，決定來法寶食下午茶。呢間餐廳好多位，下午兩點幾唔使等都有位。叫左波菜吞拿魚焗意粉、熱奶茶，等左十幾分鐘先有杯奶茶飲。由於要趕返工，要勞煩侍應催一催廚房先比隔離枱快少少有焗意粉食（上次食三文治同薯條都係要催先快少少有得食）。食品質素是ok的，特別係價錢都比大快活平，不過上菜真係太慢啦。…Read More

朋友建議來試試這間新開的餐廳，星期六中午十二時四十五分左右不用等便有二人座位。點了滷肉乾拌麵、原味蛋餅、外省牛肉麵（半筋半肉）、珍珠奶茶（熱的，因為我不太喝凍飲）。不消一會，整個桌子便堆滿食物，感覺像去了台灣旅遊！先試原味蛋餅，蛋香味濃郁，令人一試難忘！外省牛肉麵的麵很彈牙，湯底牛肉味道很香濃，只是牛肉牛筋的分量較少。滷肉乾拌麵跟外省牛肉麵的麵條似乎是一樣的，不過滷肉比預期多（不過肥肉也多...）。珍珠奶茶熱飲也不錯，珍珠仍是一顆顆的，沒有黏在一起，算是符合預期。雖一美中不足是用餐時間限制在45分鐘之內，太趕了！…Read More