shadowyyc的個人專頁

佐敦站行遠少少，去到呢間叫Kaprao嘅泰國餐廳。佢嘅菜單選擇都幾多，我哋嗌咗幾樣招牌菜試吓！冬陰功海鮮炒飯 ($88)個飯一上枱已經聞到好香嘅冬陰功味，食落有酸辣味不過唔算好濃🙈入面嘅海鮮都唔少，有蝦又有魷魚，每啖都食到料，好滿足！美中不足嘅係個飯炒得有啲濕，我哋中意食偏乾嘅飯😕豬肉生菜包 ($78)每次食泰國菜必點生菜包！豬肉碎炒得好香好Juicy，食落偏辣，中和咗油膩感！不過唔食得辣嘅朋友可能要加杯飲品🤣辣椒膏炒鮮魷魚 ($108)平時好少食辣椒膏炒嘅嘢，今次試吓覺得比想像中普通。魷魚調味唔算好入味，麵包嗰層炸粉有啲厚，食落口影響咗整體嘅口感。不過好在有好多配菜，例如洋蔥、彩椒等等🙈香蕉奶昔 ($38) & 原個新鮮椰青 ($38)香蕉奶昔好creamy，香蕉味好濃郁，甜度啱啱好，飲得出超足料😻椰青都好超清甜解渴！…查看更多

次次去尖沙咀都食泰國嘢、韓國嘢、又或者日本嘢，諗住有啲新意思咁啱俾我哋搵到咗呢一間專賣首設手切牛肉麵嘅特色舖！🐮手工沙嗲手切牛肉沾麵（火鍋）($68)望到餐牌嘅Menu，見到個名就好吸引！咁平嘅價錢竟然有得打邊爐！一上到枱果然冇令到我哋失望！人人一板手切牛肉，望落好新鮮~ 仲有三樣前菜 (番茄仔、滷水蛋、芽菜)送！！ 啲肉淥落沙嗲湯，食落都仲係非常嫩滑！！忍唔住另外再加咗啲手打牛肉😚另外個麵底都好好食，做到沾麵掛湯嘅效果，每一條都掛滿晒濃郁嘅沙嗲湯汁！由於太平嘅關係，忍唔住瘋狂叫小食🤩風沙雞翼 （2隻）($14)見到呢個名風沙雞翼，作為雞翼愛好者嘅我硬係即刻要試吓先啦！呢個雞翼食落非常香口！表面面鋪咗炸蒜，勁惹味！！台式鹽酥雞 ($38)鹽酥雞就不過不失啦！同平時食到嘅差唔多~不過佢勝在份量都幾多又夠脆口~麻辣美國肥牛片 ($30)係一款辣辣地嘅小食，鋪滿咗好多醬汁，不過肉質就相對上「鞋」🫣涼拌台灣百葉豆腐 ($9)溏心蛋 ($9)蠔油生菜 ($9)冬瓜茶 凍 (+$3)薑母茶 熱 (+$3)整體嚟講，食材足料又高質，價錢亦都非常合理！100分推薦大家去試吓！！🤤…查看更多

同朋友慶祝紀念日，特登揀咗我哋最鍾意嘅壽司店🫶🏻平日嚟唔算好多人，有得坐喺bar枱撐枱腳，睇住師傅握壽司🤩聽講餐廳嘅海鮮係每朝五點由日本直運到港，食落真係非常新鮮🙂‍↔️牛油果芝士三文魚卷 ($98)舖頭嘅招牌菜！食落去嘅時候果然冇介紹錯！牛油果同三文魚本身就係一個絕佳嘅配搭，再加上芝士嗰一陣入口即溶嘅感覺，食落去成個卷好Juicy好圓滿嘅感覺！🤤🤤三文魚壽司盛合 ($108)有五款三文魚壽司，包括三文魚、三文魚腩、火炙三文魚、辣味三文魚、三文魚小卷，魚油香非常出，食得出啲三文魚好新鮮，鮮得嚟帶微微甜味！三文魚腩特別驚艷！北海道刺身丼 ($198)入邊有三文魚、吞拿魚、油甘魚、三文魚籽，仲有海膽！超足料！係超豪華組合！每一件魚生都勁厚身勁鮮甜，海膽creamy無苦味！辣味三文魚手卷 ($28)本身都鍾意食辣味三文魚，見到呢度咁啱有，就嗌咗嚟試吓！食落個辣味三文魚感覺就好似唔太辣，不過佢嘅味道適中，最緊要啲飯都用足咗好多醋去搓，食落都好惹味！鰹魚醬油蕎麥麵（冷） ($48)蕎麥麵好彈牙，鰹魚湯汁鹹中帶鮮香，不過入邊冇配料，有啲單調…查看更多

話說咁啱同朋友仔喺APM行完街，搵搵下說俾我哋搵到有間西餐、評價都幾好，一於就去試吓🤤入到門口，裝修好似日本啲coffee shop style，有個開放式嘅coffee 吧枱😮Menu裏面嘅菜式款式都幾多！紐西蘭肉眼扒 ($178)賣相超靚！本身唔鍾意食太熟，所以就嗌咗四成，食落個肉質好軟腍，好有肉味，旁邊嘅配菜都好正！幾鍾意佢個薯餅，啖啖都係薯仔粒😋蒲燒鰻魚薄餅 ($138)難得薄餅上面可以加上鰻魚，見到感覺好特別，就嗌嚟試吓！薄餅個餅身好香口，薄薄地食落唔會太膩！同本身鰻魚嘅醬汁都好夾！甜得嚟幾好食~法式蟹肉海鮮龍蝦湯及酸種麵包($58) 店員大推嘅龍蝦湯！龍蝦湯入面好足蟹肉，都幾鮮甜！個酸種麵包超出色！好Crispy，浸落湯度食一流！香烤美國雞翼配青檸蜂蜜柚子醬配薯條（$58）呢個雞翼食落好開胃，柚子醬同雞翼好夾，香口得來亦好惹味！焦糖香蕉Oreo曲奇牛角窩夫配Movenpick雪糕（$78）焦糖雪糕配上香脆嘅窩夫，又脆又甜，配埋曲奇同埋Tiramisu雪糕一齊食好夾~ Espresso Citrus Vodka ($68)(Espresso (SOE), Yuzu, Grapefruit Juice, Vodka, Triple Sec)第一次試咖啡雞尾酒，感覺又幾特別！不過咖啡味太濃掩蓋左浸酒味，有少少可惜🫤開心果朱古力奶昔 ($50)朋友揀咗開心果朱古力奶昔！開心果好香好濃，同濃郁嘅朱古力好夾！不過比想像中細杯🫣我哋埋單臨走嗰陣，店員俾咗個coin我哋，有得玩扭蛋機換優惠券！我就好彩夾到小食券！朋友仔就冇🤣…查看更多

原來TOP 3樓有間好企理嘅燒肉放題！上到去揀咗個做緊特價嘅雨餐套餐，本身$1108/位，依家有半價120分鐘任食🥹抵好多~一埋到位，店員就送咗一板嚟自日本嘅A5和牛西冷比我哋🐮肉質超軟腍，的確同其他牛嘅質感好唔同🙂‍↕️另外呢個餐仲包咗油花四品和牛燒肉盛，每一款牛都有標籤，方便知道自己食緊咩類型嘅牛👍🏻朋友就話我知，和尚頭同埋三角腩都係油花比較足嘅肉嚟，入口即溶🐮試咗之外果然係咁！入口即溶，有黑毛和牛應有嘅質感！令朋友最驚喜嘅就係甜甜地嘅韓風瓷壺醬油牛肋肉，肉質好冧，好入味！香蔥薄切和牛同埋好彈牙嘅鮑魚都唔錯~ 個人超大推味淋魚干！！燒好後甜甜地好好食！送酒一流！同埋都幾鍾意食比目魚西京燒，甜甜地，食得出魚好新鮮，可以再encore ！呢個Set仲有其他款嘅肉同海鮮，包括M5澳洲和牛牛肩背、M5澳洲和牛腹胸等，不過明顯地啲肉就比較一般喇🙈🙈除咗肉仲可以嗌其他熟食，例如天婦羅或者章魚小丸子等等仲有好多特色甜品同飲品~…查看更多

咁啱要去開新蒲崗附近嘅工廈上堂，就隨意入咗一間望落唔錯嘅茶餐廳，一入到去光線都好足，餐廳內部比想像中大😮一坐低店員就大力推薦簡約晚餐，我哋就每人叫咗一份🤣上菜速度非常之快，我哋回過神來，已經發現成張枱都係食物🤣開胃小吃有醃蘿蔔、酸青瓜、木耳~廚師餐湯今日嘅餐湯係羅宋湯~煙鴨胸蘆薈沙律+牛油餐包清新嘅前菜，入邊有唔同款嘅沙律菜、青瓜、燒鴨舖，最驚喜嘅真係蘆薈粒！完全做到點睛之用，超抌本！吊燒香茅春雞 ($98)一上菜忍唔住哇咗一聲！🤩第一次試呢一類真係掛住嘅燒雞，入邊落足香茅同埋其他配料例如洋蔥粒、蔥等等，超惹味！！戴上手套之後就可以「手撕雞」，份量比想像中多，之後食唔晒都唯有打包🥲食落去香茅味十足，雞亦都唔會太嚡，真心好高質！性價比超高！仲可以生菜包肉食添！海陸空雜扒（大雞髀、安格斯牛串標、比目魚） ($108)有齊晒我鍾意食嘅肉🙂‍↔️牛串標煎到四成啱啱好，超軟腍，同時不失肉味🤩比目魚煎得啱啱好，唔會太乾🤔雞髀就相對上失色少少，比較乾身，同埋可能因為有春雞做比較，雞肉相對上嚡啲🫣
熱咖啡&熱鴛鴦…查看更多

返完一日工，同朋友突然好想搵間特別又坐得舒服嘅餐廳！第一次嚟到圓方3樓平台嗰度食飯，餐廳地下嘅裝潢好有酒吧feel，上層就似正式啲嘅西餐廳，坐得幾舒服！平日嚟講都算幾多人！🧐Prawn Pakora Basket ($118)前菜就叫咗炸蝦，炸得脆卜卜，仲送咗兩粒薯條波波，點埋印度風味嘅辣醬好惹味！可惜蝦肉調味唔太足，同埋份量比想像中少🥲Duck Confit Biryani ($248)大推呢款法式油封鴨香飯！用咗印度香米，米粒比較長身同乾身，都幾有口感！油封鴨腿肉非常嫩滑，配埋洋蔥番茄配料，絕對唔會覺得好膩！🤩Chicken Kadai (Queen) ($238)黃雞配洋蔥、番茄及印度綠辣椒炒製，食落去超重香料味，開頭以為係成隻雞，原來係切咗四大件嘅，食落去雞肉都好嫩滑好入味，不過就咁食可能會有啲鹹，味道都幾重，配埋naan食會好啲，可以中和下🫶🏻Garlic Coriander Naan ($30)有兩塊，蒜蓉味超重，點醬食一流！Salted Lassi ($58)聽聞係印度人好鍾意飲嘅乳酪飲品，可惜同我口味唔太夾，飲落有啲似芝士Old Fashion ($78)好經典嘅Cocktail，酒味比較重…查看更多

咁啱想食啲地道啲嘅鋸扒，之前都聽聞過呢一間鐵板餐廳好受歡迎，一入去嘅時候都差唔多坐滿晒！🫨鐵板餐嘅種類都好多，以份量同質素嚟講價錢亦都唔算好貴！😗每個扒餐都包咗一款扒、餐湯、飲品、仲有甜品添！我同朋友都想大大啖食肉！兩個都揀咗鐵板煎牛舌拼肉眼牛扒配薯菜 ($158)，仲叫咗忌廉湯、凍檸茶少甜少冰、而甜品就係花奶配啫喱！😍鐵板煎牛舌拼肉眼牛扒配薯菜🥩我哋分別叫咗三成同五成，同樣都係叫咗黑椒汁，唔夠汁仲可以添！肉眼牛扒比想像中厚身同大塊，食落唔算超嫩滑，但係勝在肉味好足！有兩塊大大牛舌，牛舌略嫌煎得唔夠焦，如果本身唔鍾意牛舌質感嘅可能會覺得好raw🫣花奶配啫喱好耐冇食過黑加侖子啫喱，仲要配埋花奶，童年回憶即刻返晒嚟😉入邊都好足料，仲有椰果添！…查看更多

新文華中心原來有間咁有泰式風情嘅餐廳！一入到餐廳，裝修好泰style，仲放置咗好多泰國嘅傳統雕塑🫣正宗曼谷"三口"船麵曼谷招牌牛船河（$32），曼谷招牌豬肉河（$32），曼谷招牌牛腩河（$32）聽店員講呢三款河嘅湯底係特製嘅！我同朋友仔試咗一下，覺得呢個湯底好濃郁！佢有少少類似越式嘅河粉，但係又有泰式嘅少少辣嘅味道，一次過滿足三個願望！🤤🤤牛奶烤豬肉（2串）（$38）店員特意講呢個豬肉串係用牛奶浸過嘅，認真唔錯！食落好嫩滑甜甜地，仲有陣牛奶嘅香味，配埋青瓜一齊食都幾夾🤔啖啖蟹肉奄列（$168）呢個蟹肉奄列好足料，超多蟹肉！！！不過調味上就一般，加埋醬料一齊食會好食啲！🫣泰式炒通菜（馬拉盞） （$98）呢個炒通菜調味好足！食落特別有鑊氣🤤 芒果糯米飯（$58）平時芒果糯米飯就食唔少，但呢個芒果糯米飯就結合左白糯米同黑糯米，兩者嘅質感唔同，再加埋椰汁，食落去互補起上嚟又好夾，總體嚟講好好食！👻斑斕神仙水 （凍） （$32）泰式香芋泡沫鮮奶（凍） （$38）Overall啲嘢食都幾地道！…查看更多

Happy Friday梗係想食餐好嘅！冇諗過有一間咁高質嘅火鍋店！好有氛圍感之餘，食物嘅選擇都好多，唔夠食仲可以不停加雞煲雞件添！最近餐廳做緊優惠，用半價就已經可以食到240分鐘和牛刺身海鮮火鍋，可以一嚐好高質嘅A4 日本黑毛和牛！😎仲包埋龍蝦添🥺食物嘅選擇非常之多，刺身、串燒、海鮮、牛都有得任食🥹一坐低嘅時候，我哋先食咗雞煲，好惹味，仲可以不停任加雞件，不過我哋想留肚食其他嘢😛食完雞煲揀完豬骨湯底，就送上一盤海鮮拼盤，入面有鮑魚、同埋其他可以任點嘅廣島蠔、帶子、蜆、蟶子等👍🏻作為海鮮迷，我都忍唔住瘋狂額外嗌海蝦，刺身、串燒、火鍋style都冇錯過😌個人覺得蟶子同埋蜆都唔錯，質素幾高，雖然可能有啲有少少沙，但係整體上都好有鮮味！食肉獸朋友就瘋狂嗌牛！我哋個餐包咗日本A4黑毛和牛同澳洲M5和牛，A4和牛明顯係滑嫩啲~冇諗過火鍋店都有咁多串燒！仲有清酒、燒酒、啤酒任飲！正🤩最後緊係要食埋雪條嚟收尾😙…查看更多

聽到萬里長城四個字，仲以為係食中菜，點知入到呢一間「慢理牆城」，發現其實係一間以綠色自然風為主題嘅cafe！四周都係充滿着童話風嘅裝飾，瞬間感受到濃厚慢活氛圍😌一坐低店員就serve蝶豆花檸檬水，又清新又開胃，真心貼心！👍🏻牛油果忌廉蟹肉意大利飯（淺綠) ($198)一見到嚿蟹肉球就忍唔住嘩咗出嚟！睇個樣好健康，食落先知咁邪惡！牛油果同蟹肉出奇地夾，忌廉汁濃郁但唔膩，飯粒有咬口，平時冇食開risotto有少少唔慣，感覺太硬🫣食食吓太有滋味，一啖接一啖，感覺份量細份咗啲🥲鴨髀打人牙骹軟（法國油封鴨腿脆炸薯條配黑加侖子汁）($248)鴨腿皮脆肉嫩，一咬就散，無想像咁硬！而黑加侖子汁酸甜解膩，薯條粗身脆口，食完真係會想再encore！兩道菜都心思十足，味道有驚喜，食物名有gimmick！價錢稍貴但值得試！…查看更多

同朋友喺尖沙咀行完街，突然好想食串燒，就喺厚福街度搵到呢一間樓上居酒屋🏮價錢都幾親民，最近仲做緊買酒配特價串燒優惠！😛活燒脆皮白鰻（$78）白鰻燒得外脆內嫩，味道鮮甜，入口即化，絕對係全場亮點之一！🤤一口牛舌芯串（$78）一上枱已經聞到香味，配上少少芥末，食落酸酸地，牛舌超級軟冧，啖啖肉有啲入口即溶嘅感覺，真係幾正！🐮日本黑豚腩肉（$38）鹽燒做法，豬肉本身已經幾入味，鹹香啱啱好，食落完全唔膩口～🐷燒雞皮蝦（$48）呢個組合幾特別，蝦本身有水份，不過成體偏乾身。雞皮就吸晒d調味料，令蝦肉都變得好入味，口感層次分明！🍤雞腿肉（鹽燒）（$32）雞肉燒得好入味，唔會太咸，啖啖都食到鹽燒香味，肉質又嫩又多汁，幾有驚喜！🍗三色雞頸肉（$38）比雞腿肉更好食！肉質特別軟嫩，唔會柴柴地，食落好香口，推介畀鍾意食雞肉嘅朋友～🥢蘆筍豚肉卷（$38）盧荀新鮮爽口，豚肉主要做調味，兩者配埋一齊啱啱好。盧荀可以解豚肉嘅油膩，食落去完全唔覺heavy，幾有層次感！🥓🥬雞膝軟骨（$28）正常水準，其實就係平時嘅雞軟骨，不過燒得好有炭火香，咬落去脆卜卜，燒烤控應該會鍾意！🔥鰻魚炒飯 （$98）用咗好多鰻魚汁去炒，最緊要係好足料，好多鰻魚粒，食落好入味！聽講師傅以前係做開鐵板燒，所以炒得特別惹味！不過美中不足嘅係整體偏濕，爭少少火候🥲Asahi Beer x2 ($56)總括而言串燒價錢同出面差唔多，但好多選擇，食材好新鮮！特別推介牛舌芯串同白鰻，Juicy得嚟又好有烤味！最緊要係呢間居酒屋真係好有人情味，特別推薦一啲返工好忙好辛苦想嚟傾吓偈嘅朋友仔～…查看更多

想搵個地方同朋友靜靜地食日本嘢，呢一間係正鬧市中嘅樓上居酒屋就啱晒！餐廳都好有日本feel，見到有啲位仲設計成「包廂」，雖然我哋唔係坐嗰邊，但都坐得好舒服～🤓每款主食都配有清爽嘅味噌湯～.現燒火炙薄燒A5和牛壽司（1件） ($78係奢華嘅享受！🤤雖然貴少少，但塊和牛真係入口即溶，油脂香爆晒出嚟。如果份量可以多少少就perfect啦！🥺特盛海鮮丼 + 味噌湯 ($88)每件刺身都有一兩塊，包括三文魚、赤蝦、鯛魚、吞拿魚、玉子、蟹籽、蟹棒粒、青瓜粒等，雖然唔係話超高級，但以呢個價錢真係冇得彈！感覺好抵食！😙火炙三色飯 + 味噌湯 ($98)帶子鮮甜，左口魚邊燒到微微焦香，三文魚就保持到嫩滑。最正係佢哋自家調嘅醬油，甜甜哋好開胃，又唔會太鹹搶味😌…查看更多

平時嚟開油麻地會經過呢間舖，今次都算係第一次入去食飯！我哋七點幾入到去，幾乎都坐滿晒，需要同人哋搭枱🫣食物嘅款式唔算話好多，主要都同大豆相關，分咗幾種類型：蛋餅、豆腐、炒麵、腸粉、豆漿、豆腐花等，我哋就叫咗兩款蛋餅、魚肉豆腐、鐵板煎腸粉、老乾媽炒麵，仲嗌咗兩杯豆漿同埋一人一碗特色豆腐花！肉鬆蛋餅 ($38)肉鬆蛋餅入邊有啲蘿蔔，咬落去更加有口感，感覺上更健康！鹹牛肉芝士蛋餅 ($38)鹹牛肉芝士味重啲，食落更惹味，啱晒我呢一啲食肉獸！🤤鐵板蛋煎腸粉 ($26)坐低嘅時候見到對面個叔叔食緊，覺得好吸引就叫嚟試吓😗比起平時嘅腸粉，多咗少少烤味，用咗蛋漿嚟煎，再配埋我最愛嘅花生醬同少少甜醬，好啱我口味！😙試咗兩款豆腐花，一款偏中式，一款偏西式麥芽黑糖桃膠花生豆腐花 ($38)中式嗰款同一般嘅糖水有啲相似，每一啖都有啲桃膠，食落好有口感，再加豆腐花做底，感覺好健康！開心果豆腐花 ($42)話晒開心果都係最近嘅熱潮，緊係要叫番開心果豆腐花試吓！海量嘅開心果醬，配埋開心果粒上面，食粒啖啖都係開心果，超滿足！🤤不過食得多可能會有少少膩😵‍💫魚肉煎豆腐 ($28)魚肉豆腐相對上就普通少少，一小塊魚肉喺豆腐上面，開頭以為有啲似煎釀三寶嗰種，但係夾起嚟嘅時候就會散晒，要加多少少豉油先夠味，相對就失色少少🫨老乾媽炒麵 ($36)落咗好多老乾媽嚟調味，都幾惹味，食到底可能會鹹少少🫣薑汁豆漿 ($22)杏仁豆漿 ($22)…查看更多

次次夜晚唔想食咁Heavy，第一時間就會諗起泰國菜！作為泰國菜嘅忠實fans，今次呢間餐廳真係要俾足一百分！💯餐廳嘅裝潢唔算係好傳統嘅泰國氛圍，入邊都播住廣東歌，但係食物真係抵讚！👍🏻Mojito Pineapple ($98) + Long Island ($128)冇諗過喺泰國菜餐廳都可以叫到Cocktail ！朋友本身飲開酒，都大大力推薦呢杯Mojito Pineapple！！！飲落非常清新，薄荷味好好咁中和咗酒精嘅濃度，冇飲開酒嘅我都覺得好易入口！🤩Long Island就相對上味道較濃，冇飲開酒就可能唔係幾慣🫨泰式生蝦 ($148)啱啱好6隻生蝦6隻炸蝦頭👍🏻生蝦好鮮甜，配埋泰式酸辣汁、生蒜同辣椒粒，超惹味！炸蝦頭脆卜卜，有啲仲有少少蝦膏，大推！！！💯泰式肉碎生菜包 (豬肉) ($98)每次都係我食泰國菜必點嘅項目！調味相對清淡，唔會好辣，感覺同我口味幾夾！生菜真心值得一賺！超新鮮！食落去甜甜地，睇得出用料好好！！🫶🏻🫶🏻芒果蟹肉炒飯 ($108)食落去相對淡口啲，不過每一啖都係蟹肉，超足料！！芒果超新鮮！做到一個中和嘅作用，令到呢碟炒飯更加有特色！🤤泰式蠔肉蛋餅 ($138)係泰式嘅蛋餅，入邊滿滿都係蠔仔，超足料！🥰仲可以點埋旁邊嘅辣醬，食落就冇咁膩🫣整體而言真心高質，啱晒一大班fds一齊嚟食好嘢😙😙…查看更多