小杏's Profile

好鐘意食中式o既糊類甜品，所以見到呢間擺明叫「糊」o既甜品店，毫不猶豫就衝入去。睇定餐牌，招牌糊類甜品好大路，少見d o既都可以算係腰果糊。好！就試下啦。上檯。金黃，仲好似見到有d粒粒，到底係自己鮮磨o既證據定係代表磨得唔夠滑呢？anyway食落口試下先知。入口。唔太甜，唔太算我杯茶(我比較鐘意偏甜)，但最重要都係食唔到腰果味。唔香。而且食落去有d「熱氣」o既感覺，食完好口乾。唔係想刻意比較，但係真係突然明白點解滿記可以做到開晒成串分店。原來甜都有「深度」。…Read More

試o左綠茶紅豆糯米糍，一次過滿足綠茶癮同糯米糍癮。表面係白色粉粉，同其他有椰絲唔同(其實我想有椰絲多d)，咬落去似草餅feel，都係煙煙un un。入面就係cream餡+粒粒紅豆，口感ok！不過味就一般：綠茶味果然唔夠，紅豆味都ok。overall係一般o既好味。都係個句，未至於一試難忘！$5一粒，因為唔想食3粒。(可幸無買3粒咁多)…Read More

屯門新墟有一間都係叫「時代荳業」，我係俾呢間分店(suppose係)評語。試o左雲片糕($3)~每次經過望見都覺得佢個texture會似椰汁馬豆糕：2片白色o既糕夾住一層薄薄地黃色o既糕層。食落先知原來係好有口感！外面白色o既好似乾o左o既棉花糖，甜甜地，中間就應該係一般甜糕饀。唔難食，不過就無令人一食想再食o既衝動，所以我食o左半個就掉o左lu~仲食o左綠豆糯米糍($3)，so far食o左幾間糯米糍，覺得係有2種唔同style：一種就真係煙煙un un，一種就好似奇趣o既香蕉糕咁，一食唔痴牙，咬落去淋身甜到爆。我覺得2種無話邊隻好d，好睇個人口味。呢間係後者，咬開綠色o既糕身見到o既係好靚仔o既綠豆蓉。正~$5/2件，不算貴但我又唔覺要用「抵食」形容。…Read More

仲記得第一次食雞仔餅係奇趣o既出品，外面小小趣入面煙un un咁，好得意。有d懷念呢種味道，但又唔想買咁多，就買o左大班o既雞香酥，$5.5有10件，ok抵。不過，第一啖食落去，就覺得「中計」！原來佢係脆口o既！咬落去係好脆好脆，有d硬。不過入面d料就好足好好食，有豬肉同南乳之外，仲有瓜子同芝麻，仲越食越好食~口感同奇趣好唔同，不過都係好食。食得過~~~~…Read More

都係餅癮發作個陣買ｏ既～仲要係我呢期ｏ既favorite綠茶味~$6/8片，薄薄的一片但都夠大塊，價錢ok合理:)食過多種綠茶製品，呢個係惟一一個有清香綠茶味o既食品~~~入口係好香o既茶味，微甜，更突出茶香。值得推薦！…Read More

餅癮發作，買ｏ左奇華ｏ既蛋白杏仁趣寶。＄５／５０ｇ，都ｏｋ，唔算貴。好脆，口感幾好。甜味係十分甜，食得好甜ｏ既我就好鐘意：）杏仁味好重，不過係舊式杏仁油個種杏仁味。ｏｖｅｒａｌｌ我覺得好好食～之前食過海苔趣寶，都係好甜好好食，不過就係好香ｏ既海苔（有ｄ似紫菜）ｏ既味道。食到停唔到口！…Read More

經過尖沙咀o既健康快線，想飲火麻仁。不過係雪櫃見到一枝枝500ml賣$16 o既飲品，有芝麻合桃露、火麻仁、杏仁茶等。最後揀o左第一樣。佢個成份寫明有白芝麻、黑芝麻、合桃、花生、糖同水。一入口，未feel到；不過飲o左無幾耐，就taste到好香好香o既芝麻味。口感好滑，芝麻香，唔會過甜，arm arm好，最重要係我覺得芝麻同合桃麵好補！最美中不足係價錢，$16有點貴呢！…Read More

我個人係榮華o既粉絲，除o左因為對傳統中式小食情有獨鐘外，亦因為榮華經常有好多breakthrough之作。傳統老婆餅我唔太buy榮華o既style，不過就好buy佢有好多唔同口味o既摩登老婆餅。有紅豆蓉、綠豆蓉、栗子蓉、蓮蓉、仲有呢個好多好多。我試過綠豆蓉同蜂蜜綠茶，口感就係食緊酥餅一樣，綠豆蓉少甜，好食。蜂蜜綠茶好香蜂蜜味，不過就食唔出綠茶味，講真有少少失望。可惜o既係呢d特色老婆餅無得散買，一買就買成半打至9個，都係同一個味，價錢都唔平，平均$6~7一個。不過我今次係好好彩俾我見到佢散買於是以$7一個買o左呢2個。如果可以試多幾款就好lu~…Read More

因為工作關係經常會食呢間餐廳，但係佢個menu一星期七日set死晒，個個星期都係食同一個menu，好悶~有一個星期唔想食set lunch(因為都係個d野)，就叫o左special set menu(貴d個d) o既焗飯。上餐湯個陣，無送到餐包，我就問個waitress要番，佢o既回答係：「呢個餐淨係有湯無包ga wor！個餐牌寫明送餐湯無話送養包！」我去問個經理，都係一樣o既回答。我同佢講，佢普通o既set lunch都淨係寫「送餐湯」無話「送餐湯及餐包」但係都會送埋包俾客人。個經理望o左個餐牌一陣，呆o左一呆，又好機械咁重覆番同一番說話，死撐加o左一句：「呢個餐本來淨係做晚市ga ja…」我心諗，咁我咪要好多謝你做埋lunch俾我可以食到個無餐包o既餐？最後我都係要give up。其實本來都唔係咁堅持要同佢理論，但我上個係樓上間同集團o既紅樹林食過一樣o既餐，佢都有俾包ga，點解同一集團practice可以咁唔同？最重要係經理o既態度俾我感覺好死撐，完全唔sincere，解釋唔到俾我聽點解兩個餐都無寫送包就可以一個送一個唔送(仲要係貴d個個唔送lor)平心而論食物係ok o既，不過服務真係要改進。除此一役外，平時亦係經常性漠視在呼喚o既客人、上菜慢、上錯菜…etc。再係咁就真係無人會幫襯。…Read More

唔係講笑，奇華o既龜包可能比佢d月餅仲出名我個人真係超鐘意呢個包！本身係好鐘意食包，尤其係較有口感o既包。龜包完全fit晒我口味！佢夠「硬身」，食落口口感十足，而且好香vanilla味，好好食。龜包係奇華賣$4.5一個，但係seven都有得賣，前排仲特價，$4一個，$7.5兩個，有一d就黎到期就賣$3一個，真係抵到笑。…Read More

食過奇趣幾樣野都好ok~光酥餅：招牌貨，我放o左成個星期都仲係咁軟熟，食落去好香奶味，一d都無牛油o既酥味，亦唔會食到口都乾晒。不過就係太軟所以唔係my favourite，我比較鐘意硬身些少o既~香蕉糕：因為我極嗜甜，所以超buy呢個香蕉糕！甜度十足，口感好特別，林得黎唔黐牙，好有水準！老婆餅：食過晒榮華、恆香，反面最鐘意奇趣o既老婆餅！都係因為我鐘意有口感o既餡；榮華、恆香個d入面好似糯米糍feel o既餡唔係太好食，even係熱食，但奇趣個d係傳統冬蓉餡，實d d，好有口感，又夠甜，正！燒餅：試過食新鮮出爐o既紅豆燒餅，好好食，不過係普通o既好食~雞仔餅：好香o既南乳味，口感都ok。因為唔係太buy南乳，所以好少食雞仔餅，比較唔到同其他有咩唔同奇趣仲有好多好野食賣，例如棋子餅(無蓮蓉version，趴少見少)、蛋撻仔、嚒囉酥etc，都好想試。不過好似好難只買一件黎試，所以都一直未有機會~可惜~~…Read More

未試熱飲，又買o左抹茶系列另一款—芋香抹茶。個名exactly我唔記得lu，不過印象中佢係有3個重點：抹茶、香芋同埋奶。因為買番公司慢慢飲，所以叫o左走冰，店員好老實咁講分量會少d，ok啦~出到黎又唔係少wor~同無走冰一樣多~顏色係綠色(點解唔係紫色??)，飲落去，初頭會覺得淡淡地無咩味，飲落就飲得出好香o既抹茶同牛奶味，不過就完全無芋頭味。ok，唔難飲，不過唔係好special，似一般o既抹茶牛奶多d~~…Read More

優之威品一各都有杏仁餅賣，獨立包裝＄２８／ｌｂｓ。不過最近俾我發現有一罐罐棋子杏仁餅賣！不過唔係間間有，第一次係青衣買ｏ左，之後係旺角、尖沙咀都搵唔番，去到屯門終於搵到，好野～佢出ｏ左２隻味，綠茶同芝麻。２隻口感都係十分鬆軟，入面有粒粒杏仁，好好食。綠茶個隻真係好香綠茶味，勁！芝麻個隻入口有ｄ咸香，特別～２隻都唔太甜。＄１０一盒有３５粒（１５０ｇ），好抵食。…Read More

最新ｏ既綠茶系列有紅豆布丁綠茶（＄１２）、芋香綠茶（＄１４）同椰香綠茶（＄１４），冷熱同價，冷得一個ｓｉｚｅ（大）。試ｏ左第一樣ｏ既凍～好香ｏ既奶味！正！綠茶同奶真係ｍａｔｃｈ到爆，唔係太甜，ａｒｍ　ａｒｍ好。紅豆粒就好甜，不過分量都係適中，唔會令杯野太甜。反而布丁第一啖食個陣會覺得佢淡而無味，飲晒杯野食個陣先食得出好香好香ｏ既蛋味！凍飲好正，不過下次要，試下熱ｏ既～…Read More

見過其他食家對呢個包ｏ既食評，不敢抱太大希望，不過希望細驚喜反而大。個包身唔係同好多綠茶做，黃色ｏ既麵包有少許綠茶ｓｗｉｒｌ，不過就唔係好有綠茶味。包餡…好特別！係紅豆蓉加綠茶味ｏ既糯米糕，不過唔係好ｆｕｌｌｙ　ｆｉｌｌｅｄ，只係得半邊包有，味道就頗ｍａｔｃｈ。總括黎講一試無妨，不過二次光顧機會就細ｄ～…Read More