fattummybb's Profile

就嚟係冬天，諗住搵間餐廳同屋企人一齊食餐飯，預早做節，唔使到時同其他人一齊迫。諗住就腳就係返屋企附近食，叫咗幾個小菜幾碟餸咁樣，四個人都好夠食仲有剩😌😌仲可拎返屋企當聽日晏晝！另外今日嘅甜品係楊枝甘露，本身都唔係好鍾意食西柚嘅我，因為我怕會好酸，可能依度啲楊枝甘露好多芒果，食落去又唔會太酸好好食！不過我覺得應該有啲節日套餐囉，好似叫套餐食會抵啲咁，嚟緊聖誕節唔知呢啲酒樓會唔會有套餐呢？如果有嘅話就好了😌😌…Read More

有冇人同我一樣覺得今年呢個暑假過得好快？不知不覺街上面好多學生哥，明明黃埔附近得嗰幾間學校點解都咁多人嚟呢度食嘢😅😅😅難得放假諗住少啲人，點知原來同我假日嚟都冇咩分別，可能近排做咗好多優惠掛🧐🧐講返正題，個雞都唔錯嘅，不過我比較鍾意佢個醬汁，喊都同甜度都啱啱好，重要啲紅蔥頭勁香口，不得不讚嘆一下🥰🥰🥰不過估唔到而家啲後生仔都鍾意黎飲茶，開始覺得自己好老了😅😅😅Btw, 隻雞太大食唔晒拎咗返屋企夜晚加送😅…Read More

呢排公司Work from Home，無聊所以Tea time嘅時候係屋企附近周圍行吓，黎食下新鮮出爐嘅蛋糕😂😂勁抵食囉十令廿蚊有個蛋糕有嘢飲，無無聊聊咁就一日，然後又要再返屋企面對現實做公司野。😌😌不過呢排係咪都多咗Work from Home，好似平日街道都好多人咁，希望疫情快啲好返可以唔使戴住口罩周圍食嘢😙😙😙…Read More

自從上個月嚟咗食之後一直都好想過嚟食多次😂😂真係覺得上次嗌得太少嘢食😂😂今次叫到成枱都係餸，但係都係得兩個人食，結果最後都係食唔晒要外賣返屋企嘅🤭🤭見到Menu上面有圖嘅都好想食，唔知係咪太肚餓嘅關係，真係每樣嘢都好試吓，好彩有朋友陪我一齊癲😂值得一提嘅係我覺得依度嘅杯杯碟碟好靚，好友嗰種傳統中國畫嗰啲感覺🤗同朋友輕輕鬆鬆又過咗一個下晝，又要面對現實努力工作了！話說嚟緊父親節唔知有冇父親節Menu呢？見佢哋環境幾好同爸爸黎應該影相幾靚☺️…Read More

屋企人放假一齊嚟食點心，依個馬拉個位我食過最好食嘅😂🥰🥰🥰勁鬆軟有彈性，又唔會過分甜，超級推介👍🏻雖然等位要等耐啲，但係啲嘢食都幾大份超級抵食👍🏻…Read More

放咗學同同學嚟食飯，諗住求其嗌啲飯嗌個點心咁，點知個飯黎到原來係咁大份，啲點心都要打包拎走😂😂😂唔知係咪我哋細食啦，個飯真係好鬼大，我諗如果你想食到好飽嘅話叫呢個飯就冇錯㗎啦😂😂依家仲有下午茶優惠，呢個飯真係好鬼抵食🤤…Read More

行完展覽會過嚟諗住食下野，見到佢門口幾靚就入咗嚟。自己一個叫得唔多嘢食，淨係叫咗幾碟點心，呢個燒賣最有驚喜，都真係幾大粒，入邊都有兩三隻蝦🤤🤤🤤如果下次叫埋朋友嚟就仲好，可以share一齊食，叫得多啲嘢食。可能今次係下午茶時間嚟，比我想像中平，叫咗幾碟野都係$100左右。食完飯就過隔離商場行吓，不過呢邊都比較商業區，我都係鍾意喺銅鑼灣行多啲😹😹😹😹…Read More